ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴻⵍⵍⴰⵍ ⵉⴳⴻⵔ-ⴷ ⵜⵉⵖⵔⵉ ⵉ ⵙⵧⵏⴰⵜⵔⴰⵛⵀ ⴰⴽⴽⴻⵏ ⴰⴷ ⵜⴻⵙⵙⴻⵊⵀⴻⴷ ⴰⵅⴻⴷⴷⵉⵎ ⴷⴻⴳ ⵓⵙⵙⴻⵏⵇⴻⴷ ⴷ ⵓⵖⴻⵍⵍⴻⵜ ⵏ ⵢⵉⵙⴻⵔⵖⴰ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵍⴻⵜⵏⵉⵢⴻⵏ ⵉ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵒⵉⵜⵕⵓⵍ ⵙⵧⵏⴰⵜⵔⴰⵛⵀ ⴰⴽⴽⴻⵏ « ⴰⴷ ⵜⴻⵙⵙⴻⵊⵀⴻⴷ ⴰⵅⴻⴷⴷⵉⵎ-ⵏⵏⴻⵙ » ⴷⴻⴳ ⵓⵙⵙⴻⴱⵇⴻⴷ, ⴰⴼⴰⵔⴻⵙ ⴷ ⵓⵙⵏⴻⵔⵏⵉ ⵏ ⵓⵃⵔⵉⵛ ⵏ ⵢⵉⵙⴻⵔⵖⴰ.

« ⵍⵄⵓⵍⴰ-ⵏⵏⴻⵖ ⵡⴻⵔⵄⴰⴷ ⵓⵔ ⵜⵜ-ⵏⴻⵙⵙⴻⵏⵇⴻⴷ ⴰⵔⴰ ⵢⴻⵔⵏⴰ ⵡⴻⵔⵄⴰⴷ ⵓⵔ ⵜⵜ-ⵏⵖⴻⵍⵍⴻⵜ ⴰⵔⴰ ⴰⴽⴽⴻⵏ ⵉⵡⴰⵜⴰ. ⵢⴻⵙⵙⴻⴼⴽ ⴰⴷ ⵏⵖⴻⵍⵍⴻⵜ ⵉⵎⵓⴽⴰⵏ ⵉⵎⴰⵢⵏⵓⵜⴻⵏ ⴰⵢ ⴷ-ⵏⵓⴼⴰ. ⴰⵢⴰ ⵏⴻⵣⵎⴻⵔ-ⴰⵙ ⵢⴻⵔⵏⴰ ⵢⴻⵙⵄⴰ ⴰⵣⴰⵍ. ⵢⴻⵙⵙⴻⴼⴽ ⵙⵧⵏⴰⵜⵔⴰⵛⵀ ⴰⴷ ⵜⴻⵙⵙⴻⴼⵜⵉ ⵓⴳⴰⵔ ⴷⴻⴳ ⵓⵙⵙⴻⵏⵇⴻⴷ, ⴰⴼⴰⵔⴻⵙ ⴷ ⵓⵙⵏⴻⵔⵏⵉ ⵏ ⵢⵉⵙⴻⵔⵖⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴻⵏⵣⵓ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵢⵉⴽⴰⵜⴰⵔⴻⵏ ⵏ ⵓⵃⵔⵉⵛ ⵏ ⵜⴻⵥⵡⴻⵔⵜ.

ⵙⴻⵍⵍⴰⵍ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⴷ ⵉⵙⴻⵔⵖⴰ ⴰⵢ ⴷ ⵜⴰⵖⴱⴰⵍⵓⵜ ⵜⴰⵎⴻⵇⵔⴰⵏⵜ ⴰⵢ ⴷ-ⵢⴻⵙⵙⵉⴷⵉⴼⴻⵏ ⵉ ⵜⵎⵓⵔⵜ ⴰⵎⴻⵚⵔⵓⴼ ⴷ ⵢⵉⴷⵔⵉⵎⴻⵏ ⵏ ⴱⴻⵕⵕⴰ, ⵢⴻⵔⵏⴰ ⵜⵉⵎⴻⵔⵏⵉⵡⵜ ⵏ ⵓⴼⴰⵔⴻⵙ ⵏ ⵢⵉⵙⴻⵔⵖⴰ ⴷ ⴰⵢⴻⵏ ⴰⵔⴰ ⵢⴻⵙⵊⴻⵀⴷⴻⵏ ⵓⵍⴰ ⴷ ⴰⵙⵏⴻⵔⵏⵉ ⵏ ⵢⵉⵃⵔⵉⵛⴻⵏ ⵏⵉⴹⴻⵏ ⵏ ⵜⴷⴰⵎⵙⴰ ⵓⵔ ⵢⴻⵜⵜⴽⴰⵍⴰⵢⴻⵏ ⴰⵔⴰ ⵖⴻⴼ ⵢⵉⵙⴻⵔⵖⴰ ⴽⴰⵏ.

ⵎⴰⵙⵙ ⵙⴻⵍⵍⴰⵍ ⵉⵃⴻⵜⵜⴻⵔ-ⴷ ⴷⴰⵖ ⵖⴻⴼ ⵢⵉⴽⴰⵜⴰⵔⴻⵏ ⵏ ⵓⵃⵔⵉⵛ-ⴰ ⴰⴷ ⵙⵏⴻⵔⵏⵉⵏ ⴰⵙⵙⴻⵏⵇⴻⴷ ⵏ ⵢⵉⵙⴻⵔⵖⴰ ⴰⴽⴽⴻⵏ ⴰⴷ ⴷ-ⴰⴼⴻⵏ ⵓⴳⴰⵔ ⵏ ⵍⵄⵓⵍⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵍⴻⵎⵎⴰⵙⵜ ⵏ ⵓⵖⴻⵍⵍⴻⵜ ⴷⴻⴳ ⵓⵎⴰⴹⴰⵍ ⵜⴻⵍⵍⴰ-ⴷ ⵙ 105 ⵏ ⵍⴻⴱⵢⵓⵔ ⵏ ⵓⵒⵉⵜⵕⵓⵍ ⴷⴻⴳ 10.000 ⴽⵎ2, ⵎⴰ ⴷ ⵍⴷⵣⴰⵢⴻⵔ ⵜⴻⵙⵄⴰ ⴰⵍⴰ 14 ⵏ ⵍⴻⴱⵢⵓⵔ ⵉ 10.000 ⴽⵎ.

ⴷⴻⴳ ⵜⴻⵎⵙⴰⵍⵜ-ⴰ, ⴷⴰⵖ, ⴰⵏⴻⵖⵍⴰⴼ ⴰⵎⴻⵏⵣⵓ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⵙⴻⵍⵀⵓ ⵏ ⵓⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵃⵔⵉⵛ ⵏ ⵓⵙⵙⴻⵏⵇⴻⴷ, ⴰⴼⴰⵔⴻⵙ ⴷ ⵓⴼⵔⴰⵇ ⵏ ⵢⵉⵙⴻⵔⵖⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴷⴷⵓ ⵏ ⵜⵣⴻⵎⵎⴰⵔ ⵏ ⵢⵉⵅⴻⴷⴷⴰⵎⴻⵏ ⴷ ⵜⵜⴰⵡⵉⵍ ⵙ ⵓⴱⵔⵉⴷ ⵓⵚⵡⵉⴱ, ⵙⴻⵍⵍⴰⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵙⵧⵏⴰⵜⵔⴰⵛⵀ « ⵢⴻⵙⵙⴻⴼⴽ ⴰⴷ ⵜⴻⵙⵙⴻⴼⵜⵉ ⴷⴻⴳ ⵓⵏⵔⴰⵔ-ⴰ ⵖⴻⴼ ⵍⴻⵃⵙⴰⴱ ⵏ ⵜⵜⴻⵊⵕⵉⴱⴰ-ⵏⵏⴻⵙ ⵢⴻⵔⵏⴰ ⵓⵍⴰ ⴷ ⵙⵧⵏⴻⵍⴳⴰⵣ ⵢⴻⵙⵙⴻⴼⴳ ⴰⴷ ⵜⴻⴳ ⴰⵢⴰ ».

ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵙⵙⴰⵡⴻⵍ-ⴷ ⴷⴰⵖ ⵖⴻⴼ ⵜⴻⵎⵙⴰⵍ ⵏⵉⴹⴻⵏ ⴰⵢ ⵢⴻⵔⵣⴰⵏ ⴰⵙⵙⵓⴷⴻⵔ ⵓⵚⵡⵉⴱ, ⴰⴱⴻⴷⴷⴻⵍ ⵏ ⵜⴻⵥⵡⴻⵔⵜ ⴷ ⵓⵙⵎⴰⵍ ⵏ ⵢⵉⵔⵎⵓⴷⴻⵏ ⵏ ⵡⴰⴷⴷⴰ ⵍⴰⵖⴰ ⴷⴻⴳ ⵜⴻⵎⴳⵓⵔⵉ ⵜⴰⵒⵉⵟⵔⵓⴽⵔⵓⵔⴰⵏⵜ ⵙ ⵓⵙⵙⴻⵜⵔⴻⵔ ⵏ ⵢⵉⵔⵎⵓⴷⴻⵏ ⵏ ⵓⵚⴻⴼⴼⵉ ⵏ ⵓⵒⵉⵜⵕⵓⵍ ⴷ ⵓⵙⵏⴻⵔⵏⵉ ⵏ ⵓⴼⴰⵔⴻⵙ ⴰⵒⵉⵟⵔⵓⴽⵔⵓⵔⴰⵏ ⴰⴽⴽⴻⵏ ⴰⴷ ⵜⴻⵇⵇⴻⵍ ⵜⵎⵓⵔⵜ-ⵏⵏⴻⵖ ⵜⴻⵙⵙⴰⵊⵊⴰⵡ ⵉⴼⴰⵔⵉⵙⴻⵏ-ⴰ.