ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴰⵛⵓⵛⵜ ⵜⵉⵙ 3 ⴳⴻⵔ ⵍⴻⵣⵣⴰⵢⴻⵔ ⴷ ⵟⴰⵍⵢⴰⵏ ⴷⵉ ⵔⵧⵎⴻ: ⵜⵉⵎⵍⵉⵍⵉⵜ ⵓⵀⴻⴳⴳⵉ ⵏ ⵉⵎⴰⵙⵙⴰⵏⴻⵏ

ⵔⵧⵎⴻ- ⵜⵉⵎⵍⵉⵍⵉⵜ ⵏ ⵏ ⵉⵎⴰⵙⵙⴰⵏⴻⵏ, ⵉ ⵓⵀⴻⴳⴳⵉ ⵏ ⵜⵇⴰⵛⵓⵛⵜ ⵜⵉⵙ ⴽⵕⴰⴹ (3) ⴳⴻⵔ ⵍⴻⵣⵣⴰⵢⴻⵔ ⴷ ⵟⴰⵍⵢⴰⵏ ⵏ ⵡⴻⵙⵡⵉⵔ ⵄⵍⴰⵢⴻⵏ, ⵜⴻⴹⵕⴰ-ⴷ ⴰⵙⵙ ⵏ ⵜⵜⵍⴰⵜⴰ ⴳⴰⵔ-ⴰⵙⴻⵏ ⴽⴰⵏ ⴷⵉ ⵔⵧⵎⴻ, ⵜⴰⵎⴰⵏⴰⵖⵜ ⵏ ⵟⴰⵍⵢⴰⵏ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵓⵇⴱⴻⵍ ⵜⴰⵇⴰⵛⵓⵛⵜ ⵜⵉⵙ 3 ⴳⴻⵔ ⵍⴻⵣⵣⴰⵢⴻⵔ ⴷ ⵟⴰⵍⵢⴰⵏ ⵏ ⵡⴻⵙⵡⵉⵔ ⵄⵍⴰⵢⴻⵏ, ⴰⵔⴰ ⵢⵉⵍⵉⵏ ⴰⵣⴻⴽⴽⴰ ⵍⴰⵕⴻⴱⵄⴰ ⴷⵉ ⵔⵧⵎⴻ ⴰⵔⴰ ⵙⵙⴻⵍⵡⵉⵏ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ , ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⴽⴽ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⵏ ⵟⴰⵍⵢⴰⵏ, ⵎⴰⵜⵜⴻⵧ ⵔⴻⵏⵣⵉ. ⵜⵉⵍⵍⵉⵏ ⵏ ⵜⵇⴰⵛⵓⵛⵜ-ⴰⴳⵉ ⵜⵉⵙ 3 ⴳⴻⵔ ⵍⴻⵣⵣⴰⵢⴻⵔ ⴷ ⵟⴰⵍⵢⴰⵏ ⵏ ⵡⴻⵙⵡⵉⵔ ⵄⵍⴰⵢⴻⵏ ⴰⴷ ⵢⵉⵍⵉ ⴷⴻⴳ-ⵙ ⵡⴻⵎⵙⴻⴼⵀⴻⵎ ⵖⴻⴼ ⵜⴻⵎⵔⴰⵡⵜ ⵏ ⵢⴻⵎⵜⴰⵡⵉⵢⴻⵏ, ⵍⴰⴷⵖⴰ ⴷⴻⴳ ⵢⴻⵃⵔⵉⵛⴻⵏ ⵏ ⵜⴼⴻⵍⵍⴰⵃⵜ, ⵏ ⵜⵡⴻⵏⵏⴰⴹⵜ, ⵏ ⵓⵏⴻⴳⵎⵓ ⴰⵍⴻⴱⴷⴰⵏ, ⵏ ⵢⴻⵍⵎⴻⵥⵢⴻⵏ ⴷ ⵡⴰⴷⴷⴰⵍ, ⵉⴷ-ⵡⴻⴽⴽⴷⴻⵏ ⵙⴻⴳ ⵢⵉⴷⵉⵙ ⵏ ⵜⴻⵔⴱⴰⵄⵜ ⵜⴰⵣⵣⴰⵢⵔⵉⵜ, ⴷ-ⵢⴻⵙⴼⴰⵀⵎⴻⵏ ⴷⴰⵖⴻⵏ ⴱⴻⵍⵍⵉ ⴰⴷ ⴷ-ⵢⵉⵍⵉ ⵓⵎⴻⵙⵍⴰⵢ ⵖⴻⴼ ⵍⴻⵎⵅⴰⵍⵟⴰⵜ ⴳⴻⵔ ⵙⵏⴰⵜ ⵏ ⵜⵎⵓⵔⴰ, ⴰⴷⴷⴰⴷ ⵏ ⵍⵉⴱⵢⴰ, ⵉⴱⴻⴷⴷⵉ ⵎⴳⴰⵍ ⵔⵔⴻⴱⵔⴰⴱ ⴰⴽⴽ ⴷ ⵢⵉⵏⵉⴳ ⵓⴼⴼⵉⵔ. ⵜⴰⵇⴰⵛⵓⵛⵜ ⵜⵉⵙ 3 ⴳⴻⵔ ⵍⴻⵣⵣⴰⵢⴻⵔ ⴷ ⵟⴰⵍⵢⴰⵏ ⵏ ⵡⴻⵙⵡⵉⵔ ⵄⵍⴰⵢⴻⵏ ⴰⴷ ⴷ-ⵜⵉⵍⵉ ⴰⵍⵎⴻⵏⴷ ⵏ ⵡⴻⵎⵜⴰⵡⵉ ⵏ ⵜⴻⴳⵎⴰⵜⵜ, ⴷ ⵍⴻⵎⵄⵉⵡⵏⴰ ⴳⴻⵔ ⵙⵏⴰⵜ ⵏ ⵜⵎⵓⵔⴰ, ⵢⴻⵜⵜⵡⴰⵙⴻⵏⵢⴰⵏ ⴰⵙⵙ ⵏ 27 ⵢⴻⵏⵏⴰⵢⴻⵔ 2003, ⵉ ⵡⴻⵙⵎⴻⴽⵜⵉ. ⴰⵎⵜⴰⵡⵉ-ⵢⴰⴳⵉ ⵉⴱⴻⴷⵔ-ⴷ ⵉⵡⴻⵍⵍⵉⵀⴻⵏ ⵉⴳⴻⵊⴷⴰⵏⴻⵏ ⵏ ⵓⵎⴱⴰⴷⴷⴰⵍ ⴰⵙⴻⵔⵜⴰⵏ, ⴰⴷⴰⵎⵙⴰⵏ, ⵓⵙⵙⵏⴰⵏ ⴷ ⵓⴷⴻⵍⵙⴰⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ.