ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵕⵥⴻⵎ ⵎⴰⵙⵙ ⵙⴻⵍⵍⴰⵍ ⵜⴰⵥⵔⵉⴳⵜ ⵜⵉⵙ 48 ⵏ ⵜⵣⵉⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ – ⵢⴻⵕⵥⴻⵎ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⵙⵙ ⵏ ⵜⵜⵍⴰⵜⴰ ⴷⴻⴼⴼⵉⵔ ⵉⵎⴻⴽⵍⵉ, ⵜⴰⵥⵔⵉⴳⵜ ⵜⵉⵙ 48 ⵏ ⵜⵣⵉⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴻⵣⵣⴰⵢⴻⵔ ⴰⵔⴰ ⴷ-ⵢⵉⵍⵉⵏ ⵙⴻⴳ 26 ⵎⴰⵢⵓ ⴰⵔ 1 ⵢⵓⵏⵢⵓ ⴷⴻⴳ ⵍⴻⵇⵚⴻⵔ ⵏ ⵜⴻⵎⵣⵉⴽⵏⵉⵢⵉⵏ (ⵒⵉⵏⵙ ⵎⴰⵔⵉⵜⵉⵎⴻⵙ, ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ). ⴷⴷⵓⴽⵍⴻⵏ ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵉⵄⴻⴳⴳⴰⵍⴻⵏ ⵏ ⵓⵏⴰⴱⴰⴹ, ⵉⵎⴰⵙⴰⵢⴻⵏ ⵓⵏⵏⵉⴳⴻⵏ ⵏ ⵜⴰⵎⴰ ⵏ ⵜⴷⴰⵎⵙⴰ, ⴷ ⵢⵉⵎⴰⵣⵓⵏⴻⵏ ⵏ ⵜⴷⵉⵒⵍⵓⵎⴰⵙⵉⵜ ⵢⴻⵍⵍⴰⵏ ⴷⴻⴳ ⵜⵎⴰⵏⴰⵖⵜ ⴷ ⵜⵏⴻⵖⵍⴰⴼⵜ ⵏ ⵓⵡⴰⵏⴻⴽ ⵏ ⵜⵎⵓⵔⵜ ⵏ ⵍⵀⴻⵏⴷ ⵢⴻⵜⵜⵡⴰⴽⴻⵍⴼⴻⵏ ⵙ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ, ⵏⵉⵔⵎⴰⵍⴰ ⵙⵉⵜⵀⴰⵔⴰⵎⴰⵏ, ⵉⴷⴻⴳ ⵜⴻⵍⵍⴰ ⵜⵎⵓⵔⵜ-ⵉⵙ ⴷ ⵜⵉⵏⴻⴱⴳⵉⵜ ⵏ ⵍⵃⴻⵔⵎⴰ ⵏ ⵜⴻⵥⵔⵉⴳⵜ-ⴰ. ⵓⴳⴰⵔ ⵏ 1.300 ⵏ ⵜⴻⵕⵎⵉⵙⵉⵏ ⵉⴷⴻⴳ ⵍⵍⴰⵏⵜ 742 ⴷ ⵜⵉⴱⴻⵕⵕⴰⵏⵉⵢⵉⵏ ⵉ ⴷ-ⵢⵓⵙⴰⵏ ⵙⴻⴳ ⵡⴰⵣⴰⵍ ⵏ 30 ⵜⵎⵓⵔⴰ ⴰⴽⴽⴻⵏ ⴰⴷ ⴽⴽⵉⵏⵜ ⴷⴻⴳ ⵜⵣⵉⴽⴻⵏⵜ ⵜⴰⴷⴰⵎⵙⴰⵏⵜ, ⵏ ⵜⵏⴻⵣⵣⵓⴳⵜ ⵉ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵙⴻⴳⴳⴰⵙ ⴷⴻⴳ ⵜⵎⵓⵔⵜ-ⵏⵏⴻⵖ. ⵜⴻⵔⵙ ⵜⵣⵉⴽⴻⵏⵜ-ⴰ ⴷⴷⴰⵡ ⵓⵙⴻⵏⵜⴻⵍ ⵏ ‘’ⵜⴰⵏⴹⴰ ⵜⴰⴷⴰⵎⵙⴰⵏⵜ ⴷ ⵓⵙⵏⴻⵔⵏⵉ ⵉⵎⴻⵣⴳⵉ’’, ⵜⴰⵥⵔⵉⴳⵜ ⵏ ⵓⵙⴻⴳⴳⴰⵙ-ⴰ 2015 ⵜⴻⵔⵙ ⴷⴻⴳ ⵢⵉⵡⴻⵜ ⵏ ⵜⵊⵓⵎⵎⴰ ⵏ 51.211 ⵎ2, ⴰⴽⴽⴻⵏ ⴰⴷ ⵉⵍⵉⵏⵜ ⴷⴻⴳ-ⵙ ⵙⴹⵉⵙ (6) ⵏ ⵜⵎⵓⵔⴰ ⵏ ⵜⵓⵔⵓⵒⵜ, ⵙⴹⵉⵙ (6) ⵙⴻⴳ ⴰⵙⵢⴰ, ⴽⵓⵥ (4) ⵙⴻⴳ ⵜⴻⵎⵔⵉⴽⵜ, ⵙⴹⵉⵙ (6) ⵙⴻⴳ ⵓⵎⴰⴹⴰⵍ ⴰⵄⵔⴰⴱ ⴷ ⴽⵔⴰⴹ (3) ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⵏ ⵓⵏⴻⵥⵔⵓⴼ. ⵙⴻⴳ ⵜⵎⵓⵔⴰ ⵜⴰⵄⵔⴰⴱⵉⵏ ⵜⴻⴽⴽⵉ ⵜⵓⵏⴻⵙ, ⵍⵉⴱⵢⴰ, ⵎⴰⵚⴻⵕ, ⵜⵓⵕⴷⵓⵏⵜ, ⵙⵓⵔⵢⴰ ⴷ ⴼⴰⵍⴰⵙⵟⵉⵏ.

Ma seg Turupt, usant-d tmura, n Lalman, n Fransa, n Ṭalyan, n Tpurtugalt, n Tṭeṛkit d Tpulunt.

ⵙⴻⴳ ⴰⵙⵢⴰ, ⵓⵙⴰⵏⵜ-ⴷ ⵜⴻⵕⵎⵉⵙⵉⵏ ⵏ ⵜⵉⵛⵉⵏⵡⴰⵜⵉⵏ, ⵜⵉⵠⵢⴰⵜⵏⴰⵎⵉⵏ, ⵜⵉⵀⴻⵏⴷⵉⵢⵉⵏ, ⵜⵉⵎⴰⵍⵉⵣⵉⵢⵉⵏ ⴷ ⵜⵉⵔⴰⵏⵉⵢⵉⵏ. ⵙⴻⴳ ⵓⵎⴻⵏⵥⴰⵡ ⵏ ⵜⴻⵎⵔⵉⴽⵜ, ⵜⵓⵙⴰ-ⴷ ⵜⵎⵓⵔⵜ ⵏ ⵢⵉⵡⵓⵏⴰⴽ ⵢⴻⴷⴷⵓⴽⵍⴻⵏ, ⴱⵔⵉⵣⵉⵍ, ⴽⵓⴱⴰ ⴷ ⵛⵛⵉⵍⵉ. ⴰⵍⴰ ⵜⵉⵎⵓⵔⴰ ⵏ ⵙⵉⵏⵉⴳⴰⵍ, ⵜⴰⴳⴷⵓⴷⴰ ⵏ ⵙⵓⴷⴰⵏ ⴷ ⵏⵉⵊⴻⵔ, ⵙⴻⴳ ⵓⵎⴻⵏⵥⴰⵡ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵏ ⵓⵏⴻⵥⵔⵓⴼ ⴰⵔⴰ ⵢⴻⴽⴽⵉⵏ ⴷⴻⴳ ⵜⵣⵉⴽⴻⵏⵜ ⵜⴰⴳⵔⴰⵖⵍⴰⵏⵜ.

Iḥricen igejdanen n tdamsa ara yilin deg tzikent-a FIA 2015 d aḥric n tuččit, n teẓwert, n tekrura d tekrura n upiṭrul, n trisiti d taliktrunit, n lkettan, n yimuhal inagduden d yifarisen n lebni, n wuzzal rnu-as ijeqduren n usɣar d tedlegt.