Asebter amenzawi

Agellid n Lesotho Letsie III yemmuger Mass Sellal

LDZAYER TAMANEƔT – Agellid n Lesotho, Letsie III yemmuger, deg Ldzayer tamaneɣt, aneɣlaf amenzu, Abdelmalek Sellal, ay yerzan fell-as deg yiwet n terzi n leḥdaqa.

Amyager-a yella-d deg tnezduɣt n uwanak n Zradla, s uḥdaṛ n Mass Abdelkader Messahel, aneɣlaf n tɣawsiwin n Lmeɣreb, Tadukli tafriqit d Temɣunt taɛṛabt, Mass Salah Khebri, aneɣlaf n teẓwert d Mass Hamid Grine, aneɣlaf n teɣwalt.

Agellid Letsie III yebda-d ass n ttlata tirzi n uwanak n 3 n wussan ɣef Ldzayer s uneɛruḍ n uselway n tegduda, Abdelaziz Bouteflika.

Tirzi-a ad d-tili d tagnit i Ldzayer d Lesotho akken « ad sjehdent ugar assaɣen n tegmat d temsetlelt ay ten-yesdukklen d timerwin n yiseggasen aya », ɣef wakken ay d-yenna ass n letniyen ulɣu n tselwit n tegduda.