ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⴻⵍⵍⴰⵍ ⴰⴷ ⵢⴻⵔⵣⵓ ⵖⴻⴼ ⵟⵟⴰⵍⵢⴰⵏ ⴰⵙⵙ ⵏ ⵍⴰⵕⴻⴱⵄⴰ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⴷ ⵢⴻⴳ ⴰⵙⵙ ⵏ ⵍⴰⵕⴻⴱⵄⴰ ⵜⵉⵣⵔⵉ ⵏ ⵓⵅⴻⴷⴷⵉⵎ ⵖⴻⴼ ⵟⵟⴰⵍⵢⴰⵏ ⵙ ⵓⵏⴻⵄⵔⵓⴹ ⵏ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵟⴰⵍⵢⴰⵏⵉ, ⵎⴰⵜⵜⴻⵧ ⵔⴻⵏⵣⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴷⴻⴳ ⵢⵉⵡⴻⵏ ⵏ ⵓⵍⵖⵓ.
ⴷⴻⴳ ⵜⴻⵔⵣⵉ-ⴰ, ⴰⵏⴻⵖⵍⴰⴼ ⴰⵎⴻⵏⵣⵓ ⴷ ⵓⵎⵜⵉⵍ-ⵏⵏⴻⵙ ⴰⵟⴰⵍⵢⴰⵏⵉ ⴰⴷ ⵙⵙⴻⵍⵡⵉⵏ ⵜⵉⵎⵍⵉⵍⵉⵜ ⵜⵉⵙ 3 ⵏ ⵓⵙⵡⵉⵔ ⵓⵏⵏⵉⴳ ⴳⴰⵔ ⵍⴷⵣⴰⵢⴻⵔ ⴷ ⵟⵟⴰⵍⵢⴰⵏ ⴰⵔⴰ ⵉⴼⴰⴽⴻⵏ ⵙ « ⵓⵙⵜⴻⵏⵢⵉ ⵏ ⵡⴰⵟⴰⵙ ⵏ ⵢⵉⵎⵜⴰⵡⴰⵢⴻⵏ ⵏ ⵓⵎⵄⴰⵡⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⵜⵉⵎⵍⵉⵍⵉⵜ-ⴰ ⴰⵢ ⵢⵓⴷⴼⴻⵏ ⴷⴰⵖ ⴷⴻⴳ ⵓⴽⴰⵜⴰⵔ ⵏ ⵓⵙⵙⴰⵍⵇⴻⵢ ⵏ ⵓⴷⵉⵡⴻⵏⵏⵉ ⴰⵙⴻⵔⵜⵉ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵢⵉⵍⵉ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⵜⴰⴳⵏⵉⵜ ⵉ ⵓⵎⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵢⴻⵙⵄⴰⵏ ⵏⵏⴼⴻⵄ ⵓⵛⵔⵉⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ.
ⴰⵏⴻⵖⵍⴰⴼ ⴰⵎⴻⵏⵣⵓ ⴷ ⵢⵉⵎⴰⵙⵍⴰⴹⴻⵏ ⵏ ⵜⵎⴰⴳⵍⴰ ⵜⴰⵖⵍⵉⴼⴰⵏⵜ ⴰⵔⴰ ⵢⴻⴷⴷⵓⵏ ⵢⵉⴷ-ⵙ ⴰⴷ ⵔⵣⵓⵏ ⴰⵙⵙ-ⵏⵏⵉ ⵖⴻⵔ ⵜⴻⵎⴷⵉⵏⵜ ⵏ ⵎⵉⵍⴰⵏⵧ ⴰⴽⴽⴻⵏ ⴰⴷ ⵥⵔⴻⵏ « ⵜⵉⵎⵣⵉⴽⴽⴻⵏⵜ ⵜⴰⵎⴻⵖⵔⴰⴷⴰⵏⵜ ⵏ ⵎⵉⵍⴰⵏⵧ » ⴷ ⵢⵉⴼⴻⵔ ⴰⴷⵣⴰⵢⵔⵉ ⴷⴻⴳ ⵜⴻⵎⵣⵉⴽⴽⴻⵏⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵍⵖⵓ-ⴰ.
