Asebter amenzawi

Sellal ad yerzu ɣef Ṭṭalyan ass n laṛebɛa

LezZAYER – Aneɣlaf amenzu, Abdelmalek Sellal ad yeg ass n laṛebɛa tizri n uxeddim ɣef Ṭṭalyan s uneɛruḍ n uselway n useqqamu aṭalyani, Matteo Renzi, ɣef wakken ay d-nnan yimeẓla (ssrabes) n uneɣlaf amenzu deg yiwen n ulɣu.

Deg terzi-a, aneɣlaf amenzu d umtil-nnes aṭalyani ad sselwin timlilit tis 3 n uswir unnig gar Ldzayer d Ṭṭalyan ara ifaken s « ustenyi n waṭas n yimtawayen n umɛawen », ɣef wakken ay d-tenna teɣbalut-a.

« Timlilit-a ay yudfen daɣ deg ukatar n ussalqey n udiwenni aserti gar snat-a n tmura ad yili, seg yidis niḍen, d tagnit i umbaddel n tmuɣliwin ɣef temsal timnaḍanin d tegraɣlanin yesɛan nnfeɛ ucrik », ɣef wakken ay d-yettwabder.

Aneɣlaf amenzu d yimaslaḍen n tmagla taɣlifant ara yeddun yid-s ad rzun ass-nni ɣer temdint n Milano akken ad ẓren « timzikkent tameɣradant n Milano » d yifer adzayri deg temzikkent-a, ɣef wakken ay tt-id-yextem ulɣu-a.