ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴰⵍⴰⵢⴻⵏ ⵏ ⵓⵎⵊⴰⵀⴻⴷ ⵢⴻⵙⵙⴻⴼⴽ ⴰⴷ ⴷ-ⴼⴼⵖⴻⵏ ⵙⴻⴳ ⵜⵔⵓⵜⵉⵏⵜ
ⵜⵉⵅⴻⵏⵛⴻⵍⵜ – ⵉⵙⴰⵍⴰⵢⴻⵏ ⵏ ⵓⵎⵊⴰⵀⴻⴷ ⵢⴻⵙⵙⴻⴼⴽ ⴰⴷ ⴷ-ⴼⴼⵖⴻⵏ ⵙⴻⴳ ⵜⵉⴽⵍⵉ ⵏ ⵜⵔⵓⵜⵉⵏⵜ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵍⴻⵇⴹⴻⵏ ⴰⵏⴻⵛⵜ ⵓⵎⵉ ⵣⴻⵎⵔⴻⵏ ⵏ ⵛⵛⵀⴰⴷⴰⵜ, ⵏⵏⵉⴳ ⵡⴰⵢⴰ, ⴰⵅⴻⴷⴷⵉⵎ-ⴰ ⵢⴻⵙⵙⴻⴼⴽ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⵏⵎⴻⵣⵔⵓⵢⴻⵏ ⴷ ⵢⵉⵙⴷⴰⵡⴰⵏⴻⵏ ⴰⴽⴽⴻⵏ ⴰⴷ ⴰⵔⵓⵏ ⵢⴻⵔⵏⴰ ⴰⴷ ⵃⴻⵔⵣⴻⵏ ⴷⴻⴳ ⵜⴻⵕⵛⵉⴱⵉⵏ ⵜⵉⴷⵢⴰⵏⵉⵏ ⵏ ⵓⵎⴻⵣⵔⵓⵢ ⵢⴻⵇⵇⵏⴻⵏ ⵖⴻⵔ ⵜⴻⴳⵔⴰⵡⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵅⴻⵏⵛⴻⵍⵜ.
ⴷⴷⵓⵕ ⵏ ⵢⵉⵙⴰⵍⴰⵢⴻⵏ ⵏ ⵓⵎⵊⴰⵀⴻⴷ ⵢⴻⵙⵙⴻⴼⴽ « ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵓⴳⴰⵔ » ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵙⵙⴻⵖⵣⴻⴼ ⵏ ⵡⴰⴽⵓⴷ ⵏ ⵓⵔⵥⴰⵎ-ⵏⵙⴻⵏ ⴷ ⵓⵙⵙⴻⵇⴷⴻⵛ ⵏ ⵜⵜⴰⵡⵉⵍⴰⵜ ⵉⵜⵔⴰⵔⴻⵏ ⵉ ⵓⵃⵔⴰⵣ ⵏ ⵜⵛⴻⵇⵇⵓⴼⵉⵏ ⴷ ⵜⴻⴼⵜⴰⵔⵉⵏ (ⵍⴻⴽⵡⴰⵖⴻⴹ) ⵢⴻⵇⵇⵏⴻⵏ ⵖⴻⵔ ⵜⴻⴳⵔⴰⵡⵍⴰ, ⴷ ⵓⵍⵇⴰⴹ ⵏ ⵛⵛⵀⴰⴷⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵓⵏⴻⵖⵍⴰⴼ ⵖⴻⴼ ⵓⵙⴰⵍⴰⵢ ⵏ ⵓⵎⵊⴰⵀⴻⴷ ⵏ ⵜⵅⴻⵏⵛⴻⵍⵜ.
ⵎⴰⵙⵙ ⵣⵉⵜⵧⵓⵏⵉ ⵢⴻⵙⵎⴻⴽⵜⵉ-ⴷ, ⴷⴻⴳ ⵜⴻⴳⵏⵉⵜ-ⴰ, ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵢⴻⵙⵜⴻⵏⵢⴰ ⵉⵎⵜⴰⵡⴰⵢⴻⵏ ⴷ ⵡⴰⵟⴰⵙ ⵏ ⵢⵉⵖⵍⵉⴼⴻⵏ ⵏⵉⴹⴻⵏ, ⴰⵎ ⵡⵉⵏ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⵍⵎⵓⴷ ⵉⵎⵉⵏⴻⴳ, ⵜⴰⵖⵡⴰⵍⵜ, ⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⵉⴷⵍⴻⵙ ⴷ ⵓⵙⵙⵉⵍⴻⵖ ⴰⵎⵙⴰⴷⵓⵔ, ⴰⴽⴽⴻⵏ ⵉⵎⵓⵣⵣⴰⴳ ⴰⴷ ⴰⵔⵓⵏ ⵢⴻⵔⵏⴰ ⴰⴷ ⵃⴻⵔⵣⴻⵏ ⴷⴻⴳ ⵜⴻⵕⵛⵉⴱⵉⵏ ⵜⵉⴷⵢⴰⵏⵉⵏ ⵜⵉⵎⴻⵇⵔⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵎⴻⵏⵖⵉ ⵏ ⵍⴷⵣⴰⵢⴻⵔ ⵖⴻⴼ ⵓⵣⴰⵔⵓⴳ-ⵏⵏⴻⵙ.
ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵢⴻⴷⴷⴰ, ⴷⴻⴳ ⵜⴻⵔⵣⵉ-ⴰ-ⵏⵏⴻⵙ ⵏ ⵓⵅⴻⴷⴷⵉⵎ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⵜⵡⵉⵍⴰⵢⵜ ⵏ ⵜⵅⴻⵏⵛⴻⵍⵜ, ⵖⴻⵔ ⵛⴻⵄⴱⴻⵜ ⵍⵖⵓⵍⴰ ⵙⴷⴰⵜ ⵄⵉⵏ ⵙⵉⵍⴰⵏ (ⵜⴰⵖⵉⵡⴰⵏⵜ ⵏ ⵍⵃⴰⵎⵎⴰ) ⴰⵏⴷⴰ ⴰⵢ ⵢⴻⵔⵣⴰ ⵖⴻⴼ ⵢⵉⵡⴻⵏ ⵙⴻⴳ ⵢⵉⵎⵓⴽⴰⵏ ⵉⵎⴻⵇⵔⴰⵏⴻⵏ ⵏ ⵜⴻⴳⵔⴰⵡⵍⴰ ⴰⵏⴷⴰ ⴰⵢ ⴷ-ⵜⴻⵍⵍⴰ ⵜⴻⵎⵍⵉⵍⵉⵜ ⵏ ⵜⴻⴳⵔⴰⵡⵉⵏ ⵜⵉⵎⴻⵣⵡⵓⵔⴰ ⵏ ⵢⵉⵎⵊⴰⵀⴷⴻⵏ ⴰⵙⵎⵉ ⴰⵢ ⵇⵔⵉⴱ ⴰⴷ ⵢⴻⵏⴽⴻⵔ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ. ⴰⵏⴻⵖⵍⴰⴼ ⵢⴻⵙⵙⴻⴼⵇⴻⴷ, ⴷⴻⴳ ⵓⵎⴽⴰⵏ-ⵏⵏⵉ, ⵉⵅⴻⴷⴷⵉⵎⴻⵏ ⵏ ⵍⴻⴱⵏⵉ ⵏ ⵍⵎⵓⵏⵉⵎⴰ ⴰⵔⴰ ⵢⴻⵔⵔⴻⵏ ⵜⴰⵊⵎⵉⵍⵜ ⵉ ⵢⵉⵎⴻⵖⵔⵓⵙⴻⵏ (ⵛⵛⵓⵀⴰⴷⴰ) ⵏ ⵜⴻⴳⵔⴰⵡⵍⴰ.
ⵎⴰⵙⵙ ⵜⴰⵢⴻⴱ ⵣⵉⵜⵧⵓⵏⵉ ⵢⴻⵔⵥⴻⵎ ⴷⴰⵖ, ⴷⴻⴳ ⵢⵉⵡⴻⵏ ⵏ ⵓⵎⴽⴰⵏ ⵉⵇⴻⵔⴱⴻⵏ ⵖⴻⵔ ⴷⵉⵏ, ⴰⵎⵎⴰⵙ ⵏ ⵓⵙⴳⵓⵏⴼⵓ ⵏ ⵢⵉⵎⵊⴰⵀⴷⴻⵏ ⵏ ⵃⴻⵎⵎⴰⵎ ⵚⵚⴰⵍⵃⵉⵏ, ⵙⴰⴽⴽⵉⵏ ⵢⴻⴷⴷⴰ ⵖⴻⵔ ⵜⵖⵉⵡⴰⵏⵜ ⵏ ⵎⵚⴰⵔⴰ, ⴰⵏⴷⴰ ⴰⵢ ⵢⴻⵍⵍⴰ ⵡⴰⵎⵎⴰⵙ ⵏ ⵜⵡⵉⵍⴰⵢⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴷ-ⵢⴻⵍⵍⴰ ⵢⵉⵎⴻⵏⵖⵉ ⵏ ⵓⵎⴻⵖⵔⵓⵙ ⴰⵉ ⵙⵧⵓⴰⵉ ⴰⵢⴷⴻⴳ ⵜⵜⵡⴻⵏⵖⴻⵏ 500 ⵏ ⵢⵉⵙⴻⵔⴷⴰⵙⴻⵏ ⵉⴼⵕⴻⵏⵙⵉⵙⴻⵏ ⵢⴻⵔⵏⴰ ⵖⵍⵉⵏ 89 ⵏ ⵢⵉⵎⵊⴰⵀⴷⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵢⵉⴳⴻⵔ ⵏ ⵢⵉⵙⴻⵖ ⵖⴻⴼ ⵜⵎⵓⵔⵜ. ⴰⵏⴻⵖⵍⴰⴼ ⵢⴻⵔⵣⴰ ⴷⴰⵖ, ⴷⴻⴳ ⵜⴻⴳⵏⵉⵜ-ⴰ, ⵖⴻⴼ ⵡⴰⵟⴰⵙ ⵏ ⵢⵉⵎⵓⴽⴰⵏ ⴰⵢ ⵍⵍⴰⵏ ⵙⵙⴻⵇⴷⴰⵛⴻⵏ-ⵜⴻⵏ ⵢⵉⵎⵊⴰⵀⴷⴻⵏ ⴰⴽⴽⴻⵏ ⴰⴷ ⴼⴼⵔⴻⵏ ⴷⴻⴳ-ⵙⴻⵏ ⵏⴻⵖ ⴰⴷ ⴷⴰⵡⵉⵏ ⴷⴻⴳ-ⵙⴻⵏ ⵉⵎⴻⵊⵔⴰⵃ.
ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ, ⴷⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵖⴻⵔ ⵜⵅⴻⵏⵛⴻⵍⵜ ⵜⵓⴼⵔⴰⵔ-ⴷ ⵙⴻⴳ ⵍⴻⴱⵖⵉ ⵏ ⵓⵖⵍⵉⴼ ⴰⴽⴽⴻⵏ ⴰⴷ ⵢⴻⵙⵙⴻⴼⵇⴻⴷ ⵜⴰⴳⵏⵉⵜ ⵏ ⵢⵉⵎⵊⴰⵀⴷⴻⵏ ⴷ ⵡⵉⴷ ⵢⴻⵜⵜⴰⵍⴰⵙⴻⵏ ⴷⴻⴳ-ⵙⴻⵏ, ⴰⴷ ⵉⵙⴻⵍ ⵉ ⵡⴰⵢⴻⵏ ⴰⵢ ⵜⴻⵏ-ⵉⵛⴻⵖⴱⴻⵏ ⵢⴻⵔⵏⴰ ⴰⴷ ⴷ-ⵢⴰⴼ ⵜⵉⴼⵔⴰⵜⵉⵏ ⵉ ⵓⴽⴻⵎⵎⴻⵍ ⵏ ⵢⵉⵙⴻⵏⴼⴰⵔⴻⵏ ⴰⵢ ⵢⴻⵔⵣⴰⵏ ⵜⴰⵡⵉⵍⴰⵢⵜ-ⴰ.
ⵉⴹⴻⵍⵍⵉ-ⵏⵏⵉ ⵜⴰⵎⴻⴷⴷⵉⵜ, ⵎⵉ ⴷ-ⵢⴻⵡⵡⴻⴹ ⵖⴻⵔ ⵜⵅⴻⵏⵛⴻⵍⵜ, ⵎⴰⵙⵙ ⵣⵉⵜⵧⵓⵏⵉ ⵢⴻⵙⵙⴻⴼⵇⴻⴷ ⴷⴻⴳ ⵜⴻⵎⴷⵉⵏⵜ ⵏ ⵜⵅⴻⵏⵛⴻⵍⵜ ⴰⵅⵅⴰⵎ ⵏ ⵜⵎⴻⵀⵍⴰ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵢⵉⵎⵊⴰⵀⴷⴻⵏ, ⵢⴻⵔⵏⴰ ⵢⴻⵙⵙⴻⵍⵡⵉ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵢⵉⵎⵀⴰⵀⴷⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⵇⴻⴷ ⴷⴰⵖ ⴰⵅⵅⴰⵎ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵡⴰⵔⵔⴰⵡ ⵏ ⵢⵉⵎⴻⵖⵔⵓⵙⴻⵏ ⴷ ⵡⵉⴷ ⵢⴻⵜⵜⴰⵍⴰⵙⴻⵏ ⴷⴻⴳ-ⵙⴻⵏ.
