ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ (ⵍⴼⵒ) ⵜⵄⴻⵢⵢⴻⵏ-ⴷ ⵖⴻⴼ ⵓⵛⴻⵡⵡⴻⵍ ⵏ ⵜⴻⵍⵖⵓⵖⴰ

ⵍⴻⵣⵣⴰⵢⴻⵔ – ⵜⴰⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ ⵜⴻⵙⵎⴻⴽⵜⵉ-ⴷ ⴰⵙⵙ ⵏ ⵜⵜⵍⴰⵜⴰ ⴷⴰⴽⴽⴻⵏ ⵢⴻⵙⵙⴻⴼⴽ ⵢⴰⵍ ⵜⴰⵖⵍⴰⵎⵜ ⵏ ⵢⵉⵎⴻⵇⵔⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵖⵓⵏⵜ 1 ⵏ ⵎⵧⴱⵉⵍⵉⵙ ⴰⴷ ⵜⴻⵙⵄⵓ ⵎⴰ ⵓⵍⴰⵛ 8 ⵏ ⵢⵉⵎⴰⵔⵉⵔⴻⵏ (ⴷⴻⴳ ⵜⴻⵡⵔⵉⵇⵜ ⵏ ⵜⴻⵎⵍⵉⵍⵉⵜ) ⴷⴻⴳ 10 ⵏ ⵡⵓⵙⵙⴰⵏ ⵉⵎⴻⵣⵡⵓⵔⴰ ⵏ ⵜⴰⵍⵍⵉⵜ ⵏ ⵡⵓⵖⴰⵍ, ⵢⴻⵔⵏⴰ ⵜⵉⵏ ⵓⵔ ⵢⴻⵜⵜⴳⴻⵏ ⴰⵔⴰ ⴰⵢⴰ ⴰⴷ ⵜⴻⵜⵜⵡⴰⵃⵙⴻⴱ ⵜⴻⴱⵖⴰ ⴰⴷ ⵜⵛⴻⵡⵡⴻⵍ ⵜⴰⵍⵖⵓⵖⴰ.

ⵜⴰⵖⵍⴰⵎⵜ ⵓⵔ ⵢⴻⵜⵜⵇⴰⴷⴰⵔⴻⵏ ⴰⵔⴰ ⴰⵍⵓⴳⴻⵏ-ⴰ ⵏ ⵓⵎⴰⴳⵔⴰⴷ 81 ⵏ ⵍⵇⴰⵏⵓⵏ ⵏ ⵜⵓⴳⵔⵉⵏⵜ, ⴰⴷ ⵜⴻⵜⵜⵡⴰⵄⴰⵇⴻⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵖⵓⵏⵜ.

ⴰⵎⴰⴳⵔⴰⴷ-ⴰ ⵢⴻⵏⵏⴰ-ⴷ ⴷⴻⴳ ⵢⵉⵖⴻⴼ ⵏ « ⵜⴰⵣⵔⵉⵔⵜ, ⴰⵀⴻⵢⵢⵉ, ⴰⵃⵕⴰⵙ ⴷ ⵓⵙⵙⵉⴳⴻⴷ » ⴷⴰⴽⴽⴻⵏ « ⵍⴻⵎⵎⴻⵔ ⴰⴷ ⵜⴻⵄⵔⴻⴹ ⵜⴻⵖⵍⴰⵎⵜ ⴰⴷ ⵜⴻⵣⵔⵉⵔ ⵜⴰⵍⵖⵓⵖⴰ ⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ ⴷⴻⴳ ⵓⵎⴰⴳⵔⴰⴷ 123 ⵏ ⵓⵙⵍⴰⴳⴰⵏ ⵏ ⵜⴻⵍⵖⵓⵖⴰ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ, ⵜⴰⵖⵍⴰⵎⵜ-ⴰ ⴰⴷ ⵜⴻⵜⵜⵡⴰⵄⴰⵇⴻⴱ ⵙ ⵓⵅⵚⴰⵔ ⵏ ⵜⴻⵎⵍⵉⵍⵉⵜ (ⵡⴰⵔ ⵎⴰ ⵜⵜⵓⵏⴻⴼⴽⴻⵏⵜ ⵜⴻⵏⵇⵉⴹⵉⵏ ⵉ ⵜⴻⵖⵍⴰⵎⵜ ⵜⴰⵅⵚⵉⵎⵜ). ⴰⴷ ⴰⵙ-ⵜⵜⵡⴰⴽⴽⵙⴻⵏⵜ 09 ⵏ ⵜⴻⵏⵇⵉⴹⵉⵏ ⵉ ⵜⴻⵖⵍⴰⵎⵜ ⵉⴹⴻⵍⵎⴻⵏ ⵢⴻⵔⵏⴰ ⴰⵎⴷⴰⵏ ⴰⵢ ⵉⴳⴰⵏ ⴰⵢⴰ ⴷⴻⴳ ⵜⴻⵖⵍⴰⵎⵜ ⴰⴷ ⵢⴻⵜⵜⵡⴰⵃⵕⴻⵎ ⵙⴻⴳ ⵛⵛⵖⴻⵍ ⵓⵏⵚⵉⴱ 2 ⵏ ⵢⵉⵙⴻⴳⴳⴰⵙⴻⵏ.

ⵏⵏⵉⴳ ⵡⴰⵢⴰ, ⵜⴰⵖⵍⴰⵎⵜ ⵢⴻⵙⵙⴻⴼⴽ ⴰⴷ ⴷ-ⵜⵅⴻⵍⵍⴻⵚ ⵍⴻⵅⴹⴻⵢⵢⴰ ⵏ ⵓⵎⴻⵍⵢⵓⵏ ⵏ ⵢⵉⴷⵓⵍⴰⵕⴻⵏ.

ⴽⵔⴰ ⵏ ⵡⵓⵙⵙⴰⵏ ⵓⵇⴱⴻⵍ ⵡⴰⵙⵙ ⵡⵉⵙ 30 (ⴷ ⵓⵏⴻⴳⴳⴰⵔⵓ) ⵏ ⵜⴻⵍⵖⵓⵖⴰ ⵏ ⵜⴻⵎⵖⵓⵏⵜ 1 ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⵊⴻⵎⵄⴰ, ⵓⵔ ⵏⴻⵥⵔⵉ ⴰⵔⴰ ⴰⵏⵜⴰ ⴰⵢ ⴷ ⵜⴰⵖⵍⴰⵎⵜ ⴰⵔⴰ ⵢⵓⵔⴰⵔⴻⵏ ⴷ ⵓⵙⵎ ⴱⴻⵍⵄⴻⴱⴱⴰⵙ ⵏ ⵜⴻⵎⵖⵓⵏⵜ 2. ⵙⴻⵎⵎⵓⵙⴻⵜ (5) ⵏ ⵜⴻⵖⵍⴰⵎⵉⵏ ⴰⵢ ⵉⵣⴻⵎⵔⴻⵏ ⴰⴷ ⵖⵍⵉⵏⵜ ⵙⴻⴳ ⵜⴻⵎⵖⵓⵏⵜ: ⵓⵙⵎ ⵍⴷⵣⴰⵢⴻⵔ, ⵔⵛ ⵍⴰⵕⴻⴱⵄⴰ, ⵏⴰ ⵃⵓⵙⵉⵏ ⴷⴰⵢ, ⴰⵙⵧ ⵛⵛⵍⴻⴼ ⴷ ⵎⵛⴻ ⵍⵄⴻⵍⵎⴰ.