Asebter amenzawi

Tamɣunt n tkurt n uḍar tamsadurt (LFP) tɛeyyen-d ɣef ucewwel n telɣuɣa

LezZAYER – Tamɣunt n tkurt n uḍar tamsadurt tesmekti-d ass n ttlata dakken yessefk yal taɣlamt n yimeqranen ay yettekkan deg Temɣunt 1 n Mobilis ad tesɛu ma ulac 8 n yimariren (deg tewriqt n temlilit) deg 10 n wussan imezwura n tallit n wuɣal, yerna tin ur yettgen ara aya ad tettwaḥseb tebɣa ad tcewwel talɣuɣa.

Taɣlamt ur yettqadaren ara alugen-a n umagrad 81 n lqanun n tugrint, ad tettwaɛaqeb, ɣef wakken ay d-tenna Temɣunt.

Amagrad-a yenna-d deg yiɣef n « Tazrirt, aheyyi, aḥṛas d ussiged » dakken « Lemmer ad teɛreḍ teɣlamt ad tezrir talɣuɣa akken ay d-yettwabder deg umagrad 123 n uslagan n telɣuɣa n tkurt n uḍar tamsadurt, taɣlamt-a ad tettwaɛaqeb s uxṣar n temlilit (war ma ttunefkent tenqiḍin i teɣlamt taxṣimt). Ad as-ttwakksent 09 n tenqiḍin i teɣlamt iḍelmen yerna amdan ay igan aya deg teɣlamt ad yettwaḥṛem seg ccɣel unṣib 2 n yiseggasen.

Nnig waya, taɣlamt yessefk ad d-txelleṣ lexḍeyya n umelyun n yidulaṛen.

Kra n wussan uqbel wass wis 30 (d uneggaru) n telɣuɣa n Temɣunt 1 ara d-yilin ass n ljemɛa, ur neẓri ara anta ay d taɣlamt ara yuraren d USM Belɛebbas n Temɣunt 2. Semmuset (5) n teɣlamin ay izemren ad ɣlint seg Temɣunt: USM Ldzayer, RC Laṛebɛa, NA Ḥusin Day, ASO Cclef d MCE Lɛelma.