ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵓⴼⵜ ⵏ ⵎⴰⵍⵉ: ⵓⴳⴰⵔ ⵏ 200 000 ⵏ ⵢⵉⵎⴷⴰⵏⴻⵏ ⴰⵢ ⴷ-ⵢⴻⴼⴼⵖⴻⵏ ⵖⴻⵔ ⵢⵉⵣⴻⵏⵇⴰⵏ ⵏ ⴱⴰⵎⴰⴽⵧ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ ⵏ ⵍⴷⵣⴰⵢⴻⵔ

ⴱⴰⵎⴰⴽⵧ – ⵓⴳⴰⵔ ⵏ 200 000 ⵏ ⵢⵉⵎⴷⴰⵏⴻⵏ ⴰⵢ ⵢⴻⴷⴷⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵢⵉⵣⴻⵏⵇⴰⵏ ⵏ ⴱⴰⵎⴰⴽⵧ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴷⴻⴳ ⵎⴰⵍⵉ, ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⴽⴰⵍⴰ ⵏ ⵜⴰⵍⵡⵉⵜ ⵏ ⵍⴷⵣⴰⵢⴻⵔ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴰⵙⵙ ⵏ 15 ⵎⴰⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵉⵎⴰⵍⵉⵢⴻⵏ ⵏ ⵢⵉⵙⴰⵍⴰⵏ.

ⵜⵉⴽⵍⵉ-ⴰ ⵜⴻⵍⵍⴰ-ⴷ ⵙ ⵕⵕⴰⵢ ⵏ ⵜⵙⴻⵎⵢⵓⴷⴷⴻⵙⵜ ⵏ ⵜⵉⴷⴷⵓⴽⵍⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ ⵍⵓⵍⵓⴼ ⵏ ⵢⵉⵎⴻⵣⴷⴰⵖⴻⵏ ⵏ ⴱⴰⵎⴰⴽⵧ ⴰⵢ ⴷ-ⵉⴱⴻⵔⵔⵃⴻⵏ « ⵜⵓⴷⴻⵔⵜ ⵉ ⵎⴰⵍⵉ ⵢⴻⴷⴷⵓⴽⴽⵍⴻⵏ, ⵓⵔ ⵉⴱⴻⴹⴹⵓⵏ », « ⵏⴻⴱⵖⴰ ⵜⴰⵍⵡⵉⵜ », « ⵢⴻⵙⵙⴻⴼⴽ ⴰⴷ ⵜⵏⴻⴳⴳⴻⵣ ⵜⵎⵓⵔⵜ ⵖⴻⵔ ⵙⴷⴰⵜ ».

ⴰⵙⴻⵍⵡⴰⵢ ⵏ ⵜⵙⴻⵎⵢⵓⴷⴷⴻⵙⵜ, ⴰⴷⵓⴽⵜⵓⵔ ⴰⴷⴰⵎⴰ ⵜⵔⴰⵧⵔⴻ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⴽⵍⵉ-ⴰ ⵜⴰⵎⴻⵍⵡⵉⵜ ⵢⴻⴱⵖⴰ ⴰⴷ ⴷ-ⵢⴻⵙⵙⴽⴻⵏ ⵢⴻⵙ-ⵙ ⵓⵖⵔⴻⴼ ⴰⵎⴰⵍⵉ ⴷⴰⴽⴽⴻⵏ ⵢⴻⵃⵙⴻⴱ ⴰⵎⵜⴰⵡⴰ ⵏ ⵍⴷⵣⴰⵢⴻⵔ ⴷ ⴰⵢⵍⴰ-ⵏⵏⴻⵙ « ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵜⴰⵍⵡⵉⵜ ⵖⴻⵔ ⵓⴳⴰⴼⴰ ⵏ ⵜⵎⵓⵔⵜ-ⵏⵏⴻⵖ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ 200.000 ⵏ ⵎⴻⴷⴷⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵉⴽⵍⵉ-ⴰ.

ⵜⵉⴽⵍⵉ-ⴰ ⵜⴻⵇⵇⵉⵎ ⵙⵏⴰⵜ ⵏ ⵜⵙⴰⵄⵜⵉⵏ, ⵜⵄⴻⴷⴷⴰ ⵖⴻⴼ ⵢⵉⵣⴻⵏⵇⴰⵏ ⵏ ⵜⵎⴰⵏⴻⵖⵜ ⵢⴻⵔⵏⴰ ⵜⴼⵓⴽ ⴷⴻⴳ ⵓⵎⵕⴰⵃ ⵏ ⵓⵣⴰⵔⵓⴳ ⴰⵢⴷⴻⴳ ⵍⵖⴰⵛⵉ ⵎⵎⵓⴳⵔⴻⵏ-ⵜⴻⵏ ⵢⵉⵎⴹⴻⴱⴱⵔⴻⵏ ⴷ ⵡⵉⴷ ⵢⴻⵜⵜⵡⴰⵙⵙⵏⴻⵏ ⴷⴻⴳ ⴱⴰⵎⴰⴽⵧ, ⴳⴰⵔ-ⴰⵙⴻⵏ ⴰⵏⴻⵖⵍⴰⴼ ⴰⵎⴰⵍⵉ ⵏ ⵡⴰⵍⵍⵓⵙ ⵏ ⵜⵎⴻⵚⴽⵉⵡⵜ ⵏ ⵜⵎⵓⵔⵜ, ⵣⴰⵀⴰⴱⵉ ⵧⵓⵍⴷ ⵙⵉⴷⵉ ⵎⵧⵀⴰⵎⴻⴷ, ⴷ ⵢⵉⵎⴹⴻⴱⴱⵔⴻⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ, ⴳⴰⵔ-ⴰⵙⴻⵏⵔⵜ ⴰⴽⴰⴱⴰⵔ ⵏ ⵓⵙⴻⵍⵡⴰⵢ (ⵔⵒⵎ), ⴷ ⵡⵉⴷ ⵏ ⵢⵉⴽⴰⴱⴰⵔⴻⵏ ⵏ ⵜⴻⵏⵎⴻⴳⵍⴰ ⴰⵎ ⴰⵎⴰⴷⵧⵓ ⴽⵧⵉⵜⴰ ⵏ ⵓⴽⴰⴱⴰⵔ ⴰⵏⴻⵎⵍⴰⵢ ⵢⴻⵍⴻⴻⵏ ⴽⵓⵔⴰ.

« ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⴰⵎⴰⵍⵉ ⵉⴱⵔⴰⵀⵉⵎ ⴱⵧⵓⴱⴰⵛⴰⵔ ⴽⴻⵉⵜⴰ ⴷ ⵓⵏⴰⴱⴰⴹ », ⵎⴰⵙⵙ ⵣⴰⵀⴰⴱⵉ ⵢⴻⵙⵏⴻⵎⵎⴻⵔ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵉⴽⵍⵉ-ⴰ ⵉⵎⵉ ⴰⵢⴰ « ⵢⴻⵙⵙⴽⴰⵏⴰⵢ-ⴷ ⵜⵓⴹⴹⴼⴰ ⵏ ⵡⴰⴽⴽ ⴰⵔⵔⴰⵡ ⵏ ⵎⴰⵍⵉ ⴷⴻⴳ ⵜⴷⵓⴽⵍⵉ ⵏ ⵜⵎⵓⵔⵜ-ⵏⵙⴻⵏ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ « ⵜⵉⵖⵔⵉ ⵉ ⵡⴰⴽⴽ ⴰⵢⵜⵎⴰⵜⴻⵏ(-ⵏⵏⴻⵙ) ⴰⵢ ⵡⴻⵔⵄⴰⴷ ⵓⵔ ⵙⵜⴻⵏⵢⴰⵏ ⴰⵔⴰ ⴰⵎⵜⴰⵡⴰ-ⴰ ⴰⴽⴽⴻⵏ ⴰⴷ ⵜ-ⵙⵜⴻⵏⵢⵉⵏ ⵡⴰⵔ ⵛⵛⴻⵔⴹ ⵢⴻⵔⵏⴰ ⵖⴻⴼ ⵣⵉⴽ ⵍⵃⴰⵍ, ⴰⴽⴽⴻⵏ ⴰⴷ ⴷ-ⵏⴻⴱⴷⵓ ⵜⵉⴽⵍⵉ ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ, ⴷ ⵜⵉⴽⵍⵉ ⵏ ⵢⵉⵎⴻⵏⵖⵉ ⵎⴳⴰⵍ ⵍⴻⵅⵚⴰⵚ ⴰⵢ ⵢⴻⵍⵍⴰⵏ ⴷ ⴰⵄⴷⴰⵡ ⵏ ⵜⵉⴷⴻⵜ ⵏ ⵜⵎⵓⵔⵜ-ⵏⵏⴻⵖ ».

« ⵜⴰ ⴷ ⵜⵉⴽⵍⵉ ⴰⵢⵢⴻⵙ ⵉⵎⴰⵍⵉⵢⴻⵏ ⵊⵊⴰⵏ-ⴷ ⵓⵍ-ⵏⵙⴻⵏ ⴰⴷ ⴷ-ⵢⴻⵙⵙⵉⵡⴻⵍ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵜⴰⵍⵡⵉⵜ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵏⴰⴱⴰⴹ ⴷ ⵡⴰⴽⴽ ⵉⵎⴻⴳⴳⵉⵢⴻⵏ ⴰⵢ ⴰⵖ-ⵢⴻⵜⵜⵄⴰⵡⴰⵏⴻⵏ ⴰⴽⴽⴻⵏ ⴰⴷ ⵏⴻⵙⵙⴻⵊⵀⴻⴷ ⵜⴰⴷⵓⴽⵍⵉ ⵏ ⵜⵎⵓⵔⵜ-ⵏⵏⴻⵖ », ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⵏ ⵎⴰⵍⵉ ⵢⴻⵙⵜⴻⵏⵢⴰ-ⵜ ⵓⴳⴻⵏⵙⴰⵙ ⵏ ⵓⵏⴰⴱⴰⴹ ⴰⵎⴰⵍⵉ, ⵉⵎⵓⵙⵙⴰ ⵉⵙⴻⵔⵜⵉⵢⴻⵏ-ⵉⵙⴻⵔⴷⴰⵙⵉⵢⴻⵏ ⵏ ⵓⴳⴰⴼⴰ ⵏ ⵎⴰⵍⵉ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵖⴻⵔⵖⴻⵔⵜ ⵏ ⵍⴷⵣⴰⵢⴻⵔ ⴷ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴰⵢ ⵜⴻⵏⵀⴻⵕ ⵍⴷⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⵜⵜ-ⵙⵜⴻⵏⵢⴰⵏⵜ ⴷⴰⵖ ⵙⵏⴰⵜ ⵏ ⵜⴻⴳⵔⴰⵡⵉⵏ ⵙⴻⴳ ⵜⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ), ⵜⴰⵎⴻⵣⵡⴰⵔⵓⵜ ⴷ ⵜⴰⵙⴻⵎⵢⵓⴷⴷⴻⵙⵜ ⵉ ⵓⵖⵔⴻⴼ ⵏ ⵓⵣⴰⵡⴰⴷ (ⵛⵒⴰ), ⵎⴰ ⴷ ⵜⴰⵢⴻⴹ ⴷ ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⴷ ⵜⴻⵔⵏⴰ ⵜⵉⴼⴻⵔⴼⴰⵏⵉⵏ ⵏ ⵓⵣⴱⵓ (ⵛⵎ-ⴼⵒⵔ2).