ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⵙⵉⵔⵜ ⵜⴰⵎⴻⵖⵔⴰⴷⴰⵏⵜ ⵎⵉⵍⴰⵏ 2015 : ⵙⴻⵍⵍⴰⵍ ⵜⵜⵔⴰⴵⵓⵏ-ⵜ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵓⴷⴻⴳ ⴰⵣⵣⴰⵢⵔⵉ

ⵎⵉⵍⴰⵏ (ⵟⴰⵍⵢⴰⵏ) – ⵜⵜⵔⴰⴵⵓⵏ ⴷⴻⴳ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⵙⵙ ⵏ ⵍⴰⵔⴻⴱⵄⴰ ⴷⴻⴼⴼⵉⵔ ⵉⵎⴻⴽⵍⵉ ⴷⴻⴳ ⵜⴻⵎⴷⵉⵏⵜ ⵜⴰⵟⴰⵍⵢⴰⵏⵉⵜ ⵎⵉⵍⴰⵏ ⴰⴽⴽⴻⵏ ⴰⴷ ⵢⴻⵔⵣⵓ ⵖⴻⴼ ⵓⴷⴻⴳ ⴰⵣⵣⴰⵢⵔⵉ ⵏ ‘’ⵜⴰⴼⵙⵉⵔⵜ ⵜⴰⵎⴻⵖⵔⴰⴷⴰⵏⵜ ⵏ ⵎⵉⵍⴰⵏ 2015’’, ⵍⴻⵣⵣⴰⵢⴻⵔ ⴷ ⵜⴰⵎⵓⵔⵜ ⵜⵉⵙ 147 ⵉ ⵢⴻⴽⴽⵉⵏ ⴷⴻⴳ ⵜⴻⴼⵙⵉⵔⵜ ⵜⴰⴳⵔⴰⵖⵍⴰⵏⵜ, ⵕⴻⵥⵎⴻⵏ-ⵜⵜ ⴰⵙⵙ ⵏ 1 ⵎⴰⵢⵓ ⵢⴻⵣⵔⵉⵏ.

Yers udeg azzayri ɣef tjumma n 750 m2, yettban-d akin s yiniten azeggaɣ, amellal d uzegzaw n tekbabt tazzayrit. Adeg-a ifser-d timmerkantit n wudmawen i tesɛa tmurt, d tinfaliyin wezzilen maca d tizamulin, aya akk icudden s asentel n tedyant-a.
Tamurt yessuddsen tadyant-a, Ṭalyan, tefka-as azwel i tmesbanit-a ‘’ssečč amtiweg, taẓwert i tudert’’, deffir n tefyirt-a d acqirrew n usenɣes, mi ara ur nzemmer ara ad nekkes seg yiẓuran lexṣas d laẓ deg umaḍal.

ⵜⴻⵙⵙⴻⵃⵔⴻⵙ ⵍⴻⵣⵣⴰⵢⴻⵔ, ⵙ ⵜⵉⴽⴽⵉⵏ-ⵉⵙ ⵙ ⵓⴷⴻⴳ-ⴰ, ⴰⴽⴽⴻⵏ ⴰⴷ ⵜⴻⵣⵣⵉⴽⴻⵏ ⴱⴻⵍⵍⵉ ‘’ⵍⵎⴻⴵⵀⵓⴷ ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴼⴻⵍⵍⴰⵃⵜ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵙ ⵉⵙⵡⵉ ⵏ ⵜⵖⴻⵍⵍⵉⵙⵜ ⵏ ⵡⵓⵞⵞⵉ’’, ⵉ ⴷ-ⵢⴻⵏⵏⴰ ⵉ ⵜⵏⴻⴳⴳⴰ, ⵓⵇⴻⵏⵚⵓⵍ ⴰⵎⴰⵜⵓ ⵏ ⵍⴻⵣⵣⴰⵢⴻⵔ ⴷⴻⴳ ⵎⵉⵍⴰⵏ, ⴰⴱⴷⴻⵍⴽⵔⵉⵎ ⵜⵧⵓⴰⵀⵔⵉⴰ. ⵉⵎⵙⵓⴷⴷⵙⴻⵏ ⵏ ⵜⴻⴼⵙⵉⵔⵜ ⵏ ⵎⵉⵍⴰⵏ 2015, ⵜⵜⵔⴰⴵⵓⵏ ⴰⴷ ⵉⵍⵉⵏ, ⵙⵢⴰ ⵖⴻⵔ ⵜⴰⴳⴳⴰⵔⴰ ⵏ ⵜⴻⴼⵙⵉⵔⵜ (31 ⵜⵓⴱⴻⵔ 2015), ⴰⵣⴰⵍ ⵏ 20 ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵔⵣⴰⵢⴻⵏ, ⴰⵏⴷⴰ ⴰⵔⴰ ⵢⵉⵍⵉ ⵡⴰⵣⴰⵍ ⵏ 6 ⵉⵎⴻⵍⵢⵓⵏⴻⵏ ⵓⵙⴰⵏ-ⴷ ⵙⴻⴳ ⴱⴻⵕⵕⴰ ⵏ ⵜⵎⵓⵔⵜ ⵏ ⵟⴰⵍⵢⴰⵏ, ⴰⴱⴻⵄⴷⴰ ⴷⴻⴳ ⵓⴽⵓⴷ ⵉ ⴷ-ⵉⵜⴻⴷⴷⵓⵏ ⵏ ⵢⵉⵎⵓⵔⴰⵙ.