ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⵙⵉⵔⵜ ⵜⴰⵎⴻⵖⵔⴰⴷⴰⵏⵜ ⵎⵉⵍⴰⵏ 2015 : ⵙⴻⵍⵍⴰⵍ ⵜⵜⵔⴰⴵⵓⵏ-ⵜ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵓⴷⴻⴳ ⴰⵣⵣⴰⵢⵔⵉ

ⵎⵉⵍⴰⵏ (ⵟⴰⵍⵢⴰⵏ) – ⵜⵜⵔⴰⴵⵓⵏ ⴷⴻⴳ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⵙⵙ ⵏ ⵍⴰⵔⴻⴱⵄⴰ ⴷⴻⴼⴼⵉⵔ ⵉⵎⴻⴽⵍⵉ ⴷⴻⴳ ⵜⴻⵎⴷⵉⵏⵜ ⵜⴰⵟⴰⵍⵢⴰⵏⵉⵜ ⵎⵉⵍⴰⵏ ⴰⴽⴽⴻⵏ ⴰⴷ ⵢⴻⵔⵣⵓ ⵖⴻⴼ ⵓⴷⴻⴳ ⴰⵣⵣⴰⵢⵔⵉ ⵏ ‘’ⵜⴰⴼⵙⵉⵔⵜ ⵜⴰⵎⴻⵖⵔⴰⴷⴰⵏⵜ ⵏ ⵎⵉⵍⴰⵏ 2015’’, ⵍⴻⵣⵣⴰⵢⴻⵔ ⴷ ⵜⴰⵎⵓⵔⵜ ⵜⵉⵙ 147 ⵉ ⵢⴻⴽⴽⵉⵏ ⴷⴻⴳ ⵜⴻⴼⵙⵉⵔⵜ ⵜⴰⴳⵔⴰⵖⵍⴰⵏⵜ, ⵕⴻⵥⵎⴻⵏ-ⵜⵜ ⴰⵙⵙ ⵏ 1 ⵎⴰⵢⵓ ⵢⴻⵣⵔⵉⵏ. ⵢⴻⵔⵙ ⵓⴷⴻⴳ ⴰⵣⵣⴰⵢⵔⵉ ⵖⴻⴼ ⵜⵊⵓⵎⵎⴰ ⵏ 750 ⵎ2, ⵢⴻⵜⵜⴱⴰⵏ-ⴷ ⴰⴽⵉⵏ ⵙ ⵢⵉⵏⵉⵜⴻⵏ ⴰⵣⴻⴳⴳⴰⵖ, ⴰⵎⴻⵍⵍⴰⵍ ⴷ ⵓⵣⴻⴳⵣⴰⵡ ⵏ ⵜⴻⴽⴱⴰⴱⵜ ⵜⴰⵣⵣⴰⵢⵔⵉⵜ. ⴰⴷⴻⴳ-ⴰ ⵉⴼⵙⴻⵔ-ⴷ ⵜⵉⵎⵎⴻⵔⴽⴰⵏⵜⵉⵜ ⵏ ⵡⵓⴷⵎⴰⵡⴻⵏ ⵉ ⵜⴻⵙⵄⴰ ⵜⵎⵓⵔⵜ, ⴷ ⵜⵉⵏⴼⴰⵍⵉⵢⵉⵏ ⵡⴻⵣⵣⵉⵍⴻⵏ ⵎⴰⵛⴰ ⴷ ⵜⵉⵣⴰⵎⵓⵍⵉⵏ, ⴰⵢⴰ ⴰⴽⴽ ⵉⵛⵓⴷⴷⴻⵏ ⵙ ⴰⵙⴻⵏⵜⴻⵍ ⵏ ⵜⴻⴷⵢⴰⵏⵜ-ⴰ. ⵜⴰⵎⵓⵔⵜ ⵢⴻⵙⵙⵓⴷⴷⵙⴻⵏ ⵜⴰⴷⵢⴰⵏⵜ-ⴰ, ⵟⴰⵍⵢⴰⵏ, ⵜⴻⴼⴽⴰ-ⴰⵙ ⴰⵣⵡⴻⵍ ⵉ ⵜⵎⴻⵙⴱⴰⵏⵉⵜ-ⴰ ‘’ⵙⵙⴻⵞⵞ ⴰⵎⵜⵉⵡⴻⴳ, ⵜⴰⵥⵡⴻⵔⵜ ⵉ ⵜⵓⴷⴻⵔⵜ’’, ⴷⴻⴼⴼⵉⵔ ⵏ ⵜⴻⴼⵢⵉⵔⵜ-ⴰ ⴷ ⴰⵛⵇⵉⵔⵔⴻⵡ ⵏ ⵓⵙⴻⵏⵖⴻⵙ, ⵎⵉ ⴰⵔⴰ ⵓⵔ ⵏⵣⴻⵎⵎⴻⵔ ⴰⵔⴰ ⴰⴷ ⵏⴻⴽⴽⴻⵙ ⵙⴻⴳ ⵢⵉⵥⵓⵔⴰⵏ ⵍⴻⵅⵚⴰⵙ ⴷ ⵍⴰⵥ ⴷⴻⴳ ⵓⵎⴰⴹⴰⵍ. ⵜⴻⵙⵙⴻⵃⵔⴻⵙ ⵍⴻⵣⵣⴰⵢⴻⵔ, ⵙ ⵜⵉⴽⴽⵉⵏ-ⵉⵙ ⵙ ⵓⴷⴻⴳ-ⴰ, ⴰⴽⴽⴻⵏ ⴰⴷ ⵜⴻⵣⵣⵉⴽⴻⵏ ⴱⴻⵍⵍⵉ ‘’ⵍⵎⴻⴵⵀⵓⴷ ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴼⴻⵍⵍⴰⵃⵜ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵙ ⵉⵙⵡⵉ ⵏ ⵜⵖⴻⵍⵍⵉⵙⵜ ⵏ ⵡⵓⵞⵞⵉ’’, ⵉ ⴷ-ⵢⴻⵏⵏⴰ ⵉ ⵜⵏⴻⴳⴳⴰ, ⵓⵇⴻⵏⵚⵓⵍ ⴰⵎⴰⵜⵓ ⵏ ⵍⴻⵣⵣⴰⵢⴻⵔ ⴷⴻⴳ ⵎⵉⵍⴰⵏ, ⴰⴱⴷⴻⵍⴽⵔⵉⵎ ⵜⵧⵓⴰⵀⵔⵉⴰ. ⵉⵎⵙⵓⴷⴷⵙⴻⵏ ⵏ ⵜⴻⴼⵙⵉⵔⵜ ⵏ ⵎⵉⵍⴰⵏ 2015, ⵜⵜⵔⴰⴵⵓⵏ ⴰⴷ ⵉⵍⵉⵏ, ⵙⵢⴰ ⵖⴻⵔ ⵜⴰⴳⴳⴰⵔⴰ ⵏ ⵜⴻⴼⵙⵉⵔⵜ (31 ⵜⵓⴱⴻⵔ 2015), ⴰⵣⴰⵍ ⵏ 20 ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵔⵣⴰⵢⴻⵏ, ⴰⵏⴷⴰ ⴰⵔⴰ ⵢⵉⵍⵉ ⵡⴰⵣⴰⵍ ⵏ 6 ⵉⵎⴻⵍⵢⵓⵏⴻⵏ ⵓⵙⴰⵏ-ⴷ ⵙⴻⴳ ⴱⴻⵕⵕⴰ ⵏ ⵜⵎⵓⵔⵜ ⵏ ⵟⴰⵍⵢⴰⵏ, ⴰⴱⴻⵄⴷⴰ ⴷⴻⴳ ⵓⴽⵓⴷ ⵉ ⴷ-ⵉⵜⴻⴷⴷⵓⵏ ⵏ ⵢⵉⵎⵓⵔⴰⵙ.