Asebter amenzawi

Ugar n 4.500 n temhalin n usileɣ i usali n uswir n yiɛeggalen n umesten aɣarin

ǦELFA – Ugar n 4.500 n temhalin n usileɣ yemmuzzgen ttwaxedment deg semmus (5) n yiseggasen-a ineggura, akken ad ssalin aswir n yiɛeggalen n Umesten aɣarim (PC), i d-yenna wadu-unemhal n usiḍen d telɣut n tmehla tamatut Umesten aɣarim kulunel Farouk Achour. Tsuma-t-id Tnegga ɣer tama n ulaɣmu aɣelnaw deg lḥala n uzlaz, i yella ixeddem-it Umesten aɣarim n twilayt n Ǧelfa d Leɣwaṭ, yesselɣa unemhal ‘’ belli ha-t-an yewǧed uhil n usileɣ, i lmend n usetrer n Umesten aɣarim d uheggi-s akken ad iqabel isehwa d yimihiten imeqranen n ugama.

Lhan-d yihalen-a n usileɣ, i d-yessegzi, d usnefli n ‘’wallalen d tezmert n yiɛeggalen n Umesten aɣarim deg wayen yerzan akk tiɣulin.

Seg tama nniḍen, yenna-d, i lmend n usemres n yiwellihen n unemhal amatu umesten aɣarim, Akulunal Mustapha Lahbiri, ad ‘’qellɛen aɣawas nniḍen n usileɣ n usukkes amezwaru, yerzan menwala deg tmetti-nneɣ. Sfaydin seg usileɣ-a, seg-mi iqelleɛ deg useggas 2010 ar ass-a, ugar n 66.000 n yimsuksen.