ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 4.500 ⵏ ⵜⴻⵎⵀⴰⵍⵉⵏ ⵏ ⵓⵙⵉⵍⴻⵖ ⵉ ⵓⵙⴰⵍⵉ ⵏ ⵓⵙⵡⵉⵔ ⵏ ⵢⵉⵄⴻⴳⴳⴰⵍⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵏ

ⴵⴻⵍⴼⴰ – ⵓⴳⴰⵔ ⵏ 4.500 ⵏ ⵜⴻⵎⵀⴰⵍⵉⵏ ⵏ ⵓⵙⵉⵍⴻⵖ ⵢⴻⵎⵎⵓⵣⵣⴳⴻⵏ ⵜⵜⵡⴰⵅⴻⴷⵎⴻⵏⵜ ⴷⴻⴳ ⵙⴻⵎⵎⵓⵙ (5) ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⴰⴽⴽⴻⵏ ⴰⴷ ⵙⵙⴰⵍⵉⵏ ⴰⵙⵡⵉⵔ ⵏ ⵢⵉⵄⴻⴳⴳⴰⵍⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵎ (ⵒⵛ), ⵉ ⴷ-ⵢⴻⵏⵏⴰ ⵡⴰⴷⵓ-ⵓⵏⴻⵎⵀⴰⵍ ⵏ ⵓⵙⵉⴹⴻⵏ ⴷ ⵜⴻⵍⵖⵓⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵓⵎⴻⵙⵜⴻⵏ ⴰⵖⴰⵔⵉⵎ ⴽⵓⵍⵓⵏⴻⵍ ⴼⴰⵔⵧⵓⴽ ⴰⵛⵀⵧⵓⵔ. ⵜⵙⵓⵎⴰ-ⵜ-ⵉⴷ ⵜⵏⴻⴳⴳⴰ ⵖⴻⵔ ⵜⴰⵎⴰ ⵏ ⵓⵍⴰⵖⵎⵓ ⴰⵖⴻⵍⵏⴰⵡ ⴷⴻⴳ ⵍⵃⴰⵍⴰ ⵏ ⵓⵣⵍⴰⵣ, ⵉ ⵢⴻⵍⵍⴰ ⵉⵅⴻⴷⴷⴻⵎ-ⵉⵜ ⵓⵎⴻⵙⵜⴻⵏ ⴰⵖⴰⵔⵉⵎ ⵏ ⵜⵡⵉⵍⴰⵢⵜ ⵏ ⴵⴻⵍⴼⴰ ⴷ ⵍⴻⵖⵡⴰⵟ, ⵢⴻⵙⵙⴻⵍⵖⴰ ⵓⵏⴻⵎⵀⴰⵍ ‘’ ⴱⴻⵍⵍⵉ ⵀⴰ-ⵜ-ⴰⵏ ⵢⴻⵡⴵⴻⴷ ⵓⵀⵉⵍ ⵏ ⵓⵙⵉⵍⴻⵖ, ⵉ ⵍⵎⴻⵏⴷ ⵏ ⵓⵙⴻⵜⵔⴻⵔ ⵏ ⵓⵎⴻⵙⵜⴻⵏ ⴰⵖⴰⵔⵉⵎ ⴷ ⵓⵀⴻⴳⴳⵉ-ⵙ ⴰⴽⴽⴻⵏ ⴰⴷ ⵉⵇⴰⴱⴻⵍ ⵉⵙⴻⵀⵡⴰ ⴷ ⵢⵉⵎⵉⵀⵉⵜⴻⵏ ⵉⵎⴻⵇⵔⴰⵏⴻⵏ ⵏ ⵓⴳⴰⵎⴰ. ⵍⵀⴰⵏ-ⴷ ⵢⵉⵀⴰⵍⴻⵏ-ⴰ ⵏ ⵓⵙⵉⵍⴻⵖ, ⵉ ⴷ-ⵢⴻⵙⵙⴻⴳⵣⵉ, ⴷ ⵓⵙⵏⴻⴼⵍⵉ ⵏ ‘’ⵡⴰⵍⵍⴰⵍⴻⵏ ⴷ ⵜⴻⵣⵎⴻⵔⵜ ⵏ ⵢⵉⵄⴻⴳⴳⴰⵍⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵎ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴽ ⵜⵉⵖⵓⵍⵉⵏ. ⵙⴻⴳ ⵜⴰⵎⴰ ⵏⵏⵉⴹⴻⵏ, ⵢⴻⵏⵏⴰ-ⴷ, ⵉ ⵍⵎⴻⵏⴷ ⵏ ⵓⵙⴻⵎⵔⴻⵙ ⵏ ⵢⵉⵡⴻⵍⵍⵉⵀⴻⵏ ⵏ ⵓⵏⴻⵎⵀⴰⵍ ⴰⵎⴰⵜⵓ ⵓⵎⴻⵙⵜⴻⵏ ⴰⵖⴰⵔⵉⵎ, ⴰⴽⵓⵍⵓⵏⴰⵍ ⵎⵓⵙⵜⴰⵒⵀⴰ ⵍⴰⵀⴱⵉⵔⵉ, ⴰⴷ ‘’ⵇⴻⵍⵍⵄⴻⵏ ⴰⵖⴰⵡⴰⵙ ⵏⵏⵉⴹⴻⵏ ⵏ ⵓⵙⵉⵍⴻⵖ ⵏ ⵓⵙⵓⴽⴽⴻⵙ ⴰⵎⴻⵣⵡⴰⵔⵓ, ⵢⴻⵔⵣⴰⵏ ⵎⴻⵏⵡⴰⵍⴰ ⴷⴻⴳ ⵜⵎⴻⵜⵜⵉ-ⵏⵏⴻⵖ. ⵙⴼⴰⵢⴷⵉⵏ ⵙⴻⴳ ⵓⵙⵉⵍⴻⵖ-ⴰ, ⵙⴻⴳ-ⵎⵉ ⵉⵇⴻⵍⵍⴻⵄ ⴷⴻⴳ ⵓⵙⴻⴳⴳⴰⵙ 2010 ⴰⵔ ⴰⵙⵙ-ⴰ, ⵓⴳⴰⵔ ⵏ 66.000 ⵏ ⵢⵉⵎⵙⵓⴽⵙⴻⵏ.