ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴰⵍ ⵏ 33% ⵙⴻⴳ ⵢⵉⵍⴻⵎⵥⵉⵢⴻⵏ ⵏ ⵍⴷⵣⴰⵢⴻⵜ ⵜⴰⵎⴰⵏⴻⵖⵜ ⴰⵢ ⵢⴻⵎⵍⴻⴽ ⵉⵏⵜⴻⵔⵏⴻⵜ (ⴰⵏⴰⴷⵉ)

ⵍⴻⵣⵣⴰⵢⴻⵔ – ⴰⵣⴰⵍ ⵏ 33% ⵙⴻⴳ ⵢⵉⴳⴻⵔⴷⴰⵏ ⴷ ⵢⵉⵏⵓⴱⵉⵢⴻⵏ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴰⵢ ⵢⴻⵎⵍⴻⴽ ⵉⵏⵜⴻⵔⵏⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴽⵛⴻⴼ ⵢⵉⵡⴻⵏ ⵏ ⵓⵃⵜⴰⵛ ⴰⵢ ⴷ-ⵜⵇⴻⴷⴷⴻⵎ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵡⴻⵜ ⵏ ⵜⴻⵖⵍⴰⵎⵜ ⵏ ⵢⵉⵎⴻⵙⵏⴰⴼⵙⵉⵢⴻⵏ ⵏ ⵓⵖⵙⵓⵔ ⵏ ⵜⴷⴰⵡⵙⴰ ⵜⵓⵇⵔⵉⴱⵜ ⵏ ⴱⵓⵣⴻⵔⵔⵉⵄⴰ (ⴻⵒⵙⵒ).

ⵜⴰⵙⴻⵙⵜⴰⵏⵜ-ⴰ ⵅⴻⴷⵎⴻⵏ-ⵜⵜ ⴷⴻⴳ 2 ⵏ ⵡⴰⵢⵢⵓⵔⴻⵏ ⴷⴻⴳ 6 ⵏ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⵜⵃⵓⵣⴰ 14.822 ⵏ ⵢⵉⴳⴻⵔⴷⴰⵏ ⴷ ⵢⵉⵏⵓⴱⵉⵢⴻⵏ ⵢⴻⵙⵄⴰⵏ ⴳⴰⵔ 8 ⴷ 22 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵜⴻⴽⵛⴻⴼ-ⴷ ⴷⴰⴽⴽⴻⵏ ⴳⴰⵔ 82% ⵏ ⵢⵉⵙⴻⵇⴷⴰⵛⴻⵏ ⵏ ⵉⵏⵜⴻⵔⵏⴻⵜ, 33% ⵢⴻⵎⵍⴻⴽ-ⵉⵜⴻⵏ, ⵖⴻⴼ ⵍⴻⵃⵙⴰⴱ ⵏ ⵜⵎⴻⵙⴽⴰⵔⵜ ⵜⴰⴳⴻⵊⴷⴰⵏⵜ ⵏ ⵜⵙⴻⵙⵜⴰⵏⵜ-ⴰ, ⵜⴰⴷⵓⴽⵜⵓⵔⵜ ⵏⵧⵔⴰ ⴽⴻⵛⵀⴰⵉⵔⵉ.

ⵜⴰⵙⴻⵙⵜⴰⵏⵜ-ⴰ ⵜⴻⴽⵛⴻⴼ-ⴷ ⴷⴰⴽⴽⴻⵏ ⴰⵜⵜⵡⴰⵎⵍⴻⴽ ⵏ ⵢⵉⵍⴻⵎⵥⵉⵢⴻⵏ ⵜⵎⴰⵏⴻⵖⵜ (ⵢⴻⵇⵇⴰⵔⴻⵏ ⴷⴻⴳ ⵓⵖⴻⵔⴱⴰⵣ ⴰⵎⴻⵣⵓ, ⴰⵍⴻⵎⵎⴰⵙ ⵏⴻⵖ ⵜⴰⵙⵏⴰⵡⵉⵜ) ⵢⴻⵇⵇⴻⵍ « ⴷ ⴰⵅⴻⵚⵚⴰⵔ ⵏ ⵜⵉⴷⴻⵜ ⴰⵢ ⵢⴻⵙⵙⴰⵡⴰⵒⴷⴻⵏ ⴽⵔⴰ ⵖⴻⵔ ⵜⵡⴰⵔⵔⵥⴰ ⵏⴻⵖ ⵖⴻⵔ ⵜⵉⴽⵍⵉ ⵜⵓⴽⵔⵉⴹⵜ, ⴰⵎ ⵡⴰⴽⴽⴻⵏ ⴰⵢ ⵜⵜⴻⵇⵇⴰⵍⴻⵏ ⵓⵔ ⵃⴽⵉⵎⴻⵏ ⴰⵔⴰ ⴷⴻⴳ ⵢⵉⵎⴰⵏ-ⵏⵙⴻⵏ ».

« ⵡⴰ ⴷ ⵚⵚⴻⵏⴼ ⴰⵎⴰⵢⵏⵓ ⵏ ⵕⵕⵡⴰⵃ ⵏ ⵍⴱⴰⵍ, ⵎⴰⵛⴰ ⵡⴰⵔ ⵜⵉⵀⵢⵓⴼⵉⵏ. ⴰⵎⴷⴰⵏ ⵢⴻⵜⵜⴻⵇⵇⴰⵍ ⵉⵔⴻⴼⴼⵓ ⴰⵟⴰⵙ, ⵓⵔ ⵢⴻⵣⵎⵉⵔ ⵡⵉⵏ ⴰⵔⴰ ⵢⴻⴷⴷⵔⴻⵏ ⵢⵉⴷ-ⵙ ⵢⴻⵔⵏⴰ ⴷ ⵓⴽⵔⵉⴹ ⵎⴰ ⵢⴻⵍⵍⴰ ⵢⴻⵜⵜⵡⴰⴽⴽⴻⵙ-ⴰⵙ ⵜⵜⴰⵡⵉⵍ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⵜⴰⵙⴻⵙⵜⴰⵏⵜ-ⴰ ⵜⴻⵜⵜⵡⴰⵇⴻⴷⴷⴻⵎ-ⴷ ⴷⴻⴳ ⵢⵉⵡⴻⵏ ⵏ ⵡⴰⵙⵙ ⵓⵙⵙⵏⴰⵏ ⵖⴻⴼ « ⵓⵎⵍⴰⴽ ⵏ ⵉⵏⵜⴻⵔⵏⴻⵜ ⵖⴻⵔ ⵢⵉⴳⴻⵔⴷⴰⵏ ⴷ ⵢⵉⵏⵓⴱⵉⵢⴻⵏ », ⴷ ⴰⵙⵙ ⴰⵢ ⵜⴻⵙⵙⵓⴷⴷⴻⵙ ⵜⵎⴻⵀⵍⴰ ⵏ ⵜⴷⴰⵡⵙⴰ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⵢⴻⵔⵏⴰ ⵃⴻⵜⵜⴻⵜⴻⵏ-ⴷ ⴷⴻⴳ ⵜⵙⴻⵙⵜⴰⵏⵜ-ⴰ ⵖⴻⴼ ⵍⵡⴻⵄⵕⴰⵏ ⴰⵢ ⵜⴻⵙⵄⴰ ⵜⴰⵍⵓⴼⵜ-ⴰ ⴰⵢ ⵉⵃⵓⵣⴰⵏ ⴰⵟⴰⵙ ⵙⴻⴳ ⵢⵉⵍⴻⵎⵥⵉⵢⴻⵏ-ⵏⵏⴻⵖ ⴰⵢ ⵢⴻⵇⵇⵍⴻⵏ « ⵢⴻⵎⵍⴻⴽ-ⵉⵜⴻⵏ » ⵉⵏⵜⴻⵔⵏⴻⵜ.

ⵉⵎⵙⵓⵊⵊⵉⵢⴻⵏ ⵏ ⵜⵏⴻⴼⵙⵉⵜ ⴷ ⵢⵉⵎⴻⵙⵏⴰⴼⵙⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴰⵙⵙ-ⴰ ⵏ ⵜⴻⵣⵔⴰⵡⵜ ⵃⴻⵜⵜⴻⵜⴻⵏ ⵖⴻⴼ ⴷⴷⵓⵕ ⵢⴻⵙⵄⴰⵏ ⴰⵣⴰⵍ ⴰⵢ ⵣⴻⵎⵔⴻⵏ ⴰⴷ ⵜ-ⵓⵔⴰⵔⴻⵏ ⵢⵉⵎⴰⵡⵍⴰⵏ ⴷ ⵜⵡⴰⵛⵓⵍⵜ ⴰⴽⴽⴻⵏ ⵉⴳⴻⵔⴷⴰⵏ-ⵏⵙⴻⵏ ⵓⵔ ⵖⴻⵍⵍⵉⵏ ⴰⵔⴰ ⴷⴻⴳ ⵜⴻⴼⵅⴻⵜ-ⴰ ⵏ ⵓⵎⵍⴰⴽ ⵏ ⵉⵏⵜⴻⵔⵏⴻⵜ.

ⵍⴰⴷⵖⴰ ⵉⵎⵉ « ⴰⵎⵓⵔ ⴰⵎⴻⵇⵔⴰⵏ ⵏ ⵢⵉⵙⴻⵇⴷⴰⵛⴻⵏ ⵏ ⵉⵏⵜⴻⵔⵏⴻⵜ ⵙⵙⴻⵇⴷⴰⵛⴻⵏ-ⵜ ⴷⴻⴳ ⵓⵅⵅⴰⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ ⵜⵙⴻⵙⵜⴰⵏⵜ-ⴰ.