Asebter amenzawi

Lecɣal n temlilit tis 42 n useqqamu n yineɣlafen n tɣawsiwin n wezɣaṛ n OCI di Koweït

KOWEIT- Lecɣal n temlilit tis 42 n useqqamu n yineɣlafen n tɣawsiwin n wezɣaṛ n tuddsa n wemcarek inselman (OCI), bdan ass n laṛebɛa di Koweït-City, s uselwi n Lamir n Koweït, Cheikh Sabah Al-Ahmed Al-Jaber Al Sabah.

Lezzayer tettekki di temlilit-agi d-yellan ddaw usentel ," timuɣliwin yemmezdin i uleqqem n wemsamaḥ d wesfaḍ n rrebrab", s uneɣlaf n ddewla, aneɣlaf n tɣawsiwin n wezɣaṛ d wemɛawen ageraɣlan, Ramtane Lamamra, ara d-yemmeslayen lawan n weṛẓam n beddu n lecɣal.

Deg wawal-is lawan n beddu, lamir n Koweit iwekked-d " aḥettem" umennuɣ mgal rrebrab di yal idisan-is, ayagi "s uzdukkel" n iɣallen n yakk timura, ibedden mgal tuddza isemman i yiman-is ‘ddewla tisneslemt’ (EI) di tmura taɛṛabin timselmin.

"ad rnuɣ ṣṣut-iw ɣer yakk timiwa yettnaɣen mgal tuddsa-yagi yettusemman ‘ddewla tisneslemt’ (EI) akk d rrebrab akken yebɣu yili wudem-is", id-yenna lamir n Koweït yewwten di txazabin tarebrabit iḥuzan ussan-agi tamurt n Sɛudi.

Amḍebbeṛ Akuwiti ibder-d aṭaṣ n temsal timaḍlanin akk d tegraɣlanin, ladɣa taluft tafalaṣṭinit akk d tedyanin i tettidir Lyaman.

Timlilit n weṛẓam tella-d deg-s tikci n cciɛa seg tuddsa n OCI i lfayda n Lamir n Koweït, s tikci n wezwel n "umḍebbeṛ n tigawt talsawit" d usemmi n ddewla Takuwitit d "ul n tigawt talsawit".