Asebter amenzawi

Aselway Bouteflika yessawel d ugellid n Lesotho Letsie III

LDZAYER TAMANEƔT – Aselway n tegduda, Abdelaziz Bouteflika, yessawel ass n laṛebɛa d ugellid n Lesotho, Letsie III ay d-igan tirzi n uwanak ɣef Ldzayer.

Adiwenni-a yella-d s uḥdaṛ n uselway n Useqqamu n uɣlan, Abdelkader Bensalah, aneɣlaf n uwanak, anemhal n udiwan n tselwit n tegduda, Ahmed Ouyahia, aneɣlaf n teɣwalt, Hamid Grine d umaru amatu n uɣlif n tɣawsiwin n uzɣar, Abdelhamid Senouci Bereksi.

Agellid n Lesotho yebda-d ass n ttlata yiwet n terzi n kraḍ n wussan ɣef Ldzayer s uneɛruḍ n uselway Bouteflika.

Tirzi-a « ad d-tili d tagnit i snat-a n tmura akken ad sjehdent ugar assaɣen-nsent n tegmat d temsetlelt ay tent-icerken acḥal n tmerwin n yiseggasen aya », ɣef wakken ay d-yenna ulɣu n tselwit n tegduda.

« Adiwenni ara d-yilin gar sin-a n yimḍebbren n tmura ad ten-yejj ad mbaddalen timuɣliwin ɣef temsal tucrikin, ladɣa ɣef Tefriqt d umaḍal », ɣef wakken ay d-terna teɣbalut-a.