ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⵉⵍⵉ ⵓⵙⴻⴵⵀⴻⴷ ⵏ ⵓⵚⴰⴹⵓⴼ ⵢⴻⵔⵣⴰⵏ ⴰⴷⵍⵉⵙ ⵙ ⵢⴻⴹⵔⵉⵙⴻⵏ ⵏ ⵓⵙⴻⵎⵔⴻⵙ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵢⵉⴷⵍⴻⵙ ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⴻⵍⵍⵉ ⴰⵖⵍⵉⴼ-ⵉⵙ ⴰⴷ ⵢⴻⵍⵀⵓ ⴷ ⵓⴽⴻⵎⵎⴻⵍ, ⵙ ⵢⴻⴹⵔⵉⵙⴻⵏ ⵏ ⵓⵙⴻⵎⵔⴻⵙ, ⴰⵙⴻⵏⴼⴰⵔ ⵏ ⵓⵚⴰⴹⵓⴼ ⵢⴻⵔⵣⴰⵏ ⴰⵎⴰⵀⵉⵍ ⴷ ⵡⵓⵍⵣⵓⵣ ⵏ ⵓⴷⵍⵉⵙ ‘’ⴰⴽⴽⴻⵏ’’ ⴰⴷ ⵏⴻⵙⵙⵓⴷⴷⴻⵙ ⵓⵍⵣⵓⵣ ⵏ ⵓⴷⵍⵉⵙ ⴰⴽⴽⴻⵏ ⴰⴷ ⵢⴻⴷⴷⵓ ⴰⴽⴽⴻⵏ ⵢⴻⵙⵙⴻⴼⴽ. ⴰⵙⴻⵏⴼⴰⵔ-ⴰ ⵏ ⵓⵚⴰⴹⵓⴼ ⵙ ⵜⵉⵎⵎⴰⴷ-ⵉⵙ ‘’ⴰⴷ ⵢⴻⵙⴱⴰⴷⵓ ⵜⴰⵎⴰⵙⵉⵜ ⵏ ⵢⴻⵎⴷⴰⵏⴻⵏ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵓⵍⵣⵓⵣ ⵏ ⵓⴷⵍⵉⵙ (ⵉⵎⴻⵥⵔⴰⴳⴻⵏ, ⵉⵎⴻⵙⴽⴰⵔⴻⵏ, ⵉⵎⵣⴻⵏⵣⴻⵏ, ⴷ ⵜⴰⵎⴰ ⵜⴻⵔⵣⴰ ⵜⴻⵎⴳⵓⵔⵉ ⵏ ⵓⴷⵍⵉⵙ ⴷ ⵓⵥⵔⴰⴳ-ⵉⵙ), ⵉ ⴷ-ⵢⴻⵏⵏⴰ ⵎⴰⵙⵙ ⵎⵉⵀⵧⵓⴱⵉ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵢⴻⵔⵣⴰⵏ ⵜⴰⵙⵎⵓⵍⵉ ⴷ ⵓⵙⴽⴰⵙⵉ ⵖⴻⴼ ⵓⵙⴻⵏⴼⴰⵔ ⵏ ⵓⵚⴰⴹⵓⴼ ⵉⵛⵓⴷⴷⴻⵏ ⵖⴻⵔ ⵓⵎⴰⵀⵉⵍ ⴷ ⵡⵓⵍⵣⵓⵣ ⵏ ⵓⴷⵍⵉⵙ. ⴷⴻⴳ ⵜⵔⵉⵔⵉⵜ ⵖⴻⴼ ⵜⵓⵜⵜⵔⴰ ⵏ ⵢⵉⵡⴻⵏ ⵏ ⵓⵄⴻⴳⴳⴰⵍ ⵏ ⵜⴻⵅⵅⴰⵎⵜ ⵜⵓⵏⵏⵉⴳⵜ ⵉ ⴷ-ⵢⴻⴽⴽⴰⵏ ⵙⴻⴳ ⵙⴻⴳ ⵓⵃⵔⵉⵛ ⵡⵉⵙ ⴽⵔⴰⴷ ⵏ ⵓⵙⴻⵍⵡⴰⵢ, ⵖⴻⴼ ‘’ⵓⵃⴻⴳⴳⴻⴼ’’ ⵏ ⵢⵉⵎⴻⵙⴽⴰⵔⴻⵏ ⵙⴻⴳ ⵜⴰⵎⴰ ⵏ ⵢⵉⵎⴻⵥⵔⴰⴳⴻⵏ, ⴰⵏⴻⵖⵍⴰⴼ ⵏ ⵢⵉⴷⵍⴻⵙ ⵢⴻⵙⵙⴻⵃⵔⴻⵙ ⴰⵡⴰⵍ ⵖⴻⴼ ⵓⵙⵙⴻⴼⴽⵉ ⵢⴻⵙⵙⴻⴼⴽ ⴰⴷ ⵏⴻⴼⴽ ‘’ⴰⵃⵔⵉⵛ ⴰⵎⴻⵇⵔⴰⵏ ⵏ ⵍⴼⴰⵢⴷⴰ’’ ⵉ ⵓⵎⴻⵙⴽⴰⵔ. ⵢⴻⵏⵏⴰ-ⴷ ⵎⴰⵙⵙ ⵎⵉⵀⵧⵓⴱⵉ, ⴷⴻⴳ ⵍⵉⵃⴰⵍⴰ-ⴰ ‘’ⴰⵎⴹⴰⵏ ⵏ ⵢⵉⵎⴻⵥⵔⴰⴳⴻⵏ ⴷⴻⴳ ⵍⴻⵣⵣⴰⵢⴻⵔ ⵓⵔ ⴷ-ⵢⴻⴽⴽⴰ ⴰⵔⴰ ⵏⵏⵉⴳ 800 ⵉⴷⴻⴳ 500 ⴽⴰⵏ ⵉ ⴷ-ⵢⵓⴼⵔⴰⵔⴻⵏ ⵙⴻⴳ ⵉⵄⴻⴷⴷⴰ ⵓⵙⴻⴳⴳⴰⵙ ⵏ ⵍⴻⵣⵣⴰⵢⴻⵔ ⴷⴻⴳ ⴼⵔⴰⵏⵙⴰ ⴷⴻⴳ ⵓⵙⴻⴳⴳⴰⵙ ⵏ 2003, ⴰⵢⴰ ⴰⴽⴽⴰ ⵢⴻⴽⴽⴰ-ⴷ ⵙⴻⴳ ⵜⴰⵍⵍⴰⵍⵜ ⵏ ⵓⵏⴰⴱⴰⴹ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵎⴰⵙⵙ ⵎⵉⵀⵓⴱⵉ ⵢⴻⵙⵙⴻⵃⵔⴻⵙ ⴰⵡⴰⵍ ⵖⴻⴼ ⵓⵙⵙⴻⴼⴽⵉ ⵢⴻⵙⵙⴻⴼⴽ ⴰⴷ ⵏⴻⵙⵏⵓⵍⴼⵓ ‘’ⴽⵔⴰⴹ ⵜⵎⴻⵙⵔⵉⵢⵉⵏ ⴰⵔⴰ ⴷ-ⵢⴻⵜⵜⵓⵖⴰⵍⴻⵏ ⵢⴰⵍ ⴰⵙⴻⴳⴳⴰⵙ’’ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵓⴳⴰⵔ ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵓⴷⵍⵉⵙ ⵏ ⵍⴻⵣⵣⴰⵢⴻⵔ (ⵙⵉⵍⴰ). ⵜⴰⵎⴻⵙⵔⵉⵜ ⵉ ⵍⵎⴻⵏⴷ ⵏ ⵓⵏⴻⴽⵛⵓⵎ ⴰⵖⵓⵔⴱⵉⵣ, ⵜⴰⵢⴻⴹ ⵜⴻⵔⵣⴰ ⴰⴷⵍⵉⵙ ⵏ ⵢⵉⴳⵓⵔⴷⴰⵏ ⴷ ⵡⵉⵙ ⴽⵔⴰⴹ ⵉ ⵓⴷⵍⵉⵙ ⴰⵜⵉⴽⵏⵉⴽⴰⵏ. ⵉⵏⴻⴽⵛⵓⵎⴻⵏ ⵏ ⵢⵉⵄⴻⴳⴳⴰⵍⴻⵏ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⵔⵣⴰⵏ ⴰⴱⴻⵄⴷⴰ ⵖⴻⴼ ⵡⵓⴳⵓⵔⴻⵏ ⵉⵛⵓⴷⴷⴻⵏ ⵙ ⵓⵍⵣⵓⵣ ⵏ ⵓⴷⵍⵉⵙ ⴰⵎⴻⴷⵢⴰ ⵏ ⵓⵙⵡⴰⴹ ⵏ ⵢⵉⴷⵍⵉⵙⴻⵏ ⴷ-ⵉⵥⴻⵔⴳⴻⵏ ⴷⴻⴳ ⵜⵎⵓⵔⵜ-ⵏⵏⴻⵖ ⴷ ⵡⵉⴷ ⴷⴻⴳ ⵜⵎⵓⵔⴰ ⵏ ⴱⴻⵕⵕⴰ, ⴰⵍⵍⵓⵙ ⵏ ⵓⵍⴷⴰⵢ ⵏ ⵓⵍⴻⵎⵎⴰ ⴰⵖⴻⵍⵏⴰⵡ ⵏ ⵓⴷⵍⵉⵙ, ⴰⵙⵎⵉⵍ ⵏ ⵓⵙⵓⵖⴻⵍ, ⵜⴰⵏⴻⵣⵡⵉⵜ ⴷ ⵜⵍⴻⵍⵍⵉ ⵏ ⵡⴰⵡⴰⵍ.