ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵣⴻⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉ ⵢⴻⵎⵜⵜⴻⴽⴽⵉⵢⴻⵏ ⵏ ⵡⴻⵙⵡⵉⵔ ⵡⵉⵙ 10 ⵏ ⴼⵍⵏ

ⵍⴻⵣⵣⴰⵢⴻⵔ- ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⵓⵔⴰ ⵉⵣⴻⵏ ⵉ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵡⴻⵙⵡⵉⵔ ⵡⵉⵙ 10 ⵏ ⵓⴽⴰⴱⴰⵔ ⵏ ⵜⵉⵔⵏⵉ ⵏ ⵡⴻⵙⵍⴻⵍⵍⵓⵍⵉ ⴰⵖⴻⵍⵏⴰⵡ (ⴼⵍⵏ), ⴰⵜⴰⵏ ⵓⵙⵓⵇⵇⴻⵍ ⵏ ⵜⵏⴻⴳⴳⴰ: «ⵜⴰⵢⵙⴻⵜⵎⴰⵜⵉⵏ, ⴰⵢⴻⵜⵎⴰⵜⴻⵏ » ⵙⵓⵔⴼⴻⵜ-ⵉⵢⵉ ⵏⴻⴽ ⴷ-ⵉⴽⴻⵛⵎⴻⵏ ⴳⴰⵔ-ⴰⵡⴻⵏ ⴷⴻⴳ ⵡⴻⵙⵡⵉⵔ ⵏ ⵓⴽⴰⴱⴰⵔ-ⵏⵡⴻⵏ ⵖⴰⵙ ⵎⴰ ⵢⴻⵍⵍⴰ ⵍⴽⴰⵍⴰⴼⴰ-ⵉⵏⵓ ⵜⴰⵎⵏⴷⴰⵡⵉⵜ ⵜⵃⴻⵜⵜⴻⵎ ⴼⴻⵍⵍ-ⵉ ⴰⴽⴽⴻⵏ ⴰⴷ ⴷ-ⵢⵉⵍⵉ ⵍⴻⵇⴷⵉⵛ-ⵉⵡ ⵎⴻⴱⵍⴰ ⵜⵓⵇⵇⵏⴰ ⵖⴻⵔ ⵓⴽⴰⴱⴰⵔ ⴰⵛⴽⵓ ⴷ ⴰⵙⴻⵍⵡⴰⵢ ⵏ ⵢⵉⵣⵣⴰⵢⵔⵉⵢⴻⵏ ⵙ ⵓⵎⴰⵜⴰ ⴰⴽⴽⴻⵏ ⵢⴻⴱⵖⵓ ⵢⵉⵍⵉ ⵓⵡⴻⵍⵍⵉⵀ-ⵏⵙⴻⵏ ⴰⵙⴻⵔⵜⴰⵏ. ⴰⵡⴻⵏ-ⴷ ⵙⵙⵉⵡⴹⴻⵖ ⴰⵣⵓⵍ ⵢⴻⵎⵎⴻⵣⴳⴻⵏ ⴷ ⵢⵉⴱⴻⴷⴷⵉ-ⵏⵡⴻⵏ ⴽⵓⵏⵡⵉ ⵉⵔⴻⴼⴷⴻⵏ ⴰⴽⴰⴱⴰⵔ ⵏ ⵜⵉⵔⵏⵉ ⵏ ⵡⴻⵙⵍⴻⵍⵍⵓⵍⵉ ⴰⵖⴻⵍⵏⴰⵡ ⴰⴽⴽ ⴷ ⵓⵎⴻⵏⵏⵓⵖ ⵜⵅⴻⴷⵎⴻⵎ ⴰⴽⴽⴻⵏ ⴰⴷ ⵢⴻⵇⵇⵉⵎ ⴷ ⴰⴽⴰⴱⴰⵔ ⴰⵎⴻⵏⵣⵓ ⴷⴻⴳ ⵓⵙⵓⵔⵔⵉⴼ ⵏ ⵍⴻⴱⵏⵉ ⵏ ⵍⴻⵣⵣⴰⵢⴻⵔ ⴰⴽⴽ ⴷ ⵓⵍⴻⵇⵇⴻⵎ ⵏ ⵜⵓⴳⴷⵓⵜ. ⵙⵄⵉⵖ ⴰⴽⴽ ⵙⵙⴻⴱⴱⴰⵜ ⵏ ⵜⵜⵏⴻⴼⵅⴰ, ⴰⵙⵙ-ⴰⴳⵉ, ⵖⴻⵔ ⵡⴰⵏⴷⴰ ⵢⴻⵙⵙⴰⵡⴻⴹ ⵓⴽⴰⴱⴰⵔ-ⴰⴳⵉ ⴰⵇⴷⵉⵎⴷⴻⵙ, ⴰⴳⴻⵔⵔⵓⵊ ⵉⵎⴰⵖⵏⴰⵙⴻⵏ-ⵉⵙ ⵢⴻⵜⵜⵡⴰⵙⵏⴻⵏ ⵢⴻⵜⵜⵓⵇⴰⴷⴰⵕⴻⵏ ⵙⵖⵓⵕ ⵜⴰⵔⵡⴰ ⵏ ⵍⴻⵣⵣⴰⵢⴻⵔ, ⴷⴰⵖⴻⵏ ⵙⵖⵓⵔ ⴰⴽⴽ ⵡⵉⴷ ⵢⴻⴼⴽⴰⵏ ⴰⴼⵓⵙ ⵉ ⵜⴻⴳⵔⴰⵡⵍⴰ ⵙⵉ ⵢⴰⵍ ⴰⴷⴻⴳ ⴰⵏⴷⴰ ⵍⵍⴰⵏ ⴷⴻⴳ ⵓⵎⴰⴹⴰⵍ. ⴰⵍⵎⴻⵏⴷ ⵏ ⵍⴰⵡⴰⵏ-ⴰⴳⵉ ⴰⵏⴷⴰ ⴰⴽⴰⴱⴰⵔ ⵏ ⵜⵉⵔⵏⵉ ⵏ ⵡⴻⵙⵍⴻⵍⵍⵓⵍⵉ ⴰⵖⴻⵍⵏⴰⵡ ⴰ ⵢⴻⵜⵜⴰⵍⴻⵙ ⵉ ⵜⴰⵍⵍⵉⵜⵉⵏ ⵜⵎⵓⵇⵇⵕⴰⵏⵉⵏ ⴰⴽⴽⴻⵏ ⴰⴷ ⵜⴻⵏⵜ-ⵉⴱⵓⴷⴷ ⵉ ⵜⴰⵔⵡⴰ ⵏ ⵍⴻⵣⵣⴰⵢⴻⵔ, ⵡⵉⴷ ⵢⴻⵔⵔⴰⵏ ⵜⴰⵎⴰⵡⵜ ⴱⴻⵍⵍⵉ ⴰⵢⴰⴳⵉ ⴷ ⴰⵣⴰⵎⵓⵍ ⵢⴻⵜⵜⵓⵎⴻⵢⵣⴻⵏ, ⵖⴻⴼ ⵡⴰⵢⴰⴳⵉ ⴰⴷ ⵙⵏⴻⵎⵔⴻⵖ ⵉⵎⴹⴻⴱⴱⵕⴻⵏ-ⵏⵡⴻⵏ ⵉⵃⵓⴷⵔⴻⵏ ⵖⴻⴼ ⵜⴼⴻⴽⴽⴰ ⴷ ⵜⴻⴳⵎⴰⵜⵜ ⵏ ⵓⴽⴰⴱⴰⵔ-ⴰⴳⵉ ⵓⵎⴻⵣⵔⵓⵢ ⵢⴻⵙⵄⴰⵏ ⴰⵙⵙⴰⵖ ⴷ ⵜⵉⴷⵎⵉ ⵏ ⵢⵉⵣⵣⴰⵢⵔⵉⵢⴻⵏ ⵖⴰⵙ ⴰⴽⴽⴻⵏ ⴰⵟⴰⵚ ⵏ ⵡⵓⴳⵓⵔⴻⵏ ⴰⵢ ⴷ-ⵢⴻⵎⵎⵓⴳⴻⵔ ⴷⵉ ⵜⵉⴽⵍⵉ-ⵢⴰⴳⵉ ⵓⵎⴻⵣⵔⵓⵢ ⵍⴰⴷⵖⴰ ⴷⴻⴼⴼⵉⵔ ⵎⵉ ⵜⴻⴽⵛⴻⵎ ⵜⴰⵎⵓⵔⵜ-ⵏⵏⴻⵖ ⴰⴳⵏⵉ ⵏ ⵡⴻⵙⴳⴻⵜ ⵉⴽⴰⴱⴰⵔⴻⵏ ⴰⴽⴽ ⴷ ⵜⵉⵇⴻⵕⵕⴰⵛⵉⵏ ⵙ-ⴷ-ⵢⴻⵜⵜⵡⴰⵀⴻⴳⴳⴰⵢⴻⵏ ⵢⴰⵍ ⵜⵉⴽⴽⴻⵍⵜ ⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ. ⴷⴰⵖⴻⵏ ⴰⴷ ⵙⵏⴻⵎⵔⴻⵖ ⴰⴽⴽ ⵜⵉⵎⴰⵖⵏⴰⵙⵉⵏ ⴷ ⵢⵉⵎⴻⵖⵏⴰⵙⴻⵏ ⵢⴻⵙⵙⴰⵡⴹⴻⵏ ⴰⴷ ⵔⵏⵓⵏ ⴰⴽⴽ ⵓⴳⵓⵔⴻⵏ-ⴰⴳⵉ ⴷ-ⵎⵎⵓⴳⴳⵔⴻⵏ ⵙ ⵉⴱⴻⴷⴷⵉ ⵏ ⵜⴻⴳⵎⴰⵜⵜ, ⵍⴻⵎⵃⴰⴷⵔⴰ ⵜⴻⵏ-ⵢⴻⵙⵙⵉⵡⴹⴻⵏ ⴰⴷ ⵟⵟⴼⴻⵏ ⵓⴳⴰⵔ ⴰⴽⴰⴱⴰⵔ-ⵏⵙⴻⵏ ⴷ ⵓⵙⴷⴻⵔⴼⵉ ⵏ ⵡⴰⵣⴰⵍ-ⵉⵙ ⴷⴻⴳ ⵜⴻⴳⵏⵉⵜⵜ-ⴰⴳⵉ ⵢⴻⵙⵙⴰⵡⴰⵍⴻⵏ ⴰⵟⴰ ⵚ ⵏ ⵕⵥⴰⵏⴰ ⵉ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⵓⵖⴰⵍ ⴷ ⵜⴰⵎⵓⵔⵜ ⵢⴻⴳⵎⴰⵏ. ⵜⵉⵍⵍⵉⵏ-ⵏⵡⴻⵏ, ⴰⵙⵙ-ⴰⴳⵉ, ⴷⴻⴳ ⵢⵉⵡⴻⵜ ⵏ ⵜⵉⵔⵏⵉ ⴰⵍⵎⴻⵏⴷ ⵏ ⵡⴻⵙⵡⵉⵔ ⵡⵉⵙ 10 ⴷ ⴰⵎⴻⴷⵢⴰ ⴰⵎⵓⵇⵔⴰⵏ. ⵓⵎⵏⴻⵖ ⴱⴻⵍⵍⵉ ⴰⴷ ⵜⴻⵙⵙⵉⵡⴹⴻⵎ ⵖⴻⵔ ⵢⵉⵙⵡⵉ-ⵏⵡⴻⵏ ⵓ ⵍⴻⵛⵖⴰⵍ-ⵏⵡⴻⵏ ⴷ ⵡⵉⴷ ⴰⴷ ⴷ-ⵢⵓⴼⵔⴰⵔⴻⵏ ⵖⴻⴼ ⵡⵉⴷ ⵢⴻⵣⵔⵉⵏ ⴰⵍⵎⴻⵏⴷ ⵏ ⵡⴻⴳⵏⵉ ⴰⵙⴻⵔⵜⴰⵏ ⴰⵎⴰⵢⵏⵓⵜ ⴰⵖⴻⵍⵏⴰⵡ ⴰⴽⴽ ⴷ ⵓⵛⵇⵉⵕⵕⴻⵡ ⴰⵎⵓⵇⵕⴰⵏ ⴷ-ⵜⵃⴻⵜⵜⴻⵎ ⵜⵡⴻⵏⵏⴰⴹⵜ ⵜⴰ,ⵏⴰⴹⴰⵏⵜ ⴰⴽⴽ ⴷ ⵜⴻⴳⵔⴰⵖⵍⴰⵏⵜ ⴰⵢⴰⴳⵉ ⵢⴰⴽⴽ ⵢⴻⴽⴽⴰ-ⴷ ⵙⴻⴳ ⵍⴰⵃⵎⴰⵍⴰ-ⵏⵡⴻⵏ ⵏ ⵜⵎⵓⵔⵜ ⴰⴽⴽ ⴷ ⵜⵉⵇⴰ ⵜⴳⴰⵎ ⴷⴻⴳ ⵓⴽⴰⴱⴰⵔ-ⵏⵡⴻⵏ ⴷ ⵓⵄⴻⵡⵡⴻⵍ ⵏ ⵓⵙⴻⵎⵥⵉ ⵙ ⵡⴰⵛⵓ ⴷ-ⵜⴻⵍⵀⴰⵎ, ⴰⵎ ⵡⴰⴽⴽⴻⵏ ⵍⵍⴰⵏ ⵢⵉⵎⴻⵣⵡⵓⵔⴰ ⵉⵍⴰⵇⵎⴻⵏ ⴰⴱⵔⵉⴷ ⵏ ⵡⴻⵙⵍⴻⵍⵍⵓⵍⵉ ⵏ ⵍⴻⵣⵣⴰⵢⴻⵔ ⴰⴽⴽ ⴷ ⵓⵙⵓⵔⵔⵉⴼ ⵓⵏⴻⴳⵎⵓ-ⵙ. ⵜⵉⵇⴰ-ⵉⵏⵓ ⵜⴻⵏⵏⴻⵔⵏⵉ ⵉ ⵡⴰⵢⴻⵏ ⵜⵅⴻⴷⴷⵎⴻⵎ ⵢⴰⵍ ⵜⵉⴽⴽⴻⵍⵜ ⵎⵉ ⴰⵔⴰ ⴷ-ⵎⵎⴻⴽⵜⵉⵖ ⴰⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⴷ ⵢⵉⵖⴻⴱⵍⴰⵏ ⵜⴻⴷⴷⴻⵔ ⴷⴷⴰⵡ ⵏ ⵜⴻⵎⵃⴻⵕⵚⴰ, ⴰⴽⴽ ⴷ ⵢⴰⵍ ⵜⵉⴽⴽⴻⵍⵜ ⵎⵉ ⴰⵔⴰ ⴷ-ⵎⵎⴻⴽⵜⵉⵖ ⴰⵙⵓⵔⵔⵉ ⵏ ⵍⴻⴱⵏⵉ ⴰⴽⴽ ⴷ ⴳⴻⵎⵎⵓ, ⵉ ⵏⴻⴱⴷⴰ ⴷⴻⴼⴼⵉ ⵏ ⵓⵣⴰⵔⵓⴳ ⵏ ⵜⵎⵓⵔⵜ, ⵙⵖⵓⵔ ⴰⵖⵔⴻⴼ ⵏ ⵍⴻⵣⵣⴰⵢⴻⵔ ⵉⵛⴻⵎⵕⴻⵏ ⵉ ⵢⵉⵖⴰⵍⵍⴻⵏ ⴰⴽⴽⴻⵏ ⴰⴷ ⵢⴻⴼⴽ ⵉ ⵜⵎⵓⵔⵜ ⴰⵎⴹⵉⵇ ⵜⵓⴽⵍⴰⵍ ⴳⴻⵔ ⵍⴻⴵⵏⴰⵙ. ⴰⴼⵔⴰⵢⴻⵏ ⵏ ⵡⴻⵙⵎⴻⴽⵜⵉ ⴷ-ⵢⴻⵙⴽⵓⴽⵓⴹⴻⵏ ⵍⴰⴷⵖⴰ ⴷⴻⴳ ⵡⴰⴳⴳⵓⵔ-ⴰⴳⵉ ⵏ ⵎⴰⵢⵓ, ⴰⵎ ⵡⴰⴽⴽⴻⵏ ⵜⴻⵥⵕⴰⵎ, ⵢⴻⵙⵎⴻⴽⵜⴰⵢ-ⴷ ⴰⵣⴱⵓ ⵏ ⵡⴻⵖⵔⴻⴼ ⴰⵣⵣⴰⵢⵔⵉ ⴰⴽⴽ ⴷ ⵡⴰⵢⴻⵏ ⴰⴽⴽ ⵉⵙⴻⴱⴱⴻⵍ.

ⴰ ⵜⵉⵢⵙⴻⵜⵎⴰⵜⵉⵏ ⴷ ⵡⴰⵢⵜⵎⴰⵜⴻⵏ,

ⴰⵎⴻⵣⵔⵓⵢ ⴰⴷ ⵢⴻⵛⴼⵓ ⴷⴰⴽⴽⴻⵏ ⵙ ⵜⵍⴰⵍⵉⵜ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵍⴷⵣⴰⵢⴻⵔ ⵜⴻⵙⵙⴰⵡⴻⴹ ⴰⴷ ⵜⴻⵊⴱⴻⵕ ⵍⴻⵊⵔⵓⵃ-ⵏⵏⴻⵙ ⴷⴻⴳ ⵜⴰⵍⵍⵉⵜ ⴰⵢ ⴷ-ⵉⴹⴻⴼⵔⴻⵏ ⵜⵉⵏⴻⴳⵣⴰⵔⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵢⵢⵓⵔ-ⴰ ⵏ ⵎⴰⵢⵓ, ⵙⴻⵜⵜⵉⵏ ⵏ ⵢⵉⵙⴻⴳⴳⴰⵙⴻⵏ ⴰⵢⴰ.

ⵍⵇⴻⵔⵃ ⴷ ⵓⵅⴻⵢⵢⴻⴱ ⵊⵊⴰⵏ, ⵙ ⵡⴰⵢⴰ, ⴰⵎⴽⴰⵏ ⵉ ⵓⵙⵙⵉⵔⴻⵎ ⴷ ⵜⵎⵓⵖⵍⵉ ⵉⵛⴻⴱⵃⴻⵏ ⵖⴻⵔ ⵙⴷⴰⵜ, ⴷ ⴰⵢⴻⵏ ⵢⴻⵙⴼⵉⵍⵍⵜⴻⵏ ⵉ ⵓⵎⵙⴻⴹⴼⴰⵔ ⵏ ⵔⵔⴱⵓⵃⴰⵜ ⴷⴻⴳ ⵢⵉⵎⴻⵏⵖⵉ ⴰⵢ ⴷ-ⵢⴻⴽⴽⴰⵏ ⵙⴻⴳ ⵜⴻⴱⵖⴻⵙⵜ ⵏ ⵢⵉⵎⵊⴰⵀⴷⴻⵏ-ⵏⵏⴻⵙ ⴷ ⵓⵄⴻⵡⵡⴻⵍ-ⵏⵙⴻⵏ ⵉⵊⴻⵀⴷⴻⵏ.

ⵉⵎⵊⴰⵀⴷⴻⵏ-ⴰ ⵏⵏⵓⵖⴻⵏ ⵉⵎⴻⵏⵖⵉ ⴷ ⴰⵎⴻⵇⵔⴰⵏ ⵉ ⵓⵙⵍⴻⵍⵍⵉ ⵏ ⵜⵎⵓⵔⵜ ⵢⴻⵔⵏⴰ ⴰⵇⵍ-ⵉⴽⴻⵏ ⵓⵍⴰ ⴷ ⴽⴻⵏⵡⵉ ⴷⴰ ⵍⴰ ⵜⴻⵜⵜⴽⴻⵎⵎⵉⵍⴻⵎ ⴷⴻⴳ ⵓⴱⵔⵉⴷ-ⵏⵙⴻⵏ ⵙ ⵓⵄⴻⵡⵡⴻⵍ ⴷ ⵓⵙⵙⴻⵃⴱⵉⴱⴻⵔ ⵙ ⵕⵕⵓⵃ-ⵏⵏⵉ ⵏ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵜⵎⵓⵔⵜ ⴷ ⵓⵃⴻⵎⵎⴻⵍ-ⵏⵏⴻⵙ. ⴰⵙⵡⵉⵔ-ⵏⵡⴻⵏ ⵢⴻⵙⵙⴻⴼⴽ, ⴷⴻⴳ ⵜⵉⴷⴻⵜ, ⴰⴷ ⵢⴻⴹⵎⴻⵏ ⴰⴽⴻⵎⵎⴻⵍ ⵏ ⵢⵉⵎⴻⵏⵖⵉ ⵙ ⵜⵓⴹⴹⴼⴰ ⵢⴻⵣⴳⴰⵏ ⴷⴻⴳ ⵢⵉⵎⴻⵏⵣⴰⵢⴻⵏ ⴷ ⵡⴰⵣⴰⵍⴻⵏ ⵓⵏⵏⵉⴳⴻⵏ ⵏ ⵜⴻⴳⵔⴰⵡⵍⴰ-ⵏⵏⴻⵖ ⵜⵓⵔⴱⵉⵃⵜ.

ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⴰⵡⴻⵏ-ⵜⵖⴰⴱ ⴷⴰⴽⴽⴻⵏ ⴰⴽⴰⴱⴰⵔ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵢⴻⵙⵙⴰⵡⴻⴹ ⴰⴷ ⵢⴻⴹⴹⴻⴼ ⴰⵎⴽⴰⵏ ⴰⵎⴻⵣⵡⴰⵔⵓ ⵙ ⵢⵉⵎⴻⵏⵣⴰⵢⴻⵏ ⵏ ⵍⵍⵙⴰⵙ ⴰⵢ ⵉⵇⵓⴷⴻⵔ ⵢⴻⵔⵏⴰ ⵢⴻⴹⴹⴻⴼ ⵜⵉⴽⵍⵉ ⵜⴰⵎⴰⵢⵏⵓⵜ ⴰⵢⴷⴻⴳ ⵉⵔⴻⵚⵚⴰ ⵜⴰⵎⴰⴳⵉⵜ-ⵏⵏⴻⵖ ⵜⴰⵖⴻⵍⵏⴰⵡⵜ ⵢⴻⵔⵏⴰ ⵢⴻⵃⵔⴻⵣ ⵜⵉⵍⴻⵍⵍⵉⵢⵉⵏ ⴷ ⵜⴻⵖⴷⴻⵎⵜ ⵜⴰⵏⵎⴻⵜⵜⵉⵜ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⵊⵀⴻⴷ ⵜⵓⴹⴹⴼⴰ ⵏ ⵓⵖⵔⴻⴼ-ⵏⵏⴻⵖ ⴷⴻⴳ ⵍⵉⵙⵍⴰⵎ ⵏ ⵍⴻⵊⴷⵓⴷ-ⵏⵏⴻⵖ ⴷ ⵡⴰⵣⴰⵍⴻⵏ ⵏ ⵓⵙⴽⴰⵔ ⴷ ⵓⵎⵙⵓⵔⴻⴼ ⴰⵢⵢⴻⵙ ⵢⴻⵜⵜⵡⴻⵚⵚⵉ ⴷⴷⵉⵏ-ⵏⵏⴻⵖ ⵉⵎⵇⴻⴷⴷⴻⵙ. ⵎⴰ ⵢⴻⵍⵍⴰ ⵜⵉⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵜⴰⵎⴻⵣⵔⵓⵢⴰⵏⵜ ⵜⴻⵙⵙⴰⵡⴻⴹ ⴰⴷ ⵜⴻⵖⴹⴻⵍ ⴰⵣⴰⴳⵍⵓ ⵏ ⵓⵙⵙⴻⵀⵔⴻⵙ, ⴰⴽⴰⴱⴰⵔ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴰⵢ ⵢⴻⵍⵍⴰⵏ ⵢⴻⵔⵏⴰ ⵜⴻⵇⵇⵉⵎ ⴷ ⵍⵍⵙⴰⵙ ⵏ ⵍⴻⴱⵏⵉ ⵏ ⵜⵎⴻⵜⵜⵉ ⴷ ⵜⵙⴻⵔⵜⵉⵜ ⵜⴰⵖⴻⵍⵏⴰⵡⵜ, ⵍⴰ ⵢⴻⵜⵜⴽⴻⵎⵎⵉⵍ ⴷⴷⵓⵕ-ⵏⵏⴻⵙ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵙⵙⴻⵊⵀⴻⴷ ⵏ ⵜⵉⴽⵍⵉ ⵏ ⵜⵎⵓⵔⵜ ⴷⴻⴳ ⵜⴰⵍⵍⵉⵜ ⵏ ⵜⴻⴳⵜⴰⵥⵔⵉ, ⴷ ⵓⵙⵙⴻⵊⵀⴻⴷ ⵏ ⵜⵉⴽⵍⵉ ⵏ ⵍⴻⴱⵏⵉ ⴷ ⵓⴹⵎⴰⵏ ⵏ ⵜⵓⴷⴻⵔⵜ ⵏ ⵜⵓⴳⴷⵓⵜ.

ⴰⵅⴻⴷⴷⵉⵎ-ⵏⵏⴻⵙ ⵢⴻⴱⵏⴰ ⵖⴻⴼ ⵜⵙⴻⵔⵜⵉⵜ ⴰⵢ ⵍⴰ ⵢⴻⵜⵜⴹⴰⴼⴰⵔⴻⵏ ⴰⵀⵉⵍⴻⵏ ⵏ ⵓⵏⵏⴻⵔⵏⵉ ⴰⵎⴰⵜⵓ ⵏ ⵜⵎⵓⵔⵜ, ⴷ ⵡⵉⴷ ⴰⵔⴰ ⴷ-ⵢⵉⵍⵉⵏ ⵉ ⵍⵎⴻⵏⴷⴰⴷ ⵏ ⵡⴰⵢⴻⵏ ⴰⵢ ⵢⴻⵙⵙⴰⵔⴰⵎ ⵓⵖⵔⴻⴼ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⴻⴽⴽⴰⵢ ⴷⴻⴳ ⵜⴻⴼⵔⴰⵏⵉⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵓⵎⵙⵉⵣⵡⴻⵔ ⵢⴻⵚⴼⴰⵏ, ⵢⴻⵔⵏⴰ ⵢⴻⵙⵙⴻⵃⴱⵉⴱⵉⵔ ⵖⴻⴼ ⵢⵉⵙⵡⴰⵏ ⵉⵙⵓⴷⴷⵙⴰⵏⴻⵏ (ⵉⵙⵜⵕⴰⵜⵉⵊⵉⵢⴻⵏ) ⵉⵖⴻⵍⵏⴰⵡⴻⵏ ⵙ ⵓⵎⵄⴰⵡⴻⵏ ⴷ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⵏⵉⴹⴻⵏ.

ⴰⴽⴰⴱⴰⵔ-ⵏⵡⴻⵏ ⵢⴻⵙⵙⴻⴼⴽ – ⵢⴻⵔⵏⴰ ⵓⵍⴰⵛ ⵜⴰⵔⴻⵡⵍⴰ ⵖⴻⴼ ⵡⴰⵢⴰ – ⴰⴷ ⴷ-ⵢⴻⴼⴽ ⴰⵎⴻⴷⵢⴰ ⵉⵎⵅⴻⵢⵢⴻⵔ ⵉ ⵢⵉⴽⴰⴱⴰⵔⴻⵏ ⴰⵢ ⵍⴰ ⴷ-ⵢⴻⵜⵜⴰⵍⵉⵏ ⵢⴻⵔⵏⴰ ⴷ ⵏⴻⵜⵜⴰ ⴷ ⴰⵎⴻⵣⵡⴰⵔⵓ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵏⵏⴰⵖ ⵉ ⵍⵎⴻⵏⴷ ⵏ ⵓⵔⴻⵚⵚⵉ ⵏ ⵜⵓⴳⴷⵓⵜ ⵏ ⵜⵉⴷⴻⵜ. ⵢⴻⵙⵙⴻⴼⴽ, ⵉ ⵍⵎⴻⵏⴷ ⵏ ⵡⴰⵢⴰ, ⴰⴷ ⵢⴻⵅⴷⴻⵎ ⵉ ⵍⵎⴻⵏⴷ ⵏ ⵓⵙⵙⴻⵎⵖⴻⵔ ⵏ ⵍⵖⴰⵛⵉ-ⵏⵏⴻⵙ ⴷ ⵓⵙⵙⴻⴽⵛⴻⵎ ⵏ ⵢⵉⵍⴻⵎⵥⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵢⴻⵔⵥⴻⵎ ⵜⵉⵡⵡⵓⵔⴰ ⵉ ⵡⴰⴽⴽ ⵉⴷⵉⵙⴰⵏ ⵏ ⵜⵎⴻⵜⵜⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ, ⵉ ⵡⴰⴽⴽ ⵉⵔⴳⴰⵣⴻⵏ ⴷ ⵜⵍⴰⵡⵉⵏ ⴰⵢ ⵢⴻⵜⵜⵡⴰⵍⵉⵏ ⵏⵏⴼⴻⵄ ⵏ ⵍⵄⴰⵎⵎⴰ ⵢⵉⴼ ⴰⴽⴽ ⴰⵢⴻⵏ ⵏⵉⴹⴻⵏ ⵢⴻⵔⵏⴰ ⴱⵖⴰⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⵙⴻⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵓⵡⴰⵏⴰⴽ (ⴷⴷⵓⵍⴰ), ⵍⴰⴷⵖⴰ ⵡⵉⴷ ⴰⵢⴷⴻⴳ ⵢⴻⵍⵍⴰ ⵍⴰⵎⴰⵏ ⵢⴻⵔⵏⴰ ⵙⵄⴰⵏ ⵜⴰⵎⵓⵙⵙⵏⵉ ⵏ ⵓⵅⴻⴷⴷⵉⵎ ⴰⵢ ⵢⴻⵙⵙⴻⴼⴽⴻⵏ ⵉ ⵛⵛⵖⴻⵍ ⴰⵎ ⵡⴰ.

ⴰ ⵜⵉⵢⵙⴻⵜⵎⴰⵜⵉⵏ ⴷ ⵡⴰⵢⵜⵎⴰⵜⴻⵏ,

ⵎⵉ ⴷ-ⵜⴻⵇⵇⵉⵎⴻⵎ ⴰⴽⴽⴰ ⴰⴷ ⵜⵅⴻⵎⵎⴻⵎⴻⵎ, ⴰⴷ ⵜⴻⵙⴽⴰⵙⵉⵎ ⵢⴻⵔⵏⴰ ⴰⴷ ⵜⴻⵎⴱⴰⴷⴷⴰⵍⴻⵎ ⵜⵉⴽⵜⴰ ⵖⴻⴼ ⵓⵣⴻⴽⴽⴰ ⵏ ⵓⴽⴰⴱⴰⵔ-ⵏⵡⴻⵏ, ⵏⴻⴽⴽ ⴳⵉⵖ ⵍⴰⵎⴰⵏ ⴷⴰⴽⴽⴻⵏ ⵍⵎⴻⵊⵀⵓⴷ-ⵏⵡⴻⵏ ⵢⵓⴽⵍⴰⵍⴻⵏ ⴰⵛⴽⴰⵕ ⴰⴷ ⵢⴻⵙⵙⵉⵡⴻⴹ ⵖⴻⵔ ⵢⵉⵙⵡⵉ ⵉ ⵍⵎⴻⵏⴷ ⵏ ⵓⴹⵎⴰⵏ ⵏ ⵓⴽⴻⵎⵎⴻⵍ ⵏ ⵜⵉⴽⵍⵉ-ⵏⵏⴻⵙ ⵜⴰⵎⴻⵖⵏⴰⵙⵜ.

ⴰⵇⵍ-ⵉⵢⵉ ⵜⵜⴻⴽⴽⴰⵖ ⴷⴰⵖ ⵢⵉⴷ-ⵡⴻⵏ ⴷⴻⴳ ⵕⵕⵓⵃ-ⵏⵏⵉ ⴰⵢ ⵜⴻⵙⵄⴰⵎ ⴰⴽⴽⴻⵏ ⴰⴷ ⵜⵅⴻⴷⵎⴻⵎ ⵢⴻⵔⵏⴰ ⴰⴷ ⵜⴻⵙⴼⴻⵄⵍⴻⵎ ⴰⵙⵙⵉⵔⴻⵎ-ⵏⵡⴻⵏ ⴷⴻⴳ ⵍⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵏⴻⵔⵏⵉ ⴷ ⵜⵉⴷⴷⵉⵜ ⵖⴻⵔ ⵙⴷⴰⵜ.

ⴰⵇⵍ-ⵉⵢⵉ ⵜⵜⵡⴰⵙⵇⴻⵏⵄⴻⵖ ⴷⴰⴽⴽⴻⵏ ⴰⴽⴰⴱⴰⵔ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴰⵢ ⴷ-ⵢⴻⴱⴷⴰⵏ ⴰⵙⵓⵔⵉⴼ ⴰⵎⴰⵢⵏⵓ ⴷⴻⴳ ⵜⵉⴽⵍⵉ-ⵏⵏⴻⵙ, ⴰⴷ ⵉⴽⴻⵎⵎⴻⵍ ⵜⵓⴷⴻⵔⵜ-ⵏⵏⴻⵙ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⵜⴻⵍⵍⴰ ⵜⴻⵙⵡⵉⵄⵜ, ⵢⴻⵔⵏⴰ ⴰⴷ ⵢⴻⴼⴽ ⵉ ⵢⵉⵎⴰⵏ-ⵏⵏⴻⵙ ⵜⵜⴰⵡⵉⵍⴰⵜ ⴰⵔⴰ ⵜ-ⵢⴻⵊⵊⴻⵏ ⴰⴷ ⵢⵉⵍⵉ ⴷⴻⴳ ⵚⵚⴻⴼ ⴰⵎⴻⵣⵡⴰⵔⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵏⴻⵔⵏⵉ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵔⴰ ⵢⴻⴽⴽⴻⵙ ⵙⴻⴳ ⵜⵎⴻⵜⵜⵉ ⴰⴽⴽ ⵚⵚⵉⴼⴰⵜ ⵏ ⵓⴳⴳⵓⵏⵥⵓ.

ⴰ ⵜⵉⵢⵙⴻⵜⵎⴰⵜⵉⵏ ⴷ ⵡⴰⵢⵜⵎⴰⵜⴻⵏ,

ⴰⵇⵍ-ⵉⵢⵉ ⴳⵉⵖ ⵍⴰⵎⴰⵏ ⴰⴷ ⵜⴻⵔⵔⴻⵎ ⴰⴽⴰⴱⴰⵔ-ⴰ ⴰⵇⴱⵓⵔ ⴷ ⴰⵎⴻⴷⵢⴰ ⵢⴻⵔⵏⴰ ⴷ ⴰⵇⴰⵍⴻⴱ ⵡⵓⵖⵓⵔ ⴰⵔⴰ ⴷ-ⵢⴻⵏⵏⵖⴻⵍ ⵙ ⴽⵔⴰ ⵏ ⵡⴰⵢⴻⵏ ⴷ-ⵢⴻⴽⴽⴰⵏ ⵙⴻⴳ ⵏⵏⴻⵢⵢⴰ ⵣⴻⴷⴷⵉⴳⴻⵏ ⴷ ⵡⵓⵥⵡⵉⵔⴻⵏ ⴰⵢⴷⴻⴳ ⵢⴻⵍⵍⴰ ⵓⵙⵙⵉⵔⴻⵎ, ⵢⴻⵔⵏⴰ ⴰⴷ ⵢⴻⵇⵇⴻⵍ, ⵍⴰⴷⵖⴰ, ⴷ ⴰⵢⴻⵏ ⵡⵓⵖⵓⵔ ⴰⵔⴰ ⴷ-ⵔⵔⴻⵏ ⵍⴱⴰⵍ-ⵏⵙⴻⵏ ⴰⴽⴽ ⵡⵉⴷ ⴰⵢ ⵢⴻⵜⵜⴻⴽⴽⴰⵢⴻⵏ ⴰⵎⴰ ⵙ ⵍⵇⴻⵔⴱ, ⴰⵎⴰ ⵙ ⵍⴱⴻⵄⴷ, ⴷⴻⴳ ⵓⵙⵙⴻⵊⵀⴻⴷ ⵏ ⵓⵡⴰⵏⴰⴽ-ⵏⵏⴻⵖ ⴰⴳⴷⵓⴷⴰⵏ ⵢⴻⵔⵏⴰ ⴰⴷ ⵜ-ⵄⴰⵡⵏⴻⵏ ⴰⴽⴽⴻⵏ ⴰⴷ ⵢⴻⴳ ⵍⴻⵛⵖⴰⵍ-ⵏⵏⴻⵙ ⴰⴽⴽⴻⵏ ⵢⴻⵣⵎⴻⵔ ⴷⴻⴳ ⵓⵙⵙⴻⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵜⵎⵓⵔⵜ ⴷ ⵓⵖⵔⴻⴼ ⵙ ⵍⵎⴻⵊⵀⵓⴷ ⵢⴻⵜⵜⴽⴻⵎⵎⵉⵍⴻⵏ ⵢⴻⵔⵏⴰ ⴰⵙⵓⵔⵉⴼ, ⴰⵙⵓⵔⵉⴼ, ⵙ ⵓⵙⵙⵓⴳⴳⴻⵜ ⵏ ⵡⴰⵀⵉⵍⴻⵏ ⵏ ⵓⵙⵃⵓⵍⴼⵓ ⴷ ⵓⵙⵙⴻⴳⵔⴻⵔ ⴷ ⵓⴹⴼⴰⵔ ⵏ ⵜⵉⴽⵍⵉ ⵏ ⵓⵙⵙⴻⵡⵍⵉⵡⴻⵍ ⵏ ⵜⵎⴻⵖⵏⴰⵙⵉⵏ ⴷ ⵢⵉⵎⴻⵖⵏⴰⵙⴻⵏ ⵉ ⵍⵎⴻⵏⴷ ⵏ ⵜⵙⵓⴷⴷⴻⵙⵜ ⵜⴰⵖⴻⵍⵏⴰⵡⵜ ⵜⴰⵎⴰⵜⵓⵜ.

ⴰ ⵜⵉⵢⵙⴻⵜⵎⴰⵜⵉⵏ ⴷ ⵡⴰⵢⵜⵎⴰⵜⴻⵏ,

ⵓⵔ ⵢⴻⵍⵍⵉ ⴰⵔⴰ ⴰⴽⴽ ⵛⵛⴻⴽ ⴷⴰⴽⴽⴻⵏ ⴰⵎⵢⴰⴳⴻⵔ-ⵏⵡⴻⵏ, ⵉⵎⵉⵔ-ⴰ, ⴰⴷ ⵢⴻⵔⴱⴻⵃ ⵢⴻⵔⵏⴰ ⴰⴷ ⴷ-ⵜⴻⴼⴼⵖⴻⵎ ⵙⴻⴳ-ⵙ ⵜⴻⴷⴷⵓⴽⴽⵍⴻⵎ ⵓⴳⴰⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴱⵔⵉⴷ ⴰⵔⴰ ⵜⴹⴻⴼⵔⴻⵎ ⵢⴻⵔⵏⴰ ⴷ ⵡⵉⵏ ⴰⵔⴰ ⴷ-ⵢⴻⵙⵙⴻⴽⵏⴻⵏ ⴰⴼⵔⴰⵏ-ⵏⵡⴻⵏ ⵓⵃⵕⵉⵛ ⴷ ⵓⵡⴻⵀⵀⵉ-ⵏⵡⴻⵏ ⴰⵎⴻⵖⵏⴰⵙ ⵓⵔ ⵢⴻⵊⵊⵉⵏ ⴰⵔⴰ ⴰⵎⴽⴰⵏ ⵉ ⵓⵙⵎⴻⵙⵅⴻⵔ ⴷ ⵓⵙⵇⵉⵣⵣⴻⴱ ⴷⴻⴳ ⵡⴰⵢⴻⵏ ⴼⴻⵔⵏⴻⵏ ⵢⵉⵔⴳⴰⵣⴻⵏ ⴷ ⵜⵍⴰⵡⵉⵏ ⴰⵢ ⵉⵣⴻⵎⵔⴻⵏ ⵢⴻⵔⵏⴰ ⵓⴽⵍⴰⵍⴻⵏ ⴰⴷ ⴷⴷⵎⴻⵏ ⵜⴰⵎⴰⵙⵉⵜ-ⴰ ⵢⴻⵔⵏⴰ ⴰⴷ ⴷ-ⵍⵀⵓⵏ ⵢⵉⴷ-ⵙ ⵙⴻⴳ ⵡⵓⵍ.

ⵙ ⵡⴰⵢⴰ, ⴰⴷ ⵜⴻⵙⵙⴻⵍⵀⵓⵎ ⵎⵍⵉⵃ ⵜⴰⵖⴰⵔⴰ ⵏ ⵛⵛⵖⴻⵍ ⵏ ⵓⴽⴰⴱⴰⵔ-ⵏⵡⴻⵏ ⵢⴻⵔⵏⴰ ⴰⵢⴰ ⴰⴷ ⴷ-ⵢⴻⴳⵍⵓ ⵙ ⵍⴼⴰⵢⴷⴰ ⵉ ⵜⵓⴷⴻⵔⵜ ⵜⴰⵖⴻⵍⵏⴰⵡⵜ ⵙⴻⴳ ⵢⵉⴷⵉⵙⴰⵏ ⵢⴻⵔⵏⴰ ⴷⴻⴳ ⵢⵉⵙⵡⵉⵔⴻⵏ ⵢⴻⵎⴳⴻⵔⵔⴰⴷⴻⵏ.

ⵙⵙⴰⵔⴰⵎⴻⵖ ⵙⴻⴳ ⵡⵓⵍ ⴰⴷ ⵢⴻⵙⵙⵉⵡⴻⴹ ⵓⵅⴻⴷⴷⵉⵎ-ⵏⵡⴻⵏ ⴰⴷ ⵢⴻⵙⵙⴻⴼⵄⴻⵍ ⴰⵢⴻⵏ ⴰⵢ ⵜⵜⵕⴰⵊⵓⵖ ⵙⴻⴳ-ⵡⴻⵏ ⵢⴻⵔⵏⴰ ⴰⴷ ⵜⴻⵊⵊⴻⵎ ⴰⴽⴰⴱⴰⵔ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴰⴷ ⵢⴻⵙⵙⴻⵊⵀⴻⴷ ⴰⵎⴽⴰⵏ-ⵏⵏⴻⵙ ⴳⴰⵔ ⵡⴰⴽⴽ ⵜⵉⴷⵣⴰⵢⵔⵉⵢⵉⵏ ⴷ ⵢⵉⴷⵣⴰⵢⵔⵉⵢⴻⵏ ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⴰⴷ ⴽⴻⵎⵎⵍⴻⵏ ⴰⴷ ⵜⵜⴳⴻⵏ ⴷⴻⴳ-ⵙ ⵍⴰⵎⴰⵏ ⵉⵎⵉ ⴷ ⵏⴻⵜⵜⴰ ⴰⵢ ⵉⴳⴰⵏ ⵍⴻⵇⵔⴰⵔ ⵉ ⵜⴻⴱⵕⴰⵜ ⵏ ⵜⴻⴳⵔⴰⵡⵍⴰ ⵜⵓⵔⴱⵉⵃⵜ ⵏ ⵡⴰⵎⴱⴻⵕ ⵢⴻⵔⵏⴰ ⴷ ⵏⴻⵜⵜⴰ ⴰⵢ ⵢⴻⵣⵡⴰⵔⴻⵏ ⵉ ⵚⵚⴻⴼ, ⴷ ⴰⴽⴰⴱⴰⵔ ⴰⵇⴱⵓⵔ ⴰⵢ ⵉⵄⴰⵡⴷⴻⵏ ⵉⵍⵓⵍ-ⴷ ⵢⴻⵔⵏⴰ ⵉⵅⴻⴷⴷⴻⵎ ⵙ ⵓⵄⴻⵡⵡⴻⵍ ⵉ ⵍⴼⴰⵢⴷⴰ ⵏ ⵢⵉⵡⴻⵜ ⵏ ⵍⴷⵣⴰⵢⴻⵔ ⵍⴰ ⵢⴻⵜⵜⴵⵓⴵⵓⴳⴻⵏ.

ⵜⴰⵎⴰⵏⴻⴳⵜ ⵉ ⵢⵉⵎⴻⵖⵔⵓⵙⴻⵏ-ⵏⵏⴻⵖ ⵖⵍⴰⵢⴻⵏ.