Asebter amenzawi

Lezzayer d Luẓuṭu gezmen-tt deg ṛṛay akken ad sǧehden assaɣen-nsen ucriken

LEZZAYER (Tanegga) - Lezzayer d Luẓuṭu gezmen-tt deg ṛṛay, nnan-d beqqu-nsen akken ad sǧehden assaɣen-nsen ucriken s lebni n umedhel ara d-yawin ‘’lfayda tucrikt’’ deg tiɣula yemgarden, i d-yenna ulɣu ucrik i d-ssufɣen ass n lexmis, deg taggara n tirzi n Uwanek i d-yemmahel ɣer Lezzayer Ugellid n Luẓuṭu, Letsie III, seg t-id-yenced uselway n Tegduda, Abdelaziz Bouteflika. Tirzi-a temmal-d beqqu ucrik n Lezzayer d Luẓuṭu akken ad sǧehden assaɣen-nsen insayanen n tegmat, n temsetlelt d umedhel’’, d aya i yessawḍen imḍebbren ‘’ad walin akk liḥala n umedhel deg akk taɣula d usekyed n yiberdan d wallalen i yes-s ara sǧehden i yes-s ara ssegten’’, i d-yura deg ulɣu. Aselway Bouteflika d Ugellid Letsie III nnan-d, i lmend n waya, ‘’fkan-d awal akken ad sǧehden amedhel ger snat tmura, ad inin i yineɣlafen-nsen akken ad mlilen akken ad skeyden ugar amedhel’’, i d-tenna teɣbaut-nni.