ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴰⴱⴷⴻⵔ-ⴷ ⵍⵎⴻⵊⵀⵓⴷ ⵏ ⵜⵎⵓⵔⴰ ⴰⵢ ⴷ-ⵢⴻⵙⴱⴻⴷⴷⴻⵏ ⵜⴰⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵓⵏⵏⴻⵔⵏⵉ, ⵢⴻⵔⵏⴰ ⵍⴷⵣⴰⵢⴻⵔ ⴳⴰⵔ-ⴰⵙⴻⵏⵜ

ⵍⴷⵣⴰⵢⴻⵔ – ⴷⴻⴳ ⵓⴳⵔⴰⵡ ⵏ ⵢⴰⵍ ⴰⵙⴻⴳⴳⴰⵙ ⵏ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ (ⴱⴰⴷ) ⴰⵢ ⴷ-ⵢⴻⵍⵍⴰⵏ ⴷⴻⴳ ⴰⴱⵉⴷⵊⴰⵏ, ⵢⴻⵜⵜⵡⴰⴱⴷⴻⵔ-ⴷ ⵍⵎⴻⵊⵀⵓⴷ ⵏ ⵜⵎⵓⵔⴰ ⴰⵢ ⴷ-ⵢⴻⵙⴱⴻⴷⴷⴻⵏ ⵜⴰⴱⴰⵏⴽⴰ-ⴰ ⵢⴻⵔⵏⴰ ⵍⴷⵣⴰⵢⴻⵔ ⵜⴻⵍⵍ ⴰⴳⴰⵔ-ⴰⵙⴻⵏⵜ. ⴰⴳⵔⴰⵡ-ⴰ ⴰⵢ ⴷ-ⵢⴻⴱⴷⴰⵏ ⵙⴻⴳ 25 ⵎⴰⵢⵓ ⴰⴷ ⵉⴽⴻⵎⵎⴻⵍ ⴰⵔⵎⴰ 30 ⵙⴻⴳ ⵡⴰⵢⵢⵓⵔ-ⴰ ⵢⴻⵔⵏⴰ ⵢⴻⵜⵜⴻⴽⴽⴰ ⴷⴻⴳ-ⵙ ⵓⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⴷ-ⵢⴻⵍⵀⴰⵏ ⴷ ⵓⵎⴰⵔⵓⴷ ⴷ ⵜⴻⵙⵏⴰⵣⴻⵔⵜ, ⵀⴰⴷⵊⵉ ⴱⴰⴱⴰⴰⵎⵎⵉ.

Ɣⴻⴼ ⵍⴻⵃⵙⴰⴱ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⴷⵔⵉⵎⵜ ⴰⵢ ⴰⵖ-ⴷ-ⵢⴻⵡⵡⴹⴻⵏ ⴰⵙⵙ ⵏ ⵍⴻⵅⵎⵉⵙ, ⵎⵉ ⵙⴼⵓⴳⵍⴻⵏ ⴰⵎⵓⵍⵍⵉ ⵡⵉⵙ 50 ⵏ ⵜⴻⴳⵔⴰⵡⵜ ⵏ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ, « ⴱⴻⴷⵔⴻⵏ-ⴷ ⴰⴽⴽ ⵍⵎⴻⵊⵀⵓⴷ ⴰⵢ ⴳⴰⵏⵜ ⵜⵎⵓⵔⴰ ⴰⵢ ⴷ-ⵢⴻⵙⴱⴻⴷⴷⴻⵏ ⵜⴰⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ. ⵍⴷⵣⴰⵢⴻⵔ ⵜⴻⵍⵍⴰ ⴳⴰⵔ-ⴰⵙⴻⵏⵜ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⵉⵙ 4 ⴷⴻⴳ ⵜⴻⵎⵖⴻⵔ ⵏ ⵕⴰⵙⴻⵍⵎⴰⵍ-ⵏⵏⴻⵙ ⴷⴻⴳ ⵜⴱⴰⵏⴽⴰ-ⴰ. ⵏⵏⵉⴳ ⵡⴰⵢⴰ ⴷ ⵜⵉⵎⵓⵔⴰ-ⴰ ⴰⵢ ⵢⴻⵊⵊⴰⵏ ⵕⴰⵙⴻⵍⵎⴰⵍ ⵏ ⵜⴱⴰⵏⴽⴰ-ⴰ ⴰⴷ ⵢⴻⴼⴼⴻⵍ ⵉ 100 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ».

ⵍⴷⵣⴰⵢⴻⵔ ⵜⴻⵜⵜⴻⴽⴽⴰ ⴷⴻⴳ ⵓⴳⵔⴰⵡ-ⴰ ⵙ ⵢⵉⵡⴻⵜ ⵏ ⵜⵎⴰⴳⵍⴰ ⵏ ⵓⵖⵍⵉⴼ ⵏ ⵜⴻⴷⵔⵉⵎⵜ ⵢⴻⵙⵄⴰⵏ ⵎⴰⵙⵙ ⴱⴰⴱⴰⴰⵎⵎⵉ ⴷ ⵉⵖⴻⴼ-ⵏⵏⴻⵙ, ⵢⴻⵔⵏⴰ ⵢⴻⵍⵍⴰ-ⴷ ⵓⴳⵔⴰⵡ-ⴰ ⴷ ⵜⴰⴳⵏⵉⵜ ⵉ ⵓⵙⵇⴻⵔⴷⴻⵛ ⴳⴰⵔ ⵡⴰⵟⴰⵙ ⵏ ⵢⵉⵏⴻⵖⵍⴰⴼⴻⵏ ⵏ ⵜⴻⴷⵔⵉⵎⵜ ⴷ ⵢⵉⵏⴻⴱⴱⴰⴹⴻⵏ ⵏ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ ⴷ ⵢⵉⵎⴹⴻⴱⴱⵔⴻⵏ ⵏ ⵜⵙⵓⴷⴰ ⵜⵉⴷⵔⵉⵎⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⵢⴻⵔⵏⴰ ⵙⵙⴰⵡⵍⴻⵏ ⵖⴻⴼ ⵜⴻⴼⵔⴰⵏⵜ ⵏ ⵓⵙⴻⵍⵡⴰⵢ ⴰⵎⴰⵢⵏⵓ ⵏ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ.

ⵟⴰⵎ (8) ⵏ ⵢⵉⵎⴻⵣⵡⴰⵔⴻⵏ ⵙⴻⴳ ⵟⴰⵎⴻⵜ (8) ⵏ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⴰⵢ ⴷ-ⵢⴻⵔⵙⴻⵏ ⵖⴻⵔ ⵜⴻⴼⵔⴰⵏⵉⵏ ⴰⴽⴽⴻⵏ ⴰⴷ ⴷ-ⵅⴻⵍⴼⴻⵏ ⴰⵙⴻⵍⵡⴰⵢ ⴰⵏⴰⴼⴼⴰⵖ ⴷⵧⵏⴰⵍⴷ ⴽⴰⴱⴻⵔⵓⴽⴰ.

Ɣⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ, ⴰⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵢⴻⵜⵜⴻⴽⴽⴰ ⴷⴻⴳ ⵜⴻⵎⵍⵉⵍⵉⵜ ⵓⵎⵉ ⵙⴻⵎⵎⴰⵏ « ⴰⴷⵉⵡⴻⵏⵏⵉ ⵏ ⵢⵉⴱⴻⵏⵏⴰⴹⴻⵏ ⴷ ⵢⵉⵎⴰⵣⵡⴰⵔⴻⵏ », ⴷ ⵜⵉⵖⵉⵎⵉⵜ ⵏ ⵓⵙⵇⴻⵔⴷⴻⵛ ⴰⵢⴷⴻⴳ ⵢⴰⵍ ⴰⵎⴰⵣⵡⴰⵔ ⵢⴻⵙⵙⴰⵡⴻⵍ-ⴷ ⵖⴻⴼ ⵜⵎⵓⵖⵍⵉ-ⵏⵏⴻⵙ ⵢⴻⵔⵏⴰ ⵢⴻⴼⴽⴰ-ⴷ ⵜⴰⴽⵜⵉ ⵖⴻⴼ ⵜⵙⴻⵔⵜⵉⵜ ⴰⵢ ⴷ-ⵢⴻⵜⵜⵀⴻⵢⵢⴰ ⵏ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ ⵎⴰ ⵢⴻⵜⵜⵡⴰⴼⵔⴻⵏ.

ⴰⵙⵙ ⵏ ⵍⴻⵅⵎⵉⵙ, ⴰⴽⵉⵏⵡⵓⵎⵉ ⴰⴷⴻⵙⵉⵏⴰ ⵏ ⵏⵉⵊⵉⵔⵢⴰ ⵢⴻⵜⵜⵡⴰⴼⵔⴻⵏ ⴷ ⴰⵙⴻⵍⵡⴰⵢ ⵏ ⵜⴻⴳⵔⴰⵡⵜ ⵏ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ ⵉ ⵜⴰⵍⵍⵉⵜ ⵏ 5 ⵏ ⵢⵉⵙⴻⴳⴳⴰⵙⴻⵏ, ⴷⴻⴳ ⵜⵓⵣⵣⵢⴰ ⵜⵉⵙ 6 ⵏ ⵜⴻⴼⵔⴰⵏⵉⵏ ⵢⴻⵔⵏⴰ ⵙ ⵙⵏⴰⵜ ⵏ ⵜⴻⴳⵜⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⴷⴻⴳ ⵓⴳⵔⴰⵡ-ⴰ ⵏ ⵢⴰⵍ ⴰⵙⴻⴳⴳⴰⵙ, ⵀⴻⵢⵢⴰⵏ-ⴷ ⴷⴰⵖ ⵜⴰⵛⵔⴰⵡⵜ ⵏ ⵢⵉⵔⵎⵓⴷⴻⵏ ⵏ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵜⵏⴻⴼⵍⵉⵜ ⵉ ⵓⵙⴻⴳⴳⴰⵙ ⵏ 2014.