ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴽⴰⵙⵉ ⵖⴻⴼ ⵛⵛⴻⵃⵃⴰ ⵖⴻⴼ ⵡⴰⵎⴰⵏ ⵏ ⵓⵙⵙⵡⴰⵢ ⴷⴻⴳ ⵍⴻⵎⴷⴻⵢⵢⴰ

ⵍⴻⵎⴷⴻⵢⵢⴰ – ⵢⴻⵜⵜⵡⴰⵔⵥⴻⵎ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⴷ ⵓⵙⵙⴻⵖⵔⴻⴼ ⵏ ⵜⴼⴻⵍⵍⴰⵃⵜ (ⵛⴼⵠⴰ) ⴷⴻⴳ ⵍⴻⵎⴷⴻⵢⵢⴰ ⵡⴰⵙⵙ ⵏ ⵓⵙⵙⴻⵍⵖⵓ ⴷ ⵓⵙⵃⵓⵍⴼⵓ ⵖⴻⴼ « ⵛⵛⴻⵃⵃⴰ ⵖⴻⴼ ⵡⴰⵎⴰⵏ ⵏ ⵓⵙⵙⵡⴰⵢ » ⵉ ⵍⵎⴻⵏⴷ ⵏ ⵓⵙⵙⴻⵇⴷⴻⵛ ⵏ ⵡⴰⵎⴰⵏ ⵙ ⵍⵎⵉⵣⴰⵏ ⴷ ⵓⵙⵙⴻⵣⴳⵉ ⵏ ⵓⵅⴻⴷⴷⵉⵎ ⵏ ⵜⴼⴻⵍⵍⴰⵃⵜ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⵢⴻⵍⵍⴰ ⵓⵏⴻⵣⵡⵓ.

ⴰⵙⵙ-ⴰ ⵏ ⵓⵙⵙⴻⵍⵖⵓ ⵢⴻⵍⵍⴰ-ⴷ ⵙ ⵕⵕⴰⵢ ⵏ ⵜⵎⴻⵀⵍⴰ ⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⴼⴻⵍⵍⴰⵃⵜ ⵙ ⵓⵄⴰⵡⴻⵏ ⵏ ⵜⵎⴻⵀⵍⴰ ⵜⴰⴷⵉⴳⴰⵏⵜ ⵏ ⵢⵉⵎⴻⵙⵡⵉ, ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵎⴻⴳⴳⵉⵢⴻⵏ ⵢⴻⵎⴳⴻⵔⵔⴰⴷⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵏ ⵜⴼⴻⵍⵍⴰⵃⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵃⴻⵜⵜⴻⵜⴻⵏ ⴷⴰⴽⴽⴻⵏ ⴰⵎⴰⵏ ⴰⴷ ⵜⵜⵡⴰⵙⵇⴻⴷⵛⴻⵏ ⵙ ⵍⵎⵉⵣⴰⵏ ⵢⴻⵔⵏⴰ ⵢⴻⵙⵙⴻⴼⴽ « ⴰⴷ ⴷ-ⵙⵙⴰⴽⵉⵏ » ⵉⴼⴻⵍⵍⴰⵃⴻⵏ ⴰⴽⴽⴻⵏ ⴰⴷ ⵃⴻⵣⵣⴱⴻⵏ ⵢⴻⵔⵏⴰ ⴰⴷ ⴷ-ⵙⵙⴻⵣⴳⴻⵏ ⵉⵎⴰⵏ-ⵏⵙⴻⵏ ⵉ ⵜⴰⴽⴻⵡⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⴷⴻⴳ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵅⴻⵎⵎⴻⵎ ⵖⴻⴼ ⵜⵉⴼⵔⴰⵜⵉⵏ ⴰⵔⴰ ⵢⴻⵙⵏⴻⵇⵙⴻⵏ ⵍⵎⴰⴹⴻⵔⵔⴰ ⵏ ⵜⴰⴽⴻⵡⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴷⵉⴳⴰⵏ ⵏ ⵢⵉⵎⴻⵥⵍⴰ ⵏ ⵜⴼⴻⵍⵍⴰⵃⵜ, ⵎⵓⵙⵜⴰⵒⵀⴰ ⴱⴻⵏⴰⵧⵓⵉ.

Ɣⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ, ⵍⴰ ⵉⵏⴻⵇⵇⴻⵙ ⵓⴳⴻⴼⴼⵓⵔ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⵢⴻⵔⵏⴰ ⵢⴻⵏⵇⴻⵙ ⵓⴳⴰⵔ ⴰⵙⴻⴳⴳⴰⵙ-ⴰ, ⴷⵖⴰ ⵖⴻⴼ ⵡⴰⵢⴰ ⵢⴻⵍⵍⴰ-ⴷ ⵡⵓⴳⵓⵔ ⴷ ⴰⵎⴻⵇⵔⴰⵏ ⴷⴻⴳ ⵓⵃⵔⵉⵛ ⵏ ⵜⴼⴻⵍⵍⴰⵃⵜ, ⵍⴰⴷⵖⴰ ⴷⴻⴳ ⵜⴼⴻⵍⵍⴰⵃⵜ ⵏ ⵢⵉⵔⴷⴻⵏ ⴷ ⵜⴻⵎⵥⵉⵏ ⴰⵢ ⵢⴻⵃⵡⴰⵊⴻⵏ ⴰⵟⴰⵙ ⴰⵎⴰⵏ ⵏ ⵓⴳⴻⴼⴼⵓⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵃⴻⵣⵣⴻⴱ ⵉ ⵜⴰⴽⴻⵡⵜ ⴷⴻⴳ ⵡⴰⴽⴽ ⵍⴻⵛⵖⴰⵍ ⵏ ⵜⴼⴻⵍⵍⴰⵃⵜ ⴰⵢ ⵍⴰ ⵙⵙⴻⴼⵔⴰⵢⴻⵏ ⴰⴷ ⵜⴻⵏ-ⴳⴻⵏ ⵙⴻⴳ-ⴰ ⵖⴻⵔ ⵙⴷⴰⵜ.

ⵎⴰⵙⵙ ⴱⴻⵏⴰⵧⵓⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵇⴷⴻⵛ ⵜⵜⴰⵡⵉⵍ ⴰⵜⵔⴰⵔ ⵉ ⵓⵙⵙⵡⴰⵢ ⴰⴽⴽⴻⵏ ⴰⴷ ⴳⴻⵏ ⵍⴻⵇⵔⴰⵔ ⵉ ⵜⴻⵖⴱⵓⵍⴰ ⵏ ⵡⴰⵎⴰⵏ ⵏ ⵙⵓⴼⴻⵍⵍⴰ ⵢⴻⵔⵏⴰ ⴰⴷ ⵜⴻⵏ-ⵜⵃⴻⵔⵣⴻⵏ ⵉ ⵜⴻⵙⵡⵉⵄⵉⵏ ⵏ ⵜⴰⴽⴻⵡⵜ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵙⵙⴻⵏⵇⴻⵙ ⵡⴰⵢⴰ ⵍⵎⴰⴹⴻⵔⵔⴰ ⴰⵢ ⵜⴻⵜⵜⴹⵓⵔⵔⵓ ⵜⴰⴽⴻⵡⵜ ⴰⴽⴰⵍ.

ⵢⴻⵙⵙⴻⴼⴽ ⴷⴰⵖ ⵉⵎⵖⴻⵍⵍⵜⴻⵏ ⵏ ⵡⴰⴽⴰⵍ ⵏ ⵜⴼⴻⵍⵍⴰⵃⵜ ⴰⴷ ⵙⵏⴻⵔⵏⵉⵏ ⵜⴰⴼⴻⵍⵍⴰⵃⵜ ⵙ ⵓⵙⵙⵡⴰⵢ (ⵎⴰⵛⵉ ⴷ ⵜⵉⵏ ⴽⴰⵏ ⴰⵔⴰ ⵉⵜⵜⴻⴽⵍⴻⵏ ⵖⴻⴼ ⵓⴳⴻⴼⴼⵓⵔ), ⵢⴻⵔⵏⴰ ⴰⵙⵙ-ⴰ, ⵜⴰⴼⴻⵍⵍⴰⵃⵜ ⵏ ⵚⵚⴻⵏⴼ-ⴰ ⵓⵔ ⵢⴻⵡⵡⵉⴹ ⴰⵔⴰ 10.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⴰⵢ ⵜⴻⴹⴹⴻⴼ ⵙⴻⴳ 340.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⵏ ⵜⴼⴻⵍⵍⴰⵃⵜ ⵓⵏⴼⵉⵄ ⴰⵢ ⵜⴻⵙⵄⴰ ⵜⵡⵉⵍⴰⵢⵜ-ⴰ.

ⵉⵎⴹⴻⴱⴱⴻⵔ-ⴰ ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵢⵉⴼⴻⵍⵍⴰⵃⴻⵏ ⴰⴽⴽⴻⵏ ⴰⴷ ⵙⵙⴻⵇⴷⴰⵛⴻⵏ ⵣⵣⴻⵔⵔⵉⵄⴰⵜ ⵉⵊⴻⵀⴷⴻⵏ ⵓⴳⴰⵔ ⵏ ⵜⵉⴷ ⴰⵢ ⵙⵙⴻⵇⴷⴰⵛⴻⵏ ⵉⵎⵉⵔ-ⴰ.