ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴽⵓⵔⵜ ⵏ ⵓⴹⴰⵔ/ⴻⵙ ⵙⴹⵉⴼ: ⵎⵉ ⴰⵔⴰ ⵉⴼⴰⴽ ⵍⴻⵄⵇⴻⴷ-ⵏⵏⴻⵙ, ⵎⴻⵍⵍⵧⵓⵍⵉ ⵡⴻⵔⵄⴰⴷ ⵓⵔ ⴰⵙ-ⴷ-ⵉⴱⴰⵏ ⴰⵔⴰ ⵓⴱⵔⵉⴷ ⴰⵔⴰ ⵢⴰⵖ
ⵍⴻⵣⵣⴰⵢⴻⵔ – ⴰⵎⵃⴰⴷⴷⵉ ⴼⴰⵔⵉⴷ ⵎⴻⵍⵍⵧⵓⵍⵉ, ⴰⴷ ⵉⴼⴰⴽ ⵍⴻⵄⵇⴻⴷ-ⵏⵏⴻⵙ ⴷ ⴻⵙ ⵙⴹⵉⴼ ⴷⴻⴳ ⵜⴳⴰⵔⴰ ⵏ ⵜⵙⴻⵎⵀⵓⵢⵜ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵡⴻⵔⵄⴰⴷ ⵓⵔ ⵜⵜ-ⵉⴷ-ⵢⴻⴼⵔⵉ ⴰⵔⴰ ⵖⴻⴼ ⵡⴰⵎⴻⴽ ⴰⵔⴰ ⵉⴽⴻⵎⵎⴻⵍ ⴰⵎⴻⵛⵡⴰⵕ-ⵏⵏⴻⵙ ⵙⴻⴳ-ⴰ ⵖⴻⵔ ⵙⴷⴰⵜ, ⵍⴰⴷⵖⴰ ⵉⵎⵉ ⴰⵢ ⴰⵙ-ⴷ-ⵙⵙⵓⵎⵔⴻⵏⵜ ⴽⵔⴰ ⵏ ⵜⴻⵖⵍⴰⵎⵉⵏ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴰⴷ ⵢⵓⵔⴰⵔ ⵖⴻⵔ-ⵙⴻⵏⵜ ⴷⴻⴳ ⵜⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ.
« ⵙⵙⵓⵎⵔⴻⵏⵜ-ⵉⵢⵉ-ⴷ ⴽⵔⴰ ⵏ ⵜⴻⵖⵍⴰⵎⵉⵏ ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⵍⴰⴷⵖⴰ ⵜⵉⴷ ⵏ ⵍⵅⴰⵍⵉⴵ. ⵍⴻⵄⵇⴻⴷ-ⵉⵏⵓ ⴷ ⴻⵙ ⵙⴹⵉⴼ ⴰⴷ ⵉⴼⴰⴽ ⵙⴻⴳ-ⴰ ⵖⴻⴼ ⴽⵔⴰ ⵏ ⵍⴻⴷⵡⴰⵕ, ⵎⴰⵛⴰ ⵡⴻⵔⵄⴰⴷ ⵓⵔ ⵜⵜ-ⵉⴷ-ⴼⵔⵉⵖ ⴷⴻⴳ ⵡⴰⵛⴻⵎⵎⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵇⴻⴱⵟⴰⵏ ⵏ ⵜⴻⵖⵍⴰⵎⵜ-ⴰ ⵉ ⵓⵙⴰⵡⴰⴹ ⵏ ⵜⴻⵔⴳⴰ ⵏ ⴻⵍ ⵀⴻⴷⴷⴰⴼ-ⵜⵠ.
« ⴷ ⴰⵙⴻⴼⵔⴰⴽ-ⵉⵏⵓ ⴰⵢ ⵊⵊⵉⵖ ⴰⴷ ⴷ-ⵢⴻⵙⵙⵓⴽⴽ ⵜⵉⵟ ⵖⴻⴼ ⵜⴻⵖⵍⴰⵎⵉⵏ ⴰⵢ ⵢⴻⴱⵖⴰⵏ ⴰⴷ ⵉⵢⵉ-ⵙⵙⵉⴷⴼⴻⵏⵜ ⴰⴷ ⵓⵔⴰⵔⴻⵖ ⵖⴻⵔ-ⵙⴻⵏⵜ, ⴰⵎ ⵡⴰⴽⴽⴻⵏ ⵓⵔ ⵓⴳⵉⵖ ⴰⵔⴰ ⵎⴰ ⵢⴻⵍⵍⴰ ⵙⵖⴻⵣⴼⴻⵏ-ⵉⵢⵉ ⵍⴻⵄⵇⴻⴷ ⴷⴻⴳ ⴻⵙ ⵙⴹⵉⴼ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⴻⵍⵍⵧⵓⵍⵉ ⵢⴻⵙⵄⴰ 32 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⴰ ⵢⴻⵜⵜⴻⴽⴽⴰ ⵎⵍⵉⵃ ⴷⴻⴳ ⵡⵓⵔⴰⵔ ⵏ ⵜⴻⵖⵍⴰⵎⵜ-ⵏⵏⴻⵙ ⴰⵢ ⴷ-ⵉⵔⴻⴱⵃⴻⵏ 3 ⵏ ⵡⴰⵔⵔⴰⵣⴻⵏ ⵉⵎⴻⵇⵔⴰⵏⴻⵏ ⴰⵙⴻⴳⴳⴰⵙ-ⴰ (ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ, ⵜⴰⵇⴱⵓⵛⵜ ⵜⵉⵎⴳⴻⵔⵔⴻⵣⵜ ⵏ ⵜⴻⴼⵔⵉⵇⵜ ⴷ ⵜⴻⵍⵖⵓⵖⴰ ⵏ ⵍⴷⵣⴰⵢⴻⵔ), ⴷ ⵔⵔⴱⴻⵃ ⴰⵢ ⵢⵓⴷⴼⴻⵏ ⴷⴻⴳ ⵓⵎⴻⵣⵔⵓⵢ.
ⵍⴻⵎⵎⴻⵔ ⴰⴷ ⵢⴻⴼⴼⴻⵖ ⵎⴻⵍⵍⵧⵓⵍⵉ ⵙⴻⴳ ⵜⴻⵖⵍⴰⵎⵜ ⵏ ⵙⴹⵉⴼ, ⵜⴰⵏⴻⴳⴳⴰⵔⵓⵜ-ⴰ ⵜⴻⵣⵎⴻⵔ ⴰⴷ ⵜⴻⵙⵕⵓⵃ ⵜⴰⵍⴻⵎⵎⵉⵥⵜ ⴷ ⵜⴰⵎⴻⵇⵔⴰⵏⵜ ⴰⴽⴽⴻⵏ ⴰⴷ ⵜⴻⵔⴱⴻⵃ ⴷⴻⴳ ⵜⴻⴼⵔⵉⵇⵜ, ⵍⴰⴷⵖⴰ ⵉⵎⵉ ⴰⵢ ⵍⴰ ⵜⴻⵙⵙⴻⵡⵊⴰⴷ ⴰⴷ ⵜⴻⴱⴷⵓ ⵓⵔⴰⵔ ⴷⴻⴳ ⵓⵃⵔⵉⵛ ⵏ ⵜⴻⴳⵔⴰⵡⵉⵏ ⴷⴻⴳ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⴷⴻⴳ ⵜⴳⴰⵔⴰ ⵏ ⵡⴰⵢⵢⵓⵔ ⵏ ⵢⵓⵏⵢⵓ.
