ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴰⵔⴰⴳ ⵏ ⵍⴻⴽⵡⵉⵜ ⵉⵡⴻⴽⴽⴻⴷ-ⴷ ⵢⵓⴳⵉ ⵔⵔⴻⴱⵔⴰⴱ ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⵙⵓⴳⴳⴻⵜ ⵏ ⵓⵅⴻⴷⴷⵉⵎ ⵉ ⵢⵉⵎⴻⵏⵖⵉ ⵎⴳⴰⵍ ⵜⵉⴹⴹⵓⵔⴼⴰ

ⵜⴰⵎⴷⵉⵏⵜ ⵍⴻⴽⵡⵉⵜ – ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⵉⵄⴰⵡⴻⴷ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⴻⵎⴷⵉⵏⵜ ⵏ ⵍⴻⴽⵡⵉⵜ ⴰⵙⵙⵉⵥⴻⵔ-ⵏⵏⴻⵙ ⵉ ⵔⵔⴻⴱⵔⴰⴱ ⴰⴽⴽⴻⵏ ⵜⴻⴱⵖⵓ ⵜⵉⵍⵉ ⵚⵚⵉⴼⴰ-ⵏⵏⴻⵙ ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⵙⵙⵓⴳⴳⵜⴻⵏ ⵍⵎⴻⵊⵀⵓⴷ ⴰⵎⴰ ⴷⴻⴳ ⵜⴻⵎⵏⴰⴹⵉⵏ, ⴰⵎⴰ ⴷⴻⴳ ⵓⵎⴰⴹⴰⵍ, ⵉ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⴹⴹⵓⵔⴼⴰ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢⵢⴻⵙ ⵜⴼⵓⴽ ⵜⵖⵉⵎⵉⵜ ⵜⵉⵙ 42, ⴰⵙⴻⵇⵇⴰⵎⵓ « ⵢⴻⵙⵙⴰⵥⴻⵔ ⵔⵔⴻⴱⵔⴰⴱ ⴷ ⵡⵉⴷ ⴰⵢ ⵢⴻⵍⵍⴰⵏ ⴷⴻⴼⴼⵉⵔ-ⵙ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵙⵙⵓⴳⴳⴻⵜ ⵏ ⵍⵎⴻⵊⵀⵓⴷ ⴰⴽⴽⴻⵏ ⴰⴷ ⵜⵜⵡⴰⵃⴻⴱⵙⴻⵏⵜ ⵜⴻⵖⴱⵓⵍⴰ ⴰⵢ ⴰⵙ-ⴷ-ⵢⴻⵜⵜⴰⴽⴼⴻⵏ ⴰⴷⵔⵉⵎ ⵉ ⵔⵔⴻⴱⵔⴰⴱ ⵢⴻⵔⵏⴰ ⴰⴷ ⵜⵜⵡⴰⵙⴼⴻⵄⵍⴻⵏⵜ ⵜⵏⴻⵖⵜⵓⵙⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵉⴷ ⵏ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ».

ⴰⵙⴻⵇⵇⴰⵎⵓ ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ « ⵓⵙⵙⵓⴳⴳⴻⵜ ⵏ ⵍⵎⴻⵊⵀⵓⴷ ⴰⵎⴰ ⴷⴰⵅⴻⵍ ⵜⵎⵓⵔⴰ ⵏⴻⵖ ⴳⴰⵔ-ⴰⵙⴻⵏⵜ ⵉ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⴹⴹⵓⵔⴼⴰ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⴻⵏⵖⵉ ⵎⴳⴰⵍ ⵙⵉⵏ-ⴰ ⵏ ⵢⵉⵅⴻⵚⵚⴰⵔⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵙ ⵓⵎⵄⴰⵡⴻⵏ ⴷ ⴰⵎⴻⵇⵔⴰⵏ, ⵙ ⵓⵔⵥⴰⵎ ⵏ ⵢⵉⴱⵔⵉⴷⴻⵏ ⵏ ⵓⵎⵛⵉⵡⴻⵕ ⴷ ⵜⴻⴳⵔⴰⵡⵉⵏ ⵏⵉⴹⴻⵏ ⴷ ⵓⵙⵙⴻⴱⵄⴻⴷ ⵏ ⵜⴻⴽⵜⴰ ⴰⵢ ⵢⴻⵜⵜⵀⵓⴷⴷⵓⵏ ⵢⴻⵔⵏⴰ ⵜⵜⴳⴻⵏⵜ ⵉⴼⴰⴷⴷⴻⵏ ⵉ ⴽⴰⵕⵓⵀ ⴷ ⵜⴻⴽⵔⵉⴹⵜ ».

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴰⵙⴻⵖⵔⵓⵜ ⵏ ⵍⴻⴽⵡⵉⵜ ⵜⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⴳⴳⴻⵜ ⵍⵎⴻⵊⵀⵓⴷ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵓⵎⵇⴰⵔⴰⴱ ⵏ ⵢⵉⵖⴻⵔⴼⴰⵏ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⵓⴷⴷⵙⴰ-ⴰ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⵙⵙⵉⵥⴻⵔ-ⵏⵏⴻⵙ ⵎⴳⴰⵍ « ⵢⵉⵅⴻⴷⴷⵉⵎⴻⵏ ⵏ ⵜⴻⵊⵔⵉⵎⵜ ⴰⵢ ⵜⵜⴳⴻⵏⵜ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ».

ⴰⵙⴻⵇⵇⴰⵎⵓ ⵉⵡⴻⴽⴽⴻⴷ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴱⴷⴰⴷ-ⵏⵏⴻⵙ « ⵓⵎⵎⵉⴷ » ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⵓⵎⴻⵔ-ⴷ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴰⵢⵏⵓⵜ ⴰⵔⴰ ⴷ-ⵉⵇⴻⴷⴷⴻⵎ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵜⴼⴰⴽ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵢⴻⵔⵏⴰ ⴰⴷ ⵜⴻⴼⵔⵓ ⵜⴰⵍⵓⴼⵜ-ⴰ ⵙ ⵜⵉⴷⴻⵜ ⵙ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⵉⵎⵣⵉⵔⴻⴳ.

ⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⵙⵙⴻⵏⴼⴰⵍⵉⵏ-ⴷ « ⴰⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵜⴰⵍⵡⵉⵜ ⴷ ⵓⵔⴽⴰⴷ ⴷⴻⴳ ⵢⴰⵎⴰⵏ ⴷ ⵜⵣⴻⵔⴼⴰ ⵏ ⵓⵙⴻⵍⵡⴰⵢ-ⵏⵏⴻⵙ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ ⵉ ⵍⵎⴻⵏⴷ ⵏ ⵓⴼⴰⴽⵉ ⵏ ⵜⵉⴽⵍⵉ ⵜⴰⵙⴻⵔⵜⵉⵜ » ⴰⵔⴰ ⵢⴻⵙⵔⴻⴽⴷⴻⵏ ⵜⴰⵎⵓⵔⵜ-ⴰ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴳⵔⴻⵏ-ⴷ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ « ⵢⴻⴷⴷⴻⵎ ⴰⵖⵜⴰⵙ ⵉⵊⴻⵀⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜ ⵏ ⵙⵓⵔⵢⴰ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵏⵉⵜ ⵏ ⵍⵉⴱⵢⴰ, ⵉⵎⴹⴻⴱⴱⵔⴻⵏ ⵏ ⵜⴷⵉⵒⵍⵓⵎⴰⵜⵉⵜ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⵡⴻⴽⴽⴷⴻⵏ-ⴷ ⴷⴰⴽⴽⴻⵏ « ⵍⴰ ⵜⵜⴹⴰⴼⴰⵔⴻⵏ ⵙ ⵓⵖⵉⵍⵉⴼ ⵜⵉⴷⵢⴰⵏⵉⵏ ⵏ ⵜⵖⴻⵍⵍⵉⵙⵜ ⴷ ⵜⵙⴻⵔⵜⵉⵜ ⴷⴻⴳ ⵜⵎⵓⵔⵜ-ⴰ », ⴰⵎ ⵡⴰⴽⴽⴻⵏ ⴰⵢ ⴷ-ⴳⵔⴻⵏ ⵜⵉⵖⵔⵉ ⵉ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ « ⴰⴷ ⵉⵍⵉⵏ ⴷ ⵉⵎⴰⵙⴰⵢⴻⵏ ⵢⴻⵔⵏⴰ ⴰⴷ ⵃⴻⴱⵙⴻⵏ ⵉⵎⴻⵏⵖⵉ ⴰⴽⴽⴻⵏ ⴰⴷ ⴵⴵⴻⵏ ⴰⴱⵔⵉⴷ ⵉ ⵜⴰⵍⵡⵉⵜ ⴰⴷ ⴷ-ⵜⴻⵇⵇⴻⵍ ».

ⴰⵙⴻⵇⵇⴰⵎⵓ ⵉⵄⴰⵡⴻⴷ ⴷⴰⵖ ⵉⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵎⴰⵍⵉ, ⴰⴼⵖⴰⵏⵉⵙⵜⴰⵏ, ⵚⵓⵎⴰⵍⵢⴰ, ⵙⵓⴷⴰⵏ, ⵛôⵜⴻ ⴷ’ⵉⵠⵧⵉⵔⴻ, ⵜⵉⴳⵣⵉⵔⵉⵏ ⵏ ⵇⵓⵎⵓⵔ, ⴵⵉⴱⵓⵜⵉ, ⴱⵓⵙⵏⵢⴰ ⴷ ⵀⵉⵔⵣⵉⴳⵓⵠⵉⵏⴰ, ⵉⵖⴻⵔⴼⴰⵏ ⵏ ⵊⴰⵎⵎⵓ ⴷ ⴽⴰⵛⵎⵉⵔ, ⵜⴰⴳⴷⵓⴷⴰ ⵜⴰⵕⴻⵔⴽⵉⵜ ⵏ ⵇⵓⴱⵔⵓⵙ ⴷ ⴽⵧⵙⵧⵠⵧ.

ⵉⵅⴻⴷⴷⵉⵎⴻⵏ ⵏ ⵜⵖⵉⵎⵉⵜ ⵜⵉⵙ 42 ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⴱⴷⴰⵏ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⴽⵡⵉⵜ, ⵙ ⵓⵙⴻⵏⵜⴻⵍ ⵏ « ⵜⵎⵓⵖⵍⵉ ⵉⵛⴻⵔⴽⴻⵏ ⵉ ⵓⵙⵙⴻⵊⵀⴻⴷ ⵏ ⵓⵎⵙⵓⵔⴻⴼ ⴷ ⵓⵙⵃⵉⵕⵕⴻⵎ ⵏ ⵔⵔⴻⴱⵔⴰⴱ », ⵙ ⵓⵜⵜⴻⴽⴽⵉ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ.