ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵉⵊⵉⵔⵢⴰ: ⴰⵙⵙⴻⵏⵚⴻⴱ ⵏ ⵓⵙⴻⵍⵡⴰⵢ ⵎⵓⵀⴰⵎⵎⴰⴷⵓ ⴱⵓⵀⴰⵔⵉ ⴰⵙⵙ ⵏ ⵍⵊⴻⵎⵄⴰ

ⵍⴰⴳⵧⵙ – ⴰⵙⴻⵍⵡⴰⵢ ⴰⵏⵉⵊⵉⵔⵢⴰⵏ ⴰⵎⴰⵢⵏⵓ, ⵎⵓⵀⴰⵎⵎⴰⴷⵓ ⴱⵓⵀⴰⵔⵉ, ⴰⴷ ⵢⴻⵜⵜⵡⴰⵙⵙⴻⵏⵚⴻⴱ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴰⴱⵓⵊⴰ ⴷⴻⴳ ⵢⵉⵡⴻⵜ ⵏ ⵜⴼⴰⴳⵍⴰ ⵜⵓⵏⵚⵉⴱⵜ ⴰⵢⴷⴻⴳ ⴰⵔⴰ ⴷ-ⵢⴻⴱⴷⵓ ⵍⴻⵃⴽⴻⵎ-ⵏⵏⴻⵙ ⴷⴻⴳ ⵢⵉⵡⴻⵜ ⵏ ⵜⵎⵓⵔⵜ ⴰⵢ ⵢⴻⵙⵄⴰⵏ ⵓⴳⵓⵔⴻⵏ ⴷ ⵉⵎⴻⵇⵔⴰⵏⴻⵏ ⴷⴻⴳ ⵜⴷⴰⵎⵙⴰ ⵢⴻⵔⵏⴰ ⵍⴰ ⵜⴻⵜⵜⵇⴰⴱⴰⵍ ⵜⴰⵍⵓⴼⵜ ⵏ ⵓⴳⴳⵓⴼⵙⵓ (ⵍⴻⴼⵙⴰⴷ) ⴷ ⵛⵛⵡⴰⵍ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⴱⵧⴽⵧ ⵀⴰⵔⴰⵎ.

ⵎⴰⵙⵙ ⴱⵓⵀⴰⵔⵉ ⵢⴻⵔⴱⴻⵃ ⴷⴻⴳ ⵜⴻⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⴷⴻⴳ ⵎⴻⵖⵔⴻⵙ ⵎⴳⴰⵍ ⵓⵙⴻⵍⵡⴰⵢ ⴰⵏⴰⴼⴼⴰⵖ ⴳⵧⵧⴷⵍⵓⵛⴽ ⵊⵧⵏⴰⵜⵀⴰⵏ, ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⵏⵚⴻⴱ ⴷⴻⴳ 29 ⵎⴰⵢⵓ ⴷⴻⴳ ⴰⴱⵓⵊⴰ. ⴰⵣⴻⵎⵣ-ⴰ ⴷ ⵏⴻⵜⵜⴰ ⴷⴰⵖ ⴰⵢ ⴷ ⴰⵙⵙ ⴰⵖⴻⵍⵏⴰⵡ ⵏ ⵜⵓⴳⴷⵓⵜ ⴷⴻⴳ ⵜⵎⵓⵔⵜ-ⴰ.

ⴰⵏⴻⵖⵍⴰⴼ ⵏ ⵢⵉⴷⵍⴻⵙ ⴷ ⵜⵎⴻⵔⵔⵉⵜ, ⵛⵀⵉⴻⴼ ⴻⴷⴻⵎ ⴷⵓⴽⴻ, ⵢⴻⴹⴹⴼⴻⵏ ⴷⴰⵖ ⴰⵎⴽⴰⵏ ⵏ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵙⵖⵉⵡⴻⵙ ⵏ ⵓⵙⵙⴻⵏⵚⴻⴱ ⵏ ⵓⵙⴻⵍⵡⴰⵢ, ⵉⵅⴻⴱⴱⴻⵔ-ⴷ ⴷⴻⴳ ⴰⴱⵓⵊⴰ ⴷⴰⴽⴽⴻⵏ ⵜⴰⴷⵢⴰⵏⵜ-ⴰ ⴰⴷ ⵃⴻⴷⵕⴻⵏ ⴷⴻⴳ-ⵙ ⴰⵣⴰⵍ ⵏ 50 ⵏ ⵢⵉⵎⴹⴻⴱⴱⵔⴻⵏ.

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⴷ ⵢⴻⴷⴷⵓ ⵙ ⵢⵉⵙⴻⵎ-ⵏⵏⴻⵙ ⵖⴻⵔ ⵜⴼⴰⴳⵍⴰ-ⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ-ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ.

ⴰⴷ ⵉⵍⵉⵏ ⴷⴰⵖ ⵢⵉⵙⴻⵍⵡⴰⵢⴻⵏ ⵙⴻⴳ ⵜⵎⵓⵔⴰ ⵜⵓⵜⵔⵉⵎⵉⵏ (ⵜⵉⵖⴻⵔⴱⵉⵢⵉⵏ). ⴰⵎⴰⵔⵓ ⵏ ⵓⵡⴰⵏⴰⴽ ⴰⵎⴰⵔⵉⴽⴰⵏⵉ, ⵊⵧⵀⵏ ⴽⴻⵔⵔⵢ, ⴰⴷ ⵢⴻⴷⴷⵓ ⴷⴰⵖ ⵖⴻⵔ ⵜⵎⴰⵏⴻⵖⵜ ⵏ ⵏⵉⵊⵉⵔⵢⴰ ⴰⴽⴽⴻⵏ ⴰⴷ ⵢⴻⵃⴷⴻⵕ ⴷⴻⴳ ⵜⴻⴷⵢⴰⵏⵜ-ⴰ.

ⵢⴻⵙⵙⴻⴼⴽ ⴰⴷ ⴷ-ⵏⴻⵔⵏⵓ ⴷⴰⴽⴽⴻⵏ ⵉⵙⴻⵍⵡⴰⵢⴻⵏ ⵏ ⵜⵎⵓⵔⴰ ⵏ ⵛⴻⴷⴻⴰⵧ (ⴰⵎⵖⵉⵡⴰⵏ ⴰⴷⴰⵎⵙⴰⵏ ⵏ ⵢⵉⵡⴰⵏⴰⴽⴻⵏ ⵏ ⵜⴻⴼⵔⵉⵇⵜ ⵏ ⵓⵜⴰⵔⴰⵎ) ⴰⵢ ⵉⴹⴻⴼⵔⴻⵏ ⴰⴽⴰⵍⴰ ⵏ ⵜⴻⴼⵔⴰⵏⵉⵏ ⴰⵔⵎⵉ ⴰⵢ ⵉⴼⵓⴽ, ⵓⵍⴰ ⴷ ⵏⵉⵜⵏⵉ ⴰⴷ ⵃⴻⴷⵕⴻⵏ ⴷⴻⴳ ⵜⵜⵉⵄⴰⴷ-ⴰ ⵉⵎⵉ, ⴷⴻⴳ ⵜⵇⴰⵛⵓⵛⵜ ⵜⴰⵏⴻⴳⴳⴰⵔⵓⵜ ⵏ ⵓⵎⵖⵉⵡⴰⵏ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⴰⵛⵛⵔⴰ, ⴳⵀⴰⵏⴰ, ⴳⵧⵧⴷⵍⵓⵛⴽ ⵊⵧⵏⴰⵜⵀⴰⵏ (ⴰⵙⴻⵍⵡⴰⵢ ⴰⵏⴰⴼⴼⴰⵖ ⵏ ⵏⵉⵊⵉⵔⵢⴰ) ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵎⵜⵉⵍⴻⵏ-ⵏⵏⴻⵙ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵡⵉⵏ ⴰⵔⴰ ⵜ-ⵉⴷ-ⵉⵅⴻⵍⴼⴻⵏ, ⴱⵓⵀⴰⵔⵉ.

ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴼⴰⴳⵍⴰ-ⴰ ⵜⴰⵎⴻⵇⵔⴰⵏⵜ ⴰⵢⴷⴻⴳ ⴰⵔⴰ ⵙⴼⵓⴳⵍⴻⵏ ⵔⵔⴱⴻⵃ ⵏ ⵜⴻⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⴷⴻⴳ ⵏⵉⵊⵉⵔⵢⴰ, ⴰⵏⴻⵖⵍⴰⴼ ⵛⵀⵉⴻⴼ ⴻⴷⴻⵎ ⴷⵓⴽⴻ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴰ ⴷ-ⵙⵙⴻⵡⵊⴰⴷⴻⵏ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⴽⴽⴻⵏ ⴰⴷ ⵜⵄⴻⴷⴷⵉ ⵜⴻⴷⵢⴰⵏⵜ-ⴰ ⴰⴽⴽⴻⵏ ⵢⴻⵍⵀⴰ. ⵜⴰⴳⴰⵍⵍⵉⵜ ⵏ ⵓⵙⴻⵍⵡⴰⵢ ⴰⴷ ⴷ-ⵜⵉⵍⵉ ⵖⴻⴼ 9 ⵏ ⵜⵚⴻⴱⵃⵉⵜ ⴷⴻⴳ ⵍⴻⵇⵚⴻⵔ ⵏ ⴻⴰⴳⵍⴻ ⵙⵇⵓⴰⵔⴻ ⴷⴻⴳ ⴰⴱⵓⵊⴰ.

ⴰⵀⴻⵏⵏⵉ ⵙⴻⴳ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⴱⵧⴽⵧ ⵀⴰⵔⴰⵎ

ⴰⵙⴻⵍⵡⴰⵢ ⴰⵎⴰⵢⵏⵓ ⵏ ⵏⵉⵊⵉⵔⵢⴰ, ⴱⵓⵀⴰⵔⵉ, ⵢⴻⵙⵄⴰ 72 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⴰⴼⵔⴰⵏ-ⵏⵏⴻⵙ ⴷ ⴰⵙⴻⵍⵡⴰⵢ ⵢⴻⵛⴽⴻⵕ-ⵉⵜ-ⵉⴷ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ. ⴰⴽⴽⴻⵏ ⴽⴰⵏ ⴰⵢ ⵢⴻⵜⵜⵡⴰⴼⵔⴻⵏ, ⴱⵓⵀⴰⵔⵉ ⵢⴻⵙⵙⴻⵖⵔⴻⵜ-ⴷ ⵟⵟⵔⴰⴷ ⵖⴻⴼ ⵜⴻⴳⵔⴰⵡⵜ ⵜⵉⵎⵙⴻⵍⵍⴻⵃⵜ ⵜⴰⵎⴻⴹⴹⴰⵔⴼⵓⵜ ⵏ ⴱⵧⴽⵧ ⵀⴰⵔⴰⵎ.

ⴷⴻⴳ ⵢⵉⵏⴰⵡ-ⵏⵏⴻⵙ ⴰⵎⴻⵣⵡⴰⵔⵓ, ⴱⵓⵀⴰⵔⵉ (ⴷ ⴰⵊⵉⵏⵉⵕⴰⵍ ⴰⵇⴱⵓⵔ) ⵉⵄⵓⵀⴻⴷ ⴰⴷ ⴷ-ⵢⴻⵙⵙⵓⴽⴽⴻⵙ ⵜⴰⵎⵓⵔⵜ-ⵏⵏⴻⵙ ⵙⴻⴳ ⵔⵔⴻⴱⵔⴰⴱ. « ⴹⴻⵎⵏⴻⵖ-ⴰⵡⴻⵏ ⴷⴰⴽⴽⴻⵏ ⴱⵧⴽⵧ ⵀⴰⵔⴰⵎ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵜⵜⵡⴰⴽⴽⴻⵙ », ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵎⴰ ⵢⴻⵜⵜⵡⴰⴼⵔⴻⵏ ⴷ ⴰⵙⴻⵍⵡⴰⵢ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵜⵜⴰⵡⵉⵍ ⴰⵍⵓⵊⵉⵙⵜⵉ ⴷ ⵜⴻⴷⵔⵉⵎⵜ ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵢⵉⵙⴻⵔⴷⴰⵙⴻⵏ.

ⵙⵉⵏ ⵏ ⵡⴰⵢⵢⵓⵔⴻⵏ ⵓⵇⴱⴻⵍ ⵡⴰⵢⴰ, ⴱⵓⵀⴰⵔⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⴻⴹⴹⵓⵔⴼⴰ-ⵏⵏⵉ ⴷ ⵉⵎⴷⴰⵏⴻⵏ ⵉⵃⴰⵣⴻⵏ ⵉⵎⴰⵏ-ⵏⵙⴻⵏ ⵖⴻⴼ ⵓⵖⵔⴻⴼ, « ⵓⵔ ⵙⵄⵉⵏ ⴰⵔⴰ ⴰⵍⵍⴰⵖ ⵢⴻⵔⵏⴰ ⵔⵔⴰⵏ ⵉⵎⴰⵏ-ⵏⵙⴻⵏ ⴷ ⵉⵏⵙⴻⵍⵎⴻⵏ », ⵢⴻⵔⵏⴰ ⵢⴻⵏⵏⴰ-ⵜ-ⵉⴷ ⵙⴷⴻⴼⴼⵉⵔ ⵎⴰ ⵜⵜⵡⴰⵅⴻⴹⴼⴻⵏⵜ ⵓⴳⴰⵔ ⵏ 200 ⵏ ⵜⵏⴻⵍⵎⴰⴷⵉⵏ ⵏ ⵜⴻⵙⵏⴰⵡⵉⵜ ⴷⴻⴳ ⵛⵀⵉⴱⵧⴽ, ⴷⴻⴳ ⵓⴳⴰⴼⴰ-ⴰⴳⵎⵓⴹⴰⵏ.

ⴱⵓⵀⴰⵔⵉ ⵉⵕⴻⴳⴳⴻⵎ-ⴷ ⴷⴰⵖ ⴷⴰⴽⴽⴻⵏ ⴰⴷ ⴷ-ⵢⴻⵍⵀⵓ ⵙ ⵍⵊⴻⵀⴷ ⵙ ⵢⵉⵎⴻⵏⵖⵉ ⵎⴳⴰⵍ ⵓⴳⴳⵓⴼⵙⵓ (ⵍⴻⴼⵙⴰⴷ) ⴰⵢ ⵢⵓⵖⴻⵏ ⴰⴽⴽ ⵜⴰⵎⵓⵔⵜ ⴷ ⴼⴻⵔⵔⵓ ⵏ ⵡⵓⴳⵓⵔⴻⵏ ⵉⴷⴰⵎⵙⴰⵏⴻⵏ ⴷⴻⴳ ⵏⵉⵊⵉⵔⵢⴰ.

« ⴰⴽⴽⴻⵏ ⴰⴷ ⴰⵡⴹⴻⵏ ⵡⵓⴳⵓⵔⴻⵏ-ⴰ ⵉⵡⴻⵄⵕⴰⵏⴻⵏ ⴰⴷ ⴼⵔⵓⵏ, ⴰⴷ ⵜ-ⵜⴻⵔⵔ ⵜⵎⴰⵔⴰ ⴰⴷ ⵢⵉⵍⵉ ⴷ ⴰⵙⵏⴰⵔⴰⴼ ⵓⵍⴰ ⵎⴰ ⵜⴻⵍⵍⴰ ⵜⵎⴻⵏⴹⴰⵡⵜ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⵙⵄⵓⵥⵥⴻⴳ ⵖⴻⴼ ⵜⵉⵢⵉⵜⴰ ⴰⵔⴰ ⴷ-ⵡⵜⴻⵏ ⴷⴻⴳ-ⵙ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵢⴻⵙⵙⴻⴱⵄⴻⴷ ⵉⵇⴻⵣⵣⴰⴱⴻⵏ ⵖⴻⴼ ⵢⵉⵎⴰⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵜⴻⵎⵙⴰⵍⵜ-ⴰ ⵢⵉⵡⴻⵏ ⵏ ⵓⴼⴻⵙⵢⴰⵏ ⵓⵏⵏⵉⴳ ⴰⵇⴱⵓⵔ ⵏ ⵢⵉⴳⴻⵏ.

ⵎⴰ ⴷ ⵢⵉⵡⴻⵏ ⵏ ⵓⴼⴻⵙⵢⴰⵏ ⵓⵏⵏⵉⴳ ⵏⵉⴹⴻⵏ ⵢⴻⵛⴽⴻⵕ-ⴷ ⵜⵉⴽⵍⵉ ⵢⴻⵜⵜⵡⴰⵇⴰⴷⴰⵔⴻⵏ ⵏ ⵓⵔⴳⴰⵣ-ⴰ ⴰⵢ ⵢⴻⵍⵍⴰⵏ ⴳⴰⵔ ⵢⵉⵎⴹⴻⴱⴱⵔⴻⵏ ⵉⵎⵉⴷⵔⵓⵙⴻⵏ « ⴰⵢ ⵢⴻⵅⴹⴰⵏ ⴰⴽⴽ ⵜⵉⵊⵓⵄⴰⵍ ».

ⴰⵙⴻⵍⵡⴰⵢ-ⴰ ⴰⵎⴰⵢⵏⵓ ⵢⴻⵅⵚⴻⵔ ⴷⴻⴳ 3 ⵏ ⵜⴻⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⵜⵉⵏⴻⴳⴳⵓⵔⴰ (2003, 2007 ⴷ 2011), ⵢⴻⵔⵏⴰ ⵢⴻⵏⵏⴰ-ⴷ, ⵉⵎⵉⵔ-ⵏⵏⵉ, ⴷⴰⴽⴽⴻⵏ ⵢⴻⵅⵚⴻⵔ ⵖⴻⴼ ⵍⴻⵊⴰⵍ ⵏ ⵎⴻⵃⵢⴰⴼ, ⵎⴰⵛⴰ ⵓⵍⴰ ⵎⴰ ⵢⴻⵡⵡⵉ ⵜⴰⵎⵙⴰⵍⵜ-ⴰ ⵖⴻⵔ ⵜⴻⵖⴷⴻⵎⵜ, ⵢⴻⵅⵚⴻⵔ ⵛⵛⵕⴻⵄ-ⵏⵏⴻⵙ.

ⴰⵙⴻⴳⴳⴰⵙ-ⴰ, ⵢⴻⵜⵜⴻⴽⴽⴰ ⴷⴻⴳ ⵜⴻⴼⵔⴰⵏⵉⵏ ⵙ ⵢⵉⵙⴻⵎ-ⵏⵏⴻⵙ ⴷ ⵉⵎⴹⴻⴱⴱⴻⵔ ⵏ ⵜⴻⵏⵎⴻⴳⵍⴰ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⵢⴻⵍⵍⴰ ⵢⴻⵙⵄⴰ ⵍⴰⵎⴰⵏ ⴰⴷ ⵜⵜ-ⵢⴰⵡⵉ ⴷⴻⴳ ⵜⵃⴻⵎⵍⴰ-ⵏⵏⵉ ⵏ ⵜⴻⴼⵔⴰⵏⵉⵏ.