Asebter amenzawi

Qrib ad ifak lebni n lmerṣa n Lqala akken ad d-teqqel ṣṣyada n umeṛjan

ṬṬAREF – Ixeddimen n lebni n usagen (lmerṣa) n ṣṣyada n Lqala (Ṭṭaref) qrib ad faken , yerna « ttwasɛejlen » akken ad d-yewjed i tallit n tuqqla ɣer ṣṣaya n umeṛjan, ɣef wakken ay aɣ-d-xebbren ass n lexmis yimeẓla (ssrabes) n twilayt.

Ixeddimen-a telha-d yes-sen yiwet n tegrawt n tkebbaniyin n Ldzayer d Ṭṭalyan, yerna la tteddun s unya yelhan, « ɣef wakken ay d-tenna yiwet n tseqqamut tagraɣlift ay yesneqden amkan-nni deg ukatar n ussefɛel n lewṣayat n Uneɣlaf amenzu yerzan assemlili n tegnatin yessefken i tuqqla ɣer ṣṣyada n umeṛjan, ladɣa deg wayen yerzan assewjed n yisugan (lmerṣat) », ɣef wakken ay d-terna teɣbalut-a.

Deg terzi-a n ussefqed, ḥetteten-d, ɣef wakken ay d-tenna twilayt, ɣef ufaki, deg tazwara, n tɣawsiwin « yessefken » i urẓam uɛḍil n usagen-a, am ussefreg-nnes, tafat d tuqqna-nnes ɣer uẓeḍḍa n waman n tissit.

Ixeddimen-a ad d-wejden « uqbel tgara n Yunyu n 2015 », am wakken ara d-swejden tinegmert d lluzin n ugris, ɣef wakken ay d-tenna teɣbalut-a, am wakken ay d-yenna dakken asagen-a ad yesɛu tamda n 5,3 n yiqeṭṭaren, d wakal n 6,3 n yiqeṭṭaren. Ixeddimen-nnes wejden-d s 95%.

Asagen-a ad yezmer ad yawi 142 n yiɣerruba n ṣṣyada yerna gan-t-id i lmend n ussejhed n ṣṣyada n yiselman deg twilayt-a ay yettwassnen s yirṣifen-nnes n umeṛjan d tuggta n yiselman deg-s. Azal n 7000 n yimdanen ara yafen axeddim deg usagen n Lqala.