Asebter amenzawi

Aneɣlaf amenzu n Vietnam ad d-yeg tirzi tunṣibt ɣef Ldzayer seg wass n lḥedd d asawen

LEZZAYER – Aneɣlaf amenzu n Tegduda tanemlayt n Vietnam, Nguyên Tan Dung, ad yeg seg wass n lḥedd d asawen tirzi tunṣibt n kraḍ (3) n wussan ɣef Ldzayer s uneɛruḍ n Uneɣlaf amenzu Abdelmalek Sellal, ɣef wakken ay d-nnan yimeẓla (ssrabes) n Uneɣlaf amenzu deg yiwen n ulɣu.

Tirzi-a ad d-tili d tagnit i Uneɣlaf amenzu n Vietnam d win n Ldzayer akken « ad qeyymen s umata assaɣen ucriken » gar snat-a n tmura, ɣef wakken ay d-tebder teɣbalut-a, am wakken ay d-terna dakken tirzi-a « ad tessejhed assaɣen iqburen n tammidwa d tegmat icerken snat-a n tmura ».

Ldzayer d Vietnam « ad d-ssukkent tiṭ ɣef yibriden d ttawilat ay izemren ad rnun ad sjehden assaɣen ucriken deg unrar n tdamsa s usselhu n wallalen n ussefɛel n yisenfaren ay d-bdant yagi », ɣef wakken ay d-yenna ulɣu-a.