ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵖⴰⵍⵉⵏ ⵏ ⵜⵉⵎⵎⵓⵣⵖⴰ ⴷ ⵜⴰⵖⴻⵍⵏⴰⵡⵜ ⴷ ⴰⵙⵙⴻⵊⵀⴻⴷ ⵏ ⵜⴷⵓⴽⵍⵉ ⵏ ⵜⵎⵓⵔⵜ (ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ)

ⵙⵓⵇ ⴰⵀⵕⴰⵙ – ⴰⵣⵔⴰⵄ ⵏ ⵜⵉⵎⵎⵓⵣⵖⴰ ⴷⴻⴳ ⵡⴰⴽⴽ ⵜⵉⵎⵉⵡⴰ ⵏ ⵡⴰⴽⴰⵍ ⴰⵖⴻⵍⵏⴰⵡ ⴷ ⴰⵢⴻⵏ ⴰⵔⴰ ⵢⴻⵙⵊⴻⵀⴷⴻⵏ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵙⵓⵇ ⴰⵀⵕⴰⵙ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ, ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ.

ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵢⴻⴹⴹⴻⴼ ⴷⴻⴳ ⵓⵅⴻⴷⴷⵉⵎ-ⴰ ⴰⵢ ⵢⴻⵍⵍⴰⵏ « ⴷ ⴰⵢⴻⵏ ⴰⵢⵢⴻⵙ ⴰⵔⴰ ⵜⵣⵓⵅⵅ ⴰⵛⴽⵓ ⵜⴻⵙⵙⴻⵊⵀⴰⴷ ⵜⵓⵇⵇⵏⴰ-ⵏⵏⴻⵖ ⵖⴻⵔ ⵜⵖⴻⵔⵎⴰ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵙⵙⴰⴷ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴰⵢ ⴷ-ⵢⴻⵖⵔⴰ ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ « ⵜⵉⵎⵓⵖⵍⵉⵡⵉⵏ ⵢⴻⵎⵢⴰⴳⴰⵔⴻⵏ ⵖⴻⴼ ⵓⴼⵓⵍⴰⵢ ⵏ ⵎⴷⴰⵡⵕⴻⵛ », ⴷ ⵜⵉⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵣⴻⵖⵖⴰ ⵏ ⵎⵉⵍⵧⵓⴷ-ⵜⴰⵀⵔⵉ ⵢⴻⵔⵏⴰ ⵢⴻⵙⵙⴻⵍⵡⵉ-ⵜⵜ ⵓⵏⴻⵖⵍⴰⴼ ⵏ ⵢⵉⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵙ ⵓⵃⴷⴰⵕ ⵏ ⵢⵉⵎⵏⴰⴷⵉⵢⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⴱⴻⵕⵕⴰⵏⵉⵢⴻⵏ.

ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵢⴻⵡⵊⴻⴷ ⴰⴷ ⵉⵡⴻⵎⵎⴻⵕ ⴷ ⵓⵏⴻⵖⵍⴰⴼ ⵏ ⵢⵉⴷⵍⴻⵙ ⵢⵉⵡⴻⵏ ⵏ ⵓⵎⵜⴰⵡⴰ-ⴰⴽⴰⵜⴰⵔ ⴰⵎ ⵡⵉⵏ ⴰⵢ ⵢⴻⵙⵜⴻⵏⵢⴰ ⴷ ⵢⵉⵖⵍⵉⴼⴻⵏ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ, ⴰⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵜⴻⵖⵡⴰⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴰⵙⵙⴰⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵡⴻⵀⵀⵉ-ⴰ ⵢⴻⵍⵍⴰ-ⴷ ⴷ « ⵍⵓⵎⵉⵕⴰ ⵢⴻⵍⵀⴰⵏ ⴷⴻⴳ ⵓⴱⵔⵉⴷ ⵏ ⵓⵙⵎⴰⵍ ⵏ ⵜⵎⴰⵣⵉⵖⵜ ⴷⴻⴳ ⵜⵙⵓⴷⴰ » ⵢⴻⵔⵏⴰ « ⵢⴻⵙⵙⴽⴰⵏⴰⵢ-ⴷ ⵍⴻⴱⵖⵉ ⵉⵊⴻⵀⴷⴻⵏ ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⴰⴽⴽⴻⵏ ⴰⴷ ⵙⴻⵎⵍⴻⵏ ⵜⵓⵜⵍⴰⵢⵜ ⴷ ⵢⵉⴷⵍⴻⵙ ⵉⵎⴰⵣⵉⵖⴻⵏ ⴷⴻⴳ ⵍⴷⵣⴰⵢⴻⵔ ».

ⴰⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵉⴳⴻⵔ-ⴷ ⵜⵉⵖⵔⵉ ⵉ « ⵡⵓⴳⴰⵔ ⵏ ⵓⵄⴰⵡⴻⵏ ⵉ ⵢⵉⴷⵍⵉⵙⴻⵏ ⴷ ⵜⵜⴰⵡⵉⵍⴰⵜ ⵉⵙⵍⴰⵥⵔⵉⵢⴻⵏ ⵙ ⵜⵎⴰⵣⵉⵖⵜ ⵙ ⵓⵎⴻⵚⵔⵓⴼ ⴰⵔⴰ ⴷ-ⵉⵇⴰⵎⴻⵏ ⴰⵢⴻⵏ ⴰⵢ ⵙⵙⴰⵔⴰⵎⴻⵏ ⴰⵟⴰⵙ ⵏ ⵢⵉⵎⵓⵔⴰ ⴷ ⵢⵉⵙⴷⴰⵡⴰⵏⴻⵏ ⴰⵢ ⵢⴻⵜⵜⵕⴰⵊⵓⵏ ⵍⴻⵎⵄⴰⵡⵏⴰ-ⴰ ».

ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵓⵙⵙⴽⴰⵏ ⵏ ⵜⵉⵎⵎⴻⵕⴽⴰⵏⵜⵉⵜ ⵏ ⵜⵙⴻⴽⵍⴰ ⴷ ⵜⵓⵜⵍⴰⵢⵜ ⴷⴻⴳ ⵜⵎⵓⵔⵜ ⵏ ⵍⴷⵣⴰⵢⴻⵔ ⵙ ⵜⴻⴷⵢⴰⵏⵉⵏ ⵜⵓⵏⵚⵉⴱⵉⵏ ⴰⵔⴰ ⴷ-ⵢⴻⵜⵜⵡⴰⵙⵙⵓⴷⵙⴻⵏ ⴷⴷⴰⵡ ⵍⴻⵄⵏⴰⵢⴰ ⵏ ⵓⵖⵍⵉⴼ ⵏ ⵢⵉⴷⵍⴻⵙ « ⵙⴷⴰⵅⴻⵍ ⵢⴻⵔⵏⴰ ⵓⵍⴰ ⴱⴻⵕⵕⴰ ⵉ ⵜⵎⵓⵔⵜ ».

ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴰⴷ ⵉⴽⴻⵎⵎⴻⵍ, ⵖⴻⴼ ⵍⴻⵃⵙⴰⴱ ⵏ ⵓⵎⴰⵔⵓ ⴰⵎⴰⵜⵓ, ⵍⵎⴻⵊⵀⵓⴷ-ⵏⵏⴻⵙ ⵉ ⵓⵙⵙⴻⵡⵙⴻⵄ ⵏ ⵢⵉⵏⵓⵔⴰⵔ ⴰⵢⴷⴻⴳ ⵜⴻⵜⵜⵡⴰⵙⵙⴻⵇⴷⴰⵛ ⵜⵎⴰⵣⵉⵖⵜ ⴷⴻⴳ ⵍⴷⵣⴰⵢⴻⵔ ⵍⴰⴷⵖⴰ ⵙ ⵓⵙⵙⵓⴳⴳⴻⵜ ⵏ ⵢⵉⵅⴻⴷⴷⵉⵎⴻⵏ ⵏ ⵓⵙⵃⵓⵍⴼⵓ ⴰⴽⴽⴻⵏ ⴰⴷ ⵢⴻⵜⵜⵡⴰⴹⵎⴻⵏ ⵔⵔⴱⴻⵃ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵓⵖⴻⵔⴱⴰⵣ.

Ɣⴻⴼ ⵍⴻⵃⵙⴰⴱ ⵏ ⵎⴰⵙⵙ ⴰⵙⵙⴰⴷ, ⵜⵉⵎⵍⵉⵍⵉⵜ-ⴰ ⵏ ⴽⵔⴰⴹ (3) ⵏ ⵡⵓⵙⵙⴰⵏ ⴷ « ⵜⴰⴳⵏⵉⵜ ⵉⵡⴰⵜⴰⵏ ⵉ ⵓⵙⵏⵉⵔⴻⵎ ⵏ ⵓⵎⴻⵣⵔⵓⵢ ⵏ ⵜⵉⵎⵎⵓⵣⵖⴰ ⵙ ⵓⵙⵙⴻⴹⵀⴻⵔ ⵏ ⵜⴰⴼⴰⵜ ⵖⴻⴼ ⵢⵉⵡⴻⵏ ⵏ ⵡⵓⴷⴻⵎ ⵏ ⵜⵙⴻⵍⴽⴰ ⴷ ⵜⴼⴻⵍⵙⵓⴼⵜ ⵢⴻⵙⵄⴰⵏ ⵜⴰⵎⵓⵙⵙⵏⵉ ⴰⵢ ⵎⴰⵣⴰⵍ ⵜⴻⵜⵜⴼⴻⵊⵊⵉⵊ ⴰⵔ ⴰⵙⵙ-ⴰ ».

ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ, « ⵜⴻⵃⵡⴰⵊ ⵉⵎⵉⵔ-ⴰ ⴰⴷ ⵜⴻⵎⵙⵓⵖⴰⵍ ⴷ ⵢⵉⵣⵔⵉ-ⵏⵏⴻⵙ ⵢⴻⵔⵏⴰ ⴰⴷ ⵜⴻⴱⴱⴻⵖ ⵙ ⵜⴻⵍⵇⴻⵢ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ ⵢⴻⵛⵛⵓⵕⴻⵏ ⴷ ⵉⵙⵎⴰⵡⴻⵏ ⵏ ⵢⵉⵔⴳⴰⵣⴻⵏ ⵉⵎⴻⵇⵔⴰⵏⴻⵏ ⴷ ⵡⵓⴷⵎⴰⵡⴻⵏ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ, ⴷ ⵡⵉⴷ ⴰⴽⴽ ⴰⵢⵢⴻⵙ ⴰⵔⴰ ⵜⵣⵓⵅⵅ ⵜⵎⵓⵔⵜ ».