ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴽⵀⴰⵍⵉⴼⴰ ⴱⴰⵏⴽ: ⵉⵎⴻⵜⵜⵀⵓⵎⴻⵏ ⵉⵇⴱⵓⵔⴻⵏ ⴱⴻⴷⴷⴻⵏ ⴷⴻⴳ ⵛⵛⵕⴻⵄ ⴷ ⵉⵏⴰⴳⴰⵏ

ⵍⴻⴱⵍⵉⴷⴰ – ⴰⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ ⵢⴻⵙⵍⴰ ⴰⵙⵙ ⵏ ⵙⵙⴻⴱⵜ ⵉ ⵢⵉⵎⴻⵜⵜⵀⵓⵎⴻⵏ ⵉⵇⴱⵓⵔⴻⵏ ⴰⵢ ⵉⴱⴻⴷⴷⴻⵏ ⴷⴻⴳ ⵛⵛⵕⴻⵄ ⴷ ⵉⵏⴰⴳⴰⵏ ⵙⴷⴻⴼⴼⵉⵔ ⵎⴰ ⵙⴼⴰⵢⴷⵉⵏ-ⴷ ⵙⴻⴳ ⵓⵃⴱⴰⵙ ⵏ ⵓⵛⴰⵕⴻⵄ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ.

ⵏⵧⵓⵔⴻⴷⵉⵏⴻ ⵛⵀⴰⴷⵉ, ⴰⵢ ⵢⴻⵍⵍⴰⵏ ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⴷⴻⴳ ⵜⴻⵇⵍⵉⵄⵜ ⴳⴰⵔ ⵛⵜⴻⵎⴱⴻⵕ 1999 ⴷ ⵛⵜⴻⵎⴱⴻⵕ 2000, ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴻⵍⵍⴰ ⵜⴻⵔⵡⵉ ⵜⴻⴳⵏⵉⵜ, ⴰⵛⴽⵓ ⴷ ⵜⴰⵏⴻⴳⴳⴰ ⵏ ⵛⵛⵔⴰⴳⴰ, ⴰⵢⴷⴻⴳ ⵢⴻⵍⵍⴰ ⵓⵙⴻⵏⴷⵓⵇ ⴰⴳⴻⵊⴷⴰⵏ ⵏ ⵜⴱⴰⵏⴽⴰ ⵜⴰⵇⴱⵓⵔⵜ ⵏ ⴽⵀⴰⵍⵉⴼⴰ, ⴰⵢⴷⴻⴳ ⵢⴻⵍⵍⴰ ⴷⴰⵖ ⵓⵎⵉⴹⴰⵏ ⵏ ⵜⵏⴻⴳⴳⴰ-ⴰ ».

ⵛⵀⴰⴷⵉ, ⴷ ⴰⵎⴻⵜⵜⵀⵓⵎ ⴰⵇⴱⵓⵔ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵃⴱⴰⵙ ⵏ ⵓⵛⴰⵕⴻⵄ, ⵢⴻⵏⵏⴰ-ⴷ ⴷⴰⴽⴽⴻⵏ ⴷⴻⴳ ⵡⴰⵙⵙ ⵏ 23 Ɣⵓⵛⵜ 2000, ⵜⵜⵡⴰⵊⴻⴱⴷⴻⵏ-ⴷ 14 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵙⴻⴳ ⵜⵏⴻⴳⴳⴰ ⵏ ⵜⴻⵇⵍⵉⵄⵜ, ⵢⴻⵔⵏⴰ ⵉⴷⵔⵉⵎⴻⵏ-ⵏⵏⵉ ⵢⴻⵙⵄⴻⴷⴷⴰ-ⵜⴻⵏ ⴼⴰⵧⵓⵣⵉ ⴱⴰⵉⵛⵀⵉ, ⴰⵢ ⵢⴻⵍⵍⴰⵏ ⴷ ⵉⵎⴹⴻⴱⴱⴻⵔ ⵏ ⵜⵎⴻⵀⵍⴰ ⵏ ⵓⵡⵍⵉⵡⴻⵍ ⵏ ⵕⴰⵙⴻⵍⵎⴰⵍ.

ⵛⵀⴰⴷⵉ ⵢⴻⵙⵙⴻⴼⵀⴻⵎ-ⴰⵙ-ⴷ ⵉ ⵍⵇⴰⴹⵉ ⴷⴰⴽⴽⴻⵏ ⴷ ⴱⴰⵉⵛⵀⵉ ⴰⵢ ⵢⴻⵙⵙⵓⵜⵔⴻⵏ ⴰⵊⴱⴰⴷ ⵏ ⵢⵉⴷⵔⵉⵎⴻⵏ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⴰⵊⴱⴰⴷ-ⴰ ⵓⵔ ⵢⴻⵜⵜⵡⴰⴽⵍⴻⵙ ⴰⵔⴰ ⴰⵙⵙ-ⵏⵏⵉ ⴰⵛⴽⵓ ⵢⴻⵍⵍⴰ-ⴷ ⴷⴻⴼⴼⵉⵔ ⵙⵙⵡⴰⵢⴻⵄ ⵏ ⵍⴻⵃⵙⴰⴱⴰⵜ ⴰⵢ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵙⵙ ».

Ɣⴻⴼ ⵍⴻⵃⵙⴰⴱ ⵏ ⵓⵏⴰⴳⵉ-ⴰ, ⵉⵎⵉ ⴰⵢ ⵢⴻⵃⴷⴻⵕ ⴷⵉⵏ ⵓⵏⴻⵎⵀⴰⵍ ⵏ ⵓⵡⵍⵉⵡⴻⵍ ⵏ ⵕⴰⵙⴻⵍⵎⴰⵍ, « ⵢⴻⵍⵍⴰ-ⴷ ⵓⴳⴰⵔ ⵏ ⵍⴰⵎⴰⵏ ⴷ ⴹⴹⵎⴰⵏⴰ ⴷⴻⴳ ⵍⴱⴰⵍ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⴳⴳⴰ-ⵏⵏⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴱⴰⵉⵛⵀⵉ « ⵢⴻⵍⵍⴰ ⵢⴻⵜⵜⴰⵙ-ⴷ ⵖⴻⵔ ⵜⵏⴻⴳⴳⴰ, ⵎⴰ ⵓⵍⴰⵛ, 3 ⵏ ⵜⵉⴽⴽⴰⵍ ⴷⴻⴳ ⴷⴷⵓⵕⵜ, ⴰⴽⴽⴻⵏ ⴰⴷ ⴷ-ⵢⴻⵊⴱⴻⴷ ⵉⴷⵔⵉⵎⴻⵏ ⵉⵣⴰⴷⴻⵏ ».

ⴰⵏⴰⴳⵉ ⵛⵀⴰⴷⵉ ⵢⴻⵏⵏⴰ-ⴷ ⴷⴰⴽⴽⴻⵏ ⴱⴰⵛⵀⵉ « ⵢⵓⵙⴰ-ⴷ ⵖⴻⵔ ⵜⵏⴻⴳⴳⴰ ⵏ ⵜⴻⵇⵍⵉⵄⵜ ⵙⴷⴻⴼⴼⵉⵔ ⵎⴰ ⵢⵓⴼⴰ-ⴷ ⴰⴽⴽⴻⵏ ⵅⵓⵚⵚⴻⵏ ⵢⵉⴷⵔⵉⵎⴻⵏ ⴷⴻⴳ ⵜⴱⴰⵏⴽⴰ ⵜⴰⵇⴱⵓⵔⵜ ⵏ ⴽⵀⴰⵍⵉⴼⴰ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⴽⵔⵉⵙⵙⴰⵜ ⴰⴱⴷⴻⵍⴰⵣⵉⵣ, ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵇⴱⵓⵔ ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵍⴻⴱⵢⵓⵔ ⵢⴻⵔⵏⴰ ⴷ ⴰⵎⴻⵜⵜⵀⵓⵎ ⴰⵇⴱⵓⵔ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴽⴻⴱⴱⴰⵏⵉⵜ-ⵏⵏⵉ ⵜⴻⵙⵙⴻⵔⵙ 100 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵜⵏⴻⴳⴳⴰ ⵏ ⵍⵃⴻⵕⵕⴰⵛ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⴰⵢ ⵢⴻⵍⵍⴰⵏ ⵜⴻⵜⵜⴰⴽⴼ ⵉⵎⵉⵔ-ⵏⵏⵉ ⵍⴼⴰⵢⴷⴰ ⵏ ⵡⴰⵣⴰⵍ ⵏ 10%.

ⵎⵉ ⵜ-ⵜⵜⵔⴻⵏ ⵖⴻⴼ ⵙⵙⴻⴱⴱⴰ ⴰⵢ ⵜ-ⵢⴻⵊⵊⴰⵏ ⴰⴷ ⵢⴻⵙⵙⴻⵔⵙ ⵉⴷⵔⵉⵎⴻⵏ ⴷⴻⴳ ⵜⴱⴰⵏⴽⴰ-ⴰ ⵜⵓⵙⵍⵉⴳⵜ ⵜⴰⵇⴱⵓⵔⵜ ⵢⵉⵍⵉ ⵜⴰⴽⴻⴱⴱⴰⵏⵉⵜ-ⵜⴰⵢⴻⵎⵎⴰⵜ (ⵙⵧⵏⴰⵜⵔⴰⵛⵀ) ⵓⵔ ⵜⴳⵉ ⴰⵔⴰ ⴰⵢⴰ, ⴰⵏⴰⴳⵉ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵍⴻⴱⵢⵓⵔ ⵜⴻⵍⵍⴰ ⵜⴻⵙⵄⴰ « ⵜⵉⵍⴻⵍⵍⵉ ⴷⴻⴳ ⵓⵙⵙⴻⴷⴷⵓ ⵏ ⵜⵖⴰⵡⵙⵉⵡⵉⵏ-ⵏⵏⴻⵙ ».

ⵀⴰⵙⵙⴰⵉⵏⴻ ⵎⴰⴷⵊⵉⴷ ⴷ ⵀⴰⵙⵙⵉⵏⵉ ⵎⵧⵀⴰⵏⴷ ⵛⵀⴻⵔⵉⴼ, ⵙⵉⵏ ⵏ ⵢⵉⵎⴹⴻⴱⴱⵔⴻⵏ ⴷⴻⴳ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵜⴻⵎⴳⵓⵔⵉ ⵜⴰⴽⵔⵓⵔⴰⵏⵜ (ⵙⵏⵉⵛ) ⵢⴻⵍⵍⴰⵏ ⴷⴻⴳ ⵍⴻⵅⴹⴰⵔⴻⵢⵢⴰ (ⵜⵓⴱⵉⵔⴻⵜ), ⵡⴻⴽⴽⴷⴻⵏ-ⴷ ⴷⴰⴽⴽⴻⵏ ⵜⴰⴽⴻⴱⴱⴰⵏⵉⵜ-ⴰ ⵜⴻⵙⵙⴻⵔⵙ 400 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉⵎⵉ ⵜⴰⴽⴻⴱⴱⴰⵏⵉⵜ-ⴰ « ⵜⴻⵍⵍⴰ ⵉⵎⵉⵔ-ⵏⵏⵉ ⵜⴻⵙⵙⴰⴷⴰⴼⴻⵏ ⵣⵣⵢⴰⴷⴰ ⵏ ⵢⵉⴷⵔⵉⵎⴻⵏ ».

ⵙⵉⵏ-ⴰ ⵏ ⵢⵉⵏⴰⴳⴰⵏ ⵏⵏⴰⵏ-ⴷ ⴷⴰⴽⴽⴻⵏ « ⵄⴻⵔⴹⴻⵏ ⴰⴷ ⴷ-ⵔⵔⴻⵏ ⵉⴷⵔⵉⵎⵉⵏⴻ-ⵏⵏⵉ, ⵎⴰⵛⴰ ⵓⵔ ⵙⵙⴰⵡⴹⴻⵏ ⴰⵔⴰ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⵎⴰⵀⴷⵉⴷ ⵎⴰⵀⴷⵉ, ⴰⵢ ⵢⴻⵍⵍⴰⵏ ⴷ ⵉⵎⴽⴻⵍⵍⴻⴼ ⵙ ⵜⴻⵣⵔⴰⵡⵉⵏ ⵓⵇⴱⴻⵍ ⵎⴰ ⵢⴻⵇⵇⴻⵍ ⴷ ⴰⵏⴻⵎⵀⴰⵍ ⵓⵄⴹⵉⵍ ⴷⴻⴳ ⵓⵙⴻⵏⴷⵓⵇ ⵏ ⴹⴹⵎⴰⵏⴰ ⵏ ⵓⵙⵎⴰⴷ ⴰⵎⴻⵥⵢⴰⵏ (ⴼⴳⵎⵛ) ⴳⴰⵔ 2001 ⴷ 2003 (ⴷ ⴰⵎⴻⵜⵜⵀⵓⵎ ⴰⵇⴱⵓⵔ ⴰⵢ ⵢⴻⵇⵇⵍⴻⵏ ⴷ ⴰⵏⴰⴳⵉ) ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⵏⴷⵓⵇ-ⵏⵏⵉ « ⵢⴻⵙⵙⴻⵔⵙ 125,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ ⵙ ⵓⵇⴰⴷⴻⵔ ⵏ ⵓⵎⵜⴰⵡⴰ » ⴳⴰⵔ ⵓⵙⴻⵏⴷⵓⵇ ⴷ ⵜⴱⴰⵏⴽⴰ ⵏ ⴽⵀⴰⵍⵉⴼⴰ.

« ⵉⴷⵔⵉⵎⴻⵏ ⴰⵢ ⵢⴻⵔⵙⴻⵏ ⴷⵉⵏ ⵓⵔ ⵜⴻⵏ-ⵉⴷ-ⵔⵔⵉⵏ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴰⴳⵉ-ⴰ. ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ ⵢⴻⵙⵙⴻⵇⵙⴰ-ⵜ ⵎⴰ ⵢⴻⵍⵍⴰ ⴰⵙⵙⴻⴽⵛⴻⵎ ⵏ ⵢⴻⵍⵍⵉ-ⵙ ⵏ ⵎⴰⵀⴷⵉⴷ ⵖⴻⵔ ⵜⵏⴻⴳⴳⴰ ⵏ ⵍⵃⴻⵕⵕⴰⵛ ⵏ ⴽⵀⴰⵍⵉⴼⴰ ⴱⴰⵏⴽ ⵜⴻⵍⵍⴰ-ⴷ ⴷ « ⴰⵎⴱⴰⴷⴷⴻⵍ » ⵏ ⵍⴻⵎⵣⴻⵢⵢⴰⵜ ⴳⴰⵔ ⵎⴰⵀⴷⵉⴷ ⴷ ⵜⴱⴰⵏⴽⴰ-ⴰ, ⵎⴰⵛⴰ ⴰⵏⴰⴳⵉ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵍⵍⵉ-ⵙ ⵜⴻⴽⵛⴻⵎ ⴰⴷ ⵜⴻⵅⴷⴻⵎ ⴷⴻⴳ ⵜⴱⴰⵏⴽⴰ-ⴰ ⵙ ⵜⵎⵓⵙⵙⵏⵉ-ⵏⵏⴻⵙ, ⵉⵎⵉ ⴰⵢ ⵜⴻⵙⵄⴰ ⴰⴳⴻⵔⴷⴰⵙ ⴰⵙⴷⴰⵡⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵍⵇⴰⴹⵉ ⵉⴽⴻⵎⵎⴻⵍ ⵢⴻⵙⵍⴰ ⴷⴰⵖ ⵉ ⵢⵉⵏⴰⴳⴰⵏ ⵏⵉⴹⴻⵏ ⵓⵔ ⵢⴻⵍⵍⵉⵏ ⴰⵔⴰ ⵜⵜⵡⴰⵜⵜⴻⵀⵎⴻⵏ ⴷⴻⴳ ⵜⴻⵎⵙⴰⵍⵜ-ⴰ.

ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵎⵧⴽⵔⴰⵏⵉ ⵎⵧⵀⴰⵏⴷ ⴰⵎⴻⵣⵉⴰⵏⴻ, ⴷ ⵢⵉⵙⴻⵎ-ⵏⵏⴻⵙ ⴷ ⴰⵏⴻⵎⵀⴰⵍ ⴰⵙⵍⴻⴽⵎⴰⵏ ⵏ ⵜⵎⵉⵍⴰⵍⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⴻⵎⵙⵓⵍⵜⴰ ⵜⴰⵖⴻⵍⵏⴰⵡⵜ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⵉⵍⴰⵍⵜ-ⴰ ⵜⴻⵙⵄⴻⴷⴷⴰ ⵉⴷⵔⵉⵎⴻⵏ-ⵏⵏⴻⵙ ⵖⴻⵔ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵙ ⵓⵇⴱⴰⵍ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ, ⴰⵛⴽⵓ ⴰⵙⴻⵇⵇⴰⵎⵓ-ⴰ ⵢⴻⴼⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⴷ ⵢⴻⵙⵙⴻⵔⵙ ⵉⴷⵔⵉⵎⴻⵏ ⴷⴻⴳ ⵜⴱⴰⵏⴽⵉⵡⵉⵏ ⴰⵢ ⴷ-ⵢⴻⵜⵜⴰⴽⴼⴻⵏ ⵓⴳⴰⵔ ⵏ ⵍⴼⴰⵢⴷⴰ.

ⴰⵏⴰⴳⵉ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ 107 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴰⵢ ⵢⴻⵔⵙⴻⵏ ⴷⴻⴳ ⵙⵏⴰⵜ ⵏ ⵜⵏⴻⴳⴳⵉⵡⵉⵏ (ⵜⵉⵏ ⵏ ⵛⵛⵔⴰⴳⴰ ⴷ ⵜⵉⵏ ⵏ ⵢⵉⴱⴰⵟⵡⴰⵔⴻⵏ ⵏ ⵃⵓⵙⵉⵏ ⴷⴰⵢ), ⵢⴻⵔⵏⴰ ⵍⵍⴰⵏⵜ ⵜⵜⴰⴽⴼⴻⵏⵜ ⵍⴼⴰⵢⴷⴰⵜ ⵢⴻⵎⴳⴻⵔⵔⴰⴷⴻⵏ ⵉ ⵜⴰⵍⵍⵉⵜ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ. ⵜⵉⵏ ⵏ ⵛⵛⵔⴰⴳⴰ ⵜⴻⵍⵍⴰ ⵜⴻⵜⵜⴰⴽⴼ-ⴷ 12% ⵏ ⵍⴼⴰⵢⴷⴰ, ⵎⴰ ⴷ ⵜⵉⵏ ⵏ ⵢⵉⴱⴰⵟⵡⴰⵔⴻⵏ, 14%.

ⴰⵏⴰⴳⵉ-ⴰ ⵢⴻⵔⵏⴰ-ⴷ ⴷⴰⴽⴽⴻⵏ ⵢⴻⵄⵔⴻⴹ ⴰⴷ ⴷ-ⵢⴻⵔⵔ ⵉⴷⵔⵉⵎⴻⵏ-ⵏⵏⵉ, ⵢⴻⵔⵏⴰ ⵢⴻⴱⴷⴻⵔ-ⴷ ⵜⴰⴱⵕⴰⵜ ⴰⵢ ⵢⵓⵔⴰ ⵉ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴱⴰⵏⴽⴰ, ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⴰⵙⵙ ⵏ 5 ⵎⴻⵖⵔⴻⵙ 2003 ⵉ ⵍⵎⴻⵏⴷ ⵏ ⵡⴰⵢⴰ.

Ɣⴻⴼ ⵍⴻⵃⵙⴰⴱ ⵏ ⵎⵧⴽⵔⴰⵏⵉ ⵎⵧⵀⴰⵏⴷ ⴰⵎⴻⵣⵉⴰⵏⴻ, ⴷⵊⴻⵍⵍⴰⴱ ⵎⵧⵀⴰⵎⴻⴷ (ⴰⵏⴻⴷⴱⴰⵍ ⴰⵇⴱⵓⵔ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ) ⵢⴻⵏⵚⴻⵃ-ⵉⵜ « ⵓⵔ ⴷ-ⵉⵊⴻⴱⴱⴻⴷ ⴰⵔⴰ ⵉⴷⵔⵉⵎⴻⵏ-ⵏⵏⵉ ⴰⵢ ⵢⴻⵔⵙⴻⵏ ⴷⵉⵏ », ⵢⴻⵔⵏⴰ ⵢⴻⵏⵏⴰ-ⴰⵙ « ⵜⴰⴳⵏⵉⵜ ⴰⵜⵜⴰⵏ ⴰⴷ ⴷ-ⵜⵚⴻⴳⴳⴻⵎ ».