ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵉⵔ ⴰⵍⴳéⵔⵉⴻ ⵜⴻⴹⴹⴻⴼ-ⴷ ⴰⵙⴰⴼⴰⴳ ⴰⵎⴻⵇⵔⴰⵏ ⵏ ⴰⵉⵔⴱⵓⵙ

ⵍⴷⵣⴰⵢⴻⵔ – ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵡⴰⴼⴼⵓⴳ ⴰⵉⵔ ⴰⵍⴳⴻⵔⵉⴻ, ⵜⴻⴹⴹⴻⴼ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵙⴰⴼⴰⴳ-ⵏⵏⴻⵙ ⵡⵉⵙ ⵙⵉⵏ ⵏ ⴰⵉⵔⴱⵓⵙ ⴰ330-200, ⴷ ⵡⵉⵏ ⴰⵢ ⴷ-ⵜⴻⵡⵡⵉ ⴷⴻⴳ ⵡⴰⵀⵉⵍ-ⵏⵏⴻⵙ ⵏ ⵜⵉⵖⵉⵏ ⵏ 16 ⵏ ⵢⵉⵙⴰⴼⴰⴳⴻⵏ ⵉⵎⴰⵢⵏⵓⵜⴻⵏ ⵙⴻⴳ-ⴰ ⴰⵔⵎⴰ ⴷ 2016.

ⴰⵙⴰⴼⴰⴳ-ⴰ ⵢⴻⵙⵄⴰ 251 ⵏ ⵢⵉⵎⵓⴽⴰⵏ ⵙ ⵓⵊⴻⵎⵎⴰⵍ, ⴳⴰⵔ-ⴰⵙⴻⵏ 18 ⵏ ⵢⵉⴽⴻⵔⵙⵉⵢⴻⵏ ⴷⴻⴳ ⵜⵙⴻⵔⴽⴻⵎⵜ ⵏ ⵢⵉⵡⴻⵥⵍⴰ, 14 ⴷⴻⴳ ⵜⵙⴻⵔⴽⴻⵎⵜ ⵜⵉⵎⵙⵉⴳⴻⵔⵜ ⵉⵣⴰⴷⴻⵏ ⴷ 219 ⵏ ⵢⵉⵎⵓⴽⴰⵏ ⴷⴻⴳ ⵜⵙⴻⵔⴽⴻⵎⵜ ⵜⵉⵎⵙⵉⴳⴻⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ ⴷⴻⴳ ⵢⵉⵡⴻⵜ ⵏ ⵜⴼⴰⴳⵍⴰ ⵏ ⵓⵎⵎⴰⴳⴻⵔ ⵏ ⵓⵙⴰⴼⴰⴳ-ⴰ ⴰⵢ ⴷ-ⵢⴻⵍⵍⴰⵏ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰ ⵜⴰⵍⴰⵉ ⴷ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴰⵉⵔ ⴰⵍⴳéⵔⵉⴻ, ⵎⵧⵀⴰⵎⴻⴷ ⴰⴱⴷⵧⵓ ⴱⵧⵓⴷⴻⵔⴱⴰⵍ.

ⴷⴻⴳ ⵚⵚⴻⵏⴼ-ⴰ ⵏ ⵓⵙⴰⴼⴰⴳ, ⵎⴻⴷⴷⴻⵏ ⵣⴻⵎⵔⴻⵏ ⴰⴷ ⵙⵇⴻⴷⵛⴻⵏ ⵉⵙⴰⵡⴰⵍⴻⵏ ⵏ ⵓⴼⵓⵙ ⴰⵎ ⵡⴰⴽⴽⴻⵏ ⴰⵢ ⵢⴻⵍⵍⴰ ⴷⴰⵖ ⴷⴻⴳ-ⵙ ⵉⵏⵜⴻⵔⵏⴻⵜ ⴷ ⵓⵏⴰⴳⵔⴰⵡ ⵏ ⵓⴷⴻⵀⵀⵓ ⵓⴷⵎⴰⵡⴰⵏ (ⵉⵙⵓⵔⴰ, ⴰⵥⴰⵡⴰⵏ, ⴰⵜⴳ.).

ⴰⵉⵔ ⴰⵍⴳⴻⵔⵉⴻ ⵜⴻⴹⴹⴻⴼ-ⴷ ⵢⴰⴳⵉ ⴰⵙⴰⴼⴰⴳ ⵏⵉⴹⴻⵏ ⵏ ⵚⵚⴻⵏⴼ-ⴰ ⴷ ⵙⵉⵏ ⵏ ⵢⵉⵙⴰⴼⴰⴳⴻⵏ ⵏ ⵚⵚⴻⵏⴼ ⵏ ⴰⵜⵔ 72-600 ⴷⴻⴳ ⵓⴽⴰⵜⴰⵔ ⵏ ⵓⵙⵏⴻⵔⵏⵉ ⵏ ⵜⴽⴻⴱⴱⴰⵏⵉⵜ-ⴰ (2014-2017) ⴰⵢⴷⴻⴳ ⴰⵔⴰ ⴷ-ⵙⵖⴻⵏ 16 ⵏ ⵢⵉⵙⴰⴼⴰⴳⴻⵏ ⵉⵎⴰⵢⵏⵓⵜⴻⵏ ⵓⵇⴱⴻⵍ ⵜⴳⴰⵔⴰ ⵏ 2016.

ⴰⵀⵉⵍ-ⴰ ⵏ ⵜⵉⵖⵉⵏ ⴰⴷ ⴷ-ⴰⵖⴻⵏ ⴷⴻⴳ-ⵙ 3 ⵏ ⵢⵉⵙⴰⴼⴰⴳⴻⵏ ⵏ ⴰⵜⵔ 72-600, 3 ⵏ ⵢⵉⵙⴰⴼⴰⴳⴻⵏ ⵏ ⴰⵉⵔⴱⵓⵙ 330-200, 8 ⵏ ⵢⵉⵙⴰⴼⴰⴳⴻⵏ ⵏ ⴱⵧⴻⵉⵏⴳ 737-800, 2 ⵏ ⵢⵉⵙⴰⴼⴰⴳⴻⵏ ⵏ ⴱⵧⴻⵉⵏⴳ 737-700 ⵛⴰⵔⴳⵧ ⵢⴻⵜⵜⴱⴻⴷⴷⵉⵍⴻⵏ ⵢⴻⵔⵏⴰ ⴰⴷ ⵜⵜⵡⴰⵅⴻⵙⵇⴻⴷⵛⴻⵏ ⵍⴰⴷⵖⴰ ⵉ ⵓⵙⵙⵉⴽⴻⵍ (ⴰⵚⴰⴼⴻⵔ) ⵖⴻⵔ ⵜⵎⵓⵔⴰ ⵏ ⵓⵣⵖⴰⵔ (ⴱⴻⵕⵕⴰ) ⴷ ⵓⵙⵙⴻⵊⵀⴻⴷ ⵏ ⵢⵉⵣⵉⵔⵉⴳⴻⵏ ⵢⴻⵍⵍⴰⵏ ⵢⴰⴳⵉ.

« ⵜⵉⵖⵉⵏ-ⴰ ⴰⴷ ⵜⴻⵙⵙⴻⵊⵀⴻⴷ ⵜⵉⵣⴻⵎⵎⴰⵔ ⵏ ⴰⵉⵔ ⴰⵍⴳⴻⵔⵉⴻ, ⵉⵎⵉ ⵉⵎⵉⵔ-ⴰ ⵜⴻⵙⵄⴰ 43 ⵏ ⵢⵉⵙⴰⴼⴰⴳⴻⵏ ⵙⴰⴽⴽⵉⵏ ⴰⴷ ⵜⴻⵇⵇⴻⵍ ⵜⴻⵙⵄⴰ 59 » ⵙ ⵡⴰⵡⵡⴰⴹ ⵏ ⵢⵉⵙⴰⴼⴰⴳⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴰⵍⴰⵉ.

ⵙ ⵡⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⴰⵉⵔ ⴰⵍⴳⴻⵔⵉⴻ ⴰⵢ ⵢⴻⵙⵙⴰⵡⴹⴻⵏ 5,3 ⵏ ⵢⵉⵎⵙⵉⴽⵍⴻⵏ (ⵉⵎⵚⴰⴼⵔⴻⵏ) ⴷⴻⴳ ⵢⵉⵙⴰⴼⴰⴳⴻⵏ-ⵏⵏⴻⵙ ⴷⴻⴳ 2014, ⴰⴷ ⵜⴻⵣⵎⴻⵔ ⴰⴷ ⵜⴻⵙⵙⵉⵡⴻⴹ 6 ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ ⴷⴻⴳ 2015, ⵙⴰⴽⴽⵉⵏ ⴰⴷ ⵜⴰⵡⴻⴹ ⵖⴻⵔ 8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⵙⵉⴽⵍⴻⵏ ⴷⴻⴳ ⵜⵉⵣⵉ ⵏ 2017.

ⵜⵉⵎⴻⵔⵏⵉⵡⵜ ⵏ ⵢⵉⵙⴰⴼⴰⴳⴻⵏ ⵉⵎⴰⵢⵏⵓⵜⴻⵏ ⴰⴷ ⵉⴱⴻⴷⴷⴻⵍ ⴷⴰⵖ ⵜⴰⵍⴻⵎⵎⴰⵙⵜ ⵏ ⵍⴻⵄⵎⴻⵕ ⵏ ⵢⵉⵙⴰⴼⴰⴳⴻⵏ ⵏ ⵜⴽⴻⴱⴱⴰⵏⵉⵜ-ⴰ, ⵉⵎⵉ ⴰⵙⵙ-ⴰ, ⵜⴰⵍⴻⵎⵎⴰⵙⵜ ⵏ ⵍⴻⵄⵎⴻⵕ-ⵏⵏⴻⵙ ⴰⵜⵜⴰⵏ 16 ⵏ ⵢⵉⵙⴻⴳⴳⴰⵙⴻⵏ, ⵎⴰⵛⴰ ⵎⵉ ⴰⵔⴰ ⴷ-ⵔⵏⵓⵏ ⵢⵉⵙⴰⴼⴰⴳⴻⵏ ⵉⵎⴰⵢⵏⵓⵜⴻⵏ, ⴰⴷ ⵜⴻⵇⵇⴻⵍ ⵜⵍⴻⵎⵎⴰⵙⵜ ⵏ ⵍⴻⵄⵎⴻⵕ-ⵏⵙⴻⵏ 8 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵜⴰⵍⴰⵉ ⴰⵢ ⴷ-ⵉⵃⴻⵜⵜⴻⵜⴻⵏ ⴷⴰⴽⴽⴻⵏ ⵢⴻⵙⵙⴻⴼⴽ ⴷⴰⵖ ⴰⴷ ⵜⵜⵡⴰⵙⵙⴻⵍⵀⵓⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⴽⴻⴱⴱⴰⵏⵉⵜ-ⴰ ⵉ ⵢⵉⵎⴻⵛⵜⵓⵔⴰ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜⴻⵜⵜⵇⴰⴷⴰⵔ ⴰⴽⵓⴷ ⵏ ⵡⴰⴼⴼⵓⴳⴻⵏ.

ⴰⵏⴻⵖⵍⴰⴼ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵖⴰⵡⴰⵙ ⴰⵎⴰⵢⵏⵓ ⵏ ⵓⵙⵏⴻⵔⵏⵉ ⵏ ⴰⵉⵔ ⴰⵍⴳⴻⵔⵉⴻ, ⵎⴰⵣⴰⵍ ⵍⴰ ⴷ-ⵜⴻⵜⵜⵉⵍⵉ ⴼⴻⵍⵍ-ⴰⵙ ⵜⴻⵣⵔⴰⵡⵜ ⵢⴻⵔⵏⴰ, ⵎⵉ ⴰⵔⴰ ⴷ-ⵢⴻⵡⵊⴻⴷ, ⴰⴷ ⵢⴻⵔⵏⵓ ⴰⴷ ⵢⴻⵙⵙⴻⵎⵖⴻⵔ ⴰⵎⴹⴰⵏ ⵏ ⵢⵉⵙⴰⴼⴰⴳⴻⵏ ⵏ ⴰⵉⵔ ⴰⵍⴳⴻⵔⵉⴻ ⵖⴻⵔ 100.

ⵜⴰⴼⴰⴳⵍⴰ ⵏ ⵓⵎⵎⴰⴳⴻⵔ ⵏ ⵓⵙⴰⴼⴰⴳ-ⴰ ⴰⵎⴰⵢⵏⵓ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵏⴻⵖⵍⴰⴼ ⴰⵎⴰⵢⵏⵓ ⵏ ⵓⵎⴻⵙⵏⵉ ⴰⴽⴽⴻⵏ ⴰⴷ ⵢⴻⵔⵣⵓ ⵖⴻⴼ ⵡⴰⵎⵎⴰⵙ ⵏ ⵓⵚⴻⴳⴳⴻⵎ ⵏ ⴰⵉⵔ ⴰⵍⴳⴻⵔⵉⴻ ⴰⵢ ⴷ-ⵢⴻⵣⴳⴰⵏ ⴷⴻⴳ ⵓⵙⴰⴼⴰⴳ ⴰⴳⵔⴰⵖⵍⴰⵏ ⵏ ⵀⵧⵓⴰⵔⵉ-ⴱⵧⵓⵎⴻⴷⵉⴻⵏⴻ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵏⴻⵖⵍⴰⴼ ⵢⴻⵔⵣⴰ ⴷⴰⵖ ⵖⴻⴼ ⵜⴽⴻⴱⴱⴰⵏⵉⵜ ⵜⴰⵎⴰⵢⵏⵓⵜ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⴰⵉⵔ ⴰⵍⴳⴻⵔⵉⴻ, ⵜⴰ ⴷ ⵜⴰⴽⴻⴱⴱⴰⵏⵉⵜ ⵏ « ⴰⵉⵔ ⴰⵍⴳⴻⵔⵉⴻ-ⵛⴰⵜⴻⵔⵉⵏⴳ » ⴰⵢ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵓⵀⴻⵢⵢⵉ ⵏ ⵜⵓⵛⵛⵉⵜ ⵉ ⵢⵉⵎⵙⵉⴽⵍⴻⵏ (ⵉⵎⵚⴰⴼⵔⴻⵏ). ⵜⴰⴽⴻⴱⴱⴰⵏⵉⵜ-ⴰ ⵜⴻⵜⵜⵀⴻⵢⵢⵉ-ⴷ ⴳⴰⵔ 6.000 ⴷ 15.000 ⵏ ⵜⵔⴰⵎ ⴷⴻⴳ ⵡⴰⵙⵙ.

ⵜⴰⵖⴻⵎⵙⴰ ⵜⴻⵜⵜⴻⵔ ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵖⴻⴼ ⵢⵉⵙⵓⵏⴷⵉⴷⴻⵏ (ⵍⴰⴳⵔⵉⴼⴰⵜ) ⴰⵢ ⵢⴻⵣⴳⴰⵏ ⵜⵜⵃⴰⵣⴻⵏ ⵜⴰⴽⴻⴱⴱⴰⵏⵉⵜ ⵏ ⴰⵉⵔ ⴰⵍⴳⴻⵔⵉⴻ, ⴷⵖⴰ ⵎⴰⵙⵙ ⴱⵧⵓⴷⴻⵔⴱⴰⵍⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵙⴻⴳ-ⴰ ⵖⴻⴼ ⴷⴷⵓⵕⵜ, ⴰⴷ ⵢⴻⵎⵍⵉⵍ ⴷ ⵡⴰⴽⴽ ⵉⵏⵎⵓⵍⴰ (ⵙⵙⴰⵏⴷⵉⴽⴰⵜ) ⴰⴽⴽⴻⵏ ⴰⴷ ⵢⴻⵙⵇⴻⵔⴷⴻⵛ ⵢⵉⴷ-ⵙⴻⵏ ⵓⴳⵓⵔⴻⵏ-ⵏⵙⴻⵏ ⵢⴻⵔⵏⴰ ⴰⴷ ⵢⴻⵄⵔⴻⴹ ⴰⴷ ⴷ-ⵢⴰⴼ ⵜⵉⴼⵔⴰⵜⵉⵏ ⴰⵔⴰ ⵢⴻⴼⵔⵓⵏ ⵛⵡⵉⵟ, ⵛⵡⵉⵟ, ⵓⴳⵓⵔⴻⵏ-ⴰ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⴷ ⴷ-ⵢⴻⵙⵙⵓⴽ ⵜⵉⵟ ⵉ ⵜⴻⴳⵏⵉⵜ ⵜⴰⵜⴻⴽⵏⵉⵜ ⴷ ⵜⵓⴷⴷⵙⴰⵏⵜ ⵏ ⴰⵉⵔ ⴰⵍⴳⴻⵔⵉⴻ ⴷ ⵓⵙⵙⴻⴼⵔⴻⴽ ⵏ ⵢⵉⵅⴻⴷⴷⴰⵎⴻⵏ, ⵢⴻⵔⵏⴰ ⴰⴷ ⴷ-ⵢⴻⵙⵙⵓⴷⴷⴻⵙ ⵜⵉⵎⵍⵉⵍⵉⵢⵉⵏ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏⵜ ⴰⴽⴽ ⵜⴻⵎⵚⵉⵡⵉⴽⵉⵏ ⵏ ⵜⴽⴻⴱⴱⴰⵏⵉⵜ-ⴰ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⴰⵖⴰⵡⴰⵙ ⴰⵎⴰⵢⵏⵓ ⵏ ⵓⵙⵙⴻⵜⵔⴻⵔ.