ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵣⵉⴽⵏⵉⵢⵉⵏ ⵢⴻⵜⵅⴻⵚⵚⴻⵚⴻⵏ ⵙⵏⴻⵇⵙⴻⵏⵜ-ⴰⵙ ⵜⵉⴽⴻⴱⴱⴰⵏⵉⵢⵉⵏ ⵉ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴷⵣⴰⵢⴻⵔ

ⵍⴻⵣⵣⴰⵢⴻⵔ – ⵜⴰⵥⵔⵉⴳⵜ ⵜⵉⵙ 48 ⵏ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴷⵣⴰⵢⴻⵔ ⵏⴻⵇⵙⴻⵏⵜ ⴷⴻⴳ-ⵙ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⵉⵎⵉ ⴰⵢ ⴳⴳⵜⴻⵏⵜ ⵜⵎⴻⵙⵔⵉⵢⵉⵏ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵏ ⵜⴷⴰⵎⵙⴰ, ⴷ ⴰⵛⵓ ⴽⴰⵏ, ⵎⴰⵣⴰⵍ ⵜⴻⵜⵜⵖⵉⵎⵉ-ⴷ ⵜⴻⵎⵣⵉⴽⴽⴻⵏⵜ-ⴰ ⴷ ⵜⵜⵉⵄⴰⴷ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵢⵉⵔⴳⴰⵣⴻⵏ ⵏ ⵢⵉⵡⴻⵥⵍⴰ ⵉⴱⴻⵕⵕⴰⵏⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⵙⵙⵏⴻⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵙⵙⵓⵇ ⴰⴷⵣⴰⵢⵔⵉ.

Ɣⴻⴼ ⵍⴻⵃⵙⴰⴱ ⵏ ⵍⴻⵃⵙⴰⴱⴰⵜ ⵏ ⵜⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ ⵏ ⵜⴻⵎⵣⵉⴽⴽⵏⵉⵏ (ⵙⴰⴼⴻⵅ) ⴰⵢ ⴷ-ⵢⴻⵙⵙⵓⴷⴷⵙⴻⵏ ⵜⴰⴷⵢⴰⵏⵜ-ⴰ ⵜⴰⴷⴰⵎⵙⴰⵏⵜ ⵏ ⵢⴰⵍ ⴰⵙⴻⴳⴳⴰⵙ, 742 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵥⵔⵉⴳⵜ ⵏ 2015 ⴰⵢ ⴷ-ⵢⴻⵍⵍⴰⵏ ⴳⴰⵔ 28 ⵎⴰⵢⵓ ⴷ 1 ⵢⵓⵏⵢⵓ, ⵢⵉⵍⵉ ⴷⴻⴳ 2010, ⵜⵜⴻⴽⴽⴰⵏⵜ-ⴷ 835 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ, ⵎⴰ ⴷⴻⴳ 2007, ⵜⵜⴻⴽⴽⴰⵏⵜ-ⴷ 1066, ⵢⴻⵔⵏⴰ ⴷⴻⴳ 2003, ⵜⵜⴻⴽⴽⴰⵏⵜ-ⴷ 1044 ⵏ ⵜⴽⴻⴱⴱⴰⵏⵉⵢⵉⵏ.

ⴰⵎⴹⴰⵏ ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⵢⴻⵏⵇⴻⵙ-ⴷ ⵖⴻⵔ 30, ⵢⵉⵍⵉ ⴷⴻⴳ 2010 ⵜⵜⴻⴽⴽⴰⵏⵜ 40 ⵏ ⵜⵎⵓⵔⴰ, ⴷⴻⴳ 2007, ⵜⵜⴻⴽⴽⴰⵏⵜ 36 ⵏ ⵜⵎⵓⵔⴰ, ⵎⴰ ⴷⴻⴳ 2003, ⵓⵙⴰⵏⵜ-ⴷ 32 ⵏ ⵜⵎⵓⵔⴰ.

ⴰⵏⵇⴰⵙ-ⴰ ⵏ ⵓⵜⵜⴻⴽⴽⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴷⴻⴳ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴷⵣⴰⵢⴻⵔ ⵢⴻⵍⵍⴰ-ⴷ ⴷⴰⵖ ⵢⵉⴷ-ⵙ ⵓⵏⵇⴰⵙ ⵏ ⵜⵊⵓⵎⵎⴰ ⵏ ⵢⵉⵎⵓⴽⴰⵏ ⵏ ⵓⵙⵙⴻⵔⵙⵉ ⴰⵢ ⴰⵙⴻⵏⵜ-ⵢⴻⵜⵜⵓⵏⴻⴼⴽⴻⵏ: 24.882 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ 2003, 27.714 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ 2007, 17.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ 2010 ⴷ 12.533 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ 2015.

ⴷ ⴰⵛⵓ ⴽⴰⵏ, ⵖⴰⵙ ⵎⴰ ⵢⴻⵍⵍⴰ ⵢⴻⵍⵍⴰ-ⴷ ⵓⵏⵇⴰⵙ-ⴰ ⴷⴻⴳ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ, ⴳⴳⵜⴻⵏⵜ-ⴷ ⵜⵎⴻⵙⵔⵉⵢⵉⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵢⵉⵏⵓⵔⴰⵔ ⵉⴱⴰⵏⴻⵏ ⴷⴻⴳ ⵍⴷⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⵍⴰ ⵢⴻⵜⵜⵉⵎⵖⵓⵔ ⵡⴰⵣⴰⵍ ⵏ ⵜⵎⴻⵙⵔⵉⵢⵉⵏ-ⴰ ⵢⴻⵔⵏⴰ ⵍⴰ ⵉⵔⴻⵏⵏⵓ ⵓⵎⴹⴰⵏ ⵏ ⵜⴽⴻⴱⴱⴰⵏⵉⵢⵉⵏ ⴷ ⵢⵉⵏⴻⵔⵣⴰⴼⴻⵏ ⴰⵢ ⵍⴰ ⴷ-ⵢⴻⵜⵜⴰⵙⴻⵏ ⵖⴻⵔ-ⵙⴻⵏⵜ ⴷⴻⴳ ⵢⵉⵙⵓⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ.

ⵜⴰⴽⴻⴱⴱⴰⵏⵉⵜ ⵏ ⵙⴰⴼⴻⵅ ⵜⴻⵙⵙⵓⴷⴷⵓⵙ ⵉ ⵢⵉⵎⴰⵏ-ⵏⵏⴻⵙ ⴽⴰⵏ ⴰⵣⴰⵍ ⵏ 30 ⵏ ⵜⵎⴻⵙⵔⵉⵢⵉⵏ ⵜⵉⴳⵔⴰⵖⵍⴰⵏⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ (ⵜⴰⴽⴻⵕⵕⵓⵙⵜ, ⵍⴻⴱⵏⵉ, ⵉⵎⵓⵀⴰⵍ ⵉⵏⴰⴳⴷⵓⴷⴻⵏ, ⵜⴰⴼⴻⵍⵍⴰⵃⵜ, ⵜⴰⵎⴻⵔⵔⵉⵜ, ⵉⴼⴰⵔⵉⵙⴻⵏ ⵏ ⵓⴷⴰⵡⵉ, ⵜⴰⵙⴻⵏⵙⴻⵍⴽⵉⵎⵜ, ⴰⴷⵍⵉⵙ, ⴰⵜⴳ.).

ⴷ ⴰⵛⵓ ⴽⴰⵏ, ⵜⵉⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴷⵣⴰⵢⴻⵔ ⵜⴻⵜⵜⵖⵉⵎⵉ-ⴷ ⴷ ⵜⵜⵉⵄⴰⴷ ⵉⵎⵅⴻⵢⵢⴻⵔ ⴰⴽⴽ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⴱⵖⴰⵏ ⴰⴷ ⵙⵙⵏⴻⵏⵜ ⵙⵙⵓⵇ ⴰⴷⵣⴰⵢⵔⵉ ⴷ ⵜⴻⵡⵡⵓⵔⴰ ⵉⵔⴻⵥⵎⴻⵏ ⴷⴻⴳ-ⵙ ⵉ ⵓⵔⴱⴰⵃ ⵏ ⵢⵉⴷⵔⵉⵎⴻⵏ.

ⵉⵛⵔⵉⴽⴻⵏ ⵉ ⵓⵙⵙⴻⴼⵜⵉ ⵉⵎⵉ ⴰⵔⴰ ⵜⴻⵏⵇⴻⵙ ⵜⵉⵖⵉⵏ ⵙⴻⴳ ⵜⵎⵓⵔⴰ ⵏ ⵓⵣⵖⴰⵔ

ⵜⴰⵏⴻⴼⵙⴰⵔⵜ (ⴰⵎⴽⴰⵏ ⵏ ⵓⵙⵙⴻⵔⵙⵉ) ⵏ ⵍⵀⴻⵏⴷ (ⵢⴻⵍⵍⴰⵏ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⴷⴻⴳ ⵜⴻⵥⵔⵉⴳⵜ-ⴰ), ⵍⵍⴰⵏⵜ ⴷⴻⴳ-ⵙ 80 ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⴱⵖⴰⵏ ⴰⴷ ⴷ-ⴰⵙⴻⵏⵜ ⴰⴷ ⵙⵙⴻⴼⵜⵉⵏⵜ ⴷⴻⴳ ⵍⴷⵣⴰⵢⴻⵔ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵓⵙⴳⴰⵍⴻⴼ, ⵜⴰⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ ⴷ ⵜⵓⵛⵛⵉⵜ, ⵍⴻⴱⵏⵉ ⴷ ⵜⵛⴻⵇⵇⵓⴼⵉⵏ ⵏ ⵓⴱⴻⴷⴷⴻⵍ.

« ⵍⴷⵣⴰⵢⴻⵔ ⴷ ⵙⵙⵓⵇ ⴰⵢⴷⴻⴳ ⵢⴻⵍⵍⴰ ⵓⵙⵙⵉⵔⴻⵎ ⵢⴻⵔⵏⴰ ⵓⵔ ⵍⴰ ⵜ-ⵜⵜⵖⴻⵍⵍⵉⵜⴻⵏⵜ ⴰⵔⴰ ⵜⴽⴻⴱⴱⴰⵏⵉⵢⵉⵏ-ⵏⵏⴻⵖ ⴰⴽⴽⴻⵏ ⵉⵡⴰⵜⴰ ⵉⵎⵉ ⴰⵢ ⵎⴱⴰⵄⴰⴷⴻⵏⵜ ⵙⵏⴰⵜ-ⴰ ⵏ ⵜⵎⵓⵔⴰ (ⵍⴷⵣⴰⵢⴻⵔ ⴷ ⵍⵀⴻⵏⴷ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⵓⴳⴻⵏⵙⴰⵙ ⵏ ⵜⴼⵉⴷⵉⵕⴰⵍⵉⵜ ⵏ ⵜⴻⵅⵅⴰⵎⵉⵏ ⵜⵉⵀⴻⵏⴷⵉⵢⵉⵏ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ, ⵎⴰⵙⵙ ⵙⴰⵓⵔⴰⵠ ⵎⵉⵜⵜⴰⵍ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵃⴻⴷⵕⴻⵏ ⴷⴻⴳ ⵜⵏⴻⴼⵙⴰⵔⵜ ⵏ ⵜⵎⵓⵔⵜ-ⴰ ⵜⴰⵙⵢⴰⵡⵉⵜ ⵜⵜⴻⴽⴽⴰⵏⵜ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⴷⵢⴰⵏⵜ-ⴰ, « ⵢⴻⵔⵏⴰ ⴱⵖⴰⵏⵜ ⴰⴷ ⴷ-ⵇⴻⴹⵄⴻⵏⵜ ⴰⵢⴻⵏ ⴰⵢ ⵜⴻⵏⵜ-ⵉⴼⴰⵜⴻⵏ ⵙ ⵓⵏⴰⴷⵉ, ⴷⴻⴳ ⵜⴰⵣⵡⴰⵔⴰ, ⵏ ⵢⵉⵛⵔⵉⴽⴻⵏ ⵉⵎⵙⴻⵏⵣⴰ, ⵓⵇⴱⴻⵍ ⵎⴰ ⴱⴷⴰⵏⵜ ⴰⵙⵙⴻⴼⵜⵉ, ⵎⴰ ⵢⴻⵍⵍⴰ ⵡⴰⵎⴻⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰ ⴷ ⴰⴳⴻⵏⵙⴰⵙ ⵏ ⵡⵓⴷⵓⵙ ⴰⵎⴰⵍⵉⵣⵉ ⵏ ⵓⵙⵏⴻⴼⵍⵉ ⵏ ⵜⵏⴻⵣⵣⵓⵜ ⵜⵓⴼⴼⵉⵖⵜ (ⵎⴰⵜⵔⴰⴷⴻ), ⵎⵧⵀⴰⵎⴰⴷ ⵀⴰⵔⵉⵙ ⴰⴱⴷⵓⵍ ⵍⴰⵜⵉⴼⴼ, « ⵉⵎⵉ ⵍⴷⵣⴰⵢⴻⵔ ⵜⴻⵖⵜⴻⵙ ⴰⴷ ⵜⴻⵙⵙⴻⵏⵇⴻⵙ ⴰⵊⵊⴰⵡ ⵏ ⵙⵙⴻⵍⵄⴰ ⵙⴻⴳ ⵓⵣⵖⴰⵔ, ⵜⵉⴽⴻⴱⴱⴰⵏⵉⵢⵉⵏ ⵢⴻⵙⵙⴻⴼⴽ ⴰⴷ ⴷ-ⴰⴼⴻⵏⵜ ⵉⵛⵔⵉⴽⴻⵏ ⴰⵔⴰ ⵜⴻⵏⵜ-ⵢⴻⵊⵊⴻⵏ ⴰⴷ ⴰⴷⴼⴻⵏⵜ ⵙⵙⵓⵇ ⴰⴷⵣⴰⵢⵔⵉ ⴰⵢ ⵢⴻⵛⵛⵓⵕⴻⵏ ⴷ ⵜⵉⵍⴻⵎⵎⵉⵥⵉⵏ ⵉ ⵜⵏⴻⵣⵣⵓⵜ (ⵜⵜⵊⴰⵕⴰ) ».

« ⴰⵢⴰ ⴷ ⴰⵛⵇⵉⵔⵔⴻⵡ, ⵉⵎⵉ ⵍⴷⵣⴰⵢⴻⵔ ⵜⴻⵍⵍⴰ-ⴷ ⴷ ⵙⵙⵓⵇ ⴰⵎⴰⵢⵏⵓ ⵉ ⵢⵉⵎⴰⵍⵉⵣⵉⵢⴻⵏ. ⵜⵉⵎⵣⵉⴽⴽⴻⵏⵜ-ⴰ ⴷ ⵜⴰⵍⴻⵎⵎⵉⵥⵜ ⵏ ⵜⵉⴷⴻⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⴻⵔⵎⵉⵙ ⴷ ⵢⵉⵔⴳⴰⵣⴻⵏ ⵏ ⵢⵉⵡⴻⵥⵍⴰ ⵉⴷⵣⴰⵢⵔⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ ⵏ ⵎⴰⵜⵔⴰⴷⴻ ⴰⵢⴷⴻⴳ ⵜⵜⴻⴽⴽⴰⵏⵜ 280 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴰⵍⵉⵣⵉⵢⵉⵏ.

ⵜⵉⵎⵓⵔⴰ ⴰⵎ ⵛⵛⵉⵏⵡⴰ, ⵟⵟⴻⵔⴽ, ⴼⵕⴰⵏⵙⴰ ⴷ ⵟⵟⴰⵍⵢⴰⵏ ⴹⴹⴼⴻⵏⵜ ⵜⵉⵏⴻⴼⵙⴰⵔⵉⵏ ⴷ ⵜⵉⵎⴻⵇⵔⴰⵏⵉⵏ ⴰⵏⴷⴰ ⴰⵢ ⴷ-ⴼⴻⵙⵔⴻⵏⵜ ⵜⵉⵖⴰⵡⵙⵉⵡⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⵎⵓⵙⵙⵏⵉ-ⵏⵙⴻⵏⵜ ⵏ ⵚⵚⴻⵏⵄⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⴳⵓⵍⴰⴼ. ⵎⴰⵛⴰ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵎⵓⵔⴰ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵏ ⵓⵏⴻⵥⵔⵓⴼ ⴹⴹⴼⴻⵏⵜ ⵉⵎⵓⴽⴰⵏ ⴷ ⵉⵎⴻⵥⵢⴰⵏⴻⵏ ⵓⴳⴰⵔ ⴰⴽⴽⴻⵏ ⴰⴷ ⴷ-ⵇⴻⴷⴷⵎⴻⵏⵜ ⵉⴼⴰⵔⵉⵙⴻⵏ-ⵏⵙⴻⵏⵜ ⵏ ⵜⴻⵏⴹⵉ.

ⵓⵍⴰ ⵎⴰ ⵍⵉⴱⵢⴰ ⴷ ⵙⵓⵔⵢⴰ ⵜⴻⵔⵡⵉ ⴷⴻⴳ-ⵙⴻⵏⵜ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵢⴻⵔⵏⴰ ⵜⵓⵖ-ⵉⵜⴻⵏⵜ ⵜⴷⴰⵎⵙⴰ-ⵏⵙⴻⵏⵜ, ⵙⵙⴰⵡⴹⴻⵏⵜ ⵓⵍⴰ ⴷ ⵏⵉⵜⴻⵏⵜⵉ ⴰⴷ ⵃⴻⴷⵕⴻⵏⵜ ⴷⴻⴳ ⵜⴻⴷⵢⴰⵏⵜ-ⴰ ⵜⴰⴷⴰⵎⵙⴰⵏⵜ ⵜⴰⴳⵔⴰⵖⵍⴰⵏⵜ ⴰⴽⴽⴻⵏ « ⴰⴷ ⴷ-ⵙⵙⵉⵡⴹⴻⵏⵜ ⵉⵣⴻⵏ ⵏ ⵓⵙⵙⵉⵔⴻⵎ ⴷ ⵓⵄⴻⵡⵡⴻⵍ-ⵏⵙⴻⵏⵜ ⴰⴽⴽⴻⵏ ⴰⴷ ⴽⴽⴻⵏⵜ ⵉ ⵜⴰⵍⵓⴼⵜ » ⴰⵢ ⵜⴻⵏⵜ-ⵉⵃⵓⵣⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⵙⴻⴳ ⵙⵏⴰⵜ-ⴰ ⵏ ⵜⵎⵓⵔⴰ.

ⵢⴰⵍ ⴰⵙⴻⴳⴳⴰⵙ ⵍⴰ ⵜⵏⴻⵇⵇⴻⵙ ⵜⵊⵓⵎⵎⴰ ⴰⵢ ⵢⴻⵜⵜⵡⴰⵀⴻⵢⵢⴰⵏ ⴷⴻⴳ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴷⵣⴰⵢⴻⵔ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ, ⴷ ⴰⵛⵓ ⴽⴰⵏ, ⵍⴰ ⵜⵔⴻⵏⵏⵓ ⵜⵉⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⴷ-ⵢⴻⵙⴼⴰⵢⴷⵉⵏ ⴷⴰⵖ ⵙⴻⴳ ⵓⵙⵙⴻⴱⵖⴻⵙ ⵏ ⵓⵙⵙⵓⴷⴻⵔ ⵏ ⵢⵉⴼⴰⵔⵉⵙⴻⵏ ⴰⵢ ⴷ-ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵜⵎⵓⵔⵜ.

ⵓⴳⴰⵔ ⵏ 640 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵍⴷⵣⴰⵢⴻⵔ ⵢⴻⵔⵏⴰ ⴹⴹⴼⴻⵏⵜ ⵜⴰⵊⵓⵎⵎⴰ ⵏ 38.678 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ. ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵊⵓⵎⵎⴰ-ⴰ ⴹⴹⴼⴻⵏⵜ ⵢⵉⴼⴰⵔⵉⵙⴻⵏ ⵉⵍⵉⴽⵜⵕⵓⵏⴰⵏⴻⵏ, ⵉⴼⴰⵔⵉⵙⴻⵏ ⵏ ⵜⵔⵉⵙⵉⵜⵉ ⵏ ⵓⵅⵅⴰⵎ ⴷ ⵢⵉⴼⴰⵔⵉⵙⴻⵏ ⵏ ⵜⵓⵛⵛⵉⵜ.

ⴳⴰⵔ ⵢⵉⵏⴻⵔⵣⴰⴼⴻⵏ, ⵍⵍⴰⵏⵜ ⴰⵟⴰⵙ ⵏ ⵜⵡⴰⵛⵓⵍⵉⵏ ⵜⵉⴷⵣⴰⵢⵔⵉⵢⵉⵏ, ⵢⴻⵔⵏⴰ ⴼⵓⵕⵙⴻⵏⵜ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⵙⵙⵏⴻⵏⵜ ⵜⵉⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵙⵙⵓⵇ ⴰⵖⴻⵍⵏⴰⵡ ⴷⴻⴳ ⵡⵓⵙⵙⴰⵏ-ⴰ ⴰⵢⴷⴻⴳ ⴰⵢ ⵍⴰ ⴷ-ⵢⴻⵜⵜⵇⴻⵔⵔⵉⴱ ⵔⴻⵎⴹⴰⵏ, ⵃⴻⴷⵕⴻⵏⵜ ⴷⴰⵖ ⵉ ⵜⴻⴷⵢⴰⵏⵉⵏ ⵜⵉⴷⴻⵍⵙⴰⵏⵉⵏ ⴰⵎ ⵡⴰⴽⴽⴻⵏ ⴰⵢ ⵜⵜⴻⴽⴽⴰⵏⵜ ⴷⴻⴳ ⵢⵉⵔⵎⵓⴷⴻⵏ ⵏ ⵓⵙⵙⴻⴷⵀⵓ ⴰⵢ ⵢⴻⵜⵜⵡⴰⵙⵙⵓⴷⴷⵙⴻⵏ ⴷⴻⴳ ⵜⴻⵎⵣⵉⴽⴽⴻⵏⵜ-ⴰ ⴰⵢⴷⴻⴳ ⵏⵏⴼⴻⵄ ⴷ ⵣⵣⵀⵓ ⵎⵍⴰⵍⴻⵏ-ⴷ ⵖⴻⵔ ⵢⵉⵡⴻⵏ ⵏ ⵓⵎⴽⴰⵏ.