ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵡⴻⵜ-ⴷ ⵜⵣⴻⵏⵣⴻⵍⵜ ⵉⵊⴻⵀⴷⴻⵏ ⵏ 7,8 ⵏ ⵜⴼⴻⵙⵏⵉⵡⵉⵏ ⴷⴻⴳ ⵜⵍⴻⵎⵎⴰⵙⵜ ⵏ ⵍⴻⴱⵃⴻⵕ ⴷⴻⴳ ⵊⴰⵒⵓⵏ

ⵜⵧⴽⵢⵧ – ⵜⵡⴻⵜ-ⴷ ⵢⵉⵡⴻⵜ ⵏ ⵜⵣⴻⵏⵣⴻⵍⵜ ⵉⵊⴻⵀⴷⴻⵏ ⵏ 7,8 ⵏ ⵜⴼⴻⵙⵏⵉⵡⵉⵏ ⴷⴻⴳ ⵜⵍⴻⵎⵎⴰⵙⵜ ⵏ ⵢⵉⵍⴻⵍ (ⵍⴻⴱⵃⴻⵕ) ⵏ ⵊⴰⵒⵓⵏ, ⴷ ⵜⵉⵣⴻⵏⵣⴻⵍⵜ ⵓⵎⵉ ⵃⵓⵍⴼⴰⵏ ⴷⴻⴳ ⵜⵎⴰⵏⴻⵖⵜ ⵜⵧⴽⵢⵧ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⵓⴷⵓ ⴰⵎⴰⵔⵉⴽⴰⵏⵉ ⵏ ⵜⴽⴻⵍⵙⴻⵏⴳⴰⵎⴰ (ⵓⵙⴳⵙ).

ⴰⵎⵎⴰⵙ ⵏ ⵓⵄⴻⵢⵢⴻⵏ ⵏ ⵢⵉⵜⵙⵓⵏⴰⵎⵉⵢⴻⵏ ⵏ ⵓⴳⴰⵔⴰⵡ ⴰⵎⴻⵍⵡⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵣⴻⵏⵣⴻⵍⵜ-ⴰ ⵜⵡⴻⵜ-ⴷ ⵙ 8,5 ⵏ ⵜⴼⴻⵙⵏⵉⵡⵉⵏ ⵢⴻⵔⵏⴰ ⵓⵍⴰⵛ ⴰⵎⵉⵀⵉ ⵏ ⵓⵜⵙⵓⵏⴰⵎⵉ.

ⵜⵉⵣⴻⵏⵣⴻⵍⵜ-ⴰ ⵉⵊⴻⵀⴷⴻⵏ ⵃⵓⵍⴼⴰⵏ-ⴰⵙ ⴷⴻⴳ ⵜⵎⴰⵏⴻⵖⵜ ⵜⴰⵊⴰⵒⵓⵏⵉⵜ ⵏ ⵜⵧⴽⵢⵧ, ⴰⵏⴷⴰ ⵉⵣⵓⴷⴰⵖ (ⵍⴱⴰⵟⵉⵎⴰⵜ) ⵇⵇⵉⵎⴻⵏ ⴰⵣⴰⵍ ⵏ ⵜⴻⴷⵇⵉⵇⵜ ⵣⴻⵍⵍⵣⴻⵏ, ⵖⴻⴼ ⵡⴰⴽⴽⴻⵏ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⴷⴻⴳ ⵓⵏⴰⴼⴰⴳ ⵏ ⵏⴰⵔⵉⵜⴰ (ⴰⵏⴰⴼⴰⴳ ⴰⴳⵔⴰⵖⵍⴰⵏ ⴰⵎⴻⵇⵔⴰⵏ ⵏ ⵜⵧⴽⵢⵧ) ⵜⵜⵡⴰⵖⴻⵍⵇⴻⵏ ⵢⵉⴱⵔⵉⴷⴻⵏ-ⵏⵏⴻⵙ ⵏ ⵓⵇⵍⴰⵄ ⴷ ⵜⵔⵓⵙⵉ ⴷⴻⴳ ⵙⵉⵏ ⵙⴻⴳ ⵍⴻⵄⴹⵉⵍ, ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵙⴻⴼⵇⴻⴷ-ⵏⵙⴻⵏ, ⵢⴻⵔⵏⴰ ⵓⵍⴰ ⴷ ⴰⵎⵉⵟⵔⵓ ⴷ ⵜⵎⴰⵛⵉⵏⵉⵏ ⵏ ⵜⵎⴰⵏⴻⵖⵜ ⵃⴻⴱⵙⴻⵏ.

ⵊⴰⵒⵓⵏ ⵜⴻⵣⴳⴰ-ⴷ ⴷⴻⴳ ⵓⵎⴽⴰⵏ ⴰⵢⴷⴻⴳ ⵎⵍⴰⵍⴻⵏⵜ 4 ⵏ ⵜⴰⴼⵉⵍⵉⵏ ⵜⵉⵜⴰⴽⵜⵓⵏⵉⵢⵉⵏ ⵢⴻⵔⵏⴰ ⴽⴽⴰⵜⴻⵏⵜ-ⴷ ⴷⴻⴳ-ⵙ 20% ⵙⴻⴳ ⵜⵣⴻⵏⵣⵍⵉⵏ ⵉⵊⴻⵀⴷⴻⵏ ⴰⴽⴽ ⴷⴻⴳ ⵓⵎⴰⴹⴰⵍ.