ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴱⵧⵓⵜⴻⴼⵍⴰⴽⴰ ⵢⴻⵎⵎⴻⵙⵍⴰⵢ-ⴷ ⵖⴻⴼ ‘’ⵓⵎⵀⴰⵣ ⴰⵎⴻⵇⵔⴰⵏ’’ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵙⵜⴻⵏ ⵏ ⵓⴳⵔⵓⴷ
ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵎⵎⴻⵙⵍⴰⵢ-ⴷ ⴰⵙⵙ ⵏ ⵍⵃⴻⴷⴷ ⵖⴻⴼ ‘’ⵓⵎⵀⴰⵣ ⴰⵎⴻⵇⵔⴰⵏ’’ ⵉ ⴷ-ⵢⴻⴹⵔⴰⵏ ⴷⴻⴳ ⵓⴽⴰⵜⴰⵔ ⵏ ⵓⵙⴻⴷⴷⵓ ⵏ ⵜⵙⴻⵔⵜⵉⵜ ⵏ ⵓⵎⴻⵙⵜⴻⵏ ⵏ ⵓⴳⵔⵓⴷ, ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵉ ⵍⵎⴻⵏⴷ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⴳⵔⵓⴷ.
‘’ⵍⵎⴻⴵⵀⵓⴷ ⵉ ⵅⴻⴷⴷⵎⴻⵏ ⵉⴷⵓⴱⴰ ⵉⵏⴰⴳⴷⵓⴷⴻⵏ ⴷ ⵜⵎⴻⵜⵜⵉ ⵜⴰⵣⴰⵢⴻⵣⵜ ⵙⵙⴰⵡⴹⴻⵏ ⵙ ⴰⵎⵀⴰⵣ ⴰⵎⴻⵇⵔⴰⵏ ⴷⴻⴳ ⵢⵉⵡⴻⵏ ⵏ ⵓⴽⴰⵜⴰⵔ ⵏ ⵓⵙⴻⵎⵔⴻⵙ ⵏ ⵜⵙⴻⵔⵜⵉⵜ ⵏ ⵓⵎⴻⵙⵜⴰⵏ ⵏ ⵓⴳⵔⵓⴷ ⵉ ⴷ-ⵢⵓⴳⵎⴻⵏ ⵙⴻⴳ ⵓⵖⴰⵡⴰⵙ ⵉ ⴷ-ⵢⴻⵔⵙⴻⵏ ⴷⴻⴳ ⵓⵀⵉⵍ ⵏ ⵜⵏⴻⴼⵍⵉⵜ ⵉ ⵢⴻⵇⴱⴻⵍ ⵓⵖⵔⴻⴼ ⴷⴻⴳ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ’’, ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ.
ⴰⵖⴻⵍⵍⴰ ⵏ ⵓⵡⴰⵏⴰⴽ ⵢⴻⵏⵏⴰ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⵉⴼⴻⵔⴷⵉⵙⴻⵏ ⵢⴻⵎⴳⴻⵔⴷⴻⵏ ⵢⴻⵜⵜⵡⴰⵇⴻⴱⵍⴻⵏ, ⵉ ⵢⴻⵔⵙⴻⵏ ⴰⴽⴽⴻⵏ ⴰⴷ ⵢⴻⵎⵎⴻⵙⵜⴻⵏ ⵓⴳⵔⵓⴷ, ⴰⴽⴽⴻⵏ ⴷⴰⵖⴻⵏ ⴰⴷ ⵏⴻⴹⴼⴻⵔ ⴰⵃⴰⵔⴻⴱ ⵏ ⵍⴼⴰⵢⴷⴰ-ⵙ ⴷⴻⴳ ⵢⵉⵙⵓⴹⴰⴼ ⵉⵎⵉⵔⴰⵏⴻⵏ, ⴰⴷ ⴰⵙ-ⵏⴻⴼⴽ ⵜⴰⴳⵏⵉⵜ ⴰⴷ ⵢⴻⵙⴼⴰⵢⴷⵉ, ⴰⵎⴰ ⵙ ⵜⵖⴰⵔⴰ ⵜⵓⵙⵔⵉⴷⵜ ⵏⴻⵖ ⵜⴰⵔⵓⵙⵔⵉⴷⵜ, ⴰⵃⴻⵣⵣⴻⴱ-ⴰ ⴰⴷ ⴰⵙ-ⵉⵚⴻⴳⴳⴻⵎ ⵜⵓⴷⴻⵔⵜ ⴰⴷ ⵢⴻⵙⵄⵓ ⴰⵢⵍⴰ-ⵙ ⴷⴻⴳ ⵜⵎⴻⵜⵜⵉ.
’ⵙⴻⴳ ⵜⴰⵎⴰ ⵏⵏⵉⴹⴻⵏ, ⵉ ⵍⵎⴻⵏⴷ ⵏ ⵡⴰⴽⴽⴻⵏ ⴰⵎⴻⵙⵜⴻⵏ ⵏ ⵓⴳⵔⵓⴷ ⴷ ⵜⴰⵖⴰⵡⵙⴰ ⵢⴻⵍⵍⴰⵏ ⴷ ⵜⵉⵎⵇⴻⴷⴷⴻⵙⵜ ⴷⴻⴳ ⵜⵎⴻⵜⵜⵉ, ⵏⴻⵔⵏⴰ ⴷⴰⵖⴻⵏ ⵏⴻⵙⵙⴻⴵⵀⴻⴷ ⴰⵎⴻⵙⵜⴻⵏ-ⴰ ⵙ ⵡⴰⵍⵍⴰⵍⴻⵏ ⵏ ⵓⵙⴰⴹⵓⴼ ⵉ ⵏⴻⵙⵎⴻⵔⴽⴰⵏⵜⵉ ⵙ ⵓⵙⴻⵖⵏⴻⵡ ⵏ ⵓⴱⵓⴹ ⵏ ⵜⴻⴷⵔⵉⵎⵜ ⵉ ⵡⵓⵞⵞⵉ ⴰⴽⴽⴻⵏ ⴰⴷ ⵢⵉⵍⵉ ⵓⵎⴻⵙⵜⴻⵏ ⴰⴷⴷⴰⵢ ⵉ ⵢⵉⴳⵓⵔⴷⴰⵏ ⵏ ⵜⵡⴰⵛⵓⵍⵉⵏ ⵢⴻⵟⵔⴻⴹⵇⴻⵏ ⴰⴽⴽⴻⵏ ⴰⴷ ⵙⵄⵓⵏ ⵜⵓⴷⴻⵔⵜ ⵉ ⵢⴻⵙⵙⴻⴼⴽ ⴰⴷ ⵜⵉⵍⵉ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
‘’ⵢⵓⵍⴻⵙ-ⴰⵙ-ⴷ ⵉ ⵓⵏⴰⵎⴻⴽ ⵢⴻⵜⵜⴰⴽ ⵓⵖⵔⴻⴼ ⴷ ⵓⵡⴰⵏⴰⴽ-ⵉⵙ ⵉ ⵜⵙⵓⵜⵡⵉⵏ ⵉ ⴷ-ⵉⵜⴻⴷⴷⵓⵏ, ⴷ ⵏⵉⵜⴻⵏⵜⵉ ⵉ ⴷ ⵉⵎⴰⵍ-ⵏⵏⴻⵖ, ⵏⴻⵔⵏⴰ ⴷⴰⵖⴻⵏ, ⵏⴻⵅⴷⴻⵎ ⴰⵙⴰⴹⵓⴼ ⵏ ⵓⵎⴻⵙⵜⴻⵏ ⵏ ⵓⴳⵔⵓⴷ ⵢⴻⵔⵣⴰⵏ ⵉⵣⴻⵔⴼⴰⵏ-ⵉⵙ ⴷⴻⴳ ⵜⴰⵖⵓⵍⵜ ⵏ ⵜⴷⴰⵡⵙⴰ, ⵏ ⵓⵙⴻⴳⵎⵉ, ⵏ ⵓⵎⴻⵙⵜⴻⵏ ⵏ ⵜⵡⴰⵛⵓⵍⵜ ⵉⴷⴻⴳ ⵢⴻⴷⴷⴻⵔ ⴷ ⵡⴰⵢⴻⵏ ⵉ ⴰⴽⴽ ⵢⴻⵜⵜⴻⵃⵡⵉⴵⵉ’’, ⵉ ⴷ-ⵢⴻⵏⵏⴰ ⵓⵖⴻⵍⵍⴰ ⵏ ⵓⵡⴰⵏⴰⴽ.
