ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵙ ⵓⵇⴰⴷⴻⵔ ⵏ ⵍⵇⴰⵏⵓ (ⴰⵉⴷⵧⵓⵏⵉ)

ⴰⵙⴻⵍⵡⴰⵢ ⵏ ⵓⵏⵎⴰⵍⵓ ⴰⵖⴻⵍⵏⴰⵡ ⵏ ⵢⵉⵏⴻⴼⵍⵓⵙⴻⵏ, ⴷⵊⴰⵎⴻⵍ ⴰⵉⴷⵧⵓⵏⵉ ⴷⴻⴳ ⵢⵉⵏⴰⵡ-ⵏⵏⴻⵙ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⵢⴻⵍⵍⴰⵏ ⴷⴻⴳ ⵍⴼⴻⵄⵍ ⴰⴽⴽⴻⵏ « ⵓⵔ ⵜⵜⵡⴰⵄⴼⴰⵙⴻⵏ ⴰⵔⴰ ⵢⵉⵣⴻⵔⴼⴰⵏ ⵏ ⵓⵎⴷⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵓⵙⴻⵍⵡⴰⵢ ⵏ ⵓⵏⵎⴰⵍⵓ (ⵙⵙⴰⵏⴷⵉⴽⴰ) ⴰⵖⴻⵍⵏⴰⵡ ⵏ ⵢⵉⵏⴻⴼⵍⵓⵙⴻⵏ, ⴷⵊⴰⵎⴻⵍ ⴰⵉⴷⵧⵓⵏⵉ.

ⵎⴰⵙⵙ ⴰⵉⴷⵧⵓⵏⵉ ⵢⴻⵏⵏⴰ-ⴷ ⵉⵏⴰⵡ ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵜⴻⵎⵍⵉⵍⵉⵜ ⵜⵉⵙ 20 ⵏ ⵜⴻⴳⵔⴰⵡⵜ ⵜⴰⴼⵔⵉⵇⵉⵜ ⵏ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵢⵉⵏⴻⴼⵍⵓⵙⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵟⵟⵔⴰⴷ ⵎⴳⴰⵍ ⵔⵔⴻⴱⵔⴰⴱ ⵙ ⵜⵉⵎⵎⴰⴷ-ⵏⵏⴻⵙ ⴷ « ⴰⵄⴼⴰⵙ » ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, « ⵢⴻⵔⵏⴰ ⵢⴻⵍⵍⴰ-ⴷ ⴷ ⵜⵓⴳⴳⵣⴰ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵎⴰ ⵢⴻⵍⵍⴰ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⵢⴻⵍⵍⴰⵏ ⴷⴻⴳ ⵍⴼⴻⵄⵍ ⴷⴻⴳ ⵓⵏⵔⴰⵔ-ⴰ ».

ⴷⵖⴰ ⵢⴻⵏⵏⴰ-ⴷ ⴷⴻⴳ ⵜⴻⵎⵙⴰⵍⵜ-ⴰ ⴷⴰⴽⴽⴻⵏ ⴰⵙⵙⴰⵖ ⴳⴰⵔ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵢⵉⵣⴻⵔⴼⴰⵏ ⵏ ⵓⵎⴷⴰⵏ « ⵢⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵡⴰⵙⵙⴰⵖ ⴳⴰⵔ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵓⵃⵔⴰⵣ ⵏ ⵍⴻⵀⵏⴰ ». ⴰⵙⵙⴰⵖ-ⴰ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ, ⵢⴻⵔⵣⴰ ⵍⴰⴷⵖⴰ ⵉⵃⴻⵣⵣⵉⴱⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⵢ ⵜⵜⴰⴷⴷⴰⵎⴻⵏ ⵢⵉⵡⴰⵏⴰⴽⴻⵏ (ⴷⴷⵓⵍⴰⵜ) ⵙⴷⴰⵅⴻⵍ ⵜⵎⵓⵔⵜ ⴷ ⵜⴻⵎⵀⴰⵍ ⵜⵉⵙⴻⵔⴷⴰⵙⵉⵢⵉⵏ ⴰⵢ ⵜⵜⴳⴻⵏ ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ ».

ⵎⴰⵙⵙ ⴰⵉⴷⵧⵓⵏⵉ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⵟⵟⵔⴰⴷ ⵎⴳⴰⵍ ⵔⵔⴻⴱⵔⴰⴱ ⵍⴰ ⴷ-ⵢⴻⵜⵜⵉⵍⵉ ⵙ ⵚⵚⵉⴼⴰⵜ ⵢⴻⵎⴳⴻⵔⵔⴰⴷⴻⵏ ⴰⵎⴰ ⵙⴻⴳ ⵢⵉⴷⵉⵙ ⵏ « ⵜⵖⴻⵍⵍⵉⵙⵜ, ⵏ ⵜⵙⴻⵔⵜⵉⵜ ⵏⴻⵖ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵎⴻⵏⵖⵉ-ⴰ, ⴰⴽⴽⴻⵏ ⴰⴷ ⵢⴻⵔⴱⴻⵃ, ⵢⴻⵙⵙⴻⴼⴽ ⴰⴷ ⴷ-ⵢⴻⴽⴽ ⵖⴻⴼ « ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷ ⵡⴰⵍⵍⴰⵍⴻⵏ ⵏ ⵍⵇⴰⵏⵓⵏ ⴰⵢⵢⴻⵙ ⴰⵔⴰ ⵜⵜⵡⴰⴹⴻⴼⵔⴻⵏ ⵡⵉⴷ ⴰⵢ ⵢⴻⵜⵜⴳⴻⵏ ⵉⵅⴻⴷⴷⵉⵎⴻⵏ ⵏ ⵔⵔⴻⴱⵔⴰⴱ ».

ⵉⵎⴻⵏⵖⵉ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵢⴻⵃⵡⴰⵊ ⴰⵙⵙⴻⵣⴳⵉ ⵏ ⵍⴻⵇⵡⴰⵏⵉⵏ ⵉⵖⴻⵍⵏⴰⵡⴻⵏ ⴰⴽⴽⴻⵏ ⴰⴷ ⴷⴷⵓⵏ ⴷ ⵍⴻⵇⵡⴰⵏⵉⵏ ⵉⴳⵔⴰⵖⵍⴰⵏⴻⵏ ⵢⴻⵍⵍⴰⵏ ⴷⴻⴳ ⵍⴼⴻⵄⵍ, ⴰⵎ ⵡⴰⴽⴽⴻⵏ ⴰⵔⴰ ⵜⵜⵓⵏⴻⴼⴽⴻⵏ ⵓⴳⴰⵔ ⵏ ⵢⵉⵣⴻⵔⴼⴰⵏ ⵉ ⵜⵙⵓⴷⴰ ⵢⴻⵜⵜⵏⴰⵖⴻⵏ ⵎⴳⴰⵍ ⵔⵔⴻⴱⵔⴰⴱ.

ⵎⴰⵙⵙ ⴰⵉⴷⵧⵓⵏⵉ ⵢⴻⴱⴷⴻⵔ-ⴷ, ⴷⴻⴳ ⵜⴻⴳⵏⵉⵜ-ⴰ, ⵜⵜⴻⵕⵊⵉⴱⴰ ⵏ ⵍⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1990. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵏⵜⴻⵍ ⵏ ⵓⵎⵢⴰⴳⴻⵔ-ⴰ, « ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵢⵉⵣⴻⵔⴼⴰⵏ ⵏ ⵓⵎⴷⴰⵏ » ⵢⴻⵙⵄⴰ ⴰⵙⵙⴰⵖ ⴷ ⵜⴻⴳⵏⵉⵜ ⴰⵢⴷⴻⴳ ⵍⵍⴰⵏⵜ ⵜⴻⵎⵏⴰⴹⵉⵏ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵍⴰⴷⵖⴰ ⵜⴰⵎⵏⴰⴹⵜ ⵙⵙⴰⵃⴻⵍ ⴰⵢ ⵢⴻⵏⴹⴻⵔⵔⴻⵏ ⵙⴻⴳ ⵢⵉⵅⴻⴷⴷⵉⵎⴻⵏ ⵉⵔⴻⴱⵔⴰⴱⴻⵏ ⵏ ⵢⴰⵍ ⵚⵚⴻⵏⴼ ».