ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴱⴰⴽ ⵏ 2015: ⵉⴳⵎⴰⴹ ⴰⴷ ⴷ-ⴼⴼⵖⴻⵏ ⴰⵙⵙ ⵏ 10 ⵢⵓⵍⵢⵓ (ⵜⴰⵏⴻⵖⵍⴰⴼⵜ)

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵉⴳⵎⴰⴹ ⵏ ⵓⴽⴰⵢⴰⴷ ⵏ ⵓⴱⴰⴽⴰⵍⵓⵕⵢⴰ ⵏ 2015 (ⴰⵔⴰ ⴷ-ⵢⵉⵍⵉⵏ ⴳⴰⵔ 7 ⴷ 11 ⵢⵓⵏⵢⵓ) ⴰⴷ ⴷ-ⴼⴼⵖⴻⵏ, ⵎⴰ ⴰⵟⴰⵙ, ⴰⵙⵙ ⵏ 10 ⵢⵓⵍⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴳⵎⴰⴹ ⵏ ⵓⴽⴰⵢⴰⴷ ⵏ ⵓⵙⴻⴳⴳⴰⵙ ⵡⵉⵙ 5 (ⵜⴰⴳⴰⵔⴰ ⵏ ⵓⵍⵎⵓⴷ ⴰⵎⴻⵏⵣⵓ), ⴰⴷ ⵜⴻⵏ-ⵉⴷ-ⵙⵙⵓⴼⴼⵖⴻⵏ ⴰⵙⵙ ⵏ 18 ⵢⵓⵏⵢⵓ, ⵎⴰ ⴷ ⵡⵉⴷ ⵏ ⵓⴳⴻⵔⴷⴰⵙ ⵏ ⵓⵍⵎⵓⴷ ⴰⵍⴻⵎⵎⴰⵙ (ⴱⴻⵎ), ⴰⴷ ⴷ-ⴼⴼⵖⴻⵏ ⴰⵙⵙ ⵏ 4 ⵢⵓⵍⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴰⵢ ⴷ-ⵢⴻⵜⵜⵡⴰⵄⴻⵔⴹⴻⵏ ⵖⴻⵔ ⵓⵏⵎⴰⴳⴻⵔ ⵏ ⵓⵖⵎⵉⵙ ⵏ ⴻⵍ ⵎⵧⵓⴷⵊⴰⵀⵉⴷ.

ⴰⴽⴰⵢⴰⴷ ⵏ ⵓⵙⴻⴳⴳⴰⵙ ⵡⵉⵙ 5 ⵏ ⵓⵍⵎⵓⴷ ⴰⵎⴻⵏⵣⵓ ⴰⴷ ⴷ-ⵢⵉⵍⵉ ⴰⵙⵙ 2 ⵢⵓⵏⵢⵓ 2015, ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ, ⴰⵙⴻⴳⴳⴰⵙ-ⴰ, 648.372 ⵏ ⵢⵉⴱⴰⵍⵎⵓⴷⴻⵏ. ⵡⵉⵏ ⵏ ⵓⴳⴻⵔⴷⴰⵙ ⵏ ⵓⵍⵎⵓⴷ ⴰⵍⴻⵎⵎⴰⵙ (ⴱⴻⵎ), ⴰⴷ ⴷ-ⵢⵉⵍⵉ ⴳⴰⵔ 14 ⴷ 16 ⵢⵓⵏⵢⵓ, ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ 542.000 ⵏ ⵢⵉⵏⴻⵍⵎⴰⴷⴻⵏ. ⵎⴰ ⴷ ⵡⵉⵏ ⵏ ⵓⴱⴰⴽⴰⵍⵓⵕⵢⴰ, ⴰⴷ ⵜⵜⴻⴽⴽⵉⵏ ⴷⴻⴳ-ⵙ 853.780 ⵏ ⵢⵉⵎⴰⵣⵡⴰⵔⴻⵏ.

ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⴻⵜⵜⵡⴰⴽⴽⴻⵙ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵓⴽⴰⵢⴰⴷ ⵏ ⵓⵙⴻⴳⴳⴰⵙ ⵡⵉⵙ 5 « ⵉⵎⵉ ⵇⵔⵉⴱ ⴰⴽⴽ ⵉⴱⴰⵍⵎⵓⴷⴻⵏ, ⵙ ⵓⵎⴰⵜⴰ, ⵜⵜⵡⴰⵇⴱⴰⵍⴻⵏ ⵖⴻⵔ ⵓⵙⴻⴳⴳⴰⵙ ⴰⵎⴻⵣⵡⴰⵔⵓ ⵏ ⵓⵍⵎⵓⴷ ⴰⵍⴻⵎⵎⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⵎⵉ ⵜⴻⵜⵜⵡⴰⵜⵜⴻⵔ ⵖⴻⴼ ⵜⵓⴽⴽⵙⴰ « ⵓⵔ ⵢⴻⵜⵜⵄⴻⴹⴹⵉⵍⴻⵏ ⴰⵔⴰ » ⴰⴷ ⴷ-ⵜⵉⵍⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴰⵢⴰⴷ ⵏ ⵓⵙⴻⴳⴳⴰⵙ ⵡⵉⵙ 5, ⵜⴻⵏⵏⴰ-ⴷ ⴷⴰⴽⴽⴻⵏ « ⵜⴻⵙⵙⴰⵔⴰⵎ » ⴰⴷ ⵢⴻⵇⵇⴻⵍ ⵓⴽⴰⵢⴰⴷ-ⴰ « ⴷ ⵜⴰⴽⴰⵢⴰⴷⵜ ⵜⴰⵖⴻⵍⵏⴰⵡⵜ ⴰⵔⴰ ⵢⴻⵊⵊⴻⵏ ⴰⴷ ⵜⴻⵜⵜⵡⴰⵙⵙⴻⵏ ⵜⴻⴳⵏⵉⵜ ⴷ ⵓⵙⵡⵉⵔ ⵏ ⵓⴱⴰⵍⵎⵓⴷ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴰⵢⴰⴷ ⵏ ⵓⵍⵎⵓⴷ ⴰⵍⴻⵎⵎⴰⵙ, ⵜⴻⵏⵏⴰ-ⴷ ⴷⴰⴽⴽⴻⵏ « ⴰⴷ ⵢⴻⵇⵇⵉⵎ ⴷ ⴰⴽⴰⵢⴰⴷ ⴰⵖⴻⵍⵏⴰⵡ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴳⴰⵔⴰ ⵏ ⵜⴰⵍⵍⵓⵙⵜ ⵜⵓⵃⵜⵉⵎⵜ ⵏ 9 ⵏ ⵢⵉⵙⴻⴳⴳⴰⵙⴻⵏ » ⵏ ⵓⵍⵎⵓⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ, ⵙ ⵓⵎⴰⵜⴰ, 3 ⵏ ⵢⵉⵎⵓⵔⴻⵏ ⵖⴻⴼ 4 ⵙⴻⴳ ⵢⵉⵏⴻⵍⵎⴰⴷⴻⵏ ⴰⵢ ⵜ-ⵢⴻⵙⵄⴻⴷⴷⴰⵢⴻⵏ, ⵙ ⵓⵎⴰⵜⴰ, ⵜⵜⵄⴻⴷⴷⵉⵏ ⵖⴻⵔ ⵜⴰⵍⵍⵓⵙⵜ ⵜⴰⵎⵙⵉⵏⵜ » (ⵜⴰⵙⵏⴰⵡⵉⵜ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴰⵢⴰⴷ ⵏ ⵓⴱⴰⴽⴰⵍⵓⵕⵢⴰ, ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴷⴰⴽⴽⴻⵏ « ⵜⴻⵙⵙⴰⵔⴰⵎ » ⴰⴷ ⴷ-ⵉⵍⵉⵏ ⵢⵉⴳⵎⴰⴹ ⵢⵉⴼⴻⵏ ⵡⵉⴷ ⵏ ⵓⵙⴻⴳⴳⴰⵙ ⵢⴻⵣⵔⵉⵏ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴻⵙⵙⴻⴼⵀⴻⵎ-ⴷ ⴷⴰⴽⴽⴻⵏ ⵉⴳⵎⴰⴹ ⵏ ⵜⵙⴻⵎⵀⵓⵢⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴻⴳⴳⴰⵙ-ⴰ « ⵉⴼⴻⵏ » ⵡⵉⴷ ⵏ ⵜⵙⴻⵎⵀⵓⵢⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴻⴳⴳⴰⵙ ⵢⴻⵣⵔⵉⵏ, ⴰⵛⴽⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⵜⴰⵙⴻⵎⵀⵓⵢⵜ ⵏ ⵓⵙⴻⴳⴳⴰⵙ-ⴰ « ⵜⴻⵍⵍⴰ-ⴷ ⵖⴻⵣⵣⵉⴼⴻⵜ ⵓⴳⴰⵔ ⵢⴻⵔⵏⴰ ⵜⴻⵔⴽⴻⴷ ⵅⵉⵔ ⵏ ⵜⵉⵏ ⵏ ⵓⵙⴻⴳⴳⴰⵙ ⵢⴻⵣⵔⵉⵏ ».

ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ « ⵉⴳⴰ ⴽⵓⵍⵍⴻⵛ ⴰⴽⴽⴻⵏ ⵉⴱⴰⵍⵎⵓⴷⴻⵏ ⴰⴷ ⴷ-ⵙⵡⴻⵊⴷⴻⵏ ⵉⵎⴰⵏ-ⵏⵙⴻⵏ ⵉ ⵢⵉⴽⴰⵢⴰⴷⴻⵏ ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ ⴰⴽⴽ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⴷⴰⴽⴽⴻⵏ ⵜⵜⵡⴰⵔⴻⵥⵎⴻⵏ ⵢⵉⵖⴻⵔⴱⴰⵣⴻⵏ ⴰⴽⴽⴻⵏ ⴰⴷ ⵊⵊⴻⵏ ⵉⴱⴰⵍⵎⵓⴷⴻⵏ ⴰⴷ ⴷ-ⵇⴻⴹⵄⴻⵏ ⴰⵢⴻⵏ ⴰⵢ ⵜⴻⵏ-ⵉⴼⵓⵜⴻⵏ ⵢⴻⵔⵏⴰ ⵜⵜⵡⴰⴼⴻⵔⵇⴻⵏ ⵢⵉⴹⴻⴱⵙⵉⵢⴻⵏ ⵓⵙⵙⵉⴷⴻⵏ (ⵉⵙⵉⴷⵉⵢⴻⵏ), ⴰⵎ ⵡⴰⴽⴽⴻⵏ ⴰⵢ ⵍⴰ ⴷ-ⵙⵄⴻⴷⴷⴰⵢⴻⵏ ⵜⵉⵎⵙⵉⵔⵉⵏ ⵏ ⵓⵄⴰⵡⴻⵏ ⴷⴻⴳ ⵜⵍⵉⵥⵔⵉ ⵜⴰⵖⴻⵍⵏⴰⵡⵜ.

ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵔⵔⴰ ⵜⴰⵊⵎⵉⵍⵜ ⵉ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ « ⴰⵢ ⴷ-ⵢⴻⴼⴽⴰⵏ ⵉ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵉⵙⴻⵍⵎⴰⴷⴻⵏ-ⵉⵙⵏⴰⴼⵙⵉⵢⴻⵏ », ⴰⵎ ⵡⴰⴽⴽⴻⵏ ⴰⵢ ⵜⴻⵙⵏⴻⵎⵎⴻⵔ ⴷⴰⵖ ⴰⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ « ⴰⵢ ⴷ-ⵢⵓⵣⵏⴻⵏ ⵉⵙⴻⵍⵎⴰⴷⴻⵏ ⵙⴻⴳ ⵓⵏⵥⵓⵍ ⵏ ⵜⵎⵓⵔⵜ ».