ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵎⵄⴰⵀⴰⴷⴻⵏⵜ ⴰⴷ ⴷ-ⴳⴻⵏⵜ ⵜⵉⵛⵛⵓⵔⴽⴰ ⴷⴻⴳ ⵜⴼⴻⵍⵍⴰⵃⵜ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵎⵄⴰⵀⴰⴷⴻⵏ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⴷ ⵙⴼⴻⵄⵍⴻⵏ ⵜⵉⵛⵛⵓⵔⴽⵉⵡⵉⵏ ⴷⴻⴳ ⵓⵏⵔⴰⵔ ⵏ ⵜⴼⴻⵍⵍⴰⵃⵜ ⴷ ⵜⵓⵛⵛⵉⵜ ⵎⵉ ⵙⵜⴻⵏⵢⴰⵏⵜ ⵉⵒⵔⵓⵟⵓⴽⵓⵍⴻⵏ ⵏ ⵓⵎⵜⴰⵡⴰ ⴷⴻⴳ ⵢⵉⵃⵔⵉⵛⴻⵏ-ⴰ ⵢⴻⵙⵄⴰⵏ ⴰⵣⴰⵍ.
ⵙ ⵓⵊⴻⵎⵎⴰⵍ, 6 ⵏ ⵢⵉⵒⵔⵓⵟⵓⴽⵓⵍⴻⵏ ⵏ ⵓⵎⵜⴰⵡⴰ ⴷ ⵜⴻⵙⵎⴻⴽⵜⴰⵢⵉⵏ ⵏ ⵓⵎⵙⴻⴼⵀⴰⵎ ⴰⵢ ⵢⴻⵜⵜⵡⴰⵡⴻⵎⵎⵕⴻⵏ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵎⴰⵔⵉⴽⴰⵏⵉⵢⵉⵏ ⵢⴻⵔⵏⴰ ⵙ ⵡⴰⵢⴰ ⴰⵢ ⵉⴼⵓⴽ ⵓⵏⵎⴰⴳⴻⵔ ⴰⵎⴻⵣⵡⴰⵔⵓ ⴰⴷⵣⴰⵢⵔⵉ-ⴰⵎⴰⵔⵉⴽⴰⵏⵉ ⵏ ⵜⴼⴻⵍⵍⴰⵃⵜ.
ⵉⵎⵜⴰⵡⴰⵢⴻⵏ-ⴰ ⵔⵣⴰⵏ ⵍⴰⴷⵖⴰ ⴰⴼⴰⵔⴻⵙ ⵏ ⵍⴱⴰⵟⴰⵟⴰ (ⵣⵣⴻⵔⵔⵉⵄⴰ ⴷ ⵍⴱⴰⵟⴰⵟⴰ ⵏ ⵜⵓⵛⵛⵉⵜ), ⴰⴽⴻⴼⴼⴰⵢ, ⵜⴰⴽⴻⵙⴰⵡⵜ ⵏ ⵢⵉⵣⴳⴰⵔⴻⵏ ⵉ ⵓⴽⵙⵓⵎ ⴷ ⵜⴼⵓⵏⴰⵙⵉⵏ ⵉ ⵓⴽⴻⴼⴼⴰⵢ, ⵜⵓⵙⵙⵏⴰ ⵏ ⵛⵛⴻⵜⵍⴰⵜ ⵏ ⵢⵉⵖⴻⵔⵙⵉⵡⴻⵏ ⴷ ⵜⴼⴻⵍⵍⴰⵃⵜ ⵏ ⵓⵎⵄⵉⵛ ⵏ ⵍⵎⴰⵍ.
« ⵜⴰ ⴷ ⵜⴰⵣⵡⴰⵔⴰ ⵏ ⵜⵉⵛⵛⵓⵔⴽⴰ ⴰⵔⴰ ⵢⴻⵜⵜⵡⴰⵙⵀⴻⴳⴷⴻⵏ ⵙⴻⴳ-ⴰ ⴰⵔ ⵙⴷⴰⵜ, ⵉⵎⵉ ⵉⵎⵜⴰⵡⴰⵢⴻⵏ-ⴰ ⴰⴷ ⵊⵊⴻⵏ ⵜⵉⴽⴻⴱⴱⴰⵏⵉⵢⵉⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⴷ-ⴰⴼⴻⵏⵜ ⵉⵏⵓⵔⴰⵔ ⵏⵉⴹⴻⵏ ⴰⵢⴷⴻⴳ ⴰⵔⴰ ⵣⴻⵎⵔⴻⵏⵜ ⴰⴷ ⴷ-ⴳⴻⵏⵜ ⵜⵉⵛⵛⵓⵔⴽⴰ ⵜⴰⵎⴰⵢⵏⵓⵜ ⵢⴻⵔⵏⴰ ⴰⵢⴰ ⴰⴽⴽ ⴰⴷ ⵢⴻⵙⵙⵉⵡⴻⴹ ⵙ ⵜⵖⴰⵡⵍⴰ ⵖⴻⵔ ⵢⵉⵙⴻⵏⴼⴰⵔⴻⵏ ⵏ ⵜⵉⴷⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⴷ ⵜⵏⴻⴼⵍⵉⵜ ⵏ ⵜⵎⵓⵔⵜ, ⴰⴱⴷⴻⵍⴽⴰⴷⴻⵔ ⴽⴰⴷⵉ, ⵎⵉ ⴷ-ⵢⴻⵙⵙⴰⵡⴻⵍ ⴷⴻⴳ ⵓⵏⵎⴰⴳⴻⵔ-ⴰ.
ⵎⴰⵙⵙ ⴽⴰⴷⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵉⴷⵉⵙ ⴰⵎⴰⵔⵉⴽⴰⵏⵉ ⵢⴻⵣⵎⴻⵔ ⴰⴷ ⴷ-ⵢⴰⵡⵉ ⵍⴼⴰⵢⴷⴰ ⵜⴰⵎⴻⵇⵔⴰⵏⵜ ⴷⴻⴳ ⵜⵎⵓⵙⵙⵏⵉ-ⵏⵏⴻⵙ ⴷⴻⴳ ⵓⵙⵙⴻⵍⵀⵓ ⵏ ⵛⵛⴻⵜⵍⴰⵜ ⵏ ⵢⵉⵖⴻⵔⵙⵉⵡⴻⵏ, ⵍⴰⴷⵖⴰ ⵜⵉⴼⵓⵏⴰⵙⵉⵏ, ⴷ ⵓⵙⵙⴻⵍⵀⵓ ⵏ ⵍⵖⴻⵍⵍⴰⵜ ⴰⵎ ⵓⴽⴱⴰⵍ ⴷ ⵓⵙⴼⵓⵍⵍⴻⵃ ⵏ ⵓⵎⵄⵉⵛ ⵏ ⵍⵎⴰⵍ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⴽⴰⴷⵉ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵏⴰⴱⴰⴹ ⵉⴳⴰ ⵉⴼⴰⴷⴷⴻⵏ ⵉ ⵢⵉⵎⵙⴻⴼⵜⵉⵢⴻⵏ, ⴰⵎⴰ ⴷ ⵉⵖⴻⵍⵏⴰⵡⴻⵏ ⵏⴻⵖ ⴷ ⵉⴱⴻⵕⵕⴰⵏⵉⵢⴻⵏ, ⴰⴽⴽⴻⵏ ⴰⴷ ⵙⵙⴻⴼⵜⵉⵏ ⴷⴻⴳ ⵍⴷⵣⴰⵢⴻⵔ.
« ⵜⴰⴼⴻⵍⵍⴰⵃⵜ ⵜⴰⵎⴰⵔⵉⴽⴰⵏⵉⵜ ⵜⵊⴻⴱⴱⴻⴷ-ⴷ ⴰⵟⴰⵙ ⵍⵡⴻⵍⵀⴰ ⵉⵎⵉ ⴰⵢ ⵜⵜ-ⴽⴻⵛⵎⴻⵏⵜ ⵎⵍⵉⵃ ⵜⵎⴰⵛⵉⵏⵉⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⴻⵇⴷⴰⵛ ⵜⴰⴽⵏⵓⵙⵙⵏⴰ ⵉⴼⴰⵣⴻⵏ, ⵉⴼⴻⵍⵍⴰⵃⴻⵏ-ⵏⵏⴻⵙ ⵙⵄⴰⵏ ⵜⴰⵎⵓⵙⵙⵏⵉ ⵉⴳⴻⵔⵔⵣⴻⵏ ⵢⴻⵔⵏⴰ ⵜⴰⴼⴻⵍⵍⴰⵃⵜ-ⴰ ⵜⴻⵎⵢⴻⵣⴳ-ⴷ ⴷ ⵜⵡⵓⵖⴰ ⵏ ⵓⵏⴻⵣⵡⵓ. Ɣⴻⴼ ⵡⴰⵢⴰ, ⵏⴻⵜⵜⵡⴰⵍⵉ ⴷⴰⴽⴽⴻⵏ ⵜⴰⵎⵓⵙⵙⵏⵉ ⵏ ⵚⵚⴻⵏⵄⴰ ⴷ ⵜⴻⴽⵏⵓⵙⵙⵏⴰ ⵏ ⵢⵉⵎⴰⵔⵉⴽⴰⵏⵉⵢⴻⵏ ⵓⴽⵍⴰⵍⴻⵏⵜ ⴰⴷ ⴰⵙⴻⵏⵜ-ⵢⴻⵜⵜⵓⵏⴻⴼⴽ ⵡⴰⵣⴰⵍ ⴰⵎⴻⵇⵔⴰⵏ ⴷⴻⴳ ⵓⵎⴱⴰⴷⴷⴻⵍ-ⵏⵏⴻⵖ ⵢⴻⵔⵏⴰ ⴰⴷ ⴷ-ⵢⴻⵙⵍⴰⵍ ⵡⴰⵢⴰ ⵜⵉⵛⵛⵓⵔⴽⵉⵡⵉⵏ ⴰⵔⴰ ⴷ-ⵢⴻⴳⵍⵓⵏ ⵙ ⵏⵏⴼⴻⵄ ⵉ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
