ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⵏ ⵎⴰⵍⵉ: ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⵜⴻⵔⵔⴰ ⵜⴰⵊⵎⵉⵍⵜ ⵉ ⴷⴷⵓⵕ ⴷ ⵓⵄⴻⵡⵡⴻⵍ ⵢⴻⵣⴳⴰⵏ ⵏ ⵍⴷⵣⴰⵢⴻⵔ

ⵍⴻⵣⵣⴰⵢⴻⵔ– ⵜⴰⴳⵔⴰⵡⵜ ⵏ ⵓⵏⴻⵔⵎⵉⵙ ⵏ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⵖⴻⴼ ⵎⴰⵍⵉ ⵜⴻⵛⴽⴻⵕ-ⴷ ⴷⴷⵓⵕ ⵏ ⵍⴷⵣⴰⵢⴻⵔ ⴷ « ⵓⵄⴻⵡⵡⴻⵍ ⵢⴻⵣⴳⴰⵏ » ⵏ ⵓⵙⴻⵍⵡⴰⵢ-ⵏⵏⴻⵙ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽ ⵖⴻⴼ ⵓⵙⵙⵓⴷⴷⴻⵙ ⵏ ⵓⵎⵛⵉⵡⴻⵕ ⴳⴰⵔ ⵢⵉⵎⴰⵍⵉⵢⴻⵏ ⴷⴻⴳ ⵍⴷⵣⴰⵢⴻⵔ, ⴷ ⴰⵎⵛⵉⵡⴻⵕ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵜⴻⵏⵢⵉ, ⴰⵙⵙ ⵏ 15 ⵎⴰⵢⵓ ⵢⴻⵣⵔⵉⵏ ⴷⴻⴳ ⴱⴰⵎⴰⴽⵧ, ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ.

ⵜⴰⴳⵔⴰⵡⵜ ⵏ ⵓⵏⴻⵔⵎⵉⵙ ⵏ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ, ⵎⵍⴰⵍⴻⵏ-ⴷ ⵢⵉⵏⴻⵖⵍⴰⴷⴻⵏ-ⵏⵏⴻⵙ ⴰⵙⵙ ⵏ ⵍⴰⵕⴻⴱⵄⴰ ⵢⴻⵣⵔⵉⵏ ⴷⴻⴳ ⵍⴻⴽⵡⵉⵜ, ⵢⴻⵔⵏⴰ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵎⵜⴰⵡⴰ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⴷⴻⴳ ⵓⴳⴰⴼⴰ ⵏ ⵎⴰⵍⵉ ⵢⴻⵍⵍⴰ-ⴷ ⴷ « ⵜⵉⵖⴻⵔⵖⴻⵔⵜ ⵢⴻⵍⵀⴰⵏ ⵉ ⴱⴻⴷⴷⵓ ⵏ ⵜⵉⴽⵍⵉ » ⴷⴻⴳ ⵓⴱⵔⵉⴷ ⵏ ⵜⵉⴼⵔⴰⵜ ⵜⴰⵎⴰⵜⵓⵜ ⵢⴻⵔⵏⴰ ⵜⴰⴷⵓⵎⴰⵏⵜ.

ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⴷⴻⴳ ⵢⵉⵊⵉⴼⴻⵕ ⵏ ⵜⵖⵉⵎⵉⵜ ⵜⵉⵙ 42 ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⵎⵓⵔⴰ ⵜⵉⵎⴰⵙⵍⴰⴹⵉⵏ ⵏ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ. ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ ⵜⴰⴳⵔⴰⵡⵜ-ⴰ ⵏ ⵓⵏⴻⵔⵎⵉⵙ ⵜⴻⵔⵔⴰ ⵜⴰⵊⵎⵉⵍⵜ ⵉ ⵍⴷⵣⴰⵢⴻⵔ ⴷ ⵓⵙⴻⵍⵡⴰⵢ-ⵏⵏⴻⵙ ⵖⴻⴼ ⵓⵄⴻⵡⵡⴻⵍ-ⵏⵏⴻⵙ ⵢⴻⵣⴳⴰⵏ ⵙ ⵜⴻⵖⵣⴻⴼ ⵏ ⵜⴰⵍⵍⵉⵜ-ⵏⵏⵉ ⵏ 8 ⵏ ⵡⴰⵢⵢⵓⵔⴻⵏ ⵏ ⵍⴻⵎⵛⴰⵡⵕⴰⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴳⴰⵔ ⵙⴹⵉⵙ-ⵏⵏⵉ (6) ⵏ ⵢⵉⵎⵓⵙⵙⴰ ⵉⵙⴻⵔⵜⵉⵢⴻⵏ-ⵉⵙⴻⵔⴷⴰⵙⵉⵢⴻⵏ ⵏ ⵓⴳⴰⴼⴰ ⵏ ⵎⴰⵍⵉ ⴷ ⵓⵏⴰⴱⴰⴹ ⴰⵎⴰⵍⵉ ».

ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ ⵜⴻⵏⵏⴰ-ⴷ ⴷⴰⴽⴽⴻⵏ ⵜⴻⴱⴷⴻⴷ ⴰⴱⴷⴰⴷ ⵓⵎⵎⵉⴷ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ-ⴰ, ⵢⴻⵔⵏⴰ ⵜⴰⴳⵔⴰⵡⵜ ⵏ ⵓⵏⴻⵔⵎⵉⵙ ⵜⴳⴻⵔ-ⴷ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⴰⴷ ⴽⴻⵎⵎⵍⴻⵏ ⵜⵉⴽⵍⵉ-ⵏⵙⴻⵏ ⵙ ⵍⴻⴱⵖⵉ ⵉⵊⴻⵀⴷⴻⵏ ⴷⴻⴳ ⵓⴱⵔⵉⴷ ⵏ ⵓⵎⵛⵉⵡⴻⵕ ⴳⴰⵔ ⵢⵉⵎⴰⵍⵉⵢⴻⵏ, ⵢⴻⵔⵏⴰ « ⴰⴷ ⵎⵄⴰⵀⴰⴷⴻⵏ ⵙ ⵜⵉⴷⴻⵜ ⵢⴻⵔⵏⴰ ⵙ ⵡⵓⵍ ⵢⴻⵚⴼⴰⵏ ⴰⴽⴽⴻⵏ ⴰⴷ ⵙⵙⴻⵃⴱⵉⴱⵔⴻⵏ ⵖⴻⴼ ⵓⵙⵙⴻⴼⵄⴻⵍ-ⵏⵏⴻⵙ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵇⵇⵍⴰ ⵏ ⵛⵛⵡⴰⵍ ⴷⴻⴳ ⵓⴳⴰⴼⴰ ⵏ ⵎⴰⵍⵉ, ⵜⴰⴳⵔⴰⵡⵜ ⵏ ⵓⵏⴻⵔⵎⵉⵙ ⵜⴻⵏⵏⴰ-ⴷ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⴷ-ⵢⴻⵇⵇⴻⵍ ⵓⴷⴰⴱⵓ ⵏ ⵓⵡⴰⵏⴰⴽ ⴷⴻⴳ ⵡⴰⴽⴽ ⵜⵉⵎⵉⵡⴰ ⵏ ⵡⴰⴽⴰⵍ ⴰⵎⴰⵍⵉ ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵜⵉⴽⵍⵉ ⵜⴰⵎⴰⵜⵓⵜ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴳⵔⴰⵡⵜ-ⴰ ⴷⴰⴽⴽⴻⵏ « ⵜⴻⵙⵙⴻⵃⵕⴰⵙ ⵎⵍⵉⵃ ⵖⴻⴼ ⵓⵇⴰⴷⴻⵔ ⵏ ⵜⵏⴰⵢⴰ, ⵏ ⵜⴷⵓⴽⵍⵉ ⴷ ⵜⵓⵎⵎⴷⴰ ⵏ ⵡⴰⴽⴰⵍ ⴰⵎⴰⵍⵉ ».

ⵜⴰⴳⵔⴰⵡⵜ-ⴰ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⵙⵙⵉⵥⴻⵔ-ⵏⵏⴻⵙ ⵓⵊⵀⵉⴷ ⵏ « ⵔⵔⴻⴱⵔⴰⴱ », ⵏ ⵜⵉⴹⴹⵓⵔⴼⴰ ⴷ ⵡⴰⴽⴽ ⵍⴻⵚⵏⴰⴼ ⵏ ⵜⴻⴽⵔⵉⴹⵜ, ⵢⴻⵔⵏⴰ ⵜⴻⴷⴷⴰ-ⴷ ⴷⴻⴳ-ⵙ ⵓⵍⴰ ⴷ ⵜⴰⵊⵔⵉⵎⵜ ⵢⵓⴷⴷⵙⴻⵏ, ⵜⵉⵀⵢⵓⴼⵉⵏ, ⴰⵙⵙⴻⵜⵜⵉ ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⴻⴳⴳⵣⴻⵏ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ ⴷ ⵓⵔⴽⴰⴷ ⵏ ⵎⴰⵍⵉ ⴷ ⵜⴻⵎⵏⴰⴹⵜ ⵏ ⵙⵙⴰⵃⴻⵍ.