Asebter amenzawi

Urag n tzenzut : afṛaq ger usufeɣ d usekcem si lbeṛṛani

LEZZAYER- Asenfar n lqanun, yerzan axeddim adamsan yeqqnen ɣer wurag n tzenzut d tiɣin si lbeṛṛani ihegga-tid weɣlif n tzenzut, anda ara d-yilin wefṛaq ger asufeɣ ɣer tmura n beṛṛ akk d usekcem ɣer tmurt id –tettuxebbeṛ twakkla sɣur yemḍebbṛen n weɣlif-agi. Asenfar n lqanun-agi, yettunefken ussan-a i unabaḍ, yebḍa ger leqdic usenzi ɣer lbeṛṛani d win n tiɣin d usekcem si lbeṛṛani yellan yakan ar tura ttwarun deg urag uzenzi deg yiwen umagrad. acku, lqanun yellan akka tura n leqdic adamsan, yebḍa lbiɛ wecra ɣef seddis (6) yeḥricen: asnulfu amguran d BTPH, asnulfu aniḍan, azenzu s ujemmal, asufeɣ d usekcem, azenzu aferdi d lexṣas. Lqanun-agi ad d-yili almend uṭebbaq umagrad 23 n uṣḍuf 04-08 yerzan tagnitt uheggi n tzenzut, d-yennan belli ajerred di lecɣal uzenzu ad d-yili almend imagraden yettwaferqen di lqanun n tzenzut.