ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⴷ ⵠⵉⴻⵜⵏⴰⵎ ⵎⵙⴻⴼⵀⴰⵎⴻⵏⵜ ⵖⴻⴼ ⵓⵎⵄⴰⵡⴻⵏ ⵓⵛⵔⵉⴽ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵍⴷⵣⴰⵢⴻⵔ ⴷ ⵠⵉⴻⵜⵏⴰⵎ ⵎⵙⴻⴼⵀⴰⵎⴻⵏⵜ ⴰⴽⴽⴻⵏ ⵢⴰⵍ ⵢⵉⵡⴻⵜ ⵙⴻⴳ-ⵙⴻⵏⵜ ⴰⴷ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⴰⵢⴻⴹ ⵢⴰⵍ ⵜⵉⴽⴽⴻⵍⵜ ⴰⵢⴷⴻⴳ ⴰⵔⴰ ⵜⴻⵔⵔ ⵜⵎⴰⵔⴰ.
ⵍⴷⵣⴰⵢⴻⵔ ⴷ ⵠⵉⴻⵜⵏⴰⵎ « ⵎⵙⴻⴼⵀⴰⵎⴻⵏⵜ ⵖⴻⴼ ⵓⵎⴻⵏⵣⴰⵢ ⵏ ⵓⵎⵄⴰⵡⴻⵏ ⵢⴻⵔⵏⴰ ⵢⴰⵍ ⵢⵉⵡⴻⵜ ⴰⴷ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⴰⵢⴻⴹ ⵢⴰⵍ ⵜⵉⴽⴽⴻⵍⵜ ⴰⵢⴷⴻⴳ ⴰⵔⴰ ⵜⴻⵔⵔ ⵜⵎⴰⵔⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴽ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵓⵛⵔⵉⴽ ⵏ ⵜⵖⴻⵎⵙⴰ ⵖⴻⵔ ⵢⵉⴷⵉⵙ ⵏ ⵓⵎⵜⵉⵍ-ⵏⵏⴻⵙ ⴰⵠⵉⴻⵜⵏⴰⵎⵉ, ⵏⴳⵓⵢêⵏ ⵜⴰⵏ ⴷⵓⵏⴳ.
ⴰⴱⴷⴰⴷ ⵖⴻⵔ ⵏ ⵢⴰⵍ ⵢⵉⵡⴻⵜ ⵖⴻⵔ ⵜⴰⵎⴰ ⵏ ⵜⴰⵢⴻⴹ « ⵢⴻⵍⵍⴰ » ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ, ⵖⴻⴼ ⵓⵎⴻⴷⵢⴰ, ⴰⵏⴰⴱⴰⴹ ⴰⵠⵉⴻⵜⵏⴰⵎⵉ ⵢⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵍⵇⴰⵏⵓⵏ ⴰⴳⵔⴰⵖⵍⴰⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵜⵉⴳⵔⴰⵖⵍⴰⵏⵉⵏ, ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ ⴷ ⵠⵉⴻⵜⵏⴰⵎ « ⵎⵙⴻⴼⵀⴰⵎⴻⵏⵜ ⴰⴽⴽⴻⵏ ⴰⴷ ⴷ-ⵉⵏⵉⵏⵜ ⴷⴰⴽⴽⴻⵏ ⴰⴽⴽ ⵓⴳⵓⵔⴻⵏ ⴼⴻⵔⵔⵓⵏ ⵙ ⵜⴰⵍⵡⵉⵜ ⴷ ⵓⵎⵛⵉⵡⴻⵕ », ⵢⴻⵔⵏⴰ ⵜⴰⵎⵓⵖⵍⵉ-ⴰ ⵜⴻⴷⴷⴰ ⴷ ⵜⵙⴻⵔⵜⵉⵜ ⵏ ⵍⴷⵣⴰⵢⴻⵔ ⴰⵢ ⵉⵅⴻⴷⴷⵎⴻⵏ ⴰⴽⴽⴻⵏ ⴰⴷ ⵜⴻⵣⵔⴻⵄ ⴰⵎⵛⵉⵡⴻⵕ, ⵜⴰⵖⴻⵍⵍⵉⵙⵜ ⴷ ⵍⵄⴰⴼⵢⴰ ⴷⴻⴳ ⵓⵎⴰⴹⴰⵍ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵔⵣⵉ ⵜⵓⵏⵚⵉⴱⵜ ⵏ ⵓⵎⵜⵉⵍ-ⵏⵏⴻⵙ ⴰⵠⵉⴻⵜⵏⴰⵎⵉ « ⵜⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ » ⵉⵎⵉ ⵙⵏⴰⵜ-ⴰ ⵏ ⵜⵎⵓⵔⴰ ⵛⴻⵔⴽⴻⵏ-ⵜⴻⵏⵜ ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ ⵢⴻⵔⵏⴰ ⵙ ⵜⴻⵔⵣⵉ-ⴰ, « ⴰⴷ ⵔⵏⵓⵏ ⴰⴷ ⵊⴻⵀⴷⴻⵏ ⵡⴰⵙⵙⴰⵖⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵎⴰⵙⵙ ⵙⴻⵍⵍⴰⵍ ⴷⴰⴽⴽⴻⵏ ⵜⵜⵡⴰⵙⵜⴻⵏⵢⴰⵏ 3 ⵏ ⵢⵉⵎⵜⴰⵡⴰⵢⴻⵏ ⴷⴻⴳ ⵜⴻⵔⵣⵉ-ⴰ.
