ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴰⵖⴻⵏ ⵏ ⵜⴷⴰⵎⵙⴰ ⴷ ⵜⵜⵊⴰⵕⴰ ⴳⴰⵔ ⵍⴷⵣⴰⵢⴻⵔ ⴷ ⵠⵉⴻⵜⵏⴰⵎ « ⵍⵀⴰⵏ »
[[[ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⵏ ⵜⴻⴳⴷⵓⴷⴰ ⵜⴰⵏⴻⵎⵍⴰⵢⵜ ⵏ ⵠⵉⴻⵜⵏⴰⵎ, ⵏⴳⵓⵢêⵏ ⵜⴰⵏ ⴷⵓⵏⴳ]]]
ⵍⴻⵣⵣⴰⵢⴻⵔ– ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵎⴻⵙⴻⵏⵣⵉⵢⴻⵏ ⴳⴰⵔ ⵍⴷⵣⴰⵢⴻⵔ ⴷ ⵠⵉⴻⵜⵏⴰⵎ « ⵍⵀⴰⵏ » ⵢⴻⵔⵏⴰ ⴰⵙⵙⴰⵖⴻⵏ ⴳⴰⵔ ⵢⵉⵎⵏⴰⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⵣⴻⵎⵔⴻⵏ ⴰⴷ ⴰⵡⴹⴻⵏ ⵖⴻⵔ ⵓⵙⵡⵉⵔ « ⵉⴼⴰⵣⴻⵏ ».
ⴰⵏⴻⵖⵍⴰⴼ ⴰⵎⴻⵏⵣⵓ ⵏ ⵠⵉⴻⵜⵏⴰⵎ ⵢⴻⵎⵎⵓⴳⴻⵔ-ⵉⵜ ⵎⴰⵙⵙ ⴱⴻⵏⵙⴰⵍⴻⵀ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵍⴻⵃⴷⴰⵇⴰ, ⵢⴻⵔⵏⴰ ⵎⴰⵙⵙ ⴱⴻⵏⵙⴰⵍⴰⵀ ⵢⴻⵏⵏⴰ-ⴷ ⴷⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵛⴻⵔⴽⴻⵏ-ⵜⴻⵏⵜ ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ « ⵉⵣⴰⴷⴻⵏ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵢⵉⵏ ⵜⵉⵍⵓⴳⴰⵏⵉⵏ ⵏ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵠⵉⴻⵜⵏⴰⵎⵉⵜ ⵙⵙⴻⵃⴱⵉⴱⵉⵔⴻⵏⵜ ⵖⴻⴼ « ⵓⵙⵙⴻⴼⵄⴻⵍ ⵏ ⵢⵉⵖⵜⴰⵙⴻⵏ ⵉⵙⴻⵔⵜⵉⵢⴻⵏ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵔⵣⵉ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⵏ ⵠⵉⴻⵜⵏⴰⵎ, ⵏⴳⵓⵢêⵏ ⵜⴰⵏ ⴷⵓⵏⴳ, ⵎⴰⵙⵙ ⴱⴻⵏⵙⴰⵍⴰⵀ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴻⵍⵍⴰ-ⴷ ⴷⴻⴳ ⵜⴻⵙⵡⵉⵄⵜ ⴰⵢⴷⴻⴳ ⵍⴷⵣⴰⵢⴻⵔ ⵍⴰ ⴷ-ⵜⵜⵉⵍⵉⵏ ⴷⴻⴳ-ⵙ ⴰⵟⴰⵙ ⵏ ⵢⵉⴱⴻⴷⴷⵉⵍⴻⵏ ⴷ ⵜⵙⴻⵎⵎⴻⵙⴽⴰⵍ ⴰⵢ ⵢⵓⴷⴼⴻⵏ ⴷⴻⴳ ⵓⴽⴰⵜⴰⵔ ⵏ ⵜⵉⴽⵍⵉ ⴰⵢ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵔⵏⴰ ⵃⵓⵣⴰⵏⵜ-ⴷ ⵜⴰⴷⴰⵎⵙⴰ, ⵜⴰⵖⴷⴻⵎⵜ ⴷ ⵜⵖⴰⵡⵙⵉⵡⵉⵏ ⵜⵉⵏⵎⴻⵜⵜⵉⵢⵉⵏ ⴷⵖⴰ ⵙ ⵡⴰⵢⴰ, ⵍⴷⵣⴰⵢⴻⵔ ⵜⴻⵙⵙⴰⵏⴻⴼ ⵉ ⵡⴰⵢⴻⵏ ⴰⵢ ⵍⴰ ⵉⴹⴻⵔⵔⵓⵏ ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⵏ ⵓⵎⴰⴹⴰⵍ ⴰⵄⵕⴰⴱ ».
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⴰⵎⴻⵏⵣⵓ ⵏ ⵠⵉⴻⵜⵏⴰⵎ ⵢⴻⵙⵏⴻⵎⵎⴻⵔ ⵍⴷⵣⴰⵢⴻⵔ ⵖⴻⴼ ⵓⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵠⵉⴻⵜⵏⴰⵎ ⴷⴻⴳ ⵜⴰⵍⵍⵉⵜ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⵏ ⵜⵎⵓⵔⵜ-ⴰ, ⴰⵎ ⵡⴰⴽⴽⴻⵏ ⴰⵢ ⵜⴻⵜⵜⴻⴽⴽⴰ ⴷⴻⴳ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵠⵉⴻⵜⵏⴰⵎ, ⵢⴻⵔⵏⴰ ⵢⴻⵔⵔⴰ ⵜⴰⵊⵎⵉⵍⵜ ⵉ ⵡⴰⵢⴻⵏ ⴰⵢ ⴷ-ⵜⴳⴰ ⵍⴷⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ.
ⴰⵏⴻⵖⵍⴰⴼ ⴰⵎⴻⵏⵣⵓ ⵏ ⵠⵉⴻⵜⵏⴰⵎ ⵢⴻⵙⵎⴻⴽⵜⵉ-ⴷ ⴷⴰⵖ ⴰⴷⴷⵓⴷ ⵏ ⵜⵎⵓⵔⵜ-ⵏⵏⴻⵙ ⴰⵢ ⵢⴻⵙⵙⴰⵥⴰⵔⴻⵏ ⵔⵔⴻⴱⵔⴰⴱ ⴰⴽⴽⴻⵏ ⵢⴻⴱⵖⵓ ⵢⵉⵍⵉ ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵠⵉⴻⵜⵏⴰⵎ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⵎⵓⵖⵍⵉ ⵜⴰⴷⵣⴰⵢⵔⵉⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜ-ⴰ. ⴰⵏⴻⵖⵍⴰⴼ ⴰⵎⴻⵏⵣⵓ ⵏ ⵠⵉⴻⵜⵏⴰⵎ ⵢⴻⵡⵡⴻⴹ-ⴷ ⴰⵙⵙ ⵏ ⵍⵃⴻⴷⴷ ⵖⴻⵔ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴰⵢⵖⴻⴼ ⴷ-ⵉⴳⴰ ⵜⵉⵔⵣⵉ ⵜⵓⵏⵚⵉⴱⵜ ⵏ ⴽⵔⴰⴹ (3) ⵏ ⵡⵓⵙⵙⴰⵏ ⵙ ⵓⵏⴻⵄⵔⵓⴹ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⵍⴰ.
