ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵜⵜⵉⵅⴻⵔ ⵙⴻⴳ ⵓⵖⴻⵔⴱⴰⵣ ⴷⵔⵓⵙ ⵎⵍⵉⵃ ⴷⴻⴳ ⵍⴷⵣⴰⵢⴻⵔ ⵖⴻⴼ ⵍⴻⵃⵙⴰⴱ ⵏ ⵜⵎⵓⵔⴰ ⵏⵉⴹⴻⵏ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵓⴳⵎⵓⴹ ⴰⵍⴻⵎⵎⴰⵙ (ⵓⵏⵉⵛⴻⴼ)

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵍⴷⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⵓⵔⵜ ⴰⵢ ⵢⴻⵙⵄⴰⵏ ⴰⴼⵎⵉⴹⵉ « ⴰⵎⴻⵥⵢⴰⵏ ⴰⴽⴽ » ⵏ ⵓⵜⵜⵉⵅⴻⵔ ⵙⴻⴳ ⵓⵖⴻⵔⴱⴰⵣ ⴷⴻⴳ ⵜⴻⵎⵏⴰⴹⵜ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵓⴳⵎⵓⴹ ⴰⵍⴻⵎⵎⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵓⵙⴻⵏⴷⵓⵇ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⴳⴻⵔⴷⴰ (ⵓⵏⵉⵛⴻⴼ) ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

"ⴰⵣⴰⵍ ⵏ 500.000 ⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴳⴰⵔ 6 ⴷ 16 ⵏ ⵢⵉⵙⴻⴳⴳⴰⵙⴻⵏ ⵓⵔ ⵢⴻⵍⵍⵉⵏ ⴰⵔⴰ ⴷⴻⴳ ⵓⵖⴻⵔⴱⴰⵣ ⴷⴻⴳ ⵍⴷⵣⴰⵢⴻⵔ, ⵎⴰⵛⴰ ⴰⵎⴹⴰⵏ-ⴰ ⴷ ⵏⴻⵜⵜⴰ ⴰⵢ ⴷ ⴰⵎⴻⵥⵢⴰⵏ ⴰⴽⴽ ⵖⴻⴼ ⵍⴻⵃⵙⴰⴱ ⵏ ⵜⵎⵓⵔⴰ ⵏⵉⴹⴻⵏ ⵏ ⵜⴻⵎⵏⴰⴹⵜ ⵏ ⵓⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ (ⵎⴻⵏⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ ⵏ ⵓⵏⵉⵛⴻⴼ ⴷⴻⴳ ⵍⴷⵣⴰⵢⴻⵔ, ⵜⵀⵧⵎⴰⵙ ⴷⴰⵠⵉⵏ, ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⵉ ⵍⵎⴻⵏⴷ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⴳⵔⵓⴷ ⴰⵢ ⵙⴼⵓⴳⵓⵍⴻⵏ ⴷⴻⴳ 1 ⵢⵓⵏⵢⵓ ⵏ ⵢⴰⵍ ⴰⵙⴻⴳⴳⴰⵙ.

ⴰⴳⴻⵏⵙⴰⵙ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵙⴻⴳ ⵎⴻⵍⵎⵉ ⴽⴰⵏ ⴰⵢ ⴳⴰⵏ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵓⵏⵉⵛⴻⴼ ⴰⵃⵜⴰⵙ ⵖⴻⴼ ⵢⵉⴳⴻⵔⴷⴰⵏ ⵢⴻⵍⵍⴰⵏ ⴱⴻⵕⵕⴰ ⵉ ⵓⵖⴻⵔⴱⴰⵣ, ⵢⴻⵔⵏⴰ ⵉⴳⵎⴰⴹ ⵏ ⵓⵃⵜⴰⵛ-ⴰ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⴼⴼⵖⴻⵏ. ⴰⵃⵜⴰⵛ-ⴰ ⵢⴻⴽⵛⴻⴼ-ⴷ ⴷⴰⴽⴽⴻⵏ « 497.000 ⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴳⴰⵔ 6 ⴷ 16 ⵏ ⵢⵉⵙⴻⴳⴳⴰⵙⴻⵏ ⵓⵔ ⵍⵍⵉⵏ ⴰⵔⴰ ⴷⴻⴳ ⵓⵖⴻⵔⴱⴰⵣ (ⵜⴰⵍⵍⵓⵙⵜ ⵜⴰⵎⴻⵏⵣⵓⵜ ⴷ ⵜⵍⴻⵎⵎⴰⵙⵜ) ⴷⴻⴳ ⵍⴷⵣⴰⵢⴻⵔ, ⵢⴻⵔⵏⴰ ⵡⵉ ⵜⵜⴳⴻⵏⵙⵉⵙⴻⵏ-ⴷ 4,5% ⵙⴻⴳ ⵢⵉⴳⴻⵔⴷⴰⵏ ⵢⴻⵙⵄⴰⵏ ⵍⴻⵄⵎⴻⵕ ⵏ ⵓⵖⴻⵔⴱⴰⵣ ».

ⴰⵃⵜⴰⵛ-ⴰ ⵢⴻⴽⵛⴻⴼ-ⴷ ⴷⴰⵖ ⴷⴰⴽⴽⴻⵏ ⴰⵜⵜⵉⵅⴻⵔ-ⴰ ⵙⴻⴳ ⵓⵖⴻⵔⴱⴰⵣ ⵉⵃⵓⵣⴰ ⵍⴰⴷⵖⴰ ⵉⴳⴻⵔⴷⴰⵏ ⵢⴻⵙⵄⴰⵏ ⴳⴰⵔ 11 ⴷ 15 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⵙⴻⴳ-ⵙⴻⵏ ⴷ ⵉⵇⵛⵉⵛⴻⵏ ⴰⵢ ⵢⴻⴷⴷⵔⴻⵏ ⴷⴻⴳ ⵜⵡⴰⵛⵓⵍⵉⵏ ⵜⵉⴳⴻⵍⵍⵉⵍⵉⵏ ⵎⵍⵉⵃ.

ⵎⴰⵙⵙ ⴷⴰⵠⵉⵏ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴼⵎⵉⴹⵉ ⵏ ⵢⵉⴳⴻⵔⴷⴰⵏ ⵢⴻⵍⵍⴰⵏ ⴷⴻⴳ ⵓⵖⴻⵔⴱⴰⵣ ⴷⴻⴳ ⵓⵙⵡⵉⵔ ⴰⵎⴻⵏⵣⵓ ⵢⴻⵡⵡⴻⴹ ⵖⴻⵔ 97,5%, ⵢⴻⵔⵏⴰ ⴰⵍⴰ 2,5% ⵙⴻⴳ ⵢⵉⴳⴻⵔⴷⴰⵏ ⵏ ⵓⵙⵡⵉⵔ-ⴰ ⵓⵔ ⵢⴻⵍⵍⵉⵏ ⴰⵔⴰ ⴷⴻⴳ ⵓⵖⴻⵔⴱⴰⵣ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⴳⴻⵔⴷⴰⵏ ⴰⵢ ⴷ-ⵢⴻⵜⵜⵉⵅⵉⵔⴻⵏ ⵙⴻⴳ ⵓⵖⴻⵔⴱⴰⵣ « ⴷ ⵡⵉⴷ ⵢⴻⵙⵄⴰⵏ ⴰⵙⵡⵉⵔ ⵏ ⵓⵍⵎⵓⴷ ⴰⵍⴻⵎⵎⴰⵙ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴷⴷⴰⵡ ⵏ 17% ⵙⴻⴳ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴳⴰⵔ 3 ⴷ 5 ⵏ ⵢⵉⵙⴻⴳⴳⴰⵙⴻⵏ ⴰⵢ ⵢⴻⵜⵜⴻⴷⴷⵓⵏ ⵖⴻⵔ ⵓⵖⴻⵔⴱⴰⵣ ⵏ ⵓⵙⵙⴻⵡⵊⴻⴷ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴼⵎⵉⴹⵉ-ⴰ « ⵢⴻⵜⵜⵖⵉⵎⵉ-ⴷ ⴷ ⴰⵎⴻⵥⵢⴰⵏ ».

ⵉⵎⴹⴻⴱⴱⴻⵔ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵃⵜⴰⵛ ⴰⵎ ⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴷⵣⴰⵢⴻⵔ ⵖⴻⴼ ⵢⵉⴳⴻⵔⴷⴰⵏ ⵢⴻⵍⵍⴰⵏ ⴱⴻⵕⵕⴰ ⵉ ⵓⵖⴻⵔⴱⴰⵣ ⵜⴳⴰ-ⵜ ⴷⴰⵖ ⵓⵏⵉⵛⴻⴼ ⴷⴻⴳ ⵡⴰⵟⴰⵙ ⵏ ⵜⵎⵓⵔⴰ ⵏⵉⴹⴻⵏ ⵏ ⵓⵎⴰⴹⴰⵍ, ⴳⴰⵔ-ⴰⵙⴻⵏⵜ ⵜⵉⵎⵓⵔⴰ ⵏⵉⴹⴻⵏ ⵏ ⵜⴻⵎⵏⴰⴹⵜ ⵏ ⵓⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ, ⵢⴻⵔⵏⴰ ⵢⴻⴽⵛⴻⴼ-ⴷ ⵓⵃⵜⴰⵛ-ⴰ ⴷⴰⴽⴽⴻⵏ ⴰⴼⵎⵉⴹⵉ ⵏ ⵢⵉⴳⴻⵔⴷⴰⵏ ⵓⵔ ⵢⴻⵍⵍⵉⵏ ⴰⵔⴰ ⴷⴻⴳ ⵓⵖⴻⵔⴱⴰⵣ ⴷⴻⴳ ⵜⴻⵎⵏⴰⴹⵜ-ⴰ « ⵎⴻⵖⵖⴻⵔ ⴰⵟⴰⵙ ».