ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴷⵣⴰⵢⴻⵔ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⴷⴻⴳ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ ⵏ « ⴻⵓⵔⵧⴰⵍ 2015 »

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵙ ⵢⵉⵙⴻⵎ-ⵏⵏⴻⵙ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⴷⴻⴳ ⵜⴻⵥⵔⵉⴳⵜ ⵜⵉⵙ 10 ⵏ ⵜⴻⵎⵣⵉⴽⴽⴻⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ « ⴻⵓⵔⵧⴰⵍ 2015 » ⴰⵔⴰ ⴷ-ⵢⵉⵍⵉⵏ ⴳⴰⵔ 3 ⴷ 5 ⵢⵓⵏⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵎⴰⵍⴰⴳⴰ (ⵙⵒⴻⵏⵢⵓⵍ), ⴷ ⵜⵉⵏ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⵓⴳⴰⵔ ⵏ 150 ⵏ ⵢⵉⵏⴻⵎⵣⵉⴽⴽⵏⴻⵏ ⵙⴻⴳ 19 ⵏ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵔⵔⵉⵜ (ⵧⵏⴰⵜ).

ⵜⴰⵏⴻⴼⵙⴰⵔⵜ ⵏ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵔⵔⵉⵜ ⵜⴻⵙⵄⴰ ⵜⴰⵊⵓⵎⵎⴰ ⵏ 80 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⵢⴻⵔⵏⴰ ⵜⴻⵣⴳⴰ-ⴷ ⴷⴻⴳ ⵜⴰⵍⵍⵓⵏⵜ ⵜⴰⴳⴻⵊⴷⴰⵏⵜ ⵏ ⵜⴻⵎⵣⵉⴽⴽⴻⵏⵜ-ⴰ. ⵙⵡⴻⵊⴷⴻⵏ-ⴷ ⵜⴰⵏⴻⴼⵙⴰⵔⵜ-ⴰ ⴰⴽⴽⴻⵏ ⴰⴷ ⵢⴻⴷⴷⵓⴽⴽⴻⵍ ⴷⴻⴳ-ⵙ ⵓⵏⴻⵚⵍⵉ ⴷ ⵓⵜⵔⴰⵔ ⴷⴻⴳ ⵓⵇⴻⴷⴷⴻⵎ ⵏ ⵍⴷⵣⴰⵢⴻⵔ ⵉ ⵡⵉⴷ ⴰⵔⴰ ⴷ-ⵢⴰⵙⴻⵏ ⴰⴷ ⵎⴻⵔⵔⵃⴻⵏ ⴷⴻⴳ-ⵙ, ⵢⴻⵔⵏⴰ ⵜⴰⵏⴻⴼⵙⴰⵔⵜ-ⴰ ⵜⴻⵙⵙⴽⴰⵏⴰⵢ-ⴷ ⵜⵉⵣⴻⵎⵎⴰⵔ ⵏ ⵍⴷⵣⴰⵢⴻⵔ ⴷⴻⴳ ⵜⵎⴻⵔⵔⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⵜⴰⵏⴻⴼⵙⴰⵔⵜ-ⴰ ⴰⴷ ⵜⵉⵍⵉ ⴷ ⵜⴰⵡⵡⵓⵔⵜ ⵉⵔⴻⵥⵎⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⵏ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⵙⴻⵎⵍⴻⵏⵜ ⵉⴼⴰⵔⵉⵙⴻⵏ-ⵏⵙⴻⵏⵜ, ⵢⴻⵔⵏⴰ ⴰⴷ ⴷ-ⵉⵍⵉⵏ ⴷⴰⵖ ⴷⴻⴳ-ⵙ ⵢⵉⵔⵎⵓⴷⴻⵏ ⵉⴷⴻⵍⵙⴰⵏⴻⵏ ⴷ ⵢⵉⵏⴰⵥⵓⵔⴻⵏ.

ⴰⴷ ⴷ-ⵜⵉⵍⵉ ⴷⴰⵖ ⵜⵏⴻⵎⵙⴰⵍⵜ ⵏ ⵙⵉⵏ ⵏ ⵡⵓⵙⵙⴰⵏ ⵉ ⵍⴼⴰⵢⴷⴰ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⵏ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⴰⴼⴻⵏⵜ ⴰⴱⵔⵉⴷ ⴰⴷ ⴷ-ⴳⴻⵏⵜ ⵉⵏⴻⵔⵎⵉⵙⴻⵏ ⴷ ⵜⴻⵎⵜⵉⵍⵉⵏ-ⵏⵙⴻⵏⵜ ⵜⵉⴱⴻⵕⵕⴰⵏⵉⵢⵉⵏ ⵢⴻⵔⵏⴰ ⴰⴷ ⵙⵙⵉⵡⴹⴻⵏⵜ ⵖⴻⵔ ⵜⵉⵛⵛⵓⵔⴽⴰ ⴷ ⵢⵉⵎⴹⴻⴱⴱⵔⴻⵏ ⵏ ⵜⵏⴻⴳⴳⵉⵡⵉⵏ ⵜⵉⵎⴻⵇⵔⴰⵏⵉⵏ ⴰⴽⴽ ⵏ ⵜⵎⴻⵔⵔⵉⵜ ⴷⴻⴳ ⵓⵎⴰⴹⴰⵍ, ⴰⴽⴽⴻⵏ ⴰⴷ ⵙⴻⵎⵍⴻⵏⵜ ⵜⴰⵎⴻⵔⵔⵉⵜ ⴷⴻⴳ ⵍⴷⵣⴰⵢⴻⵔ ⵢⴻⵔⵏⴰ ⴰⴷ ⴷ-ⵇⴻⴷⴷⵎⴻⵏⵜ ⵜⵉⵣⴻⵎⵎⴰⵔ ⵏ ⵜⵎⴻⵔⵔⵉⵜ ⵏ ⵜⵎⵓⵔⵜ-ⴰ.

ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵔⵔⵉⵜ ⴰⴷ ⴷ-ⵉⵇⴻⴷⴷⴻⵎ, ⴷⴻⴳ ⵜⴻⵎⵣⵉⴽⴽⴻⵏⵜ-ⴰ, ⵢⵉⵡⴻⵏ ⵏ ⵓⵙⴰⵔⴰⴳ ⵙ ⵓⵣⵡⴻⵍ ⵏ « ⵜⵉⵣⴻⵎⵎⴰⵔ ⵏ ⵍⴷⵣⴰⵢⴻⵔ ⴷⴻⴳ ⵜⵎⴻⵔⵔⵉⵜ ».

ⴰⴼⵔⴰⵏ ⵏ ⵍⴷⵣⴰⵢⴻⵔ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⴷ ⴰⵢⴻⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷⴰⴽⴽⴻⵏ ⵢⴻⵍⵍⴰ ⵍⴻⴱⵖⵉ ⵉ ⵓⵙⵙⴻⵊⵀⴻⴷ ⴷ ⵓⵙⴷⵓⵎⵓ ⵏ ⵡⴰⵙⵙⴰⵖⴻⵏ ⵏ ⵜⵉⵛⵛⵓⵔⴽⴰ ⴳⴰⵔ ⵍⴷⵣⴰⵢⴻⵔ ⴷ ⵜⵓⵕⵓⴼⵜ ⴷ ⵓⵙⵙⴻⵊⵀⴻⴷ ⵏ ⵓⵎⵄⴰⵡⴻⵏ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ.

ⵉ ⵓⵙⵎⴻⴽⵜⵉ, ⴰⵣⴰⵍ ⵏ 37.314 ⵏ ⵢⵉⵎⴻⵔⵔⴰⵢⴻⵏ ⵉⵙⵒⴻⵏⵢⵓⵍⵉⵢⴻⵏ ⴰⵢ ⴷ-ⵢⴻⵔⵣⴰⵏ ⵖⴻⴼ ⵍⴷⵣⴰⵢⴻⵔ ⴷⴻⴳ 2014.