ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵎⴻⴷ ⴷⴻⴳ ⵙⵉⵏ ⵢⵉⵖⴻⵔⴱⴰⵣⴻⵏ ⴷ ⵜⵉⴼⵔⴰⵜ ⴰⵔⴰ ⵢⴻⴵⴵⴻⵏ ⴰⵣⵔⴻⴼ ⵏ ⵓⵙⴻⵍⵎⴻⴷ ⵉ ⵢⴰⴽ ⵉⴳⴻⵔⴷⴰⵏ ⵉⵣⵣⴰⵢⵔⵉⵢⴻⵏ
ⵇⵚⴻⵏⵟⵉⵏⴰ – ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⵜⴻⵏⵏⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵇⵚⴻⵏⵟⵉⵏⴰ, ⴱⴻⵍⵍⵉ, ⵜⴰⴽⵜⵉ-ⴰ ⵏ ⵓⵙⴻⵍⵎⴻⴷ ⴷⴻⴳ ⵙⵉⵏ ⵢⵉⵖⴻⵔⴱⴰⵣⴻⵏ ⴷ ’’ⵜⵉⴼⵔⴰⵜ ⵉ ⵢⴻⵙⵙⴻⴼⴽ ⴰⴷ ⵜⵜ-ⵏⴻⵙⵙⴻⵎⵔⴻⵙ ⴰⵏⴷⴰ ⵞⵞⵓⵔⴻⵏⵜ ⵜⵏⴻⵖⵔⵉⵢⵉⵏ, ⴰⴽⴽⴻⵏ ⴰⴷ ⵉⴷⵓⵎ ⵓⵣⵔⴻⴼ ⵏ ⵓⵙⴻⵍⵎⴻⴷ ⵉ ⵢⴰⴽⴽ ⵉⴳⴻⵔⴷⴰⵏ ⵉⵣⵣⴰⵢⵔⵉⵢⴻⵏ.
ⴷ ⵜⵉⴷⴻⵜ, ⴰⵙⵍⴰⴳ ⵏ ⵓⵎⴰⵀⵉⵍ ⵓⵔ ⵜⴻⵍⵍⵉ, ⵖⵓⵔ-ⵏⴻⵖ ⵏⴻⴽⵏⵉ, ⴷ ⵜⵉⴼⵔⴰⵜ ⵜⵓⵎⵎⵉⴷⵜ, ⵎⴰⵛⴰ ⴰⵢⴰ ⴷ ⴰⵍⵍⴰⵍ ⴰⵔⴰ ⵏⴻⵙⵙⴻⵎⵔⴻⵙ ⴰⴽⴽⴻⵏ ⴰⴷ ⵉⴷⵓⵎ ⵓⵣⵔⴻⴼ ⵏ ⵓⵙⴻⵍⵎⴻⴷ ⵉ ⵢⴰⴽ ⵉⴳⴻⵔⴷⴰⵏ ⵉⵣⵣⴰⵢⵔⵉⵢⴻⵏ’’, ⵉ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ ⵉ ⵢⵉⵏⴻⵖⵎⴰⵙⴻⵏ ⵖⴻⵔ ⵜⴰⵎⴰ ⵏ ⵜⵉⵔⵣⵉ-ⵙ ⵖⴻⵔ ⵇⵚⴻⵏⵟⵉⵏⴰ.
ⵜⵓⴷⴷⴻⵔ-ⴷ ⵍⵉⵃⴰⵍⴰ ⵏ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ ⴰⵍⵉ ⵎⴻⵏⴷⵊⴻⵍⵉ, ⴰⵏⴷⴰ ⵉ ⵎⴰⵣⴰⵍ ⵅⵓⵚⵚⴻⵏ ⵉⵖⴻⵔⴱⴰⵣⴻⵏ, ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵏⵏⴰ-ⴷ ⴱⴻⵍⵍⵉ ⵉⵎⴰⵙⴰⵢⴻⵏ ⵏ ⵓⵃⵔⵉⵛ-ⴰ ⵣⴻⵎⵔⴻⵏ ⴰⴷ ⵜⵜⵡⴰⵃⴻⵜⵎⴻⵏ ⴰⴽⴽⴻⵏ ⴰⴷ ⴷⴷⵎⴻⵏ, ⴰⵣⴳⴻⵏ ⵏ ⵜⵉⴼⵔⴰⵜ ⵏⴻⵖ ⵜⵉⴼⵔⴰⵜ ⵜⵓⵎⵎⵉⴷⵜ ⵏ ⵓⵙⵍⴰⴳ ⵏ ⵓⵎⴰⵀⵉⵍ, ⵎⴰ ⵢⴻⵍⵍⴰ ⴳⵜⴻⵏ ⵉⴱⴰⵍⵎⵓⴷⴻⵏ ⴷⴻⴳ ⴽⴰⵔⴰ ⵏ ⵢⵉⵖⴻⵔⴱⴰⵣⴻⵏ.
ⵎⴰⵛⵉ ⴷ ⵜⴰ ⵉ ⵜⵉⴼⵔⴰⵜ ⵉⵡⵓⵍⵎⴻⵏ, ⵎⴰⵛⴰ ⴷ ⵜⵉⵏ ⵏ ⵍⴰⵄⴹⵉⵍ’’, ⵉ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ, ⵜⴻⵙⵎⴻⴽⵜⴰ-ⴷ ⴰⵡⵄⴰⴷ ⵉ ⵡⴻⵄⴷⴻⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ, ⵙⵢⴰ ⴷ ⴼⴻⵍⵍⴰ ⵓⵔ ⵢⴻⵜⵜⵉⵍⵉ ⴰⵔⴰ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⵡⴰⵔ ⵎⴰ ⴱⵏⴰⵏ ⵉⵖⴻⵔⴱⴰⵣⴻⵏ.
