Asebter amenzawi

Aselmed deg sin yiɣerbazen d tifrat ara yeǧǧen azref n uselmed i yak igerdan izzayriyen

QṢENṬINA – Taneɣlaft n usegmi aɣelnaw, Nouria Benghebrit, tenna-d ass n letniyen deg Qṣenṭina, belli, takti-a n uselmed deg sin yiɣerbazen d ’’tifrat i yessefk ad tt-nessemres anda ččurent tneɣriyin, akken ad idum uzref n uselmed i yakk igerdan izzayriyen.

D tidet, aslag n umahil ur telli, ɣur-neɣ nekni, d tifrat tummidt, maca aya d allal ara nessemres akken ad idum uzref n uselmed i yak igerdan izzayriyen’’, i d-tenna tneɣlaft i yineɣmasen ɣer tama n tirzi-s ɣer Qṣenṭina.

Tudder-d liḥala n temdint tamaynut Ali Mendjeli, anda i mazal xuṣṣen iɣerbazen, Massa Benghebrit tenna-d belli imasayen n uḥric-a zemren ad ttwaḥetmen akken ad ddmen, azgen n tifrat neɣ tifrat tummidt n uslag n umahil, ma yella gten ibalmuden deg kara n yiɣerbazen.

Maci d ta i tifrat iwulmen, maca d tin n laɛḍil’’, i d-tenna tneɣlaft, tesmekta-d awɛad i weɛden yiduba inagduden, sya d fella ur yettili ara lebni n tnezduɣin war ma bnan iɣerbazen.