ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ : ⵢⴻⵙⵙⴰⵡⴻⵍ-ⴷ ⴳⴰïⴷ ⵙⴰⵍⴰⵀ ⵙ ⴰⵙⴷⵓⴽⴻⵍ ⵏ ⵜⵣⴻⵎⵎⴰⵔ ⴰⴽⴽⴻⵏ ⴰⴷ ⵏⴱⴻⴷ ⵎⴳⴰⵍ ⵉⵎⵉⵀⵉⵜⴻⵏ

ⵍⴻⵣⵣⴰⵢⴻⵔ – ⴰⵊⴻⵏⵉⵔⴰⵍ ⵏ ⵢⵉⴳⴻⵏ ⴰⵀⵎⴻⴷ ⴳⴰïⴷ ⵙⴰⵍⴰⵀ, ⴰⵏⵎⴰⵣⵓⵏ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴰⵖⴻⵍⵍⴰ ⴰⵎⴻⵇⵔⴰⵏ ⵏ ⴰⵏⵒ ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⴱⴻⵍⵍⵉ ⵜⴰⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ‘’ⴷ ⵜⴰⵖⴰⵡⵙⴰ ⵢⴻⵔⵣⴰⵏ ⵎⴻⴷⴷⴻⵏ ⴰⴽⴽ’’, ⵢⴻⵃⵡⴰⴵⴻⵏ ⴰⵙⴷⵓⴽⴻⵍ ⵏ ⵜⵣⴻⵎⵎⴰⵔ, ⴰⴽⴽⴻⵏ ⴰⴷ ⵏⴱⴻⴷ ⵎⴳⴰⵍ ⵉⵎⵉⵀⵉⵜⴻⵏ ⵉ ⵣⴻⵎⵔⴻⵏ ⴰⴷ ⵉⵍⵉⵏ. ⵏⵏⵉⵖ-ⵜ-ⵉⴷ ⴰⴷ ⴰⵙ-ⴷ-ⴰⵍⵙⴻⵖ ⴷⴰⵖⴻⵏ ⵜⵉⴽⴽⴻⵍⵜ ⵏⵏⵉⴹⴻⵏ : ⵜⴰⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵉ ⴰⵖ-ⵢⴻⵔⵣⴰⵏ ⴰⴽⴽ. ⵉⵀⵉ, ⵢⴻⵙⵙⴻⴼⴽ ⴼⴻⵍⵍ-ⴰⵖ ⴰⴷ ⵏⴻⵙⵟⵓⵇⵇⴻⵜ ⵓⴳⴰⵔ, ⴰⴷ ⵏⴻⵙⴷⵓⴽⴻⵍ ⵜⵉⵣⴻⵎⵎⴰⵔ ⴰⴽⴽⴻⵏ ⴰⴷ ⵏⵇⴰⴱⴻⵍ ⴰⴽⴽ ⵉⵎⵉⵀⵉⵜⴻⵏ ⵉ ⴰⵖ-ⴷ-ⵢⴻⵜⵜⵄⴰⵙⵙⴰⵏ, ⴰⴽⴽⴻⵏ ⵜⴻⴱⵖⵓ ⵜⵉⵍⵉ, ⴰⵏⵙⵉ ⵜⴻⴱⵖⵓ ⵜⴻⴽⴽⴰ-ⴷ’’, ⵉ ⴷ-ⵢⴻⵏⵏⴰ ⵓⵖⴻⵍⵍⴰ ⴰⵎⴻⵇⵔⴰⵏ ⵏ ⴰⵏⵒ, ⵉ ⵍⵎⴻⵏⴷ ⵏ ⵜⴰⴳⴳⴰⵔⴰ ⵏ ⵢⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵜ ⵜⴰⵖⴻⵍⵏⴰⵡⵜ ⵖⴻⴼ ‘’ⵜⴰⵣⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵏ ⵓⵏⵔⴰⵔ ⵏ ⵜⴻⵎⵀⴰⵍⵉⵏ’’. ⴰⵊⵉⵏⵉⵔⴰⵍ ⵏ ⵢⵉⴳⴻⵏ ⵢⴻⵏⵏⴰ-ⴷ ⴷⴰⵖⴻⵏ ⵢⴻⵙⵙⴻⴼⴽ ⴰⴷ ⵏⴻⵙⵙⴻⵣⴳ ⵉⵎⴰⵏ-ⵏⵏⴻⵖ ‘’ⵢⴰⵍ ⴰⵙⵙ’’ ⴷ ⵢⵉⴱⴻⴷⴷⵉⵍⴻⵏ ⵢⴻⵔⵔⵓⵔⴷⴻⵏ ⵉ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵓⵎⴰⴹⴰⵍ ⵙ ⵓⵎⴰⵜⴰ, ⴰⴱⴻⵄⴷⴰ ⴷⴻⴳ ⵜⴻⵎⵏⴰⴹⵜ , ⵎⴰ ⵢⴻⵍⵍⴰ ⵏⵡⴰⵍⴰ, ⵉ ⴷ-ⵢⴻⵏⵏⴰ, ⵖⴻⵔ ‘’ⵓⵎⴹⵉⵇ ⴰⵙⴻⵜⵔⴰⵜⵉⵊⵉ ⵉ ⵜⴻⵟⵟⴻⴼ’’. ⵉ ⵍⵎⴻⵏⴷ ⵏ ⵡⴰⵢⴰ, ⵉⵡⴰⵍⴰ ⴱⴻⵍⵍⵉ ‘’ⵢⴻⵙⵙⴻⴼⴽ’’ ⴰⴷ ⵜⴻⵣⵔⴻⵡ ⵙ ⵜⴻⵍⵇⴻⵢ, ‘’ⴰⴷ ⵏⵀⴻⴳⴳⵉ ⵉⵎⴰⵍ, ⴰⵏⴰⵎⴻⴽ-ⵉⵙ, ⴰⴷ ⵏⵎⴰⵀⴻⵍ ⵉⵖⴰⵡⴰⵙⴻⵏ ⴰⵔⴰ ⵉⵣⴻⵎⵔⴻⵏ ⴰⴷ ⵇⴰⴱⵍⴻⵏ ⵉⵎⵉⵀⵉⵜⴻⵏ ⵉ ⴷ-ⵉⵜⴻⴷⴷⵓⵏ.