Asebter amenzawi

LezZAYER – Tiɣlamin n GS Petroliers d CRB Dar Lbiḍa ay izemren ad rebḥent deg uzgen n tneggarut n teqbuct n Ldzayer n tkurt n uḍar (irgazen) ara d-yilin ass n ssebt mgal teɣlamin n COBB Wehṛan d AB Skikda.

Taɣlamt n GS Petroliers, ay yeqqlen d talɣuɣ n Ldzayer deg tgara n dduṛt yezrin yerna d nettat ay d talɣuɣt seg 2011, ad turar deg Taẓunt Timgerrezt « A » mgal COBB Wehṛan deg temlilit tamezwarut n uzgen n tneggarut ara d-yilin ass n ssebt deg Mɛeskeṛ seg 4s00 n tmeddit d asawen.

Seg yidis-nnes, CRB Daṛ Lbiḍa tezmer d nettat ara irebḥen AB Skikda deg temlilit tis snat n uzgen n tneggarut ara d-yilin ass n ssebt deg Lɛelma seg 4s00 n tmeddit d asawen.

Taɣlamt n Daṛ Lbiḍa tɛedda ɣer uzgen n tneggarut mi terna US Sḍif (88-82). Ma d taxṣimt-nnes deg uzgen n tneggarut, AB Skikda, tɛedda mi terna O Tbatent (73-64).

Seg yidis-nnes, GS Petroliers tɛedda ɣer uzgen n tneggarut mi tejbed CSMBB Waregla iman-nnes, yerna ad turar d COBB n Wehṛan ay iɛeddan deffir ma yerna OMS Tamelyant (76-66).

Taneggarut n teqbuct n Ldzayer n tkurt n uḍar ad d-tili ass n 13 Yunyu deg tzeɣɣa n Harcha-Hacene deg Ldzayer Tamaneɣt.

Ahil n temliliyin n uzgen n tneggarut:

Ssebt deg Mɛeskeṛ: GS Petroliers – COBB Wehṛan (4s00 n tmeddit) Ssebt deg Lɛelma: CRB Daṛ Lbiḍa – AB Skikda (4s00 n tmeddit).