ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵙⴻⵏⵟⵉⵏⴰ: ⴰⵄⵔⴰⴹ ⵏ ⵜⵜⴰⵡⵉⵍⴰⵜ ⵏ ⵓⵙⵙⵓⴽⴽⴻⵙ ⵉ ⵓⵃⴻⵣⵣⴻⴱ ⵖⴻⴼ ⵍⴰⴽⵙⵉⴷⴰⵜ ⵏ ⵓⵟⵔⴰⵎⵡⴰⵢ

ⵇⵙⴻⵏⵟⵉⵏⴰ – ⵢⴻⵍⵍⴰ-ⴷ ⵓⵄⵔⴰⴹ ⴰⵢⴷⴻⴳ ⴰⵔⴰ ⴷ-ⵢⵉⵍⵉ ⵓⵙⴻⵀⵡⵓ (ⵍⴰⴽⵙⵉⴷⴰ) ⴳⴰⵔ ⵍⴽⴰⵕ ⴷ ⵓⵟⵔⴰⵎⵡⴰⵢ ⴷⴻⴳ ⵢⵉⴹ ⵏ ⵡⴰⵙⵙ ⵏ ⵜⵜⵍⴰⵜⴰ ⴷ ⵍⴰⵕⴻⴱⵄⴰ ⴷⴻⴳ ⵓⵏⴻⵎⵍⴰⵍ ⴰⴽⴽⴻⵏ ⴰⴷ ⵥⵔⴻⵏ ⴰⵎⴻⴽ ⴰⵔⴰ ⴳⴻⵏ ⵛⵛⵖⴻⵍ-ⵏⵙⴻⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⴰⵢ ⵜⴻⵔⵣⴰ ⵜⴻⵎⵙⴰⵍⵜ.

ⴷⴻⴳ ⵓⵙⵉⵏⴰⵕⵢⵓ ⵏ ⵓⵄⵔⴰⴹ-ⴰ, ⴷ ⵢⵉⵡⴻⵏ ⵏ ⵍⴽⴰⵕ ⴰⵔⴰ ⵉⵡⵜⴻⵏ ⴰⵟⵔⴰⵎⵡⴰⵢ, ⵙⴰⴽⴽⵉⵏ ⴰⴷ ⴷ-ⵉⵍⵉⵏ 20 ⵏ ⵢⵉⵎⴻⵊⵔⴰⵃ, ⴳⴰⵔ-ⴰⵙⴻⵏ 5 ⵏⴹⴻⵔⵔⴻⵏ. ⴰⵍⴰⵖⵎⵓ-ⴰ ⵜⴻⵙⵙⴻⵡⵊⴻⴷ-ⵉⵜ-ⵉⴷ ⵜⵡⵉⵍⴰⵢⵜ ⴷ ⵓⵃⵓⴷⴷⵓ ⴰⵖⴰⵔⵉⵎ ⵙ ⵓⵎⵄⴰⵡⴻⵏ ⴷ ⵜⴽⴻⴱⴱⴰⵏⵉⵜ ⵏ ⵓⵖⴻⵍⵍⴻⵜ ⵏ ⵓⵟⵔⴰⵎⵡⴰⵢ (ⵙⴻⵜⵔⴰⵎ).

ⴷⴻⴳ ⵓⵄⵔⴰⴹ-ⴰ, ⵜⵜⴻⴽⴽⴰⵏ ⵢⵉⴼⴻⵔⴷⵉⵙⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴰⵢ ⴷ-ⵢⵓⵙⴰⵏ ⵙⴻⴳ 11 ⵏ ⵜⵡⵉⵍⴰⵢⵉⵏ, ⵢⴻⵔⵏⴰ ⵙⴻⴳ ⵎⴻⵍⵎⵉ ⴽⴰⵏ ⴰⵢ ⴼⵓⴽⴻⵏ ⴰⵏⵏⴰⵏ ⵏ ⵓⵙⵙⵉⵍⴻⵖ ⴷⴻⴳ ⵜⴳⴻⵔⵎⴰⵏⵜ ⴷⴻⴳ ⵢⵉⵙⴻⵀⵡⴰ ⵏ ⵓⵟⵔⴰⵎⵡⴰⵢ ⴰⵢ ⴰⵙⴻⵏ-ⴳⴰⵏ ⵢⵉⵙⴻⵖⵙⴰⵢⴻⵏ ⵏ ⵒⴰⵔⵉⵙ (ⴱⵙⵒⵒ) ⴷⴻⴳ ⵓⴽⴰⵜⴰⵔ ⵏ ⵓⵎⵄⴰⵡⴻⵏ ⴳⴰⵔ ⵍⴷⵣⴰⵢⴻⵔ ⴷ ⴼⵕⴰⵏⵙⴰ ⴷⴻⴳ ⵓⵃⵓⴷⴷⵓ ⴰⵖⴰⵔⵉⵎ.

ⵎⵉ ⴷ-ⵢⴻⵍⵍⴰ ⵓⵙⴻⵀⵡⵓ-ⵏⵏⵉ (ⵍⴰⴽⵙⵉⴷⴰ), ⴰⵎⵎⴰⵙ ⵏ ⵓⵙⵙⴻⵏⵇⴻⴷ ⵏ ⵙⴻⵜⵔⴰⵎ ⵢⴻⵖⵔⴰ ⵉ ⵓⵃⵓⴷⴷⵓ ⴰⵖⴰⵔⵉⵎ ⴰⵢ ⴷ-ⵢⵓⵙⴰⵏ ⵉⵎⵉⵔ-ⵏⵏⵉ ⴽⴰⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵉⵎⵓⴹⵉⵏⴻⵏ ⵖⴻⵔ ⵢⵉⵙⴱⵉⵟⴰⵔⴻⵏ ⵢⴻⵔⵏⴰ ⴰⴷ ⴼⴻⵔⵙⴻⵏ ⴰⴱⵔⵉⴷ.

ⵉ ⵍⵎⴻⵏⴷ ⵏ ⵡⴰⵢⴰ, ⵙⵇⴻⴷⵛⴻⵏ ⵜⵜⴰⵡⵉⵍⴰⵜ ⴷ ⵉⵎⴻⵇⵔⴰⵏⴻⵏ ⴷ ⵡⴰⵟⴰⵙ ⵏ ⵢⵉⵎⴷⴰⵏⴻⵏ (ⴷ ⵜⵉⵎⴻⵔⵡⵉⵏ ⵏ ⵢⵉⵙⴻⵖⵙⴰⵢⴻⵏ, ⵉⵎⵙⵓⵍⵜⴰ, ⵉⵎⵙⵓⵊⵊⵉⵢⴻⵏ, 5 ⵏ ⵜⵎⴻⵏⴹⴰⵢⵉⵏ, 5 ⵏ ⵢⵉⴽⴰⵎⵢⵓⵏⴻⵏ ⵏ ⵓⵙⵙⴻⵖⵙⵉ ⵏ ⵜⵎⴻⵙ ⴷ ⵢⵉⵡⴻⵏ ⵏ ⵓⴽⴰⵎⵢⵓⵏ ⵏ ⵓⵎⴻⵙⵏⵉ ⴰⵣⴻⴳⵔⵉⵔⴰⵏ) ⴰⵢ ⴷ-ⵢⵓⵙⴰⵏ ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⵎⴻⵊⵔⴰⵃ ⵢⴻⵔⵏⴰ ⴰⴷ ⴷ-ⵥⴻⵔⵔⴱⴻⵏ ⵜⴰⵎⴰ ⵏ ⵓⵅⴻⵚⵚⴰⵔ-ⴰ.

ⴷⴻⴳ ⵜⴰⵣⵡⴰⵔⴰ, ⵜⵉⴷⴷⵉⵜ ⵏ ⵓⵟⵔⴰⵎⵡⴰⵢ ⴷ ⵜⴽⴻⵕⵕⵓⵙⵉⵏ ⵜⴻⵃⴱⴻⵙ, ⵙⴰⴽⴽⵉⵏ ⵡⵡⴹⴻⵏ-ⴷ ⵢⵉⴼⴻⵔⴷⵉⵙⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴰⵢ ⵢⴻⴱⴷⴰⵏ ⵙⵙⴰⵡⴰⴹⴻⵏ ⵉⵎⴻⵊⵔⴰⵃ, ⵙⵔⵓⵙⵓⵢⴻⵏ-ⵜⴻⵏ ⵖⴻⵔ ⵓⵎⴽⴰⵏ ⵏ ⵓⵎⵙⴻⴳⵔⴰⵡ ⴰⵢⴷⴻⴳ ⴰⵢ ⴱⴷⴰⵏ ⴰⴷⴰⵡⵉ ⵏ ⵢⵉⵎⴻⵊⵔⴰⵃ ⵓⵇⴱⴻⵍ ⵎⴰ ⵡⵡⵉⵏ ⵡⵉⴷ ⵢⴻⵏⴹⴻⵔⵔⴻⵏ ⵖⴻⵔ ⵓⵙⴱⵉⵟⴰⵔ ⴰⵙⴷⴰⵡⴰⵏ.

ⴷⴻⴳ ⵓⵎⴽⴰⵏ-ⵏⵏⵉ, ⵡⵉⴷ ⴰⵢ ⴷ-ⵉⴳⵔⴻⵏ ⵉⵎⴰⵏ-ⵏⵙⴻⵏ ⴳⴰⵏ ⴰⵟⴰⵙ ⵏ ⵍⴻⵛⵖⴰⵍ ⵢⴻⵇⵇⵏⴻⵏ ⵖⴻⵔ ⵓⵙⵙⵓⴽⴽⴻⵙ, ⵢⴻⵔⵏⴰ ⵢⴻⵍⵍⴰ-ⴷ ⵛⵛⵖⴻⵍ-ⴰ ⵉ ⵓⵃⴻⵣⵣⴻⴱ ⵎⴳⴰⵍ ⵢⵉⵙⴻⵀⵡⴰ ⴰⵢ ⵉⵣⴻⵎⵔⴻⵏ ⴰⴷ ⴷ-ⴹⵔⵓⵏ ⴷⴻⴳ ⵓⴱⵔⵉⴷ ⵏ ⵓⵟⵔⴰⵎⵡⴰⵢ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴻⵙ ⵏⵧⵓⵔⴻⴷⴷⵉⵏⴻ ⵜⴰⴼⴻⵔ, ⵢⴻⵍⵍⴰⵏ ⴷ ⴰⴼⴻⵙⵢⴰⵏ ⴷⴻⴳ ⵜⵎⴻⵀⵍⴰ ⵏ ⵓⵃⵓⴷⴷⵓ ⴰⵖⴰⵔⵉⵎ ⵏ ⵜⵡⵉⵍⴰⵢⵜ ⵏ ⵇⵙⴻⵏⵟⵉⵏⴰ.

ⴰⵄⴻⵢⵢⴻⵏ ⵖⴻⴼ ⵓⵙⴻⵀⵡⵓ-ⴰ ⵢⴻⵍⵍⴰ-ⴷ ⵖⴻⴼ ⵜⵉⵣⵉ ⵏ 11ⵙ00 ⵏ ⵢⵉⴹ, ⵙⴰⴽⴽⵉⵏ, ⵖⴻⴼ ⵜⵉⵣⵉ ⵏ 12ⵙ00 ⵏ ⵢⵉⴹ, ⵜⵜⵡⴰⴽⴽⵙⴻⵏ ⴰⴽⴽ ⵢⵉⵎⴻⵊⵔⴰⵃ ⵙⴻⴳ ⵓⵎⴽⴰⵏ-ⵏⵏⵉ, ⵢⴻⵔⵏⴰ ⵜⵜⵡⴰⴽⴽⵙⴻⵏ ⵢⵉⴼⴰⴳⵓⵜⴻⵏ ⴷ ⵍⴽⴰⵕ-ⵏⵏⵉ ⵢⴻⵔⵔⵥⴻⵏ ⴰⴽⴽⴻⵏ ⴰⴷ ⵉⵙⴻⵔⵔⴻⵃ ⵓⴱⵔⵉⴷ.

ⴰⵄⵔⴰⴹ-ⴰ ⵏ ⵓⵙⴻⵀⵡⵓ-ⴰ ⵃⴻⴷⵕⴻⵏ ⴷⴻⴳ-ⵙ ⴷⴰⵖ ⵢⵉⴼⴻⵔⴷⵉⵙⴻⵏ ⵏ ⵜⴻⵎⵙⵓⵍⵜⴰ ⵜⵓⵙⵙⵏⴰⵏⵜ ⴷ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⴰⵖ ⴽⵔⴰ ⵏ ⵍⵖⴰⵛⵉ ⴰⵢ ⵢⴻⴱⵖⴰⵏ ⴰⴷ ⵥⵔⴻⵏ ⴰⵢⴰ. ⴰⵍⴰⵖⵎⵓ-ⴰ ⵓⵉⴷⴻⴼ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵓⵖⴻⵍⵍⴻⵜ ⵏ ⵓⵟⵔⴰⵎⵡⴰⵢ ⵢⴻⵔⵏⴰ ⵉⵙⵡⵉ-ⵏⵏⴻⵙ ⴷ ⴰⵇⴻⵢⵢⴻⵎ ⵏ ⵢⵉⵖⴰⵡⴰⵙⴻⵏ ⵏ ⵜⴳⴻⵔⵎⴰⵏⵜ ⴷ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵥⵔⴻⵏ ⴷ ⴰⵛⵓ ⴰⵔⴰ ⵉⵍⵉⵏ ⵉⵅⵓⵚⵚ ⴷⴻⴳ-ⵙⴻⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⵔⴻⵏ ⵏ ⵙⴻⵜⵔⴰⵎ.