ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵏⴻⵣⴷⵓⵖⵜ ⵏ ⵍⵙⵒ: ⴽⵔⴰ ⵏ ⵎⴻⴷⴷⴻⵏ ⴹⴹⴼⴻⵏ-ⴷ ⵜⴰⵏⴻⵣⴷⵓⵖⵜ-ⵏⵙⴻⵏ ⵓⴳⴰⵔ ⵏ 10 ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵡⴰⵙⵎⵉ ⴰⵢ ⵎⵎⴻⵕⴽⴰⵏ ⴷⴻⴳ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ
ⵍⴷⵣⴰⵢⴻⵔ -2031 ⵏ ⵜⵡⴰⵛⵓⵍⵉⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵏⴻⵣⴷⵓⵖⵜ ⵜⴰⵏⵎⴻⵜⵜⵉⵜ-ⵜⴰⵜⵜⴻⴽⴽⴰⵏⵜ (ⵍⵙⵒ) ⵢⴻⵔⵏⴰ ⴹⴹⴼⴻⵏ-ⴷ ⵜⵉⵙⵓⵔⴰ ⵏ ⵢⵉⵅⵅⴰⵎⴻⵏ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ. ⵜⵉⵡⴰⵛⵓⵍⵉⵏ-ⴰ ⵍⵍⴰⵏⵜ ⵣⴻⴷⵖⴻⵏⵜ ⴷⴻⴳ ⵜⵖⵉⵡⴰⵏⵉⵏ ⵏ ⵄⵉⵏ ⵍⴱⴻⵏⵢⴰⵏ, ⴰⵙⴰⴽⴰ ⵏ ⵇⵙⴻⵏⵟⵉⵏⴰ ⴷ ⴷⵕⴰⵕⵢⴰ.
« ⵙⵙⵓⵜⵓⵔⴻⵖ ⵙⵙⵎⴰⵃ ⵙⴻⴳ ⵡⵉⴷ ⵢⴻⵎⵎⴻⵕⴽⴰⵏ ⵢⴻⵔⵏⴰ ⵜⵜⵕⴰⵊⵓⵏ ⵜⴰⵏⴻⵣⴷⵓⵖⵜ-ⵏⵙⴻⵏ ⵓⴳⴰⵔ ⵏ 12 ⵏ ⵢⵉⵙⴻⴳⴳⴰⵙⴻⵏ ⴰⵢⴰ. ⴰⵀⵉⵍ ⵏ ⵍⵙⵒ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵃⴱⴻⵙ ⴽⵔⴰ ⵏ ⵡⴰⴽⵓⴷ ⵢⴻⵔⵏⴰ ⵉⵄⴻⴹⴹⴻⵍ ⴰⵟⴰⵙ ⴰⴽⴽⴻⵏ ⴰⴷ ⴷ-ⵢⴻⵡⵊⴻⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵡⴰⵍⵉ ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴰⵢ ⵢⴻⵙⵙⴻⵍⵡⵉⵏ ⵜⴰⴼⴰⴳⵍⴰ ⵏ ⵜⵓⴽⵛⵉ ⵏ ⵜⵙⵓⵔⴰ ⴷⴻⴳ ⵜⵇⵓⴱⴱⴻⵜ ⵏ ⵓⵙⵓⴷⴷⵉⵙ ⵓⵍⵉⵎⵒⵉ ⵏ ⵎⵧⵀⴰⵎⴻⴷ ⴱⵧⵓⴷⵉⴰⴼ.
ⵎⴰ ⵜⵉⵡⴰⵛⵓⵍⵉⵏ ⵏⵉⴹⴻⵏ ⴰⵢ ⵢⴻⵎⵎⴻⵕⴽⴰⵏ ⵢⴻⵔⵏⴰ ⵎⴰⵣⴰⵍ ⵜⵜⵕⴰⵊⵓⵏⵜ ⵜⴰⵏⴻⵣⴷⵓⵖⵜ, ⵎⴰⵙⵙ ⵣⵧⵓⴽⵀ ⵉⵕⴻⴳⴳⴻⵎ-ⴰⵙⴻⵏⵜ ⴰⴷ ⴰⵙⴻⵏⵜ-ⵢⴻⴼⵔⴻⵇ ⵜⵉⵏⴻⵣⴷⵓⵖⵉⵏ-ⵏⵙⴻⵏⵜ ⵛⵡⵉⵟ, ⵛⵡⵉⵟ, ⵙⴻⴳ ⵢⵉⵎⵉⵔ-ⴰ ⵖⴻⵔ 2016, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵜⴽⴻⴱⴱⴰⵏⵉⵢⵉⵏ ⴰⵢ ⵉⴱⴻⵏⵏⵓⵏ ⵜⴰⵏⴻⵣⴷⵓⵖⵜ ⴰⴽⴽⴻⵏ ⴰⴷ ⵖⵉⵡⵍⴻⵏⵜ ⴷⴻⴳ ⵢⵉⵅⴻⴷⴷⵉⵎⴻⵏ-ⵏⵙⴻⵏⵜ ⵏ ⵍⴻⴱⵏⵉ ⴰⴽⴽⴻⵏ ⴰⴷ ⴷ-ⵙⵡⴻⵊⴷⴻⵏⵜ ⵜⵉⵏⴻⵣⴷⵓⵖⵉⵏ-ⴰ ⵖⴻⴼ ⵣⵉⴽ ⵍⵃⴰⵍ.
ⴰⵀⵉⵍ ⵏ ⵍⵙⵒ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ ⴷ ⵡⵉⵏ ⴰⵢⴷⴻⴳ ⵍⵍⴰⵏ 42.248 ⵏ ⵜⵏⴻⵣⴷⵓⵖⵉⵏ, ⴳⴰⵔ-ⴰⵙⴻⵏ 11.709 ⵜⵜⵡⴰⴼⴻⵔⵇⴻⵏ ⴷⴻⴳ ⵜⴳⴰⵔⴰ ⵏ 2014, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ ⴰⵢ ⴷ-ⵜⴻⴼⴽⴰ ⵜⵎⴻⵀⵍⴰ ⵏ ⵜⵏⴻⵣⴷⵓⵖⵜ ⵏ ⵜⵡⵉⵍⴰⵢⵜ ⴰⵢ ⵉⵕⴻⴳⴳⵎⴻⵏ ⴰⴷ ⵜⴻⵔⵏⵓ ⴰⴷ ⵜⴻⴼⵔⴻⵇ 11.884 ⵏ ⵜⵏⴻⵣⴷⵓⵖⵉⵏ ⴷⴻⴳ 2015 ⴷ 15.304 ⴷⴻⴳ 2016.
ⵏⵏⵉⴳ ⵡⴰⵢⴰ, ⵜⴻⵏⵏⴰ-ⴷ ⵜⵎⴻⵀⵍⴰ-ⴰ ⴷⴰⴽⴽⴻⵏ ⵡⴻⵔⵄⴰⴷ ⵓⵔ ⴷ-ⴱⴷⵉⵏ ⴰⵔⴰ ⵢⵉⵛⴰⵏⵟⵉⵢⴻⵏ ⵏ ⵍⴻⴱⵏⵉ ⵏ 3351 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ (8% ⵙⴻⴳ ⵡⴰⵀⵉⵍ-ⴰ).
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙⴻⴳ ⴳⴰⵔ 11.884 ⵏ ⵜⵏⴻⵣⴷⵓⵖⵉⵏ ⴰⵢ ⴷ-ⵕⴻⴳⴳⵎⴻⵏ ⵉ 2015, ⴰⵍⴰ 2031 ⴰⵢ ⵢⴻⵜⵜⵡⴰⴼⴻⵔⵇⴻⵏ ⵖⴻⴼ ⵜⵡⴰⵛⵓⵍⵉⵏ ⵜⵉⵎⵙⵓⵜⵔⵉⵏ.
« ⴰⴷ ⵏⴻⴳ ⴰⴽⴽ ⴰⵢⴻⵏ ⵓⵎⵉ ⵏⴻⵣⵎⴻⵔ ⴰⴽⴽⴻⵏ ⴰⴷ ⵏⴻⴼⵔⴻⵇ 9.000 ⵏ ⵜⵏⴻⵣⴷⵓⵖⵉⵏ-ⵏⵏⵉ ⴰⵢ ⴷ-ⵢⴻⵇⵇⵉⵎⴻⵏ ⵙⴻⴳ ⵢⵉⵎⵉⵔ-ⴰ ⵖⴻⵔ ⵜⴳⴰⵔⴰ ⵏ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵣⵧⵓⴽⵀ.
ⴰⵡⵊⴰⴷ ⵏ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵏ ⵍⵙⵒ ⵢⴻⵡⵡⴻⴹ ⵖⴻⵔ 50%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵡⴰⵍⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵜⴻⵄⵕⴻⴼ ⴷⴰⴽⴽⴻⵏ ⵡⴻⵔⵄⴰⴷ ⵓⵔ ⴷ-ⵓⴼⵉⵏ ⴰⵔⴰ ⴰⵎⴽⴰⵏ ⴰⵢⴷⴻⴳ ⴰⵔⴰ ⴱⵏⵓⵏ ⴽⵔⴰ ⵏ ⵜⵏⴻⵣⴷⵓⵖⵉⵏ ⵙⴻⴳ ⵚⵚⴻⵏⴼ-ⴰ.
ⴰⵟⴰⵙ ⵙⴻⴳ ⵡⵉⴷ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵏⴻⵣⴷⵓⵖⵉⵏ-ⴰ ⵎⵎⴻⵕⴽⴰⵏ ⴷⴻⴳ 2000. « ⵍⵍⵉⵖ ⵡⴻⵔⵄⴰⴷ ⵓⵔ ⵣⵡⵉⵊⴻⵖ ⴰⵔⴰ ⴷⴻⴳ 2000, ⴰⵙⵎⵉ ⴰⵢ ⵙⵙⴻⵔⵙⴻⵖ ⴰⴽⴰⵔⴰⵎ-ⵉⵏⵓ ⵏ ⵜⵏⴻⵣⴷⵓⵖⵜ ⵏ ⵍⵙⵒ. ⵙⴻⴳ ⵡⴰⵙⵙ-ⵏⵏⵉ ⵖⴻⵔ ⵡⴰⵙⵙ-ⴰ, ⵣⴻⵡⵊⴻⵖ ⵢⴻⵔⵏⴰ ⵙⵄⵉⵖ ⵜⴰⵇⵛⵉⵛⵜ ⴰⵢ ⵍⴰ ⵢⴻⵇⵇⴰⵔⴻⵏ ⴷⴻⴳ ⵓⵖⴻⵔⴱⴰⵣ ⴰⵍⴻⵎⵎⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⵎⴻⵟⵟⵓⵜ ⵎⵉ ⵜⴻⴹⴹⴻⴼ ⵜⵉⵙⵓⵔⴰ ⵏ ⵓⵅⵅⴰⵎ-ⵏⵏⴻⵙ.
