Asebter amenzawi

Imseḍru adzayri Benamar Bakhti yewweḍ leɛfu n Ṛebbi

LezZAYER – Imseḍru adzayri Benamar Bakhti yewweḍ leɛfu n Ṛebbi deg yiḍ n ttlata ɣer laṛebɛa deg Ldzayer Tamaneɣt. Ssebba n tmettant-nnes d yiwen n waḍḍan ay yuḍen acḥal aya, ɣef wakken ay aɣ-d-xebbren seg tmehla n Tnarit taɣelnawt n yizerfan n umeskar d yizerfan ay ten-icuban (ONDA).

Benamar Bakhti ilul deg Tlemsan deg 1941, yezrew deg Tsudut n tezrawin tunnigin n ssinima deg Paris (Idhec), sakkin yexdem d amalal n tliẓri deg Fṛansa ɣer yidis n yimseḍra ifṛensisen am Claude Lelouch d Jean-Paul Sassy.

Mi d-yeqqel ɣer Ldzayer, Benamar Bakhti yesseḍra-d isura n tliẓri i tkebbanit n RTA (Ṛṛadyu d Tliẓri n Ldzayer), am wakken ay d-iga isura ɣezzifen mechuṛen am « Ccix Bouamama » (1983), d asaru amezruyan, d « Uṭaksi uffir » (Le Clandestin, 1991), d asaru n taḍsa. Asegbar Athman Airouet yurar-d ledwaṛ imenza deg yisura-a deg sin.

Ameṛḥum ad yettwamḍel ass n lexmis tameddit deg tmeqbert n Lɛalya, deg Ldzayer Tamaneɣt.