Asebter amenzawi

Lezzayer-Turupt yedduklen (UE) amtawa n umsegzi i tsemmeskelt n teɣdemt d usget n tigawin yemgaraden deg tdamsa

BRUKSAL – Ad stenyin Lezzayer d Turupt yedduklen, ass n lexmis deg Bruksal, yiwen umtawa akataran n usidrem n wazal n 140 imelyunen n turuwin akken ad sidermen isenfaren deg uḥric n teɣdemt d usemhel d uɛiwen n usget n tigawin yemgaraden deg tdamsa.

Ad stenyin amtawa-a i lmend n temlilit n yal aseggas tis 9 n Useqqamu n ticcurka n Lezzayer-Turupt yedduklen (UE) ara sselwin, ass n lexmis, uneɣlaf n uwanek, aneɣlaf n tɣasiwin n beṛṛa d umedhel agraɣlan, Mass Ramtane Lamamra, d unmazun unnig n Turupt yedduklen (UE) i tɣawsiwin n beṛṛa d tsertit n tɣellist, Federica Mogherini.

Semmant Akatar ayiwen n uɛiwen n usihel amaynut udrim Lezzayer-Turupt yedduklen (UE), amtawi-a n umsegzi yerzan iseggasen n 2014-2017, ad yessidrem abeɛda tigawin yettwaṛemsen deg ukatar n tsemmeskelt n teɣdemt d uttekki aɣerman, d usget adamsan d wulzuz n umahel d usnulfu n yimeḍqan n usemhel.

Azal n tikci-a tudrimt ad tessiweḍ ɣer ger 121 d 140 imelyunen n turutin, i aɣ-d-tenna tama tazzayrit.